Goli i Didier Drogbas zhvleftësoi dominimin e Barcës në “Stamford Bridge” dhe i dha fitoren Chelsea të drejtuar nga Di Matteo. 1-0 në favor të anglezëve përfundoi gjysëmfinalja e parë mes këtyre dy skuadrave, fitorja e 6 kjo për londinezët në fushën e vet dhe humbja e parë në transfertë gjatë këtij sezoni në Champions për katalanasit e Pep Guardiolës.

Rasti i parë i rrezikshëm ishte ai i minutës së 9’, por përpjekjet Aleksis Sanchez u ndalën nga transversa. Katalanasit me pasimet e tyre të shkurta dhe të sakta mbajtën londinezët të bllokuar në gjysëmfushën e tyre.

“Maestro” Messi nxjerr dy herë para portës Fabregas dhe Iniestën, por Petr Ceh ishte i pakalaueshëm duke mos lejuar që gjuatjet e tyre të përfundonin në rrjetë.

Në minutat shtesë të pjesës së parë një kundërsulm i shpejtë i londinezëve gjen të papërgatitur mbrojtjen spanjolle. Drogba kaloi Chelsean në avantazh, goli i katërt për të këtë sezon në Ligën e Kampioneve.

Edhe pjesa e dytë ishte pasqyrë e të parës, Barca sulmon ndërkohë që Chelsea mbrohet dhe kërkon të shënojnë me kundërsulm. Katalanasit rrezikojnë, por as Sanchez, as Puyol nuk arrijnë të shënojnë. Në fund shtylla ndihmoi Chelsean pasi nuk lejoi që gjutja e Pedros të përfundojë në rrjetë.

Pas një jave Barçës do t’i duhen të shënojë dy gola për të kaluar në finale, por në fillim do të luajë “El Clasico”-n, për të cilën ka vetëm 2 ditë kohë në dispozicion./top-chanell

Sporti shqiptar
Raiffeisen Superliga

Sfida e dyfishtë me marsejezët ishte një film me metrazh të shkurtër për bavarezët, që fundin e këtyre 180 minutave e kishin bërë të ditur që në fundin e sfidës së parë në “Velodrome”.

E vetmja surprizë ishte rikthimi te goli i Ivica Olic, që kur ndjen aromën e Championsit duket se tërbohet. Sulmuesi kroat shënoi një dygolësh në pjesën e parë në një ndeshje të dominuar nga vendasit duke i vënë vulën kualifikimit të gjermanëve me objektivin e radhës, të nxjerrë jashtë Realin e Jose Mourinhos.

Sporti shqiptar
Raiffeisen Superliga

94 mijë zëra iu përgjigjën thirrjes së Guardiolës, gjatë konferencës për shtyp, për të shtyrë përpara ngjyrat blaugrana në fushë ndaj një Milani që nuk dorëzohet kurrë.

Publiku në minutat e para luan një rol të rëndësishëm, sepse kuqezinjtë duket paksa të ndrojtur përballë një Barcelone që nuk pret asnjë minutë për të treguar se ka vetëm një filozofi loje, qarkullim topi, sulm dhe sërish sulm. Messi për më tepër u shfaq në një mbrëmjë të shkëlqyer pavarsisht se krijoi dhe më pas “shkatërroi” po vetë dy mundësi të mira për gol. Gjithsesi era e golit filloi të fryjë në portën e Milanit, për ta tundur përfundimisht atë me Messin, që vetë fiton një 11-metërsh dhe po vetë shënon.

Milani u shfaq i dorëzuar, por ndaj një skuadre italiane është më mirë të mos flesh kurrë mbi “dafina” dhe mbrojtja e Barçës këtë bën në aksionin e golit të barazimit. Robinho sajon një driblim të dyfishtë në mesfushë, Ibra mbështet për Nocerinon që filtron topin drejt portës së Valdes. 1-1 dhe “Camp Nou” fillon të dridhet. Janë minuta, në të cilat Milan luan pa frikë por De Quip e rëndon akoma më shumë kahun e peshores në favor të Barcelonës duke akorduar një 11-metërsh shumë të diskutueshëm. Nga pika e bardhë, gjeniu nuk fal 2-1.

