Rruga drejt finales që do të zhvillohet në stadiumin kombëtar të Bukureshtit, në Rumani, paraqitet e vështirë për gjermanët e Shalkes 04, që do të rivalizojnë Bilbaon e entuziasmuar nga kualifikimi me Mançester Junaitidin.

Sfida e dytë midis përfaqësuesve të Ligës spanjolle dhe asaj gjermane është ajo midis Hanoverit dhe Atletikos së Madridit. Ekipi i tretë spanjoll, Valencia, pasi mënjanoi holandezët e PSV –së, përballet me një tjetër ekip nga vendet e ulta, AZ Alkmarin.

Çerekfinalja e katërt është ajo midis Sportingut të Lisbonës dhe ekipit surprizë të tetëshes së të mbeturve në garë, Metalistit ukrainas.

Gjithashtu u përcaktua shorti i gysmëfinaleve, me fituesit e Atletiko-Hanover, që do luajnë me fituesen e Valencia-AZ dhe gjysmëfinalen e dytë që do të përcaktohet nga fituese e dy çifteve të tjera.

ÇEREKFINALJA

1. AZ Alkmar – Valencia

2. Shalke 04 – Atletik Bilbao

3. Sporting – Metalist Kharkiv

4. Atletiko – Hanover

GJYSMËFINALJA

Atletiko – Hanover/AZ Alkmar – Valencia

Shalke 04 – Atletik Bilbao/ Sporting – Metalist Kharkiv

FINALJA

Atletiko – Hanover/AZ Alkmar – Valencia/ Shalke 04 – Athletik Bilbao/ Sporting – Metalist Kharkiv

Sporti shqiptar
Raiffeisen Superliga

Pasi fituan 3:2 në Old Traford spanjollët e Bielsas fituan edhe në fushën e tyre 2:1 ndaj Mançester Junaitidit duke u kualifikuar në çerekfinalet e Ligës së Evropës dhe duke lënë jashtë gare gjigandët anglez.

Golat për Bilbaon u shënuan nga Lorente në të parën dhe Óskar de Markos në të dytën, ndërkohë që për Junaitidin Uejn Runi.

Mançester Siti fitoi 3:2 ndeshjen e kthimit me Sportingun e Lisbonës por fitorja 1:0 në ndeshjen e parë i jep mundësinë portugezëve të vazhdojnë rrugën drejt çerekfinaleve.

Hanoveri ka kaluar për herë të parë në këtë rreth pasi shkatërroi 4:0 belgët e Standardit të Liezhit. Valencias i mjaftoi barazimi 1:1 në ndeshjen e dytë për t’iu bashkuar 7 skuadrave të tjera në çerekfinale dhe për të mënjanuar PSV Eindhovenin.

U mënjanua edhe skuadra italiane e Udinezes e cila fitoi 2:1 ndaj AZ Alkmarit një rezultat i pamjaftueshëm për t’u kualifikuar pasi ndeshja e parë përfundoi 2:0 për holandzët.

Atletiko Madrid i ka dhënë fund shpresave të turqve të Beshiktashit për të vazhduaj më tej. Spanjollët fituan edhe në Stamboll, këtë herë me rezultatin 3:0.

Sporti shqiptar
Raiffeisen Superliga

Barcelona prej fillimit e deri në fund ka qenë bindshëm më e mirë si me lojë po ashtu edhe me rezultat në përballje me skuadrën gjermane, Leverkuseni, në ndeshjen e parë të të tetës së finales së Champions League në futboll.

Katalunasit si udhëtues shënuan fitore me rezultat 3:1 dhe kësisoj bën hapin e parë drejt çerekfinales. Qysh në pjesën e parë kampioni ka pasur posedimin e topit pothuajse më shumë se 75 për qind, duke dëshmuar sundimin në fushë.

