Manchester United,  Liverpool, FC Porto, Dinamo Kiew, Atletiko Madrid, Palermo, Napoli, Hamburgu, Borussia Dortmund, Borussia Monchengladbach, Bayern Munich, dhe së fundi Galatasaraj janë disa nga skuadrat që kanë shpreh intersim dhe e kanë futur në agjenden e tyre futbollistin shqiptar të FC Bazeli – Xherdan Shaqiri.

Disa nga këto skuadra interesimin për Shaqirin e kanë shprehë që moti, herë më shumë e here pak, por së fundi garës për transferimin e mesfushorit ofanziv të Bazelit i ka hy furishëm edhe Gallatasaraj turk. Reprezentuesi i Zvicrës është dëshirë e madhe e trajnerit të gjigantit turk – Fatih Terim.

Por, edhe Bayerni i Munihut ka përtri interesimin për Shaqirin. Bavarazët që moti e kanë “nën llupë” Shaqirin dhe duket se është vetëm çështje kohe kur ata do të dalin me një ofertë konkrete. Prijësit e Bayernit, Shaqirin e shohin si pasardhës të Robben-it dhe Riberry-s te gjigandi gjerman.

Disa medie në Gjermani transferimin e Shaqirit te Bayerni e shohin si punë të kryer. Ca nga to shkojnë edhe më larg, saqë kanë bërë edhe fotomantazhë të Shaqirit në fanelë të Bayernit.

Se ku do të jetë stacioni i ardhshëm i Xherdan Shaqirit do të na tregoi më së largu vera e këtij viti.

Të gjithë neve shqiptarët si komb, na bën të ndihemi mirë kur, për një futbollist të këtyre trojeve, interesohen klubet elite nga gjithë Evropa.

E.E.

Sporti shqiptar

Carrick dhe Berbatov duke festuar golin

Fitorja bindëse e Manchester Unitedit kundër Wiganit (5:0) dhe kiksi i Manchester Cityt tek WBA-ja (0:0) ka bërë që pikët të barazohen në mes rivalëve të qytetit në tabelën e klasifikimit.

Një ditë pas Krishtlindjes ku tradicionalisht zhvillohen ndeshjet e futbollit anglez (Boxing Day), në këtë vit i solli dhuratë kampionëve aktual të Man Unitedit dhe papritur barazoi me pikë “qytetarët” e Manchesterit. Ekipi i Alex Fergusonit në mënyrë të përkryer përfunduan punën e tyre në kuadër të javës së 18-të ku në “Old Traford” me golin e Park Ji-Sung që nga minuta e tetë u ndodhën në epërsi.

Në vazhdim të takimit hero i ndeshjes u bë sulmuesi bullgar, Dimitar Berbatov, i cili në këtë sezon vetëm për herën e shtatë iu dha rasti të paraqitej në fushë. Berbatov që sezonin e kaluar u shpallë golashënues i Premierligës, tre golat e tij shënoi në minutën e 41, 58 dhe 78 nga penalltia pasi që më parë brenda zonës u pengua Park. Ndërsa goli i Antonio Valencias ishte i pari për të në këtë edicion.

Wigan përndryshe që nga minuta e 39-të luajti me një futbollist më pak pas përjashtimit të Conor Sammon pas goditjes që i dha Michael Carrickut.

Kjo ishte fitorja e pestë rresht për “djajtë e kuq”, kurse e dyta me radhë me rezultatin 5:0.

Në të njëjtë kohë City nuk ia doli ta thyejë rezistencën e WBA-s. Edhe pse skuadra e Mancinit kishte më shumë gjuajtje në portë, asnjëra prej tyre nuk përfundoi në rrjetën e portierit Ben Foster. “Qytetarët” para dy javëve kishin pesë pikë më shumë para Unitedit, por tani me pikë të barabarta lufta për titull bëhet e paparashikuar.

Ndërsa edhe një dëshpërim tifozëve të tyre u solli Liverpool i cili në “Anfield” nuk ia doli ta mposhti skuadrën e fundit në tabelë, Blackburn (1:1). Mysafirët udhëhoqën në minutën e 45-të me autogolin e Charlie Adam, ndërsa “reds” barazuan në minutën e 53-të pas krosimit të Martin Shkrtelit me kokë shënoi Maxi Rodriguez.