Messi që pasi kishte thyer rekordin e Van Nilsterooyt në Champions, me golin e tij të 14-të, barazoi zyrtarisht dhe rekordin e të gjithë kohërave të Altafinit, si për ironi një ish-milanist. Nga dhomat e zhveshjes Milan del i karikuar, por Barcelona e kthen shpejt me këmbë në tokë teksa në minutën e 53-të, Iniesta shfrytëzon një top rokambolasek. Është 3-1 dhe ëndrra e Milanit përfundon këtu. Barcelona është në gjysmëfinale, ndërsa Milani largohet me kokën lart.

Barcelona – Milan 3:1

(Messi 11′ pen., 41′ pen., Iniesta 53′ – Nocerino 32′)

Barcelona: Valdes, Alves, Mascherano, Pique (Adriano), Puyol, Xavi (Alcantara), Busquets, Iniesta, Cuenca, Fabregas (Keita), Messi.

Milan: Abbiati, Abate, Nesta, Mexes, Antonini, Nocerino, Ambrosini, Seedorf (Aquilani), Boateng (Pato-Lopez), Robinho, Ibrahimoviq./shqipmedia

Sporti shqiptar
Raiffeisen Superliga

Derisa mbrëmë u mësuan emrat e dy skuadrave që do të vazhdojnë të jenë të pranishme në arenën e Ligës së kampionëve (Bajerni dhe Marseja), sonte pritet të dihen edhe dy emra të tjerë. Në të vërtetë, bazuar në rezultatet e arritura të Realit (1:1 ndaj CSKA të Moskës) dhe të Napolit (3:1 ndaj Çelsit), mbase më afër ecjes përpara janë madrilenët dhe napolitanët.

Murinjo me tre sulmues kundër CSKA-së

Hoze Murinjo, trajneri i Real Madrid, ka theksuar se në ndeshjen e kthimit ndaj CSKA-së së Moskës do të luajë me tre sulmues në mënyrë që të arrijë fitoren pas barazimit 1-1 të ndeshjes së parë në Rusi, në 1/8 e finales së Ligës së Kampioneve.

“Futbolli është i bukur sepse jo gjithmoë fiton më i miri. Në ndeshjen e parë tifozët rusë “luajtën” bashkë me lojtarët në fushë dhe tani që ne luajmë në Bernabeu dua që tifozët tanë të na mbështesin fuqishëm”, theksoi tekniku portugez.

Murinjo kujtoi se Real Madrid vjen me shumë besim në këtë takim sepse në 19 ndeshjet e fundit të zhvilluara në Ligën e Kampioneve madrilenët kanë humbur vetëm një, gjysmëfinalen e vjetshme ndaj Barcelonës.

“Vetëbesimi është në nivele të larta, ekipi nuk ka frikë, por e dimë që në Ligën e kampionëve nuk ka ndeshje të lehta sepse çdo ekip që ke përballë është elitar në kampionatin ku luan”, shtoi ai.

Napoli, befasia e LK-së

“11 luanë në fazën mbrojtëse dhe kur të sulmojmë duhet të jemi të çliruar nga presioni.”

Kjo është receta e Mazarit, trajnerit të Napolit, për të kaluar Çelsin dhe për tu kualifikuar në çerekfinalet e Ligës së Kampioneve të mërkurën në mbrëmje.

Rezultati i ndeshjes së parë në Itali (3:1) nuk i jep shumë siguri teknikut italian: “Nuk duhet të mendojmë se kemi shumë epërsi ndaj anglezëve se kemi fituar me dy gola dallim. Kemi marrë përvojë dhe të gjithë na respektojnë. Jemi befasia e këtij edicioni.”

Çelsi vjen pas shkarkimit të trajnerit Andre Villas Boas dhe nuk ka zhvilluar një sezon siç pritej.

“Me Di Mateon në bankë nuk ka ndryshuar shumë për ta, por dy ndeshjet e fundit i kanë fituar dhe kanë rifituar besim. Më shqetëson kjo gjë, por nëse Napoli luan si gjithmonë mund t’ia dalë mbanë”, theksoi Mazari.