Katër minuta para se të përfundoi pjesa e parë katalunasit udhëheqin me rezultat 0:1 nëpërmjet golit të Sanchezit, që për bukuri shfrytëzoi rastin ideal dhe me gjuajtje për tokë mposhti portierin vendas. Pjesa e dytë ka filluar mirë për gjermanët, duke barazuar rezultatin me golin e Kadlec pikërisht në minutën e 52-të.

Kjo ishte e tëra, ngase kampioni në stilin e vetë mori administrimin e lojës deri në fund. Në minutën e 55-të i disponuari për lojë Sanchez kaloi sërish në epërsi skuadrën e tij, 1:2. Leverkuseni është munduar me forcat e veta, por kot, për faktin se udhëtuesit ishin shumë më të mirë. Lionel Messi vulosi rezultatin në 1:3 në minutën e 88-të.

Kampioni në fuqi takimin e kthimit e pret me qetësi, ndërsa Leverkuseni ka gjasa më pak se minimale që të bëj diçka më shumë në takimin e kthimit në Camp Nou. Në ndeshjen tjetër të së martës, të luajtur në stadiumin “Gerland”, Lioni respekton parashikimet duke thyer 1-0 surprizën e APOEL Nikozias.

Rezultati I ndeshjes u vendos nga goli I Aleksandre Lakazet në të 58-ën. Por, pavarësisht dominimit në lojë, francezët nuk arrijnë të shënojnë edhe golin e sigurisë dhe tashmë udhëtojnë drejt Qipros me një fitore minimale, që gjithsesi nuk jep garanci për kualifikimin.Marrë nga kosovain.eu.

Sporti shqiptar
Raiffeisen Superliga

Ishte Miodrag Belodedici njeriu që sëbashku me delegatët e UEFA-s ka tërhequr “vezët” e shortit. Përndryshe Belodedici është futbollisti i parë që me dy skuadra të ndryshme ka fituar trofeun e Kupës së kampionëve – me Steauan e Bukureshtit dhe Zvezdën e Beogradit.

United vetëm dy herë është mposhtur nga holandezët

Përballja e Man Unitedit me Ajaxin e prirë nga strategu skocez, Sr. Alex Ferguson nuk është e para as në (Kupën) Ligën UEFA e as e para me skuadra holandeze me të cilat është takuar 10-herë, duke triumfuar gjashtë herë dhe duke pësuar  vetëm në dy raste.

Do të bije në sy edhe përballja e Valencias me Stoke Cityn e ku duhet theksuar se skuadra spanjolle asnjëherë nuk ka triumfuar kundër atyre angleze.

Çiftet e 1/16-së në Ligën e Evropës:

Porto – Manchester City

Ajax – Manchester United

Lokomotiv Moskva – Athletic Bilbao

Salzburg – Metalist Kharkiv

Stoke City – Valencia

Rubin – Olympiacos

AZ Alkmar – Anderlecht

Lazio – Atletico

Steaua – Twente

Plzen – Schalke

Wisla – Standard

Braga – Beshiktash

Udinese – PAOK

Trabzonspor – PSV

Hannover – Club Brugge

Legia – Sporting

Çiftet e tetës së finales:

Fituesi i ndeshjes Salzburg – Metalist Kharkiv/ fituesi i ndeshjes Rubin – Olympiacos

Legia – Sporting / Porto – Manchester City

Steaua – Twente / Plzen – Schalke

Wisla – Standard / Hannover – Club Brugge

Stoke City – Valencia / Trabzonspor – PSV

AZ Alkmar – Anderlecht / Udinese – PAOK

Lazio – Atletico Madrid / Braga – Beshiktash

Ajax – Manchester United / Lokomotiva Moskë – Athletic Bilbao

Avni Durmishi

Sporti shqiptar
Raiffeisen Superliga

Ndeshjet e fundit sonte të zhvilluara ishin mjaftë interesante dhe deri në fund nuk dihej se cilat skuadra do t’i bashkoheshin turnit të ardhshëm eliminator.

