Ministri i Sportit në dorëheqje ; Orlando Silva

Ish Ministri i Sportit në Brazil, Orlando Silva (foto) dyshohet se ka shpërdoruar 23 milion dollar amerikan. Po ashtu Presidenti i Federates se Futbollit te Brazilit është nën hetime për afera korruptive.

Korrupsioni në Brazil është duke i hedhur hije të keqe përgatitjeve për Kampionatin Botëror  të futbollt dhe Olimpiadës në Rio de Janeiro 2016.

Një ditë pas dorëheqjes së Ministrit te Sportit – Orlando Silva, i ngarkuar i qeverisë për këto dy evenimente të rëndësishme botërore, gazeta braziliane “Veja”, raporton se ky , tashmë ish Ministeri i Sportit në Brazil, dyshohet se ka shpërdoruar 23 milion dollar amerikan duke i derdhur ato në arkën e partisë së tij komuniste. Ato para kanë qenë të dedikuara për projekte të ndryshme për Botërorin 2014 në futboll dhe për Olimpiadën 2016.

Orlando Silva është Ministri i pestë që gjatë kohës së qeverisjes së Presidentit Dilma Rousseff duhej të jep dorëheqje për shkak të aferave korruptive. Si pasardhës i tij përmendet emri i një ish ministri të mëhershëm, Aldo Rebelo, i cili ka qenë shumë i zeshëm dhe kritik për shkak të korrupsionit në futbollin e Brazilit.

Edhe Presidenti i Federatës së futbollit në Brazil është në procedure hetimesh  nën dyshimin për afera të mëdha korruptive.

E.E.

Sporti shqiptar
Raiffeisen Superliga

Prognozuesi më i mirë i ndeshjeve të futbollit gjatë Kampionatit Botërorë “Afrika e Jugut 2010″, Oktapodi Paul ka pushuar së jetuari . Mediet përcjellin njoftimin se ka qenë proces i natyrshëm. Oktapodi ishte bërë i njohur në gjithë botën për prognozimet e tija të sakta gjatë Botërorit 2010.

Akuariumi “Sea Life” në Oberhausen të Gjermanisë ka njoftuar të martën në mëngjes se ka ngordhur oktapodi Paul. “Ka qenë një proces i natyrshëm” ka deklaruar menaxheri gjeneral Stefan Porwol ne një konference për shtyp.

Oktapodi Paul ishte bërë i njohur në gjithë botën gjatë Kampionatit Botërorë të futbollit në Afrikën e Jugut, sepse kishte prognozuar me sukses të gjitha ndeshjet e Gjermanisë. Përveç këtyre ndeshjeve, oktapodi kishte prognozuar edhe fituesin e finales së madhe në mes të Holandës dhe Spanjës. Ata qe i kanë besuar atij, paraprakisht e kanë ditur se Spanja do të bëhet kampion bote.

E.E. 

Sporti shqiptar
Raiffeisen Superliga

Reprezentuesit gjerman nuk do ta harrojnë lehtë ketë kampionat botërorë. Botërori pati një rrjedhë shumë të mirë sportive, por tani ai shpaguhet mirë edhe financiarisht për secilin pjesëmarrës.

Për pozitën e tretë në Kampionatin Botërorë “Afrika e Jugut 2010”, Federata e Futbollit Gjerman (DFB) kishte ndarë 100 000 euro premi për secilin futbollistë. Kështu kishin premtuar paraprakisht udhëheqësit e DFB-së.

Ndërsa gazeta Bild ka raportuar se çdo futbollistë ka inkasuar nga 360 000 euro ne total.

Si ka ardhë deri te kjo shumë ?

Të ardhurat tjera për secilin futbollistë (plus 260 000) janë nga të hyrat e marketingut gjatë Kampionatit Botërorë. Aty llogaritet spot – reklama për birrën Bitburger, pastaj fotot e futbollistëve në produktet e Ferrero-së, kampanja “Ylli i katërtë “ për Mercedesin, si dhe libri i modës “Strenesse”.

Nga e gjithë kjo kampanjë e marketingut për secilin pjesëmarrës shtohen edhe nga 260 000 euro.

Fitimet e futbollistëve nga marketingu kanë qenë të njohura edhe më parë, por është kjo hera e parë që publikohen me suma ekzakte.