Sporti shqiptar
Raiffeisen Superliga

Pas një rrëmujë në zonën franceze Milito kaloi Interin në epërsi në minutën 75, goli që mbajti të gjallë shpresat e Ranierit dhe të tifozëve zikaltër për një kualifikim të mundëshëm. Por ashtu siç ndodhi në ndeshjen e parë Olimpiku shënoi në fund me Brandao, një gol që mbylli gjithçka. Goli i Pazinit me 11-metërsh nuk pati asnjë vlerë kualifikuese, Interi fitoi 2:1 por lojtarët e saj largohen kokëulur nga Xhuezepe Meaza.

Morati nuk fajëson Ranierin

Nuk do të ketë revolucion tek Interi, të paktën jo për momentin.

Masimo Morati nuk ka ndërmend të shkarkojë Klaudio Ranierin pas mënjanimit të zikaltërve nga Liga e Kampioneve.

“Në një mbrëmje si kjo nuk më duket e drejtë të marr masa. Nuk ka faj trajneri, por kolegu i tij francez (Didie Deshamp) kishte më shumë fat sot”, u shpreh presidenti i Interit menjëherë pas ndeshjes.

Parase të largohej nga stadiumi, Morati shtoi për mediat italiane: “Nëse do të kishim humbur 4:0 do të mendoja ndryshe, por kemi pësuar dy gola në kohën shtesë dhe nuk mund të jap një gjykim negativ për teknikun sepse Ranieri nuk e meriton gjykimin negativ.”

Ndërsa vetë Ranieri theksoi: “Për çastin Interi është ky. Nëse Morati do të vendosë të më zëvendësojë stinorin e ardhshëm do e falenderoj për mundësinë që më dha”.

Deshamp, i lumtur

Didie Deshamp, tekniku i Marsejës, u shpreh shumë i lumtur në konferencën për shtyp pas humbjes 2:1 që skuadra e tij pësoi në San Siro, rezultat që i dha kualifikimin pasi në ndeshjen e parë francezët kishin fituar 1:0.

“Është një kënaqësi e madhe sepse në kampionat po kalojmë çaste shumë të vështira. Jemi një skuadër e vogël, ndërsa Interi një skuadër e madhe. Është një lumturi e jashtëzakonshme të humbësh në këtë mënyrë. Shpresojmë që shorti të na ndihmojë në çerekfinale, por ne e kemi arritur objektivin tonë që i kishim vënë vetes në fillim të sezonit”, theksoi tekniku francez.

Bajerni shkatërroi Bazelin

Ka rezultuar më shumë sesa e thjeshtë ndeshja e kthimit për Bajern Mynihun, skuadër e cila shkatërroi 7:0 Bazelin. Gjermanët e siguruan kualifikimin që në pjesën e parë kur shënuan plot 3 gola me Roben, Muller dhe Gomez.

Zviceranët pothuajse inekzistentë në fushë nuk u mbeti gjë tjetër veçse të sodisnin 3 golat tjerë të Gomezit dhe atë të Robenit në pjesën e dytë.

Përfundon këtu dhe në mënyrën më të keqe aventuara evropiane e Bazelit ndërkohë përveç Gomezit që shënoi 4 gola protagonisti tjetër i Bajernit ishte Frank Ribéri që dha 3 kalime për gol.

“Dua të lavdëroj të gjithë ekipin. Djemtë kanë vazhduar atë që nisën në ndeshjen ndaj Hofenheim. E vura re gjatë stërvitjeve të javës që skuadra donte të kualifikohej me çdo kusht, ishim shumë të përqendruar. Zhvilluam një ndeshje të madhe që nga minuta e parë deri tek e fundit. Bëmë atë që duhej: shënuam gol që në minutat e para të takimit”, deklaroi tekniku gjerman pas ndeshjes.

“Ishte ndeshja perfekte! Kur shënuam të dytin dhe të tretin Bazeli u demoralizua dhe gjithçka u bë më e lehtë për ne”, shtoi Hejnckes.

Ndërsa Mario Gomez, autor i katër golave në ndeshjen që përfundoi 7:0, deklaroi: “Ndeshja e fundjavës me Hofenheimin ishte e rëndësishme. Bëmë presion që në fillim dhe e gjetëm shpejt golin. Ishte një ndeshje e mrekullueshme. Gjëja më e mirë është rikthimi i besimit në lojën tonë.”

