Pikët shkruhen, loja të harrohet

Shqipëria e nisi furishëm ndeshjen duke krijuar qysh në minutën e parë rast të mirë për të shënuar përmes Muzakes. Mirëpo sikur rasti i minutës së parë po ashtu edhe disa raste tjera që vinin disi në mënyre stihike, jo me organizime të mira dështonin me humbjen e topit para zonës ose me gjuajtje të dobëta.

Nga pjesa e parë veqohet vetem aksioni në të cilin u arrit edhe goli , që në fund doli të jetë vendimtar i takimit. Zhvillohej minuta e 37 kur pas një krosimi të Dallkut nga ana e djathtë topi erdhi në zonë te sulmuesi Hamdi Salihi i cili me të parën e rroku topin me një gjysëm volej dhe e plasoj në rrjeten e portierit mysafir duke shënuar kështu një gol mbresëlënës, për rezultatin 1:0 për Shqipërinë.

Pjesa e dytë ishte edhe më e dobët se e para. Krijohej përshtypja se futbollistët shqiptar janë të kënaqur me epërsinë prej 1:0 dhe nuk dëshironin më shumë. E rëndësishme për ta dukej vetëm që mos të pësojnë ndonjë gol. Në fakt topi gjatë gjithë takimit ka qenë më shumë në pronësi të futbollistëve shqiptar, por pa ndonje ide të mirë nga mesi i fushës për të organizuar ndonjë sulm të rrjedhshëm të rrezikshëm dhe frytëdhënës.

Sonte u shënua një fitore me një lojë të dobet, por me ketë performancë Shqipëria nuk guxon të hyjë në ndeshjet tjera të radhës, sepse Luksemburgu është njera ndër kombetaret më të dobëta në grup, plus asaj nga minuta e 58 ka luajtur me vetëm 10 futbollistë, pasi që me kartonin e dytë të verdhë dhe pastaj të kuqin nga loja u përjashtua Mutsch.

SHQIPËRIA – LUKSEMBURGU 1:0 (1:0)

1:0 Salihi (37’)

Shqipëria tani nga dy ndeshjet e zhvilluara në grupin D, ka katër pikë të fituara.

E.E.

E marte, 07.09.2010 është termin i ndarë i UEFA-s për ndeshjet ndërkombëtare kualifikuese neper grupe për Euro 2012 që mbahet në Poloni dhe Ukrainë. Nga ndeshjet që zhvillohen sonte, pos Shqipëri-Luksemburg, veçohet edhe ajo Zvicër-Angli, si dhe, Kroaci- Greqi. 

Franca mysafire e Bosnje e Hercegovinës dëshiron ta përmirësoj përshtypjen nga ndeshja e parë. Në anën tjetër Bosnja e Hercegovina pretendon që me fitore ta ruaj poziten e liderit në grupin D.

Interesante pritet të jenë edhe përballjet Turqi – Belgjikë (grupi A) dhe ajo Serbi – Slloveni (Grupi C).

Shaqiri e Bunjaku kundër anglezeve

Përfaqësuesja e Zvicrës është bere atraktive edhe për shqiptaret për faktin se për te po paraqiten edhe disa futbolliste shqiptar. Për seleksionin A zviceran po luajnë Valon Behrami(West Ham-Angli)), Albert Bunjaku (Nurnberg-Gjermani) dhe Xherdan Shaqiri(Bazel-Zvicer). Ndërsa për shkak te lëndimit nga kombëtarja me larg ka mbetur ish reprezentuesi Blerim Xhemaili (Parma-Itali) .

Zvicra sonte e fillon edicionin e ri te kualifikimeve për evropian me ndeshje kundër Anglisë e cila tashme ka një fitore ne bilancin e saj pasi ne ndeshjen e vet te pare ka mundur Bullgarinë (4:0).

Sipas paralajmërimeve qe ka bere trajneri Hitzfeld gjasa te mira per tu inkuadruar qe nga fillimi ne formacionin shartues te Zvicres kane si Xherdan Shaqiri po ashtu edhe Albert Bunjaku, ndërsa Valon Behrami kësaj here nuk është fare pjesë e reprezentacionit kundër Anglisë.

