Së pari do të tërhiqen 4 kombëtaret që janë bartëse të grupeve si: nikoqirët; Polonia (Grupi A), Ukraina (Grupi B), pastaj Spanja (Grupi C) dhe Holanda (Grupi D).

Më tutje do të nxirren kombëtaret nga vazo e katërtë në të cilën janë: Danimarka, Franca, Çekia dhe Irlanda që do të shpërndahen nga një në të gjitha katër grupet.

Pas tyre nxirren kombëtaret nga vazo numër tre në të cilen janë: Kroacia, Greqia, Portugalia dhe Suedia.

Ndërsa në fund do të nxirren kombetaret që janë në vazon numër dy; Gjermania, Italia, Anglia dhe Rusia që do të shpërndahen një nga një nëpër grupet A,B,C,D.

Shumë televizione kombëtare bëjnë transmetimin e drejtëpërdrejtë të këtijë evenimenti të rëndësishëm të futbollit, ndër të cilët edhe Radiotelevizioni i Kosovës (RTK).

E.Ejupi

Sporti shqiptar
Raiffeisen Superliga

Tashmë dihen 16 kombëtaret pjesëmarrëse të turneut final për “EURO 2012” që vitin e ardhshëm mbahet në Poloni e Ukrainë. Nga aktivitetet lidhur me këtë eveniment, që kanë mbetur për këtë vit, është vetëm edhe tërheqja e shortit për grupet konkuruese për titull.

Kjo ceremoni do të mbahet me 2 dhjetor (e premte) në kryeqytetin ukrianas Kiev.

Do të ketë 4 grupe me nga 4 skuadra dhe në secilin grup do të ketë nga një ekip nga secila vazo.

Ndërsa kombëtaret tashmë janë të ndara nëpër 4 vazo, si vijon:

Vazo 1: Spanja, Holanda, Polonia, Ukraina

Vazo 2: Gjermani, Itali, Angli, Rusi

Vazo 3: Kroaci, Greqi, Suedi, Portugali

Vazo 4: Danimarkë, Francë, Irlandë, Republika Çeke.

Teoria e probabilitetit na jap komoditetin e kalkulimeve, që nga këto vazo vet të nxjerrim një grup, që ndryshe në terminologjinë e sportit do të quhej si “grup i vdekjes”

P.sh.:

1. Spanja
2. Gjermania
3. Kroacia
4. Franca

Edhepse është i mundshëm, këtë kombinim nuk besoj se do ta dëshironin asnjë nga këto kombëtare…!

 E.Ejupi

Sporti shqiptar
Raiffeisen Superliga

 

Shkruan : Esad EJUPI

Më i merituari për këtë është trajneri Joachim Low, i cili po  shkruan histori me Kombëtaren gjermane. Derisa në Botërorin “Afrika e Jugut 2010” shkëlqyen Muller, Ozil, Schweinsteiger… EURO 2012 do të jetë rast i mirë për Gomez, Kross, Gotze,…etj !  

Gjermania ka fituar ndeshjen miqësore kundër fqinjeve të vet, Holandes 3:0. Kjo ka qenë fitorja e 52 në 75 ndeshjet e Gjermanisë nën drejtimin e trajnerit Joachim Low.

I ardhur në postin e Selektorit të Reprezentacionit gjerman të futbollit në vitin 2006, pas largimit të Jurgen Klinsmanit, Joachim Low është duke shënuar rezultate për çdo lakmi me kombëtaren gjermane. Këtë më së miri e tregon bilanci i ndeshjeve të zhvilluara deri me tani dhe suksesi në to.

Në gjithsej 75 ndeshjet e zhvilluara, Gjermania me trajnerin Low ka shënuar 52 fitore. 13 ndeshje nga këto kanë përfunduar baraz , ndërsa ka inkasuar vetëm 10 disfata. Me golaverazh fantastik 186:61.