Në Grupin G vetëm Metalist Kharkov kishte siguruar më parë kalimin në mesin e 32 skuadrave dhe pak a shumë ndeshjen me AZ Alkmar e luante vetëm sa për prestigj, por për holandezët ishte për “jetë a vdekje” dhe me barazimin e arritur (1:1) ia dolën që nëpërmjet vendit të dytë të plasohen tutje, me gjithë fitoren e Austrisë së Vjenës kundër Malmo-s (2:0), por në fund me nga tetë pikë të grumbulluara vendosi ndeshja e ndërsjellë.

Në Grupin H luftohej për dy vendet e para, ndërsa në takimin ndërmjet Brugge dhe Bragës vendoste edhe për vendin e parë, por me që në luftë inkuadrohej edhe skuadra e Ligës së parë angleze, Birmingham City që mposhti sllovenët e Mariborit (1:0), atëherë lufta belgo-portugeze bëhej rulet për vendin e parë, ndërsa me barazimin (1:1) shkuan që të dyja skuadrat dhe zhvlerësuan fitoren e ishullorëve, përndryshe do të eliminohej njëra dhe përfitonte skuadra angleze e cila në fund mbeti në vendin e tretë me një pikë më pak se sa dy vendet e para.

Në Grupin I, Atletico Madrid kishte siguruar plasmanin më herët dhe në ndeshje rutinore mposhti të eliminuarit e kahershëm, francezët e Rennes 3:1. Por, në “Friuli” të Udines përcaktohej fati i skuadrës së dytë. Celtic-ut skoces i duhej patjetër fitorja dhe me gjithë avantazhit, skuadra e Udinese-s ia doli nëpërmjet Di Natale-s ta barazojë rezultatin dhe deri në fund ta ruaj atë çka edhe i mundësoi kualifikimin në mesin e 32 më të mirave.

Grupi G

Austria Vjenë – Malmo 2:0 (’62 Liendl, ’80 Barazite)

AZ Alkmar – Metalist 1:1 (’37 Maher / ’37 Deviq)

Tabela: 1. Metalist 14, 2. AZ 8, 3. Austria 8, 4. Malmo 1

Grupi H

Birmingham City – Maribor 1:0 (’24 A. Rooney)

Club Brugge – Braga 1:1 (’38 Vleminckx / ’65 Ewerton)

Tabela: 1. Club Brugge 11, 2. Braga 11, 3. Birmingham City 10, 4. Maribor 1

Grupi I

Atl. Madrid – Rennes 3:1 (’39 Falcao – pen, ’43 Dominguez, ’79 Turan / ’86 Mandjeck)

Udinese – Celtic 1:1 (’45 Di Natale / ’29 Hooper)

Tabela: 1. Atletico 13, 2. Udinese 9, 3. Celtic 6, 4. Rennes 3

Man Utd, Man City, Ajax, Valencia, Lazio, Porto, PSV…

Të gjitha këto skuadra të famshme do të jenë pjesë e garës që do të vazhdojë në pranverë ku do ta bëjë jashtëzakonisht joshëse garën e dytë ekipore për nga kualiteti në Evropë.

Me më së shumti skuadra do të jetë e përfaqësuar Holanda, me gjithsejtë 4, duke e ndjekur katër shtete me nga tri skuadra (Spanja,Anglia, Portugalia dhe Belgjika). Me nga dy skuadra do të përfaqësohen gjashtë shtete: Greqia, Turqia, Gjermania, Rusia, Polonia, Italia dhe me nga një skuadër përfaqësohen gjithsejtë katër shtete, si:Ukraina,Austria,Romaniadhe Çekia.

32 skuadrat që do të vazhdojnë luften për trofe janë:

Fituesit e grupeve
PAOK Selanik, Standard Liezh, PSV Eindhoven, Sporting Lisbonë, Beshiktash Stamboll, Athletic Bilbao, Metalist Kharkiv, Club Brugge, Atlético Madrid, Schalke 04, Twente, Anderlecht.