Ndërsa futbollistët e “pa fat” si Michael Ballack dhe Rene Adler që për shkak të lëndimeve nuk kanë mundur të marrin pjesë në botërorë, negociojnë suma tjera me DFB-në.

E.E. 

Sporti shqiptar
Raiffeisen Superliga

Top modelja e famshme nga Paraguai, Larissa Riquelme(foto 1) tifoze e këtij shteti gjatë Kampionatit Botërorë Afrika e Jugut 2010, ishte tifozja që pushtoj faqet e para  të gazetave botërore me fotot e saja. Larissa kishte premtuar se nëse Paraguait e fiton titullin e Botës, ajo do të pozoj nudo.

Larissa ka qenë ndër shumë tifoze të bukura që kishin mbushur faqet e gazetetave gjatë botërorit 2010. Ndërkohe ajo kishte premtuar se; nëse kombëtarja e Paraguait , për te cilën ajo bënte tifo, fiton titullin e Kampionit Botërorë , ajo do të pozoj nudo.

Por, edhe pse Paraguai nuk arriti më shumë se të tetën e finales, Larissa megjithatë ka bërë disa fotografi krejtësisht nudo, e shtrirë mbi flamurin e këtij shteti (foto 2).

Ndërkohë, merret vesh se Larissa  ka deklaruar se gjatë rrjedhës se Kampionatit, ka qenë portieri Iker Casillas, kapiten dhe fitues i kupës së Botës me Spanjën, që kishte bërë Larissen të dashurohet tmerrësisht në te.

Se si do të reagoj këtu reporterja sportive e televizionit spanjoll, Sara Carbonero, mund të parashikohet !  Ajo aktualisht është e dashura e portierit më të mirë, të zgjedhur të botërorit, Iker Casillas.

E.E.

Sporti shqiptar
Raiffeisen Superliga

Gëzime, festa të fitoreve, dëshpërime të tifozëve, humbës të dëshpëruar, super gola, gafe të pa parashikueshme,  futbollistë me stile të ndryshme , ndërhyrje të ashpra, starte brutale, reagime të trajnerëve, si dhe shumë e shumë motive tjera për fotografistët e shumtë që kanë përcjellur ketë eveniment botërorë – KBF Afrika e Jugut 2010.

Në vazhdim , portali i juaj informativ –sportiv , albaspox.com, u sjell disa nga këto fotografi të përzgjedhura. 

Foto 1: Pop diva e muzikës botërore, Shakira me hitin e saj “Waka-Waka” , në hapje dhe në përmbyllje të Botërorit “Afrika e Jugut” 2010.

 Foto 2 : Vuvuzelat e famshme afrikane e përcollën ketë Kampionat . Ishte bërë një debat i madh për to. Padyshim se ato do të mbesin simbol i Botërorit Afrika e Jugut 2010.

 Foto 3: Brenda apo jo ? Referët nuk e pranuan golin e Lampardit në ndeshjen Gjermania – Anglia 4:1

 Foto 4 : Këtu, turpi i refereve duket shumë kjartë, falë fotoografisë së nxjerrë nga ARD gjermane.

Foto 5:  David Beckham e kishte parë saktësisht se sa kishte kaluar topi vijën e portës. Kishte të drejtë, por kot.

 Foto 6 : Wayne Rooney është pritur të shkelqej në ketë Kampionat. Ai dështoj.

 Foto 7 : Bojkoti i futbollistëve francez. Skandal.

 Foto 8 : Selektori i Argjentinës, i famshmi, Diego Armando Maradona, në një shou të pazakonshëm skaj vijës anësore. 

 Foto 9 : Mertensacker i madh përqafon dy bashkëlojtaret e tij “të vegjel” Philipp Lahm e Piotr Trochowski.

 Foto 10 : Arkitekti i lojës ofanzive të Gjermanisë, selektori Johachim Lov në një stil karakteristik të gëzimit.

 Foto 11 : Top modelja Larissa Riquelme nga Paraguai ishte edhe TOP tifozja e faqeve të para të gazetave botërore. Ajo kishte premtuar se nëse Paraguai fiton titullin e Botës do të pozoj nudo.

 Foto 12 : Jeromi kundër Kevin – Dy vëllezërit Boating në kombëtare të ndryshme. Luajtën kundër njëri-tjetrit në ndeshjen Gjermania-Gana. 