Gjermania është kombëtarja e vetme  që në fazën e grupeve kualifikuese për EURO 2012 ka shënuar gjithsej 10 fitore pa asnjë barazim e as disfatë, me numër maksimal pikësh 30.

Gjermania me fitoren bindëse 3:0 kundër Holandës, që aktualisht është nënkampion i Botës, përfundimisht ka dëshmuar se është kandidati numër 1 për titullin e Evropës vitin e ardhshem në Poloni e Ukrainë.

Rezultatet e kombëtares gjermane në masë të madhe janë rezultat i punës dhe strategjisë së trajnerit Joachim Low, i cili arriti që ta përtrijë reprezentacionin me emra të futbollistëve të rinjë të cilët që tani kanë krijuar rol dominant në futbollin evropian e botëror. Ndërsa këta futbollistë do të jenë në gjendje që edhe për disa vite me radhë të luajnë bashkë që do të thot vetëm sa mund të forcohen edhe më teper si ekip homogjen e kompakt.

Derisa në Botërorin “Afrika e Jugut 2010” shkëlqyen Muller, Ozil,  Schweinsteiger…, EURO 2012 do të jetë rast i mirë për Gomez, Gotze, Kroos…etj !  

Gjermania, ngadal, po kthehen rolin e vet dominant, që kishte dikur në futbollin botëror…!

Sporti shqiptar
Raiffeisen Superliga

C.Ronaldo me dygolesh kontribuoi kombëtares së tij për EURO 2012. Foto REUTERS

Kroacia, Irlanda, Çekia dhe Portugalia janë katër kombëtaret që kanë siguruar pjesëmarrjen në EURO 2012 nga ndeshjet e barazhit.

Të marten mbrëma janë zhvilluar ndeshjet e kthimit  të barazhit për kualifikim në EURO 2012. Duke pas parasysh rezultatet e ndeshjeve të para, nuk pati asnjë befasi, sepse ashtu siç është pritur për “Poloni e Ukrainë “ shkojnë Kroacia që në ndeshjen e kthimit luajti baraz 0:0 e ndeshjen e parë e kishte fituar 3:0 kundër Turqisë, Irlanda që luajti baraz me Estoninë 1:1, por po ashtu ndeshjen e parë e kishte fituar 4:0, pastaj Çekia që ka fituar të dy ndeshjet kundër Malit të Zi, të parën 2:0 dhe të kthimit 1:0 në Podgoricë, dhe Portugalia me Cristiano Ronaldon që ndeshjen e parë kundër Bosne e Hercegovinës e ka zhvilluar baraz 0:0 në Zenicë,  e të kthimit në Lisbonë e ka fituar bindshëm 6:2.

Tashmë dihen 16 kombëtaret finaliste  të turneut për Evropianin 2012 që mbahet në “Poloni e Ukrainë”.

Këto janë:

Polonia, Ukraina, Spania, Hollanda, Gjermania, Italia, Anglia, Kroacia, Rusia, Greqia, Suedia, Danimarka, Franca, Çekia, Irlanda, e Portugalia.

E.Ejupi

Sporti shqiptar
Raiffeisen Superliga

Kjo nuk vlenë për Malin e Zi i cili ka punë të vështirë kundër Çekisë duke pasur para sysh se fqinjët tanë perendimor duhet ta ndjekin rezultatin 0:2 nga ndeshja e parë.

Futbollisti shqiptar Fatos Beqiraj, që luan për reprezentacionin e Malit te Zi, besohet se do t’i ipet rasti të paraqitet në këtë ndeshje për arsye se Malit të Zi i duhen golat. Beqiraj nuk kishte luajtur në ndeshjen e parë.

Enigmë është edhe ndeshja tjetër në mes të Portugalisë dhe Bosne e Hercegovinës. Ndeshja e parë e zhvilluar në Zenicë ka përfunduar baraz 0:0 që në masë të madhe e favorizon Portugalinë për ndeshjen e kthimit pasiqë ajo luan para publikut të vet në Lisbonë.

