Borussia Dortmund është shpallur kampion i Bundesligës pas fitores 2-0 ndaj Borussia Monchengladbach. Kur duhen edhe dy ndeshje nga përfundimi i sezonit skuadra verdhezi është e shkëputur 7 pikë nga Bayern Munchen i vendit të dytë.

Djemtë e Jurgen Klopp zhvilluan një ndeshje të madhe në Signal Iduna Park në prani të mbështetësve të tyre dhe golat e Perisic (23’) e Kagawa (59’) bënë që festa të shpërthente.

Në këtë mënyrë Borussia Dortmund fiton titullin e dytë radhazi kampion në Gjermani dhe titullin numër 8 në historinë e klubit.

Kaiserslautern bie nga kategoria edhe pse fiton

Kaiserslautern mori tre pikët në transfertë ndaj Hertha Berlin, por që nuk i shërbyen aspak sepse barazimi i Koln në Stuttgart bëri që ish-ekipi ku ka luajtur edhe sulmuesi shqiptar Igli Tare të bjerë në kategorinë e dytë gjermane.

Sporti shqiptar
Raiffeisen Superliga

“Menaxheri i Borussias, Max Eberl, ka arritur marrëveshje me supertalentin zviceran Granit Xhaka. Gladbach fiton luftën me Hamburgun e Liverpoolin. Reprezentuesi i Zvicrës dëshiron të bëjë hapin tjetër të karrierës me super-trajnerin Lucien Favre. Duhet të arrihet edhe marrëveshja me Baselin. Nuk do të ketë problem pasi Borussia ka mbledhur 17.5 milionë euro nga transferimi i Marco Reusit në Dortmund”, shkruan gazeta “Express” (më gjerësisht në “Koha Ditore”) .

Sporti shqiptar
Raiffeisen Superliga

Mesfushori Ilikay Gundogan i dha fitoren Borussia Dortmundit në gjysmëfinalen e Kupës së Gjermanisë ndaj Greuther Furth në minutën e fundit të kohës shtesë të takimit. 

Greuther Furth, kryesuesja e kategorisë së dytë të kampionatit gjerman, e vuri shumë në vështirësi kampionin në fuqi të Bundesligës me një mbrojtje shumë të mirë.

Verdhezinjtë patën tre raste të mira me Kagawa dhe Grosskreutz, por portieri Max Grun reagoi me pritje të shkëlqyera.

Në momentin që Greuther Furth po përgatitej për goditjet e 11-metërshave pas 120 minutash lojë të përfunduara 0-0, Borussia arrin të zhbllokojë rezultatin. Gundogan mposht me fat portierin e dytë të skuadrës vendase që kishte hyrë në lojë pikërisht për pritjet e gjuajtjeve nga pika e bardhë./top-chanell

Sporti shqiptar
Raiffeisen Superliga

Bazeli i Zvicrës më nuk është befasi në Ligën e kampionëve të futbollit evropian. Ata pas mënjanimit nga garat skuadrën e mirënjohur angleze Mançester Junajed Baselit, në takimikn e radhës,para adhuruesve të vet kanë mposhtur edhe Bajernin e Munihut me rezultat 1:0. Dy kosovarë Xherdan Shaqiri dhe Granit Xhaka, patën paraqitje tejet dinjitoze.
Xherdan Shaqiri u zëvendësua në minutën e 83-të  nga Jaques Zoua  dhe pikërisht nga zëvendësuesi I tij u fillua aksioni që më vëonë u shëndrrua në gol nga Valentin Stocker.
Edhe ndeshja tjetër e Ligës së kampionëve Olimpik Marseille – Inter Milan përfundoi me 1 0. Golin e vetëm në ndeshje, në minutën 90, e shënoi A. Ayeë.
G.K

Sporti shqiptar
Raiffeisen Superliga

Posteri me foto të Shaqirit i vendosur në fushën stërvitëse të Bayernit.Foto Blick

Kështu ishte me të vërtet, por vetëm me Shaqirin në formë të një posteri të madh të tij nga letra të cilin e kishte bërë gazeta “Blick”.

Gjatë vizitës së futbollistëve të Bayernit në Mynih “Blick” ka sjellë edhe një lojtarë të ri në stërvitjen e tyre – posterin prej kartoni te Xherdan Shaqiri.

 Trajneri Jupp Heynckes ishte i impresionuar.

Tetë ditë para ndeshjes së parë të së tetës së finales në Ligën e Kampionëve, kampionët gjermanë (21 tituj), kanë qenë nën vëzhgim të një mediumi zviceran.