 Foto 13 : Kjo dhemb vetëm kur ta shohësh foton. Aceres (Uruguai) kundër Zeeuw (Holandë). Brutale.

 Foto 14 : Pak para përfundimit të vazhdimeve Uruguai-Gana, Suarez mbron me dorë gol të sigurt. Gana huq penalltinë, Uruguai shkon tutje.

 Foto 15 : Festa pa kufi ! Ooijer i shplon prapanicën bashkëlojtarit të vet Robben, pas kualifikimit të Holandes për finale.

 Foto 16 : Brutale se jo mahi ! De Jong (Holandë) në stil “Kung-Fu” e nakauton Xavi Alonson e Spanjës në ndeshjen finale .

 Foto 17 : Capdevila i Spanjës do ta përqafonte gjithë globin pas triumfit të Spanjës në finale kundër Holandës 1:0.

 Foto 18 : Jimmy Jump deshti të jet fitues …para Spanjës,  i Kupës së Botës !!

 Foto 19 : Kështu puthi, live, kampioni Casillas gazetaren televizive të Spanjës gjatë intervistës. Sara është e dashura e portierit spanjoll. 

 Foto 20: Hit i prapaskenës së Botërorit 2010 ishte Oktapodi Paul. Ai kishte parashikuar fituesit në gjitha ndeshjeve të Gjermanisë si dhe finalen mes Holandës dhe Spanjës. Të gjitha 100% saktë.

 Foto 21 : Spanja KAMPION BOTE 2010 !

Përzgjodhi dhe komentet: E. EJUPI

Sporti shqiptar
Raiffeisen Superliga

“Fiesta” në Spanjë. “Furia e kuqe” pas asaj 1:0 kundër Holandës ne vazhdime, për here te para është KAMPION BOTE.

Gëzim i madh në kryeqytet Madrid, entuziazëm në Sevilla e Valencia, por edhe ne metropolin e Katalonisë – Barcelonë kanë festuar tifozët deri në orët e para të mëngjesit triumfin e “Seleccion Espanola”

Në anën tjeter atmosferë e vdekur në Holandë. Pas 1974 dhe 1978 , “portokallinjtë” humbin edhe finalen e tretë në botëror.

Në vazhdim portali i juaj informativ sportiv ; albaspox.com,  u sjell disa nga titujt e gazetave ndërkombëtare nga finalja Spanja kundër Holandës.

Daily Mail (Angli) : “ Më të mirët 1, më të bukurit 0. Spanja merr majën e Botës, duke mposhtur Holandën”.

Sport (Spanje) : “ Mbretërit e Botes! Madhështore, e pabesueshme, e paharrueshme…nuk mjaftojnë fjalët për ta përshkruar krejt atë çka ka prezantuar reprezentacioni.”

El Mundo (Spanje) : “ Nga këtu e ne përjetësi. Ishte kjo fitorja me e rëndësishme ne historinë e sportit spanjoll. Një ëndërr është bere realitet. Spanja është bere kampion bote me një seri te talenteve qe kane pushtuar majat e futbollit botërorë.”

Marca (Spanje) : “ Po e vërtet, ne jemi Kampion! Ne jemi mbretërit e Botes. Me një dhune turpëruese , Holanda ka tentuar ta ndaloj Spanjën qe nga fillimi dhe një refer jo profesional ketë e ka toleruar. Me ne fund nje gjenerate e super talenteve dhe e artisteve te fushës e ka kurorëzuar me sukses.”

AS (Spanje) : “ Nga Spanja ne qiell, ne parajsën e futbollit. Spanja ka dëshmuar se loja e bukur është rruga e shkurtër te suksesi. Holanda duhet te lesoj ketë leksion “

Trouw (Holandë) : “Holanda e argjendta, Spanja e arta. Festa qe kishte filluar neper qytete, fshatra përfundoj ne një dëshpërim të thellë”

Handelsblat (Holandë): Një gjeneratë e re e futbollisteve kanë bërë një emër, pro shija e disfatës do të na mbajë edhe një kohë të gjatë.”

Telegraaf (Holandë) : “ Luftuar si luaj-Heronjtë e Holandës dështojnë pas nej botërori fantastik. Disfata e ka një shije te hidhur sepse te golit te spanjolleve i parapriu nje pozite jashtë loje.”