15.11.2011, e martë, takohen:

20:00 h , Kroacia – Turqia    :    (3:0)

20:45 h,  Irlanda – Estonia    :   (4:0)

20:15 h,  Mali i Zi – Çekia        :   (0:2)

22:00 h, Portugalia – Bosna e Herceg.      :     (0:0)

Në kllapa janë rezultatet nga ndeshjet e para.

E.E.    

Sporti shqiptar
Raiffeisen Superliga

Turqia – Kroacia 0-3

Me lehtë se që kanë mundur të parashikojnë optimistët me të mëdhenjë, Kroacia ka mposhtur Turqinë në Stamboll bindshëm 3:0. Me ketë fitore kroatët praktikisht kanë siguruar pjesëmarrjen në Kampionatin Evropian të futbollit që vitin e ardhshëm mbahet në Poloni e Ukrainë.

TURQIA – KROACIA 0:3 (0:2)

0:1  Oliç            (2’)

0:2  Mangjukiç (32’)

0:3  Çorluka      (51’)

ÇEKIA – MALI I ZI 2:0 (0:0)

1:0   Pilar (63’)

2:0   Sivak (90’)

BOSNA E HERC. – PORTUGALIA 0:0

 E.E.

Sporti shqiptar
Raiffeisen Superliga

Ronaldo ne Aeroportin e Sarajevës

Ndeshja e parë e barazhit mes Bosnës e Hercegovinës dhe Portugalisë akoma pa nisur ka zgjuar emocione të jashtëzakonshme. Qysh në arritje te reprezentuesve të Portugalisë në Aeroportin e Sarajevës ata janë pritur nga shumë dashamirë të futbollit.

Cristiano Ronaldo është përshëndetur me ovacione “Messi, Messi, Messi…” Këte Ronaldo e ka kaluar lehtë duke buzëqeshur. Por, në stërvitjen e parë mbrëmë në stadiumin e Zenicës, yjet portugez janë befasuar me gjendjen e terrenit të cilen ata e quajnë “fushë patatesh”.

Në stërvitje përsëri cak i shikuesve për ta provokuar ka qenë superylli i Realit të Madridit, Cristiano Ronaldo. Ai është penguar me drita laserike nga publiku, por edhe Ronaldo u ka kthyer atyre provokimin duke i përshëndetur me gisht të ngritur(foto 2).

E.Ejupi

Ronaldo ne Zenice

Sporti shqiptar
Raiffeisen Superliga

Të gjitha katër përballjet janë interesante, por, kërshërinë më të madhe zgjon ndeshja Turqia-Kroacia. Këto dy kombëtare kishin luajtur në një ndeshje dramatike edhe në çerekfinalen e Kampionatit Evropian të vitit 2008, kur Turqia kishte triumfuar, në saje të ekzekutimit më të mirë të penalltive.

Terminet dhe çiftet rivale të ndeshjeve të barazhit janë si në vijim:  

E.Ejupi

Sporti shqiptar
Raiffeisen Superliga

Futbollisti shqiptar Fatos Beqiraj ka rast  të mirë që të  dëshmohet edhe një here, dhe me reprezentacionin e Malit të Zi të siguroj pjesëmarrjen në Kampionatin Evropian të futbollit ”Polonia & Ukraina 2012”.

Të premtën zhvillohen katër ndeshjet e para të barazhit ndersa ato te kthimit zhvillohen me 15.11.(e martë).

Nga këto përballje do të dihen cilat katër reprezentacione do tu bashkangjiten të tjerave tashmë të kualifikuara për EURO 2012, që vitin e ardhshëm mbahet në Poloni e Ukrainë.

Në mesin e këtyre reprezentacioneve është edhe befasia më e këndshme e ketyre kualifikimeve reprezentacioni i fqinjëve tanë perendimor, Mali i Zi. Shikuar nga perspektiva e jonë suksesi i tyre më së shumti na intereson për faktin se aty luan futbollisti shqiptar Fatos Beqiraj.