Edhe në ndeshjen hapëse të javës së 18-të, Chelsea nuk ia doli të fitoj në takimin e tretë rresht që luajti baras, po me rezultatin 1:1. Veç se kësaj here dështoi në “Stamford Bridge” në derbin e Londrës perëndimore kundër Fulhamit i cili praktikisht javën e kaluar ishte dërrmuar nga Man United 0:5.

Sikur edhe në shumë ndeshje në këtë sezon, skuadra e Andrea Villas-Boas, as kësaj here nuk ia doli ta kishte dominimin në ndeshje. Fulham e cila në “Stamford Bridge” ka rekord prej 35 ndeshjeve pa fituar (23 humbje e 12 barazime), për asgjë nuk u dallua me skuadrën vendase.

Të parët udhëhoqën “të kaltrit” me golin e Juan Mata-s (47’) të katërtin e tij në Premierligë dhe pas asistimit të Torresit i cili sot megjithatë ishte ndër më të angazhuarit tek vendasit. Barazimin me golin e tij të gjashtë në kampionat, solli Clint Dempsey (56’)

Chelsea në muajin dhjetor nga gjashtë ndeshje të zhvilluara nuk ka humbje, megjithatë ka tre barazime rresht me rezultat të njëjtë 1:1, çka pas këtyre rezultateve edhe trajneri portugez ka pranuar se tani lufta për titull për skuadrën e tij thuajse është bërë e pamundur.

Pas gjashtë ndeshjeve pa fitore, Newcastle ia arriti të triumfoj në udhëtim tek Bolton 2:0 me golat e Ben Arfa (69’) dhe Ba (71’).

Premiership, java e 18-të:

Chelsea- Fulham 1:1 (Mata 47 / Dempsey 56)
Bolton – Newcastle 0:2 (Ben Arfa 69, Ba 71)
Liverpool – Blackburn 1:1 (Rodriguez 53 / Adam 45-aut)
Manchester United – Wigan 5:0 (Park 8, Berbatov 41, 58, 78 – pen, Valencia 76)
Sunderland – Everton 1:1 (Colback 26 / Baines 51 – pen)
WBA – ManchesterCity 0:0

Stoke – Aston Villa (sonte nga ora 20:45)

Të marten:

Arsenal – Wolves (16:00)

Swansea– QPR (18:00)

Norwich– Tottenham (20:30)

Tabela:

1. ManCity18 14 3 1 53-15 +38 45
2. Man United 18 14 3 1 47-14 +33 45
3. Tottenham 16 11 2 3 32-19 +13 35
4. Chelsea 18 10 4 4 36-21 +15 34
5. Arsenal 17 10 2 5 33-25 +8 32
6. Liverpool 18 8 7 3 21-14 +7 31
7. Newcastle 18 8 6 4 25-22 +3 30
8. Stoke 17 7 3 7 18-28 -10 24
9. WBA 18 6 4 8 19-26 -7 22
10. Everton 17 6 3 8 18-20 -2 21
11. Norwich 17 5 6 6 27-31 -4 21
12. Aston Villa 17 4 7 6 19-23 -4 19
13. Fulham 18 4 7 7 19-24 -5 19
14. Sunderland 18 4 6 8 22-22 0 18
15. Swansea 17 4 6 7 16-21 -5 18
16. QPR 17 4 4 9 17-31 -14 16
17. Wolves 17 4 3 10 19-32 -13 15
18. Wigan 18 3 5 10 15-35 -20 14
19. Bolton 18 4 0 14 22-41 -19 12
20.Blackburn 18 2 5 11 25-39 -14 11

Avni Durmishi

Sporti shqiptar

Mireles, Bale, Terry: Tottenham - Chelsea

U luajt ndeshja e fundit e javës së 17-të në Premierligë. Në derbin e Londrës të zhvilluar në “White Hart Lane”, Tottenham dhe Chelsea ndanë pikët duke luajtur 1:1.

Të dy golat u shënuan në pjesën e parë. Udhëhoqi Tottenham me golin e Emmanuel Adebayor në minutën e 8-të. Gareth Bale bukur depërtoi nga krahu i majtë, pasimin e tij në zonë e përcjelli sulmuesi togolez i cili para John Terryt vetëm zgjati këmbën dhe shënoi golin e tij të nëntë kampional në këtë sezon.