Vendet e dyta:
Rubin Kazan, Hannover, Legia Varshavë, Lazio, Stoke City, Salzburg, AZ Alkmaar, Braga, Udinese, Steaua Bukuresht, Wisła Krakovë, Lokomotiva Moskë

Nga vendet e treta të Ligës së kampionëve:
ManchesterCity, Trabzonspor, Manchester United,Ajax,Valencia, Olympiacos,Porto, Viktoria Plzen.

Hudhja e shortit për raundin e ardhshëm mbahet sot me fillim nga ora 13:00 në Nyon të Zvicrës.

Avni Durmishi

Sporti shqiptar
Raiffeisen Superliga

Redknapp edhe njëherë sonte tregoi se çfarë mendonte për këtë nivel gare për të cilën ishte i detyruar të merrte pjesë. Në ndeshjen e xhiros së 6-të, të fundit në grupe të Ligës së Evropës në ndeshjen e zhvilluar në Dublin, kishte aktivizuar vetëm dy futbollistë nga përbërja e fundit që skuadra ishte ndeshur në ndeshjen e fundit kampionale kundër Stoke Cityt: Yones Kaboul dhe Benoit Assou-Ekotta, ndërsa në bankën rezervë trajneri anglez kishte vetëm katër futbollistë (!?).

Edhe pse me fitore eventuale akoma kishin rast teorik të kalonin grupin dhe PAOK në anën tjetër ta mposhte Rubinin, ndërsa gol-dallimi prej pesë golash të anulohej, Tottenham do të vazhdonte garën dhe assesi s’do të ishte tragjedi, sepse në pranverë në këtë garë do të marrin pjesë edhe shumë klube tjera shumë më të famshme se sa Tottenhami i Redknappit, i cili aq shumë e donë vendin në Ligën e kampionëve e që shumë lehtë sërish mund të mbesë pa të.

Painteresimi i Redknapp u pa edhe gjatë pjesës së dytë të ndeshjes, kur pas rezultatin 4:0 u ndal tërësisht së sulmuari duke u frikësuar që mos rastësisht Rubin do të pësonte edhe ndonjë gol tjetër e ku edhe ishte e mundshme pasi që luante me një futbollist më pak në fushë. Por, këtë brengë të madhe ia larguan rusët kur barazuan rezultatin në Selanik, dhe tani Redknapp do të përqendrohet, siç ka thënë ai vetë, në Premierligë dhe synimin në katër vendet e para që dërgojnë në Ligën e kampionëve.

Ndërsa në dy grupet tjera, skuadrat e kualifikuara tutje diheshin që në mbarim të xhiros e parafundit dhe nuk pati ndonjë gjë interesant, veç faktit që dy shqiptarë u përballën ndërmjet veti, në Hanover ku skuadra e kapitetin shqiptar, Altin Lala e që ka siguruar plasmanin tutje, priti skuadrën e sulmuesit shqiptar nga Vushtrria, Ahmed Jonuzi, Vorskla Poltava. Në fund skuadra e Lalës mbylli ndeshjen me rezultat rutine 3:1.

Ndërkohë nga ora 21:00 janë duke u zhvilluar edhe ndeshjet e tre grupeve të fundit.

Liga e Evropës, xhiroja e 6-të:

Grupi A

PAOK – Rubin 1:1 (Vierinha 15-pen / Valdez 48)

Shamrock Rovers – Tottenham 0:4 (Pienaar 29, Townsend 38, Defoe 45, Kane 90+1)

Tabela: 1. PAOK 12, 2. Rubin 11, 3. Tottenham 10, 4. Shamrock Rovers 0

Grupi B

Hannover – Vorskla 3:1 (Rausch 25, Ya Konan 33, Sobiech 78 / Bezush 45+1-pen)

Kopenhaga – Standard Liezh 0:1 (Basthuayi 31)

Tabela: 1. Standard Liezh 14, 2. Hannover 11, 3. Kopenhaga 5, 4. Vorskla 2

Grupi C

Hapoel Tel Aviv – Legia Varshavë 2:0 (Toama 34, Yadin 76)

PSV – Rapid Bukuresht 2:1 (Manolev 75, Matavzh 79 / Pancu 90+2)

Tabela: 1. PSV 16, 2. Legia 9, 3. Hapoel TA 7, 4. Rapid B. 3

A. Durmishi

Sporti shqiptar
Raiffeisen Superliga

Steaua e Bukureshtit megjithë se fitoi ndaj AEK Larnaka (Qipro) 3:1, iu deshtë edhe ndihma e Schalkes e cila si mysafire mposhti izraelitët e Maccabi Haifa 2:1, duke ia mundësuar ish-kampionëve evropian të Steauas rrugëtimin tutje.