Sporti shqiptar
Raiffeisen Superliga

Ndërkohë, të mërkurë në program janë dy takimet tjera të 1/8 së finales së Ligës së Kampionëve. Padyshim, ndeshja më interesante e mbrëmjes por edhe krejt kësaj faze të garave, do të jetë sfida ndërmjet Milanit dhe Arsenalit, që zhvillohet në “San Siro”. Milan, do të mundohet të ketë rezultat pozitiv para ndeshjes së kthimit në Londër, në mënyrë që të vazhdojë rrugën e saj drejt suksesit. Arsenali, e cila kohëve të fundit ka regjistruar rezultate pozitive, sidomos me ardhjen e futbollistin Tieri Anri, do të synojnë fitoren në tempullin San Siro.

Ndeshja tjetër e së mërkurës, do të jetë ajo ndërmjet Zenit St. Petersburgut dhe Benfikës.

Ndeshjet tjera të kësaj faze të garave, zhvillohen javën e ardhshme.

E martë:

20.45 Bajer Leverkuzen – Barcelona

20.45 Olimpik Lion – APOEL Nikosia

E mërkurë:

18.30 Zenit St. Petersburg – Benfika

20.45 Milan – Arsenal

Sporti shqiptar
Raiffeisen Superliga

I lënduar rëndë, megjithatë shpreson të jetë i gatshëm për finalën e Ligës së Kampionëve (me Barcelonën) dhe ndeshjet në EURO 2012 me Spanjën.

Sulmuesi i Barcelonës dhe reprezentacionit spanjoll, David Villa ka pësuar lëndim të rëndë në ndeshjen gjysëmfinale të kampionatit botëror për ekipe duke thyer këmbën e majtë. Ky lëndim vjen në moment shumë të rëndësishëm si për Barcelonën, po ashtu edhe për reprezentacionin spanjoll, aq më shumë edhe për vet Villa-n, sepse ai do të mungoi pikërisht në kohën kur Liga e Kampionëve po hynë në fazën e saj finale, dhe rrezikohet pjesëmarrja e tij edhe në kampionatin evropian të futbollit “EURO 2012”.

Futbollisti 30 vjeçar i Barcelonës është kthyer në Barcelona dhe ditën e shtunë do t’i nënshtrohet operacionit.

Villa shpreson që lëndimi i tij edhe pse i rëndë të sanohet me kohë dhe ai të këtë mundësi që të luaj, siç thot ai në finalen e Ligës së Kampionëve me Barcelonën dhe në të gjitha ndeshjet e kampionatin evropian me Spanjën.

 E.E.

Sporti shqiptar
Raiffeisen Superliga

Shaqiri pershendete publikun pas zavendesimit ne ndeshje me Bayernin Foto Keystone

Xherdan Shaqiri paralajmëron ravansh për Bayernin e Munihut.

Në të tetën e finales së Ligës së Kampionëve takohen FC Bazel dhe Bayerni i Munihut. Nga këndvështrimi shqiptar kjo ndeshje është e rëndësishme për faktin se dy yjet e Bazelit dhe të Zvicrës, shqiptarët Xherdan Shaqiri dhe Granit Xhaka do të kenë rast që edhe një herë të dëshmohen përballë një gjigandi evropian të futbollit siç është Bayerni.

Për më tepër Xherdan Shaqiri ka paralajmëruar se do tu revanshohen bavarezëve për disfatën që kjo skuadër u kishte shkaktuar edicionin e kaluar në fazën e grupeve.

Xherdan Shaqiri: ”Kemi rast të mirë që tu revanshohemi Bayernit . Na duhet një mrekulli sikur kundër Manchester Unitedit. Por ata që nuk i qesin vetes synim do të mbesin në shtëpi ”  ka thënë Shaqiri.

Shaqiri ka qenë lojtari më i mirë i Bazelit në përballjet e edicionit të kaluar kundër Bayernit. Pas kësaj ndeshje ai ishte përgëzuar shumë për formën e tij të treguar.

Ndeshja e parë e të tetës së finales së Ligës së Kampionëve, Bazel – Bayern, zhvillohet në “St Jakob Park “ ndërsa ajo e kthimit në “Allianz Arena” të Munihut.

 E.E.