Deri te barazimi nuk u vonua shumë. Chelsea zhvilloi aksion të ngjashëm. Didier Drogba me pasimin e tij futi në aksion në krah të majtë Ashley Cole dhe me pasim të bukur po thuajse gjeti këmbën e Daniel Sturridge të vetmuar në zonë. Sturridge po ashtu arriti deri te goli i tij i nëntë sezonal, ndërsa është interesant së në gjashtë takimet e fundit të Premierligës, ky futbollist është regjistruar ose në listën e realizuesve, ose të asistuesve.

Në vazhdim rrjetat më nuk u prekën, por duhet përmendur që Chelsea ishte ajo që lëshoi raste më të mira shënimi. Kështu në minutën e 29-të Drogba me gjuajtje prej projektili dridhi traversën, ndërsa dy raste të qindpërqindta lëshoi braziliani Ramires. Së pari në minutën e 54-të portieri i “Spurs”-ave Brad Friedel priti gjuajtjen në duelin një-me-një, ndërsa në minutën e 87-të me kokë i pa penguar gjuajti jashtë nga rreth pesë metra.

Tottenham më afër golit ishte në minutën e 85-të ku dy raste vërtet të mira lëshuan Sandro dhe Gallas, por ndoshta rastin më të mirë për tre pikët pati Adebayor në minutën e dytë shtesë, por gjuajtjen e tij me të cilën vetëm kishte mposhtur portierin Cech, e ndali kapiteni Terry.

Me këtë rezultat, me një ndeshje më pak të zhvilluar,  Tottenhami ka ruajtur vendin e tretë me dy pikë më shumë nga Chelsea që ndodhet në vendin e katërt.

Premiership, java e 17-të:

Tottenham – Chelsea 1:1 (Adebayor 8 / Sturridge 23)

Tabela:

1. ManchesterCity17 14 2 1 53-15 +38 44
2. Manchester United 17 13 3 1 42-14 +28 42
3. Tottenham 16 11 2 3 32-19 +13 35
4. Chelsea 17 10 3 4 35-20 +15 33
5. Arsenal 17 10 2 5 33-25 +8 32
6. Liverpool 17 8 6 3 20-13 +7 30
7. Newcastle 17 7 6 4 23-22 +1 27
8. Stoke 17 7 3 7 18-28 -10 24
9. Norwich 17 5 6 6 27-31 -4 21
10. West Bromwich Albion 17 6 3 8 19-26 -7 21
11. Everton 16 6 2 8 17-19 -2 20
12. Aston Villa 17 4 7 6 19-23 -4 19
13. Fulham 17 4 6 7 18-23 -5 18
14. Swansea 17 4 6 7 16-21 -5 18
15. Sunderland 17 4 5 8 21-21 0 17
16. Queens Park Rangers 17 4 4 9 17-31 -14 16
17. Wolverhampton 17 4 3 10 19-32 -13 15
18. Wigan 17 3 5 9 15-30 -15 14
19. Bolton 17 4 0 13 22-39 -17 12
20.Blackburn 17 2 4 11 24-38 -14 10

A.D.

Sporti shqiptar

Në kuadër të javës së 17-të të Premierligës fituan edhe Man City edhe Man United dhe kështu në duet janë në ndjekje të vendit të parë.

City ngadhënjeu ndaj Stoke Cityt 3:0 e të cilët në katër ndeshjet e fundit kishin po kaq fitore, por skuadra e Mancinit tregoi se kush në të vërtet është lider në tabelë.

United shkatërroi Fulhamin tradicionalisht të papërshtatshëm, në fushën e kësaj të fundit në Londër 5:0.

Kështu gjendja në tabelën e klasifikimit vazhdon e pandryshuar, prijnë dy rivalët nga Manchesteri, me përparësi të Cityt dy pikë përpara për të cilët sonte dy gola shënoi argjentinasi Aguero.

Edhe Arsenal ka shënuar fitore, megjithëse tepër të vështirë në mungesën e disa lojtarëve, tre pikët krejt në fund ia siguroi izraeliti Benayon, kurse Van Persie edhe njëherë u shënua në listën e realizuesve duke shënuar nga njëmbëdhjetëmetërshi.

Në të shumtën e ndeshjes vendasit u paraqitën shumë më të mirë, por kësaj here kokëlartë nga ndeshja dolën “topçinjtë”. Në këtë ndeshje u shënua edhe një moment historik, pasi që goli i shënuar nga Albrighton ishte i 20.000-ti në Premierligë.