Përballjet e kombëtareve sipas grupeve:

GRUPI A

E.E.

Në kuadër të ndeshjeve kualifikuese për EURO 2012 , Shqipëria sonte në stadiumin “Qemal Stafa” të Tiranëse e pret Luksemburgun . Ndeshja zhvillohet nga ora 20:15 dhe transmetohet drejtpërdrejtë në kanalin televiziv  RTK.

Menjëherë pas asaj pike të madhe të fituar në përballjen e parë kundër Rumanisë si mysafir(1:1), kombëtarja shqiptare sonte e pret reprezentacionin e Luksemburgun për të zhvilluar kështu ndeshjen e dytë me radhë në grupin D të vlefshme për kualifikimet për evropianin 2012 që mbahet në Poloni dhe Ukraine.

Pika e fituar si mysafir ndaj Rumanisë do te kishte shije dhe vlerë edhe më të madhe nëse sonte reprezentuesit tanë arrijnë që asaj t’i shtojnë edhe një “tre pikësh” pas përballjes me Luksemburgun.

Ç’është e vërteta reprezentacioni nga Luksemburgu nuk do të duhej të jetë i pa përballueshëm për kombëtaren tonë aq sa t’i pamundësoj realizimin e këtij synimi. Megjithatë kjo sigurisht se do të arrihet vetëm me një përkushtim të madh në lojë, një qasje serioze dhe me angazhim të madh.

Trajneri kroat i kombëtares “kuq e zi” Josip Kuzhe hynë bukur optimist në këtë takim dhe ai paraprakisht e cilëson si dështim nëse Shqipëria nuk arrin të shënoj fitore në këtë takim. Kuzhe konsideron se çdo rezultat tjetër përveç fitores për te do te ishte dështim. Për këtë qellim Josip Kuzhe ka paralajmëruar se ndeshjen do ta nise me një formacion sulmues.

“Ndeshjen do ta fillojmë me dy sulmues dhe me Muzaken e Skelen që nga minuta e parë. Mendoj kështu pasi dua që në fushë të kemi 3-4 futbollistë ofanziv. Nëse nuk e fitojmë ndeshjen kundër Luksemburgut ky do të ishte kthim prapa, jo një hap, por tre. Ne gjatë gjithë vitit kemi punuar për të arritur këto rezultate, dhe nëse nuk i realizojmë do të ishte dështim”  ka deklaruar Josip Kuzhe.

Ndërsa futbollisti nga Kosova në radhët e Shqipërisë, Lorik Cana ka thënë se pika e fituar në Rumani është e madhe por kjo nuk i ka sjellë futbollistët në eufuri.: ”Sigurisht se rezultati i nxjerr në Rumani është jashtëzakonisht i mirë, por ne nuk e kemi at luks për të qenë në eufuri. Pavarësisht nga kjo ne kemi punuar për të rritur cilësinë në ekip” ka thënë Cana.

Shqipëria pritet që ndeshjen kundër Luksemburgut ta filloj me këtë formacion:

1.Beqaj, 2.Dallku, 3.Vangjeli, 4.Curri, 5.Cana, 6.Bulku, 7.Muzaka, 8.Agolli, 9.Salihi, 10.Skela e 11.Bogdani.

Ndeshjen Shqipëri – Luksemburg, nga ora 20:15, e transmeton drejtëpërdrejtë edhe Radiotelevizioni i Kosovës (RTK).

Shqipëria është pjesë e grupit D në të cilin pos saj garojnë edhe Rumania, Franca, Bosnje Hercegovina, Bjellorusia dhe Luksemburgu.

Tabela momentale duket kështu:

E.Ejupi

Për reprezentuesit zviceran të futbollit që tani dihen premitë që do të marrin në rast të kualifikimit për kampionatin evropian të futbollit në Poloni dhe Ukrainë EURO 2012  . Për arritjen e këtij synimi çdo futbollistë do të shpërblehet me nga 77.000 €uro.