Twente që më herët kishte siguruar plasmanin, ndërsa Wisla Krakovë deri te vendi i dytë erdhi pas fitores ndaj holandezeve, ndërsa skuadra londineze Fulham çuditërisht luajti 2:2 ndaj skuadrës që moti të eliminuar, Odense duke mos ia arrit qëllimin për fazën tjetër.

Në Grupin K Fulham epërsinë e hershme prej dy golave në fund më shumë lehtësi e lëshoi nga duart dhe nga skuadra e përshëndetur nga garat, Odense erdhi barazimi në 2:2 që i bëri nder të jashtëzakonshme dhe gëzim të madh në tribunat e stadiumit të Wisla-s në Krakovë të cilët fituan duelin me të parin e grupit, Twente.

Në Grupin L ndeshjet ishin pa ndonjë rëndësi të veçantë, vetëm se Anderlechti në Bruksel për vendin e parë ka mposhtur rusët e Lokomotivës së Moskës me rezultat bastoresk 5:3!, ndërsa AEK-u i Athinës fitoi pikët e para duke fituar si mysafir i Shturmit në Grac të Austrisë 3:1.

Liga e Evropës, xhiroja e 6-të:

Grupi J:

Maccabi Haifa – Schalke 0:3 (Buljat 7-aut, Marica 84, Wiegel 90+2)

Steaua Bukuresht – AEK Larnaca 3:1 (Rusescu 55-pen, Nikoliq 70, 85 / Gorka Pintado 61)

Tabela: 1. Schalke 14, 2. Steaua 8, 3. Maccabi Haifa 6, 4. AEK Larnaca 5

Grupi K:

Fulham – Odense 2:2 (Dempsey 27, Frei 31/ Andreasen 64, Fall 90+2)

Wisla – Twente 2:1 (Gargula 12, Genkov 46 / De Jong 40)

Tabela: 1. Twente 13, 2. Wisla 9, 3. Fulham 8, 4. Odense 4

Grupi L:

Andelecht – Lokomotiva 5:3 (Kljeshtan 33, Canesin 39, Wasilewski 57, Suarez, Gillet 78 / Ignatjev 21, Sichev 69-pen, 89)

Sturm – AEK Athinë 1:3 (Kainz 59 / Manolas 10, Burns 43, Klonaridis 77)

Tabela: 1. Anderlecht 18, 2. Lokomotiva 12, AEK Athinë 3, 4. Sturm Graz 3

A. Durmishi

Sporti shqiptar
Raiffeisen Superliga

Ndërsa Lazio e kapitenit të Kombëtares shqiptare, Lorik Cana, që luajti 53 minuta deri sa u zëvendësua, ka mposhtur Sportingun e Lisbonës 2:0 dhe me ndihmën e Zurich-it (Cyrihut) i cili po ashtu me rezultat identik ka fituar ndaj rumunëve të Vaslui-t, ndërmjet vendit të dytë kalon në raundin e ardhshëm.

Lazio në ndeshjen e fundit të Grupit D në “Olimpico”-n e saj i duhej ta mposhte Sportingun dhe të shpresonte që Vaslui nuk do të ia arrinte njëjtë të fitonte tek skuadra tani më e eliminuar e Cyrihut. Në fund për lacianët të dyja u plotësuan dhe skuadra romake iu bashkua skuadrës së sotme rivale të Sportingut në fazën e ardhshme e cila që më parë kishte siguruar kalimin tutje.