Newcastle ka vazhduar me seri të zezë duke humbur edhe një ndeshje para shikuesve të vetë kundër West Bromwich Albionit 2:3, me të cilin rezultat po në fushë të vetë u mposhtë edhe Sunderland kundër QPR-s.

Kurse skuadra e Wiganit u tregua edhe një herë kokëfortë dhe pasi që Chelseat në fundjavë ia rrëmbeu një pikë, tani e pati radhën edhe Liverpooli. Ndeshja u mbyll baras 0:0.

Të mërkurën zhvillohet derbi i javës, takohen rivalët lokal ku Tottenham pret Chelsean.

Premierliga, java 17-të:

E mërkurë, 21 Dhjetor 2011

Aston Villa – Arsenal 1:2 (Albrighton 54 / Van Persie 17-pen, Benayon 87)

Man City – Stoke 3:0 (Aguero 29, 54, Johnson 36)

Newcastle – West Brom 2:3 (Ba 34, 81 / Odemwingie 20, McAuley 44, Scharner 85)

Everton – Swansea 1:0 (Osman 69)

Fulham – Man Utd 0:5 (Welbeck 5, Nani 28, Giggs 43, Rooney 88, Berbatov 90)

QPR – Sunderland 2:3 (Helguson 63, Mackie 67 / Bendtner 19, Sessegnon 53, Brown 89)

Wigan – Liverpool 0:0

E Enjte , 22 Dhjetor 2011

Tottenham – Chelsea, 21:00

E martë:

Blackburn – Bolton 1:2 (Yakubu 67 / Davies 5, Reo-Coker 30)

Wolves – Norwich 2:2 (Ebanks-Blake 37, Zubar 82 / Surman 12, Jackson 76)

Tabela:

1. Man City 44, 2. Man Utd 42, 3. Tottenham (-2 ndeshje) 34, 4. Chelsea (-1) 32, 5. Arsenal 32, 6. Liverpool 30, 7. Newcastle 27, 8. Stoke 24, 9. Norwich 21, 10. WB 21, 11. Everton (-1) 20, 12. Aston Villa 19, 13. Fulham 18, 14. Swansea 18, 15. Sunderland 17, 16. QPR 16, 17. Wolves 15, 18. Wigan 14, 19. Bolton 12, 20. Blackburn 10.

A.Durmishi

Sporti shqiptar

Me edhe një humbje, Blackburn “merr” vendin e fundit nga rivali në të cilën u mposhtë sonte, Bolton. Ndërsa në ndeshjen e dytë Wolverhampton, Norwich doli i pamposhtur në ndeshjen e tretë me radhë (2:2).

Këto ishin dy ndeshjet e para të javës së 17-të që zhvillohet në mesjavë, kurse të mërkurën dhe të enjten zhvillohen takimet tjera. Në program janë disa ndeshje mjaft interesante.

Arsenal do të udhëtoj pothuajse e përgjysmuar për në Birmingham ku në “Villa Park” do të ndeshet me Aston Villën. Trajneri, Arsen Wenger do t’i mungojnë plotë dhjetë futbollistë. Sidomos problem të madh do ta ketë vijën mbrojtëse.

Përveç humbjes së fundit kundër Cityt, Arsenal mbeti edhe pa mbrojtësin e lënduar Johan Djourou, kurse pak a shumë në këto pozita, tani më të lënduar janë edhe Bacary Sagna, Kieran Gibbs, Andre Santos dhe Carl Jenkins. Ndërsa në vend të Djourou-s Wenger pritet të inkuadroj Squillaci-n ose Miquelom-in.

Edhe në repartet tjera Wenger ka mungesa, sikurse Jack Wilsher, Lukasz Fabianski, Vito Mannonea dhe Abou Diaby, ndërsa i suspenduar është Alex Song.

Ndërkaq Manchester City do ta pretë një ndër skuadrat më në formë në Premierligë, Stoke City i cili nga katër duelet e fundit ka po aq fitore.

Rivalët e qytetit, Mancheter United, udhëton në Londër që do të ndeshet me Fulhamin-gjithmonë të paparashikueshëm për “djajtë e kuq”, por që sivjet nuk po gëzon rezultate aq të mira.

Do të jetë interesant edhe përballja e Liverpoolit në Wigan – skuadër kjo që i mori një pikë të madhe Chelseat në fundjavë.