Xherdan Shaqiri, Valon Behrami, Albert Bunjaku kanë rastin që nëse si reprezentues të Zvicrës arrijnë që nga kualifikimet të sigurojnë pjesëmarrjen për Euro 2012, në konton e tyre të kenë edhe 77.000 euro (100.000 CHF)  më shumë, në emër të premisë për ketë synim të zviceranëve.

Federata e futbollit zviceran dhe futbollistet e saj janë akorduar për disa rregulla te premive qysh para ndeshjes se pare kualifikuese për EURO 2012. Ne rast te kualifikimit për Euro 2012, secili nga futbollistet e trajnerit gjerman, Otmar Hitzfeld, do te inkasonte deri ne 77.000 euro .

Zvicra ndeshjen e parë kualifikuese e zhvillon sot, e martë (07.09), në Bazel, kundër Anglisë.

E.Ejupi

Pas ndeshjes, deklaruan:

Trajneri, Josim Kuzhe: Ajo që arritëm në fund të përballjes me Rumaninë ishte një rezultat fantastik. Ishim përgatitur për të marrë pikë dhe me këtë qëllim erdhëm në Rumani. Jam shumë i kënaqur me këtë që kemi arritur dhe çelësi i këtyre rezultateve pozitive që ka arritur Shqipëria, pa dyshim që është shpirti i garës që kanë treguar lojtarët. Ishim me fat që e mbyllëm pjesën e parë 0-0, pasi rumunët patën disa raste për të na shënuar dhe loja mund të kishte tjetër rrjedhë. Në pjesën e dytë bëmë gjithçka për t’ia arritur qëllimit dhe në fund morëm atë që deshëm.

Shpresoj se në të ardhmen do të marrim rezultate edhe më të mira. Rumania iku, tashmë e gjithë vëmendja jonë do të fokusohet te sfida e radhës me Luksemburgun. Nuk duhet ta nënvlerësojmë, pasi ai mund të vijë në Shqipëri siç erdhëm ne në Rumani, për të luajtur në mbrojtje dhe për të marrë pikë. Pra, edhe Luksemburgu është një ndeshje shumë e rëndësishme për ne”.

Autori i golit barazues, Gjergji Muzaka: “Ky ishte goli më i rëndësishëm i karrierës sime. Ekipi ka qenë tepër i motivuar për këtë sfidë për të arritur të paktën barazimin. Hasëm vështirësi në fillimin e sfidës, por nuk pësuam gol. Ndërkohë që për fat të keq pësuam një gol në minutën e 80. Nuk ka rëndësi në cilin minutë u aktivizova dhe sa hapësira kisha në këtë sfidë, unë isha i gatshëm për të dhënë më të mirën time dhe kontributin personal për skuadrën e kombëtare. Më vjen mirë që arrita të shënoj. Shpresoj të vazhdoj me këtë ritëm në ngjyrat kuqezi dhe të shënoj gola të tjerë për përfaqësuesen. Ne duhet të mendojmë për ndeshjen e radhës dhe të arkivojmë gjithçka. Nuk mund të flasim për eufori. Jemi të vetëdijshëm që çdo kundërshtar vlen tre pikë. Do ta vlerësojmë maksimalisht Luksemburgun duke dhënë më të mirën tonë në “Qemal Stafa” përpara fansëve kuqezi”.

Portieri i Kombëtare, Arian Beqaj: “Ky rikthim ishte i mrekullueshëm. Por duhet të kemi kujdes me këtë luks që po na duket pas barazimit ndaj Rumanisë. S’duhet të kapemi nga euforia. Herët për të folur për objektivat. Tani duhet të marrim sa më shumë pikë duke luftuar nga ndeshja në ndeshje”.