Golin e parë skuadra e Lazios shënoi në minutën e 43-të ku pas harkimit të Senad Luliqit më i larti më kokë u shkëput Libor Kozak – 1:0. Në vazhdim golin e dytë shënoi Giuseppe Sculli. Gjithsesi lacinët padyshim duhet tu jenë mirënjohës skuadrës zvicerane, e cila edhe pse asgjë nuk iu duhej fitorja, mposhtën Vasluin 2:0.

Ndeshje po ashtu interesante u zhvillua edhe në Stamboll, ku në momentin e fundit skuadra turke e Beshiktashit siguroi turnin e ardhshëm pas fitores kundër skuadrës angleze, Stoke City 3:1, qe po ashtu shumë para kësaj ndeshje e kishin të sigurt kalimin  tutje. Duhet thënë që pjesa e parë e takimit ka përfunduar në të mirë të anglezëve 0:1, më pastaj në pjesëlojen e dytë për ta rikthyer turqit në favorin e tyre 3:1.

Po kaq interesant ishte edhe në Grupin F. Sllovan shumë herët në gjashtë minuta lojë avanconte 2:0. Austriakët e Salzburgut në atë moment ndodheshin shumë larg kualifikimit, por hap pas hapi u rikthyen në lojë dhe në fund triumfuan 3:2. Ky rezultat u mjaftonte për kualifikimin tutje dhe vendin e dytë në tabelë pas Athletic Bilbaos që u mposhtë në Paris nga skuadra parisiene 4:2. Megjithëse me pikë të barabarta, Salzburg shkon tutje para Paris SG për shkak rezultatit më të mirë në ndeshjet e ndërsjella.

Liga e Evropës, xhiroja 6-të:

Grupi D:

Zurich – Vaslui 2:0 (Margairaz 69, Buff 90)

Lazio – Sporting 2:0 (Kozak 43, Sculli 55)

Tabela 1. Sporting 12, 2. Lazio 9, 3. Vaslui 6, 4. Zurich 5

Grupi E:

Beshiktash – Stoke 3:1 (Fernandes 59 – 11m, Pektemek 74, Edu 82 / Fuller 29)

Dinamo Kiev – Maccabi 3:3 (Yeyni 12-aut, Gusev 17, 80 / Vered 50, Atar 62, Dabbur 75)

Tabela 1. Beshiktash 12, 2. Stoke 11, 3. Dinamo Kiev 7, 4. Maccabi Tel Aviv 2

Grupi F:

Slovan – RB Salzburg 2:3 (Laçny 3, 6 / Jantscher 19 – pen, Leonardo 23, Had 52-aut)

PSG – Athletic Bilbao 4:2 (Pastore 21, Bodmer 41, Perez 85-aut, Hoarau 90 – pen / Aurtenetxe 3, Lopez 55)

Tabela: 1. Athletic 13, 2. RB Salzburg 10, 3. PSG 10, 4. Slovan 1

 A. Durmishi

Sporti shqiptar
Raiffeisen Superliga

Futbollisti shqiptar në radhët e Lazios, Lorik Cana në këtë ndeshje është paraqitur si titullar, por, është zavëndësuar në minutën 55 të pjesës së dytë.

Golat për Lazion i kanë shënuar: Kozak (42’) dhe Sculi (58’).

E.E.

Sporti shqiptar
Raiffeisen Superliga

Në një nga ndeshjet e Europa League të fazës së grupeve që u zhvilluan të enjten mbrëma u takuan skuadrat Lazio e Romës dhe FC Zurich. Ndryshe kjo ishte përballje e dy shqiptarëve mes vete. Lorik Cana që kësaj radhe te Lazio ishte titullar, dhe Admir Mehmedi i FC Zurichut që po ashtu u paraqit si titullar.

Ndeshjen e fituan “romakët” me rezultat 1:0 me golin e vetëm të shënuar nga C.Brocchi (62’).

E.E.

Cana e Mehmedi ne duel. Lazio - Zurich 1:0

Sporti shqiptar
Raiffeisen Superliga