Ndeshja kryesore do të zhvillohet të enjten ku do të takohen rivalët e kryeqytetit, Tottenham – Chelsea.

Premierliga, java e 17-të:

Blackburn – Bolton 1:2 (Yakubu 67 / Davies 5, Reo-Coker 30)

Wolves – Norwich 2:2 (Ebanks-Blake 37, Zubar 82 / Surman 12, Jackson 76)

E mërkurë, 21 Dhjetor 2011

Aston Villa – Arsenal, 20:45

Man City – Stoke, 20:45

Newcastle – West Brom, 20:45

Everton – Swansea, 21:00

Fulham – Man Utd, 21:00

QPR – Sunderland, 21:00

Wigan – Liverpool, 21:00

E Enjte , 22 Dhjetor 2011

Tottenham – Chelsea, 21:00

A.Durmishi

Sporti shqiptar

Federata e futbollit anglez (FA) ka njoftuar vendimin me të cilin suspendon sulmuesin uruguaian të Liverpoolit, Luis Suarez për shkak dëshmive se ka ofenduar futbollistin e Manchester Unitedin, Patric Evra, në baza racore. Komisioni i pavarur i FA-s, i cili nga 14 deri me 20 dhjetor ka udhëhequr hetimet dhe ka dëgjuar dëshmitarët e rastit në fjalë gjatë ndeshjes së Liverpoolit dhe Manchester Unitedit të luajtur më 5 nëntor në “Anfield”, përfundimisht të martën ka marrë vendimin e saj.

Luis Suarez është shpallur fajtor dhe është dënuar me gjithsejtë tetë ndeshje suspendim në të gjitha garat, gjithashtu është gjobitur edhe me 40 mijë funte angleze. FA në njoftimin e saj ka shtuar se është vërtetuar se futbollisti i Liverpoolit ka thënë fjalë që në thelb kanë qenë të referuara në nënçmim të ngjyrës dhe lëkurës.

Ekzekutimi i këtij vendimi është shtyrë për 14-ditë, me vendim po të FA-s, nëse Suares do të ushtronte të drejtën e ankesës, e nëse këtë nuk e bën, atëherë vendimi hyn në fuqi pas skadimit se periudhës së apelimit.

A.D.

Sporti shqiptar

Në katër ndeshjet e së dielës në kuadër të javës së 16-të të Premierligës kanë triumfuar skuadrat favorizuese.

Manchester United ka fituar ndeshjen në Londër kundër QPR-s 0:2. “Djajtë e kuq” që në minutën e dytë tundën rrjetën e vendasve. Rooney me kokë shënoi golin e tij të dymbëdhjetë në kampionat çka këtë futbollist për momentin e bën golashënuesin e dytë në ligë.

Pas këtij goli, United ia lëshoi iniciativën vendasve dhe me lehtësi ruajti rezultatin deri te goli i dytë dhe rezultati final 0:2. Michael Carrick (56’) shënoi golin e sigurisë të tre pikëve të reja.

Ndërsa edhe Liverpool, po ashtu si mysafire e Aston Villës në Birmingham me lehtësi erdhi deri te trepikëshi. “The reds” për vetëm katër minuta lojë shemben “Villa Park”-un duke siguruar fitoren e pestë si udhëtuese në Premiership. Është interesant fakti se skuadra e prirë nga Kenny Dalglish më shumë ka marrë pikë si udhëtuese se sa në “Anfield”. Me tre pikët e fituara sonte, Liverpool ndanë vendin e pestë me Arsenalin i cili sonte pësoi kundër Cityt në Manchester.

Heroi i “reds”-ave kundër Aston Villës ishte uellsiani Craig Bellamy i cili së pari shënoi golin e parë (11’), e pastaj tre minuta më vonë “asistoi” nga korneri ku sllovaku Martin Shkrtel realizoi me kokë për rezultatin përfundimtar 0:2. Liverpool në përgjithësi në pjesën më të madhe të ndeshjes ishte skuadër më e mirë dhe me meritë arkëtoi pikët e plota.

Në anën tjetër, Tottenham fitoi minimalisht kundër Sunderlandit 1:0. Golin e vetëm në ndeshje për vendasit shënoi sulmuesi rus, Roman Pavljuchenko pas asistimit të holandezit Rafael Va nder Vaart (61’). Ishte kjo vetëm paraqitja e tretë në Premierligë për sulmuesin rus dhe njëherit goli i tij i parë, ndërsa në fushë u paraqit pas minutës së 27-të kur zëvendësoi Aaron Lennonin e lënduar. Pas kësaj fitoreje, skuadra e Harry Redknapp ka kaluar Chelsean në vendin e tretë të klasifikimit, ndërsa ka edhe një ndeshje më pak të zhvilluar se dy skuadrat e para në tabelë.