Eliminatoret e  “Euro 2012”, Grupi D

Stadiumi “Ceahlul”, Piatra Neamt, Rumani

03.09.2010, ora 20:00

RUMANIA – SHQIPËRIA  1:1 (0:0)

Golashënues: B.Stancu 82’ – Muzaka 88’

Rumania (4-4-2): Lobonţ – Contra (56’ G. Mureşan), Tamaş, Rădoi, Raţ – Torje, Cociş (77’ Herea), Florescu, Deac – D. Niculae (64’ B. Stancu), Marica.

Trajner: R.Lucescu

Shqipëria (4-2-3-1): Beqaj – Curri, Cana, Dallku, Vangjeli – Lila, Bulku, Duro (81’ Muzaka), Agolli – Skela (78’ G.Lika) – Bogdani (56’ Salihi).

Trajner: J.Kuzhe

Gjyqtarë: Robert Shorgenhofer, Alain Hoxha, Mario Strudl (Austri)

Kartonë të verdhë: Rat, Herea – Vangjeli

Statistikat

Rumania – Shqipëria

(4) Tentimet në portë (3)

(26) Faullet e shkaktuara (16)

(6) Kornerët (1)

(1) Pozitat jashtë lojës (2)

Po ashtu janë zhvilluar edhe ndeshjet e para të nëntë grupeve tjera eliminatore. Për befasinë kryesore sërish u përkujdesën francezët të cilët midis Parisit u mposhtën nga autsajderët e Bjellorusisë 0:1. Ndërsa Bosnja në mënyrë rutine mposhti Luksemburgun 0:3 dhe tani pas një ndeshje të zhvilluar në grup udhëheq tabelën para Bjellorusisë me nga tre pikë dhe pastaj Shqipëria e Rumania me nga një pikë dhe Franca e Luksemburgu pa pikë.

Anglia u rikthye me fitore bindëse ndaj Bullgarisë 4:0, megjithëse nuk luajtën disa lojtarë kyç anglez.

Portugalia në një ndeshje dramatike luajti vetëm 4:4 para shikuesve të saj kundër Qipros të cilën Shqipëria në miqësore e kishte demoluar 6:1.

Gjermanët vazhduan me lojë të mirë duke mposhtur belgët vendas 0:1. Ndërsa Italia me vështirësi pas disavantazhit ka mposhtur Estoninë vendase 1:2. Spanja dhe Holanda kanë demoluar vendasit, Spanja 0:4 Lihtenshajnin ndërsa Holanda San Marinon 0:5.

Grupi A:

Kazakistani – Turqia 0:3 (0:2) Turan 24’, H. Altintop 26’, Kahveci 76’

Belgjika – Gjermania 0:1 (0:0) Klose 51’

Grupi B:

Armenia – Irlanda 0:1 (0:0) Fahey 76’

Andorra – Rusia 0:2 (0:1) Progrebnyak 14’ 64’ (pen)

Sllovakia – Maqedonia 1:0 (0:0) Holoshko 90+1’

Grupi C:

Ishujt Faroe – Serbia 0:3 (0:2) Lazoviq 14’, Stankoviq 18’, Zhigiq 90+1’

Estonia – Italia 1:2 (1:0) Zenjov 31’ – Cassano 60’, Bonucci 63’

Sllovenia – Irlanda e Veriut 0:1 (0:0) Evans 70’

Grupi D:

Rumania – Shqipëria 1:1 (0:0) Stancu 82’ – Muzaka 88’

Luksemburg – Bosnja H. 0:3 (0:3) Ibriçiq 6’, Pjaniq 12’, Xheko 16’

Franca – Bjellorusia 0:1 (0:0) Kislyak 86’

Grupi E:

Moldavia – Finlanda 2:0 (0:0) Suvorov 69’, Doros 74’

Suedia – Hungaria 2:0 (0:0) Wernbloom 51’, 73’

San Marino – Holanda 0:5 (0:2) Kuyt 16’ (pen), Huntelaar 38’, 48’, 66’, Nistelrooy 90’

Grupi F:

Izraeli – Malta 3:1 (1:1) Benayoun 7’,64’ (pen), 75’ – Pace 38’

Letonia – Kroacia 0:3 (0:1) Petriq 43’, Oliç 51’, Srna 82’

