Mehmet Beqiroviq – trajner i ri i Përfaqësueses së Sllovenisë

Spox — Tue, 22 Dec 2009 18:08:49 +0000

Federata e Basketbollit e Sllovenisë ka emëruar të hënën 48-vjeçarin, Mehmet Beqiroviqin për seleksionues të ri të Përfaqësues së Sllovenisë në basketboll.

Beqiroviqi, me prejardhje shqiptare, në këtë funksion e zëvendëson seleksionuesin e deritashëm, legjendën e basketbollit ish-jugosllav, Juri Zdovc, i cili me përfaqësuesen sllovene në kampionatin e sivjetëm Evropian në Poloni zuri vendin e katërt.

Beqiroviq në vitin 2007 udhëhoqi skuadrën e Helios Domzhalle ku fitoi dy titujtët në Slloveni, titullin e kampionit dhe Kupën e Sllovenisë. Për një kohë të shkurtë ai drejtoi edhe Olimpinë e Lubjanës dhe pastaj edhe skuadrën ukrainase të Azovmash nga Maripulji.

Para se të emërohet seleksionues i Sllovenisë, ka drejtuar edhe skuadrën e Ostendes në Kampionatin e Ligës së parë të Belgjikës. Beqiroviq po ashtu ka udhëhequr edhe seleksionin e Sllovenisë deri në 18 vjetë dhe 20 vjetë, të basketbollistëve të rinj.

A.D.

Tone shpresëdhënese për futbollin e Kosovës

Spox — Fri, 18 Dec 2009 16:01:26 +0000

Në Shtëpinë e Sporteve në Prishtinë, kryetari i FFK-së z. Fadil Vokrri, bashkë me bashkëpunëtorë e ku ishte i pranishëm edhe përfaqësuesi i Raiffeisen Bank z. Asdren Rrahmani ka mbajtur një takim me përfaqësuesit te mediave. Kryetari i FFK-së, Fadil Vokrri foli për të arriturat gjatë vitit 2009 dhe sipas tij garat e sivjetme kishin një rrjedhë normale dh një gjë të tillë e kanë vlerësuar, mediat dhe opinioni gjerë. por kjo nuk do të thotë që jemi të vetëkënaqur përkundrazi ne bashkërisht do të vazhdojmë të punojmë edhe më shumë sepse gjithmonë ka vend për përmirësime. Ndërkaq, në rrafshin ndërkombëtar kryetari Fadil Vokrri ka vënë në spikamë takimet në selinë e FIFA-s e veçmas ka folur në dritën e shkresë së fundit që FIFA i ka dërguar FFK-së, se për futbollin e Kosovës është biseduar në mbledhjen e KE të FIFA në Kejptaun e në të cilën askush nuk ka shfaqur rezerva dhe pengesa ndaj shqyrtimit të kërkesave të FFK-së dhe një vendim i drejtë do të merret në një të ardhme të afërt. Po ashtu në këtë konferencë shtypi, z. Vokrri ka falënderuar mediat për një bashkëpunim jashtëzakonisht të mirë duke besuar dhe shpresuar se edhe në vitin që vjen do të ketë një bashkëpunim gjithnjë e më të mirë në kuadër të zhvillimit dhe të përparimit të futbollit të Kosovës. Kryetari Vokrri, ka falënderuar edhe sponsorin “Raifeissen Bank” për përkrahje dhe mbështetje të vazhdueshme. Në këtë drejtim përfaqësuesi i “Raiffeisen Bank” z. Asdren Rrahmani, ka konfirmuar se kjo Bankë tashmë ka arritur një bashkëpunim jashtëzakonisht të mirë dyvjeçar dhe kjo do të vazhdojë edhe me tutje, sepse, sipas tij, me punën e vet FFK ka treguar një partneritet shumë të mirë, u tha ndër të tjera në këtë konferencë shtypi.

Fotografitë/ Gani Kosumi

Albaspox sporti shqiptar » Euro Basket

Mehmet Beqiroviq – trajner i ri i Përfaqësueses së Sllovenisë

Tone shpresëdhënese për futbollin e Kosovës