Xherdan Shaqiri vetem ne kete menyre ndalet nga Tony Kroos i Bayernit

Sporti shqiptar
Raiffeisen Superliga

Menjëherë rastisi që në këtë raund t’i kemi dy përballje të mëdha anglo-italiane. Mesiguri spikat dueli i sërish ndërmjet Milanit dhe Arsenalit, kurse mesiguri qershia në tortë do të jetë përballja e të kaltërve të Napolit me atë të Chelseat.

Përndryshe skuadra e “topçinjve” asnjëherë nuk është eliminuar nga skuadrat italiane në fazën nokautuese (shtatë ndeshje dhe një finale). Po ashtu Arsenal dy herë ka dal kokëlartë nga San Siro, kundër Interit 5:1 dhe kundër Milanit 2:0.

Duhet veçuar se në këtë fazë shorti ka eliminuar mundësinë e takimit të skuadrave që kanë qenë në një grup sikurse ka eliminuar edhe mundësinë e ndeshjeve të skuadrave të një vendi.

Në short morën pjesë tre skuadra italiane, kurse nga dy përfaqësuese patën shtetet si Gjermania, Anglia dhe Spanja – mesiguri kurrë më pak skuadra nga këto vende në tetën e finales, e në anën tjetër Rusia për herë të parë në këtë fazë ka dy skuadra, Zenit dhe CSKA Moskë.

Çiftet e tetës së finales:

Lyon – APOEL

Napoli – Chelsea

Milan – Arsenal

Basel – Bayern

Leverkusen – Barcelona

CSKA Moksva – Real Madrid

Zenit – Benfica

Marseille – Inter

Avni Durmishi

Sporti shqiptar
Raiffeisen Superliga

Zyrat e kontrollit të basteve në Francë shohin indicie manipulimi të ndeshjes së Ligës së Kampionëve në mes të Dinamos së Zagrebit dhe Ol.Lyon (1:7). Për këtë ato kanë nisur hetimin. Kështu ka deklaruar zëdhënësi i këtyre zyreve.

Gjendja para ndeshjeve të xhiros së fundit në grupin “D” ka qenë e kjartë. Ajaxi 8 pikë  me golaverazh 6:3, ka qenë para Ol.Lyonit që kishte 5 pikë dhe golaverazh 2:6, që ishte në poziten e tretë.

Do të thot se francezët duhej të fitonin me diverencë të lartë për ta kaluar golaverazhin krahasur me Ajaxin.

Dhe ajo ndodhi. Së pari Ajaxi humbi në shtëpi nga Real Madrid me rezultat 0:3, e në anën tjetër në Zagreb edhpse Dinamo avansoi e para pas një solo aksioni të Fatos Beqirajt dhe dy gjuajtjeve të tij të njëpasnjëshme që i priti portieri francez, topi së treti u dëbua te Leko që shënoi për 1:0, por që në fund Ol.Lyoni triumfoj dhe atë hiq më pak se sa 1:7.

Gjashtë gola u shënuan në pjesën e dytë nga francezët!

Mediet holandeze kanë analizuar të gjitha golat në hollësi dhe kanë ngritur shqetësime për manipulim të ndeshjes. Kamerat kanë fokusuar futbollistin Vida i cili sikur miraton golat e një pas njëshëm të Olimpikut përballë kolegut të tij kundërshtar Gomis.

Trajneri i Ajaxit, Frank de Boer thot: ” Me rezultat prej 1:7 në këtë rang garash normal nuk do të duhej të ndodhte. Uefa duhet të hetoj rastin. Nëse ka manipulime, atëherë duhet të tërhiqen konseguencat”.

Gazeta spanjolle “Marca” shkruan :” ka qenë një ndeshje krejt e pa zakont.UEFA duhet të shikoj në hollësi krejt këtë ndeshje” 

Dinamo Zagreb – Olimpique Lyon 1:7 (1:1)

Maksimir. – 27´000 Shikues. –Referi:  Clattenburg (Ang). – Golat: 40. Kovacic 1:0. 45. Gomis 1:1. 48. Gonalons 1:2. 48. Gomis 1:3. 52. Gomis 1:4. 64. Lisandro 1:5. 70. Gomis 1:6. 76. Briand 1:7. 

E.E.

Gishti i futbollistit të Dinamos Vida tregon "OK" për Gomis të Lyonit ?

Sporti shqiptar
Raiffeisen Superliga