O Globo (Brazil) : “ U tregua arti i futbollit. Goli i Iniestes ka qene me i rëndësishmi ne historinë e Spanjës. Holanda e ka tepruar me ashpërsi.”

Lence (Brazil) : “ Dita e “Furise” Ole, Spanja e merr titullin e  pare te botërorit.”

Ole (Argjentinë) : “ Ka fituar futbolli. Spanja është për here te pare kampion. Holanda ishte shume afër. Referi anglez ka lëshuar bukur shume, por spanjollet nuk lan te ndikohen.”

El Pais (Uruguai) : Spanja e preku qiellin me dorë. Me në fund një premtues i kamotshëm është bërë më i madhi.”

La Gazzeta dello Sport (Itali) :”Kampioni i Evropës është edhe Kampion i Botes. Ole Spanja, tani u takon te mëdhenjve. Iniesta nuk dëshpëron asnjëherë. Por ishte një finale e vrazhdë.”

Tuttosport (Itali) :”Spanja zgjeron CV e saj. Pas Evropës ajo pushton edhe Boten. Holanda pëson edhe disfatën e tretë në finale.”

Corriere dello Sport (Itali) :”Te kuqit e Spanjës për here te pare kampion Bote. Iniesta shënon golin historik.”

Basler Zeitung (Zvicër):” Viva Espanja”

Bild (Gjermani) :” Fiesta fale Iniesta. Spanja ne Feste kampioni. Ndërsa Oktapodi Paul përsëri e ka qëlluar. Çfarë finale ishte kjo e tmerrshme. Ishin 12 kartonë te verdhe dhe një karton i kuq.”

Përzgjodhi: E. Ejupi

Sporti shqiptar
Raiffeisen Superliga

Sara Carbonera , moderatoja e bukur e sportit, gjoja se e ka penguar bukur shumë portierin Iker Casilas në koncentrimin e tij në portë gjate gjithë botërorit në Afrikën e Jugut. Tani portieri i Spanjës, Iker Casillas i është përgjigjur kritikave të shumta në stil Kampioni.

Në transmetimin live , pas ndeshjes Holanda – Spanja 0:1, gazetarja e sporti, Sara Carbonera e ka intervistuar portierin e Spanjës, që njëkohësisht është edhe i dashuri i saj, Iker Casillas. Ai ka qenë tepër i emocionuar nga gëzimi, por përgjigjet në pyetje, duke deklaruar : ”Unë konsideroj se ne me meritë e kemi fituar ndeshjen dhe titullin e Botës. Dhe unë dua t’i falënderoj njerëzit e mi që gjithmonë më kanë përkrahur, prindërit e mi, vellaun,…”

Pastaj Casillasin e pushtojnë emocionet , zëri e lëshon dhe ai lëshon shikimin në tokë. Pas kësaj Sara Carbonero dëshiron që ta nderoj temën për ta shliruar sado pak nga emocionet të dashurin e saj. “ Mirë , atëherë flasim për lojën….” Por Casillas i ndihmoj më së miri vetes. Ai pa u hamendur më shumë , e ledhaton dhe e puthë të dashurën e tij para kamerave –live. Si një kampion i vërtetë !

E.E.

Sporti shqiptar
Raiffeisen Superliga

Diego Forlan, nga përfaqësuesit e medieve, është zgjedhur  futbollisti më i mirë i Botërorit. Portieri më i mirë i KBF “Afrika e Jugut 2010” është zgjedhur spanjolli, Iker Casillas.

Thomas Muller është zgjedhur Futbollisit më i mirë – Junior, ndërsa golashënuesit më të mirë të  Kampionatit të 19 Botërorë të futbollit kanë qenë : Sneijder (Holandë), Villa (Spanjë), Muller (Gjermani) dhe Forlan (Uruguai).

Sulmuesi i Uruguait, Diego Forlan merr “Topin e Artë” si futbollisti më i mirë i turnirit për kampion Bote. Sulmuesi nga Atletico Madrid, është  zgjedhur nga votimet e përfaqësuesve të medieve,  para holandezit Wesli Sneijder dhe spanjollit David Villa.

Forlan, i cili, pas disfatës nga Gjermania(2:3), me kombëtaren e tij u plasuan të katërtit në KBF 2010, ka fituar 23.4 % të votave. Për Sneijderin kanë qenë 21.8% .