“Blick” me vete ka marr një objektiv siluetë me: Xherdan Shaqirin. Për ta prezentuar ate nuk ka qenë e nevojshme. Të gjithë futbollistët e Bayernit tashmë e njohin atë.

Kapiteni Philipp Lahm, i cili në 22 shkurt në fushë do të ketë drejtpërdrejt punë me “xhuxhin maxhik”, thotë:  “Ai ka aftësi të veçanta. Teknikisht i mirë, i shkathët, i rrezikshëm para portës”. Mbrojtesi Holger Badstuber : ” Shaqiri është një lojtar i shpejtë dhe lojtar që mund ta vendosë ndeshjen. “

Ndërsa trajneri Jupp Heynckes thot: “Ai është një talent i jashtëzakonshëm. Unë shoh atë në frontin e mesfushës ose në anën e djathtë”.  Pastaj Heynckes tregohet i impresionuar për Shaqirin: ” Se si ai e merr topin, dhe teknikën që ka. Ai ka atë veti që duhet të mbizotërojë të Bayerni, mund të jetë shumë i madh”

Shaqiri nuk ka nevojë për t’u shqetësuar, pavarësisht nga konkurrenca e madhe në ekip. Heynckes: “Unë i shoh talentët e jashtëzakonshëm, gjithnjë i kam inkurajuar shumë futbollistë të rinjë. Shaqiri do të ketë shansin e tij. “

Shaqiri është shumë mirë i njohur për futbollistet e Bayernit të Munichut, por ai është pak a shumë  i panjohur për tifozët. Paul dhe Klaus, dy pensionistë të cilët janë çdo ditë në stërvitjet e Bayernit: “Shaqiri ?”, thotë Klaus kur e ka pa, “nuk është brazilian, që luan në Zvicër ? ”

” Jo,” korrigjon Pali: ” Ai është një zviceran me origjinë nga Kosova”

Të mërkuren e ardhshme edhe ata do të din shumë më shumë se kush vërtet është Xherdan Shaqiri…!

Marrë nga www.kosovain.eu

Shaqiri para Shtepisë së Kuvendit në Munih, aty ku Bayerni feston titullin

Sporti shqiptar
Raiffeisen Superliga

Barcelona prej fillimit e deri në fund ka qenë bindshëm më e mirë si me lojë po ashtu edhe me rezultat në përballje me skuadrën gjermane, Leverkuseni, në ndeshjen e parë të të tetës së finales së Champions League në futboll.

Katalunasit si udhëtues shënuan fitore me rezultat 3:1 dhe kësisoj bën hapin e parë drejt çerekfinales. Qysh në pjesën e parë kampioni ka pasur posedimin e topit pothuajse më shumë se 75 për qind, duke dëshmuar sundimin në fushë.

Katër minuta para se të përfundoi pjesa e parë katalunasit udhëheqin me rezultat 0:1 nëpërmjet golit të Sanchezit, që për bukuri shfrytëzoi rastin ideal dhe me gjuajtje për tokë mposhti portierin vendas. Pjesa e dytë ka filluar mirë për gjermanët, duke barazuar rezultatin me golin e Kadlec pikërisht në minutën e 52-të.

Kjo ishte e tëra, ngase kampioni në stilin e vetë mori administrimin e lojës deri në fund. Në minutën e 55-të i disponuari për lojë Sanchez kaloi sërish në epërsi skuadrën e tij, 1:2. Leverkuseni është munduar me forcat e veta, por kot, për faktin se udhëtuesit ishin shumë më të mirë. Lionel Messi vulosi rezultatin në 1:3 në minutën e 88-të.

Kampioni në fuqi takimin e kthimit e pret me qetësi, ndërsa Leverkuseni ka gjasa më pak se minimale që të bëj diçka më shumë në takimin e kthimit në Camp Nou. Në ndeshjen tjetër të së martës, të luajtur në stadiumin “Gerland”, Lioni respekton parashikimet duke thyer 1-0 surprizën e APOEL Nikozias.

Rezultati I ndeshjes u vendos nga goli I Aleksandre Lakazet në të 58-ën. Por, pavarësisht dominimit në lojë, francezët nuk arrijnë të shënojnë edhe golin e sigurisë dhe tashmë udhëtojnë drejt Qipros me një fitore minimale, që gjithsesi nuk jep garanci për kualifikimin.Marrë nga kosovain.eu.

Sporti shqiptar
Raiffeisen Superliga

Tifozët e Bayernit shumë lehtë e mbajn mend dhe e thonë emrin e Shaqirit. Ate e lidhin shumë me këngëtaren e njohur Shakira. Trajneri Heynckes “kishte menduar” se Bayernit do ta transferon Shakiren, por i doli Shaqiri.