Ndeshja e fundit ishte njëherit derbi i javës. Manchester City nuk lejoi befasi edhe pse deri te pikët erdhi me vetëm një gol të shënuar kundër “topçinjve” të Arsen Wengerit.

Goli i vetëm u shënua në minutën e 53-të pas gjuajtës së furishme nga e majta prej Balotellit, portieri mysafir, Szczesny vetëm sa ia doli ta ndal topin, i cili pastaj në tollovi erdhi deri te spanjolli David Silva dhe nga afërsia shënoi gol për tre pikët që do thotë se mban skuadrën e tij akoma prijëse në klasifikim. City vazhdon të mbesë dy pikë përpara skuadrës tjetër rivale të qytetit, United. Edhe pse ndeshja deri diku ishte e barabartë, Arsenal regjistroi humbjen e pestë kampionale, e para prej më shumë se dy muajve kur kishin pësuar nga Tottenhami 2:1. Në anën tjetër skuadra e Mancinit shpejtë harroi humbjen nga Chelsea dhe vazhdon t’i prijë klasifikimit.

Premiership, xhiroja e 16-të:

ManchesterCity– Arsenal 1:0 (Silva 53)

Tottenham –Sunderland1:0 (Pavljuchenko 61)

Aston Villa –Liverpool0:2 (Bellamy 11, Shkrtel 15)

QueensParkRangers -ManchesterUnited 0:2 (Rooney 2, Carrick 56)

Tabela:

1. ManchesterCity16 13 2 1 50-15 +35 41
2. Manchester United 16 12 3 1 37-14 +23 39
3. Tottenham 15 11 1 3 31-18 +13 34
4. Chelsea 16 10 2 4 34-19 +15 32
5. Arsenal 16 9 2 5 31-24 +7 29
6. Liverpool 16 8 5 3 20-13 +7 29
7. Newcastle 16 7 6 3 21-19 +2 27
8. Stoke 16 7 3 6 18-25 -7 24
9. Norwich 16 5 5 6 25-29 -4 20
10. Aston Villa 16 4 7 5 18-21 -3 19
11. Fulham 16 4 6 6 18-18 0 18
12. Swansea 16 4 6 6 16-20 -4 18
13. W.B.A. 16 5 3 8 16-24 -8 18
14. Everton 15 5 2 8 16-19 -3 17
15. QPR 16 4 4 8 15-28 -13 16
16. Sunderland 16 3 5 8 18-19 -1 14
17. Wolverhamptom 16 4 2 10 17-30 -13 14
18. Wigan 16 3 4 9 15-30 -15 13
19. Blackburn 16 2 4 10 23-36 -13 10
20.Bolton 16 3 0 13 20-38 -18 9

A. Durmishi

Sporti shqiptar

Futbollistët e Chelseat morën vetëm një pikë në javën e 16-të të Premierligës në përballje në udhëtim tek Wigan 1:1.

Në duelin e sotëm Chelsea kishte hyrë pas tre fitoreve rresht në Premierligë, duke llogaritur edhe atë ndaj liderit në tabelë në javën e fundit kundër Man Cityt (2:1). Edhe kundër Wiganit “blutë” erdhën të parët në epërsi nëpërmjet Daniel Sturridge (59) dhe u ndodhën në rrugë të mirë drejt edhe një trepikëshi tjetër, edhe pse londinezët nuk shkëlqyen me lojë që nga fillimi i ndeshjes. Por, panika në mbrojtjen e mysafirëve, si i Raul Meireles, po ashtu edhe të portierit Petr Cech, rezultoi me golin e Jordi Gomez në minutën e 88-të, të katërtin në pesë ndeshjet e fundit, ku i solli skuadrës së tij, të plasuar pothuajse në fund të tabelës, një pikë të artë në luftë për ekzistencë.

Megjithatë duhet pranuar se Wigan me plotë meritë rrëmbeu këtë pikë pasi që pothuajse gjatë tërë takimit ishin më të rrezikshëm, duke pasur posedimin e topit në 51%, por edhe gjuajte më shumë, si në portë (14-11), po ashtu edhe jashtë saj (6-2).