Greqia – Gjeorgjia 1:1 (0:1) Spiropoulos 72’ – Iashvili 3’

Grupi G:

Mali i Zi – Uellsi 1:0 (1:0) Vuçiniq 30’

Anglia – Bullgaria 4:0 (1:0) Defoe 3’, 61’, 86’, Johnson 83’

Grupi H:

Islanda – Norvegjia 1:2 (1:0) Helguson 38’ – Hangeland 58’, Abdellaoue 75’

Portugalia – Qipro 4:4 (2:2) Almeida 8’, Meireles 29’, Danny 50’, Fernandes 60’ – Aloneftis 3’, Konstantinou 11’, Okkas 57’, Avraam 89’

Grupi I:

Lituania – Skocia 0:0

Lihtenshtajni – Spanja 0:4 (0:2) Torres 18’, 54’, Villa 26’, Silva 62’

Avni Durmishi

Ne ndeshjen e pare eliminatore per kampionatin evropian 2012, Shqipëria është duke e mbrojtur me këmbëngulje rezultatin e barabartë pa gola 0:0.

Rumunët kanë iniciativën në fushë, një herë qëlluan pingulen kurse dy herë tjera rrezikuan seriozisht portën tonë, por Beqaj me intervenimet e tij ka bërë që skuadra jonë të shpresojë akoma në rezultat pozitiv, qoftë edhe një barazim pa gola.

Trajneri kroat i Kombëtares tonë, në fushë ka vërë skemë totalisht mbrojtëse me vetëm Bogdadin përpara, kurse tre mesfushorët, ai në krah të majtë, Agolli dhe në të djathtë Duro dhe në qendër kapiteni Skela, më shumë janë të përqendruar në mbrojtje.

Skuadra jonë në pjesën e dytë mund të synoj më shumë, sepse rumunët s’janë as për së afërti ajo skuadra e frikshme e dikurshme.

RUMANIA: 1 Bogdan Lobonţ, 2 Cosmin Contra, 3 Răzvan Raţ /kv/, 4 Gabriel Tamaş, 6 Mirel Rădoi (C), 7 Gabriel Torje, 8 Ciprian Deac, 9 Ciprian Marica, 10 George Florescu, 11 Răzvan Cociş, 21Daniel Niculae.

SHQIPËRIA: 1 Arian Beqaj, 2 Andi Lila, 3 Kristi Vangeli, 4 Armend Dallku, 5 Lorik Cana, 6 Debatik Curri, 7Ansi Agolli, 8 Ervin Bulku, 10 Klodian Duro, 13 Ervin Skela (C), 22 Erion Bogdani.

A. D.

Me takimet që zhvillohen sonte, nis edhe një cikël i garave kualifikuese për Kampionat Evropian. I tilli i ardhshëm mbahet në Poloni e Ukrainë në vitin 2012

Shqipëria, në kuadër të grupit D, është mysafire e Rumanisë.

Kombëtarja “kuq e zi” në Rumani

Kombëtarja Shqiptare ketë edicion, të ndeshjeve kualifikuese, e nisë, po ashtu, sonte, në orën 20:00, me takimin kundër Rumanisë vendase, në stadiumin “Ceahlaul” të qytetit Piatra Neamt.

Rumania e konsideron veten favorite në këtë takim për disa arsye. E para është se ajo luan si vendase, pastaj rumunët duan që të kenë start të mirë dhe kanë ambicie për pozitat e para në grup, dhe e treta, Rumania në dy ndeshjet direkt, të fundit, me Shqipërinë e ka mundur kombëtaren kuq e zi. Një herë 6:1, në Rumani dhe herën tjetër 0:2 në Shqipëri.

Kuzhe dëshiron rezultat pozitiv

Megjithate, optimist për rezultat të favorshëm dhe paraqitje të mirë kundër Rumanisë është shprehur përzgjedhësi i kombëtares shqiptare, Josip Kuzhe (foto). Ai beson se djelmoshat e tij mund të kthehen të pa mposhtur nga Rumania dhe kështu të vazhdojnë serinë e rezultateve të mira nën drejtimin e tij ( pesë ndeshje pa disfatë).