Portieri më i mirë i Kampionatit Botërore është zgjedhur Iker Casillas i Spanjës. Ai fiton “Dorezën e Artë”

Në ndeshjen finale, portieri nga Real Madridi kishte mbrojtur dy raste para sulmuesit Robben dhe kështu i kishte mundësuar Spanjës që të stoliset me titullin – Kampion Bote.

Futbollisti i ri i Gjermanisë, Thomas Muller është zgjedhur si futbollisti më i mirë-Junior i turneut.

Për Mullerin ky nuk ishte titulli i vetëm iketije kampionati (i parin për te). 

Muller së bashku me Wesley Sneijder (Holandë) , David Villa (Spanjë) dhe Diego Forlan (Uruguai) , kanë fituar edhe epitetin e golashënuesit më të mirë të kampionatit botërorë, të gjithë me nga 5 gola të shënuara. Futbollistët që arrijnë ketë titull, Fifa i nderon me shpërblimin “Këpuca e Artë” . 

E.Ejupi

Sporti shqiptar
Raiffeisen Superliga

Spanja për herë të parë bëhet kampion Bote, fal golit vendimtar të Andres Iniesta në minutën 116 të vazhdimeve. Ndeshja finale Holandë-Spanjë, në kohë të rregullt përfundoi baras 0:0.

Kupa e Artë për ”furinë e kuqe”. Reprezentacioni kombëtar i Spanjës ka shënuar një pjesë historie. Kampioni Evropian u kurorëzua edhe me titullin e Kampionit Botërorë, pas fitores 0:1, në vazhdime, ndaj Holandës. Kështu Spanja për herë të parë ka fituar titullin kampion bote, dhe është kombëtarja e parë nga Evropa që bëhet kampione në një kontinent jashtë Evropës.

Në anën tjetër për Holandën titulli kampion bote mbetet akoma një sfide e pa realizuar. “Tulipanët” për herë të tretë dështojnë në ketë triumf sikur edhe në vitet 1974 dhe 1978.

Ishte Andres Iniesta që në minutën 116, të vazhdimeve, para Mbretereshës Sofia dhe para Princeshes Letizia dhe Princit Filipe , u bë hero i ri i oborrit mbretëror.

Në ora 23:17 kapiteni Casillas pranoi Kupën e Botës nga Presidenti i Afrikës së Jugut Jacob Zuma dhe Presidenti i Fifa-se, Sepp Blatter.

Gëzimi i spanjollëve nuk njihte kufi pastaj.

HOLANDA – SPANJA 0:1 (0:0)

0:1  Iniesta 116’

Stadiumi : Soccer City, Johannesburg.

Shikues: 84 490 .

Referi:  Webb (Ang).

HOLANDA: Stekelenburg; Van der Wiel, Heitinga, Mathijsen, Van Bronckhorst (105. Braafheid); Van Bommel, De Jong (99. Van der Vaart); Robben, Sneijder, Kuyt (71. Elia); Van Persie.

SPANJA: Casillas; Sergio Ramos, Pique, Puyol, Capdevila; Busquets, Xabi Alonso (87. Fabregas); Pedro (60. Navas), Xavi, Iniesta; Villa (106. Torres).

E.E.

Sporti shqiptar
Raiffeisen Superliga

Do të jetë kjo finalja e shtatë që do të përballen skuadra evropiane ndërmjet vete, ndërsa finalja e parë që do të mungoj njëra nga “katërshja e madhe”, si Italia, Brazili, Argjentina dhe Gjermania. Nëse sonte Holanda do të festojë, do të jetë reprezentacioni i pestë që në KB do ta fitoj titullin me sukses të qindpërqindtë me të gjitha fitore në turnir (këtë e kanë arritur edhe Uruguai me 1930, Italia 1938 dhe Brazili me 1970 dhe 2002). Edhe në një gjë Holanda mund t’i bashkohet Brazilit nëse do të fitoj sonte, do të bëhej skuadra e dytë në histori e cila kualifikimet për botëror i ka mbyllur me të gjitha fitore dhe pastaj e ka fituar kampionatin. Në 25 ndeshjet e fundit Holanda nuk di për humbje dhe në ndeshjen e fundit në botëror që janë mposhtur ka qenë humbja nga Kroacia për vendin e tretë në Francë më 1998 (1:2)