Edhe Newcastle vetëm një pikë me Swansea

Newcastle ka vazhduar me rezultate jo pozitive në fushën e saj duke luajtur vetëm baras pa gola me uellsianët e Swanseas e 0:0. Skuadra e veriut të Anglisë fitoren e fundit në fushën e vetë e ka arritur me 5 nëntor kundër Evertonit 2:1. Pas kësaj fitore kanë luajtur pesë ndeshje pa fituar duke marrë vetëm dy pikë dhe tre humbje. Kundër uellsianëve ishin skuadër më kërkuese duke e mbajtur nën “rrëthim” portën mysafire, por nuk gjetën rrugën drejt rrjetës. Swansea nuk pati asnjë gjuajte në kuadër të kuadratit, por kjo ishte ngushëllim i pakët për tifozët vendas.

Humbjen e pestë përjetoi edhe Boltoni, kësaj here në udhëtimin e tyre në Londër kundër Fulhamit në “Craven Cottage” duke pësuar edhe një herë – 2:0. Fulham me dy gola të shënuar me diferencë kohore prej vetëm tre minutave theu Boltonin, tani më “favorit” për rënie nga liga. Golat për “bardhezinjtë” shënuan Clint Dempsey dhe Bryan Ruiz duke ngulitur mysafirët në vendin e fundit të klasifikimit.

Stoke City pasi që javën e kaluar mposhti Tottenhamin, me të njëjtin rezultat “lidhi” edhe fitoren tjetër në udhëtim te Wolves -2:1, ndërsa heroi i takimit ishte sulmuesi Peter Crouch që shënoi golin vendimtar në minutën e 70-të.

Në dy ndeshjet tjera, Everton remizoi në “Goodison Park” 1:1 kundër Norwichit, kurse WBA triumfoi në udhëtim tek Blackburni me golin e vonshëm të shënuar nga Peter Odemwingiea (89).

Ndërsa të dielën takohen, QPR – Man Utd (13:00), Aston Villa – Liverpool (15:05), Tottenham – Sunderlan (16:00) dhe derbi i kësaj jave, Man City – Arsenal nga ora 17:10.

Premierliga, java e 16-të:

Wigan- Chelsea 1:1 (Gomez 88 / Sturridge 59)

Blackburn -West Bromwich1:2 (Dann 72 / Morrison 53, Odemwingie 89)

Everton -Norwich1:1 (Osman 81 / Holt 28)

Fulham -Bolton2:0 (Dempsey 32, Ruiz 34)

Newcastle-Swansea0:0

Wolverhampton- Stoke City 1:2 (Hunt 17-pen / Doyle 58-aut, 70 Crouch)

Tabela:

1. ManCity15 12 2 1 49-15 +34 38
2. Man United 15 11 3 1 35-14 +21 36
3. Chelsea 16 10 2 4 34-19 +15 32
4. Tottenham 14 10 1 3 30-18 +12 31
5. Arsenal 15 9 2 4 31-23 +8 29
6. Newcastle 16 7 6 3 21-19 +2 27
7. Liverpool 15 7 5 3 18-13 +5 26
8. Stoke City 16 7 3 6 18-25 -7 24
9. Norwich City 16 5 5 6 25-29 -4 20
10. Aston Villa 15 4 7 4 18-19 -1 19
11. Fulham 16 4 6 6 18-18 0 18
12. Swansea City 16 4 6 6 16-20 -4 18
13. WB Albion 16 5 3 8 16-24 -8 18
14. Everton 15 5 2 8 16-19 -3 17
15. QP Rangers 15 4 4 7 15-26 -11 16
16. Sunderland 15 3 5 7 18-18 0 14
17. Wolves 16 4 2 10 17-30 -13 14
18. Wigan 16 3 4 9 15-30 -15 13
19. Blackburn 16 2 4 10 23-36 -13 10
20.Bolton 16 3 0 13 20-38 -18 9

A. Durmishi

Sporti shqiptar

Frank Lampard hyri në ndeshje si zëvendësues dhe nga pika e bardhë ia shkaktoi humbjen e parë kampionale Manchester City-t.

Lampard edhe në një ndeshje nuk ishte lojtar startues, por shtatë minuta para fundit të ndeshjes përcaktoi fituesin e takimit pasi që më parë një gjuajte të Daniel Sturidge-s e ndali me dorë brenda zonës mbrojtësi mysafir Joleon Lescott.