“Ne kemi ardhur në Rumani për rezultat pozitiv. Do të thotë për fitore, por ne do të ishim të kënaqur edhe me  barazim. Nuk i frikësohemi kundërshtarit”  ka thënë selektori kroat i kombëtares shqiptare.

Shqipëria në ndeshjen kundër Rumanisë pritet të paraqitet me ketë formacion: Beqaj, Dallku, Vangjeli, Curri, Cana, Bulku, Lila, Muzaka, Agolli, Bogdani e Salihu.

Ndeshja zhvillohet sonte, e premten , nga ora 20:00.

Në takimet e tjera eliminatore për EURO 2012 takohen:

GRUPI A

E.EJUPI

Sheikët e klubit anglez Manchester City janë investitorët më të mëdhenjë të afatit veror të transferimeve.

Fituesi i edicionit të fundit të Ligës së Kampionëve(LK), Inter ka investuar vetëm 8,3 milion euro, ndërsa kundërshtari i saj në at finale, skuadra Bayern Munih nuk ka bërë asnjë cent investime për sezonin e ri.

Me 31 gusht 2010, ne ora 18 ka përfunduar afati kalimtar i futbollisteve profesionist. Ka pasur kalime te pritura , por edhe te atilla që për dashamiret e futbollit kanë qenë befasi. Të tilla konsiderohen kalimi i Ibrahimovicit dhe Robinho te Milani, Canes ne Gallatasaraj, etj.

Në vazhdim, portali i juaj informativ-sportiv, albaspox.com, u sjell protokollin e transferimeve që kanë bërë top klubet evropiane gjetë afatit veror të kalimeve.

MANCHESTER CITY

Ka investuar:145,45 milion euro. Ka inkasuar: 36,2 milion euro. Bilanci : minus 109,25 milion euro. Te ardhurit e njohur: Yaya Toure (30 milion, Barcelona), Silva (28,75 milion, Valencia), Balotelli (29,5 milion, Inter).

Te njohurit qe kane shkuar: Robinho (18 milion, Milan),Bellamy (i lire, Cardiff).

REAL MADRID

Ka investuar:81 milion. Ka inkasuar 10 milion.Bilanzi : Minus 71 milion euro.

Te ardhurit e njohur: Di Maria (25 milion, Benfica), Ozil (18 milion, Werder), Khedira (14 milion , Stuttgart)

Te njohurit qe kane shkuar: Van der Vaart (10 milion Tottenham), Raul (i lirë, Schalke), Gutti (i lire, Beshiktash).

FC BARCELONA

Ka investuar : 71,5 milion Euro. Ka inkasuar: 45 milion euro.Bilanci: Minus 26,5 milion euro

Te ardhurit e njohur : Villa (40 milion nga Valencia), Mascherano (22 milion, Liverpool)

Te njohur qe kane shkuar: Yaya Toure(30 milion, Mancheser City), Marquez(pa dëmshpërblim, New York), Ibrahimovic(i huazuar për një vit, 24 milion te Milan)

JUVENTUS

Ka investuar 56,45 milion euro. Ka inkasuar 31,975 milion euro.Bilanci: 24,475 milion euro.

Te ardhurit e njohur: Krasic (15 milion, CSKA Moske), Quagliarella (4,5 milion Napoli)

Te njohur qe kane shkuar: Diego (15,5 milion ,Wolfsburg), Puolsen (5,475 milion Liverpool), Molinaro(3,8 milion Stuttgart)

VfL WOLFSBURG

 Ka investuar: 38,9 milion. Ka inkasuar 20,85 milion. Bilanci : minus 18,05 milion

Te ardhurit e njohur : Diego (15,5 milion Juventus), Kjaer (15 milion Palermo), Friderich (2 milion Hertha)

Te njohurit qe kane shkuar: Misimovic (7 milion Gallatasaraj), Martins (9 milion Rubin Kazan)

FC CHELSEA

Ka investuar:38 milion. Ka inkasuar 16,5 milion. Bilanci: minus 21,5 milion euro.