Para ndeshjes së të premtes mbrëma kundër Çekisë, qendërsulmuesi i Dinamos së Zagrebit, Fatos Beqiraj ka dekalaruar:  

“Sigurisht se do të jetë vështirë. Duhet të jemi të koncentruar sepse nga suksesi në ndeshjen e parë në Pragë mund t’ja lehtësojmë vetes punën për ndeshjen e kthimit. Nuk duhet të mbrohemi por duhet të luftojmë për fitore. Kemi cilësi të mjaftushme për të shënuar gola dhe nëse këte ja arrijmë, atëherë do të jemi një hap afër cakut”.

I pyetur se a do të jetë në përbërjen e parë të formacionit të Malit të Zi, Fatos Beqiraj është përgjegjur kështu:

“Nuk është me rëndësi se kush do të filloj takimin, por, me rëndesi është që ai i cili fiton besimin të jap maksimumin e vet sepse këto janë ndeshje historike për reprezentacionin e Malit të Zi. Nëse mua me jepet rasti premtoj se do të jem edhe më i mirë se kundër Anglisë”  ka thënë Beqiraj.

Ndërsa për konkurencen në përbërjen e parë të Malit te Zi, Beqiraj ka deklaruar:

“Konkurenca e fortë në sulm na sjell vetëm sukses. E rëndësishme është që të gjithë jemi të aftë fizikisht dhe psiqikisht për lojë. Po ashtu konkurenca e forte i jep mundësi trajnerit që të përballet me vështërsi të ëmbla” thot Beqiraj

Lidhur me kundërshtarin, reprezentacionin e Çekisë, Fatosi ka deklaruar:

“Kemi parë disa ndeshje të xhiruara të Çekisë dhe kemi vërejtur se ku ata i kanë dobësitë, por kemi parë edhe sa janë të rrezikshëm. Kemi edhe dy ditë deri në ndeshje dhe besoj se këto shtabi teknik do t’i shfrytëzoj që të na përgadis sa më mirë para kësaj ndeshje. Ne cilësitë tona i kemi treguar kundër Anglisë. Nëse dy ndeshje luan baraz kundër një Anglie(0:0 dhe 2:2), atëherë kjo nuk është rastësi, por, dëshmi e kualitetit”  ka përfunduar Fatos Beqiraj.

Ndeshja e parë e barazhit për tu kualifikuar për EURO 2012 në mes të Çekisë dhe Malit të Zi zhvillohet të premten (11.11.’11) nga ora 20:45 në Pragë.

E.Ejupi

Fatos Beqiraj ne aksion, kunder Anglisë (2:2)

Sporti shqiptar
Raiffeisen Superliga

Gjermania ne EURO 2012

Reprezentacioni i futbollit të Gjermanisë do të nis misionin e vet në EURO 2012 me fanela të reja por tradicional – të bardha.

Diten e merkure në Hamburg është bërë përzgjedhja e faneles së reprezentacionit të Gjermanisë me të cilën do të prezentohen në Kampionatin Evropian të Futbollit “Polonia e Ukraina 2012”.

Fanela e re ka prerje në “V” dhe tri vija diagonale në gjoks që kanë ngjyrë të kuqe, të verdhë dhe të zezë.

Këto tri ngjyra sipas prodhuesit “Adidas” do të simbolizojnë tri atribute të gjermanëve “Dinamikën, Krenarinë dhe Elegancen”.

Ndërsa të poshtmet (brekët sportive) do të jenë ngjyrë e zezë.

“Dizajni i ri i fanelave është shumë elegant por edhe materiali është i tillë që e bënë të ndjehesh mirë” ka deklaruar kapiteni Philip Lahm.

Gjermania me këto fanela premieren do ta ketë të premten (11.11.’11) në ora 20:45 në Kiew ku në ndeshje miqësore takohet kundër njërit nga mikëpritësit e EURO-së -Ukrainën.

Esad EJUPI

Gjermanet prezantojne zyrtarisht fanelen e re per EURO 2012

Sporti shqiptar
Raiffeisen Superliga