Ndërsa dominimin e mysafirëve në fillim të ndeshjes e konkretizoi me gol Mario Balotelli pas asistimit të mrekullueshëm nga Aguero.

Golin e barazimit shënoi portugezi Meireles pas solo-depërtimit dhe pasit të dhënë nga Sturridge – mesiguri lojtarin e ndeshjes nga ky takim.

Ndërsa në vazhdim të pjesës së dytë, skuadra e udhëhequr nga Roberto Mancini mbeti pa një futbollist në fushë pas kartonit të dytë të verdhë të Gael Clishy-t.

Ishte kjo humbja e parë pas 15 ndeshjeve për City-n dhe tani i duhet ta rikuperojë në ndeshjen e ardhshme kundër Arsenalit.

Kurse blutë e Londrës pas shumë problemeve treguan karakter të lartë dhe dëshirë të madhe për fitore çka në fund edhe iu shpagua mundi i dhënë gjatë 90 minutave lojë.

Chelsea – Man City 2:1 (1:1)

Meireles 34’, Lampard 82’ (pen) – Balotelli 2’

Chelsea:

Cech – Ivanovic, Cole,  Bosingwa, Terry – Romeu, Ramires , Meireles (Lampard), Mata (Malouda) –Drogba, Sturridge (Mikel).

Man City:

Hart – Kompany, Zabaleta, Lescott (Xheko), Clichy – Milner, Barry, Silva (De Jong), Y. Toure –Aguero (K. Toure), Balotelli.

1. Man City     15     34     38
2. Man Utd     15     21     36
3. Chelsea    15    15    31
4. Tottenham     15     12     31
5. Arsenal    15     8    29
6. Liverpool     15      5     26
7. Newcastle     15      2     26
8. Stoke     15     -8     21
9. Aston Villa     15     -1     19
10. Norwich     15     -4     19
11. Swansea     15     -4     17
12. Everton     14     -3     16
13. QPR     15     -11     16
14. Fulham     15     -2     15
15. West Brom     15     -9     15
16. Sunderland     15       0     14
17. Wolves     15     -12     14
18. Wigan     15     -15     12
19. Blackburn     15     -12     10
20. Bolton     15     -16      9

A.D.

Sporti shqiptar

Siç lajmërojnë mediumet ndërkombëtare, skuadra e Superligës së futbollit kinez, Shanghai Shenhua, ka lajmëruar se ka arritur marrëveshje dyvjeçare me sulmuesin e Chelsea-t, Nicolas Anelka.

Skuadra kineze nuk ka dashur të tregojë detajet financiare edhe pse më herët është thënë se Anelka do të përfitoj 200.000 funte angleze në javë.

Anelka do t’i bashkohet Shangait në muajin janar.

32-vjeçari  për blutë e Chelsea-t kishte nënshkruar në janar të vitit 2008, duke shënuar 59 gola në 185 paraqitje.

Kontrata i skadon në verën e ardhshme, por që më herët kishte bërë kërkesë që të lirohej para skadimit të saj, ndërsa kërkesa u miratua në javën e kaluar.

Shanghai Shenhua tani veç ka publikuar fotografinë e Anelka-s në ueb-faqen e saj zyrtare.

Anelka iu kishte bashkëngjitur Chelsea-t për 15 milion funte nga Bolton-i, por pas konkurrencës së ngjeshur në sulmin e bluve, me emrat si Didider Drogba, Daniel Sturridge dhe Fernando Torres, më se kishte vendin e sigurt në përbërjen e trajnerit portugez, Andre Villas-Boas.

Francezi ka të shënuar vetëm një gol në 15 paraqitjet e tij në këtë edicion.

Ndërsa skuadra e tij e re, Shanghai Shenhua ka përfunduar sezonin në pozitën e 11-të në mesin e 16 skuadrave që përbëhet Superliga kineze.

Skuadra nuk ka fituar titullin e kampionit të vendit që nga viti 2003 dhe si duket kanë vendosur që ta fitojnë atë duke u përforcuar edhe me sulmuesit  brazilianë Cleo  dhe Muriqui dhe janë në kontakte edhe me menaxherin francez Jean Tigana sikurse edhe me bashkëlojtarin e Anelkas-s, Didier Drogba.

A. Durmishi

Sporti shqiptar