Te ardhurit e njohur : Ramires (22 milion Benfica), Benayoun (7 milion Liverpool)

Te njohur qe kane shkuar: Carvalho (8 milion Real Madrid), Deco (i lire, Fluminense)

AC MILAN

Ka investuar:28,5 milion. Ka inkasuar 18,5 milion. Bilanci: minus 10 milion euro.

Te ardhurit e njohur: Robinho (18 milion, ManCity), Ibrahimovic (i huazuar per nje vit, 24 milion , Barca)

Te njohurit qe kane shkuar: Huntelaar(14 milion , Schalke 04) Kalakdze ( i lire, Gjenova), Beckham ( ka qen i huazuar nga LA Galaxy).

INTER

Ka investuar : 8,3 milion euro. Ka inkasuar 53,2 milion euro. Bilanci: plus 44,9 milion euro.

Te ardhurit e njohur: Coutinho (3,8 milion, Vasco), Biabiany (4,5 milion, Parma)

Te njohurit qe kane shkuar: Balotelli (29,5 milion, Manchester City), Burdisso (8 milion, Roma), Quaresma (7,3 milion, Beshiktash)

BAYERN MUNIH

Investime: Hiq fare. Ka inkasuar: 6,5 milion euro. Bilanci : plus 6,5 milion euro.

Te ardhurit e njohur: Kroos(ka qene i huazuar te Leverkuseni)

Te njohurit qe kane shkuar: Sosa (3 milion, Napoli), Toni (i lirë, Gjenova)

E.EJUPI

Selektori Otmar Hitzfeld ka paralajmëruar se Albert Bunjaku do te jete ne formacionin bazë të Zvicrës për ndeshjen testuese që Zvicra zhvillon nesër mbrëma kundër Australisë.

Në një konferencë për shtyp që ka pasur sot Selektori i Zvicrës,Otmar Hitzfeld, ka konfirmuar se futbollisti shqiptar Albert Bunjaku(Nurnberg) do të jetë nga fillimi në formacionin bazë.  Po ashtu Hitzfeld ka lënë të kuptohet se edhe shqiptari tjetër në radhët e reprezentacionit zviceran , Xherdan Shaqiri (Bazel) do të jetë në 11-shin startues.

Zvicra të premtën mbrëma(03.09.), nga ora 20:15, zhvillon ndeshje testuese para fillimit të kualifikimeve për EURO 2012.

Ndërsa të martën mbrëma(07.09.) , në kuadër të ndeshjeve kualifikuese për Euro 2012, Zvicren e pret ndeshje e vështirë kundër Anglisë.

E.E.

Pas transferimit te Refael van der Vaart në Tottenham, ka marr fund kështu “era e holandezeve” te Reali i Madridit. Klubi me i trofeshëm spanjoll me Presidentin Florentino Perez, është ndarë kështu në radhë të parë nga futbollistët holandez, të cilët në klub i kishte sjell ish presidenti paraprak Ramon Calderon.

“Mbretërit” nga Madridi megjithatë kanë paguar bukur shumë për “invasionin holandez”. Nga 134 milion euro që kishte paguar Reali si dëmshpërblime për transferimet e holandezeve, sipas raporteve mediatike, me shitjen e tyre klubi ka inkasuar më pak se gjysmën e këtyre parave.

Shkuan, Sneijder, Robben, Nistelrooy, Huntelaar…

Madrilenët qysh para një viti janë ndarë nga Wesley Sneijder (Inter), Arjen Robben (Bayern Munih), pastaj Ruud van Nistelrooy (Hamburger SV), Jan Klaas Huntelaar (Milan tash Schalke 04) si dhe Royston Drenthe (Hercules). Ndersa Rafael van der Vaart ishte i fundit që e përmbylli një herë për një herë “erën e holandezeve” te Real Madridi.

E.E.