Spanja është kampionia e parë e Evropiane që pas Gjermanisë (1982) që do të luaj edhe në finale të Botërorit dhe janë skuadra e 12-të që luajnë në finale të botërorit. Nëse Spanja do të shpallet kampione, mesiguri do të jenë skuadra që më së pakti iu kanë dashur gola të shënuar. Deri më tani kanë shënuar vetëm shtatë gola dhe së paku i duhen edhe katër gola tjerë që të barazohen me Italinë nga viti 1938, Anglinë me 1966 dhe Brazilin e vitit 1994. Detaji tjetër interesant rreth spanjollëve është se statistikat precize na tregojnë që Xavi, truri i skuadrës së Spanjës, mesfushori i Barcelonës, ka krijuar 25 raste në këtë turnir, tetë më shumë se sa shoku i skuadrës dhe gjithsejtë nga tetë ndeshjet e luajtura ka dhënë 509 pasime të sakta të topit. Vetëm Dunga kishte më shumë në KB 1994.

Holanda e vetmja me sukses të qindpërqindtë në botëror

Holanda është reprezentacioni i vetëm që në këtë kampionat ka arritur që nga gjashtë ndeshje t’i fitoj të gjitha. Ndërsa Spanja filloi kampionatin në mënyrë shokuese me Zvicrën ndërsa në pesë ndeshjet e radhës ia dolën që të gjitha t’i fitojnë ndërsa vetëm Kili ia kishte dalë t’iu shënonte gol. Ndërsa, përveç humbjes me Zvicrën (0:1), dhe fitores ndaj Hondurasit (2:0) dhe pranimit të golit nga Kili (2:1), të gjitha ndeshjet tjera në fazën nokautuese i ka fituar me rezultat identik 1:0.

Reprezentacioni që ka humbur ndeshjen e parë asnjëherë nuk është shpallur kampion

Holandezët sonte e kërkojnë titullin nga rasti i tretë i tyre të luajtur në finale. Në dy finalet tjera të zhvilluara deri më tani janë mposhtur nga organizatorët vendas të kampionatit, Gjermanisë 2:1 (1974) dhe Argjentinës 3:2 (1978). Për Spanjën kjo është finalja e parë në histori të botërorëve, ndërsa plasmani më i mirë i tyre ishte nga viti 1950 në Brazil kur ishin renditur si të katërtit, por atëherë organizimi i turnirit ishte krejtësisht ndryshe nga tani. Të gjithë adhuruesit e futbollit pajtohen që humbja ndaj Zvicrës spanjollët i kishte bërë më të fortë dhe i kishte bërë të prekin me këmbë në tokë, por duhet përmendur faktin që kurrë në histori të botërorit reprezentacioni i cili ka humbur ndeshjen e parë nuk është shpallur kampione dhe Gjermania me 1982, Argjentina me 1990 dhe Italia me 1994 ishin ndalur në finale pas humbjes së ndeshjes së parë.

Në dallim nga ndeshja me Uruguain, Holanda sonte do të jetë me e kompletuar, pasi që do të kthehen në fushën e gjelbër pas suspendimeve, Gregory van der Wiel dhe Nigel de Jong ndërsa do të jenë të kompletuar edhe pas shërimit të lëndimeve të vogla të portierit Stekelenburg dhe Sneijder. Ndërsa, përzgjedhësi spanjoll, Vicente del Bosque në kokën e tij ka vetëm një “problem”, se kë ta fus në ndeshje në përbërjen e parë, me Pedro-n apo Fernando Torres-in, por nuk do të ishte befasi nëse ndeshjen do ta fillonte edhe me David Silva-n i cili para fillimit të kampionatit ishte i padiskutueshëm në formacionin startues.

Përbërjet e mundshme:

Holanda: Stekelenburg, Van der Wiel, Heitinga, Mathijsen, Van Bronckhorst, Van Bommel, De Jong, Robben, Sneijder, Kuyt, Van Persie

Spanja: Casillas, Ramos, Puyol, Pique, Capdevilla, Busquets, Xabi Alonso, Xavi, Iniesta, Pedro, Villa

A. Durmishi

Sporti shqiptar
Raiffeisen Superliga