Në një konferencë për shtyp trajneri aktual i Bayernit të Munichut, Jupp Heynckes ka folur në superlativ për futbollistin shqiptar Xherdan Shaqiri, i cili nga korriku 2012 do të jetë pjesë e skuadres më të trofeshme gjermane.

Haynckes krejt fjalët e mira për Shaqirin dhe të ardhmen e tij te Bayerni e ka përfunduar me fjalinë: ”Ai është një futbollist i vërtetë  që përshtatet te FC Bayerni”.

Mirëpo pas kësaj, Heynckes tregoi (ne shaka) se kend në të vërtet ka dashte ta transferoi klubi i tij. ”Unë kam qenë më shumë për transferimin e Shakires, por këta ma sollën Shaqirin”.

E.E.

SHAQIRISHAKIRA

Sporti shqiptar
Raiffeisen Superliga

Xherdan Shaqiri, pas zyrtarizimit të transferit të tij që do të ndodhë gjatë veres nga Bazeli te Bayerni i Munichut, ka dhënë një intervistë për gazeten zvicerane “Blick”, të cilën “albaspox.com” ua sjell në tërsi.

Jeni transferuar për rreth 12 milion euro te Bayerni. A keni frikë nga konkurenca, si Arjen Robben, Franck Ribery ?

Shaqiri: Natyrisht se kam respekt për emrat e njohur të futbollit. Por ata që më njohin mua, e din se unë në fushë të gjelbertë nuk i frikohem askujt. Unë dua që edhe te Bayerni i Munihut të jem lojtar titullar. Mirëpo një gjë dihet, te Bayerni janë 15 reprezentues. Dua që të tregohem në një top ligë. Dua të tregohem i guximshëm.

Ju tash do të fitoni para të mira (rreth 1 milion €uro netto). A keni pranuar ofertën më të mirë financiare ?

Shaqiri: Jo. Te Zenit St.Petersburg ose Galatasaraj unë do të fitoja më shumë personalisht. Por unë e kam pas të qartë se dua të transferohem në Gjermani, ose në Spanjë, Itali apo Angli. Nga këto Bundesliga ka qenë gjithmon numër 1. Dhe është mirë që nga kjo doli të jetë Bayerni i Munichut. Por tash për tash dëshiroj që të kënaqem edhe pak kohë me FC Bazelin.

Disa bashkëlojtar tuaj pas karrieres jasht Zvicrës janë kthyer përseri (Frei, Straller).A do të ndodhë edhe me ty kështu ?

Shaqiri: Po. Unë dua që karrieren time ta përfundoi në Bazel. Ndoshta në 10 apo 15 vjet (qesh). Kurdoqoftë dua që të kthehem përsëri këtu.

Me 22 shkurt Bazeli takohet në çerekfinale të Ligës së Kampioneve me Bayernin. A do të guxonit të shënoni ndoj gol ?

Shaqiri: Më duhet…(qesh). Unë do të jap çdo gjë nga vetja deri në momentin e fundit për Bazelin. Dua që ne të fitojme edhe dy tituj, së paku (qesh). Edhe kundër Bayernit do të jap çdo gjë nga vetja.

Trajneri i juaj Thorsten Fink ka deklaruar se ju jeni trashë. Për Bayernin ju do të duhej që të dobësoheni 3 deri 4 kilogram.

Shaqiri: Nuk e di a ka thënë pikërisht kështu. Ju ka thënë juve (Blick) këtë me telefon?

Po. 

Shaqiri: Ateherë unë do t’i thoja Thorsten Fink-ut se ju keni telashe tjera. Ju duhet të shikoni se si të dilni nga pjesa e poshtme e tabelës me Hamburgun !

A është Bayerni për juve vetëm një stacion kalimtar ?

Shaqiri : (qesh) Do të ishte shumë mirë që nga FC Bayerni të kalohet te FC Barcelona. Tashmë është e njohur se ekipi im i ëndrrave është FC Barcelona. Nëse unë do të largohesha nga Bayerni do të shkoja përsëri te një FCB…!

Ne kemi përgatitur një fanelë tuajen te Bayern Munichut të cilen gazeta jonë (Blick) do ta ndaj për lexuesit. A do ta nënshkruani ju ate ?

Shaqiri: Natyrisht. Edhe pse numri im 17 është i ndarë për Boateng. Në verë do të jetë numri 8 i lirë. Por ne do të shohim në fund cilin numër do ta kem .

E.E.

Xherdan Shaqiri nënshkruan fanelen e tij të parë me ngjyrat e Bayernit

Sporti shqiptar
Raiffeisen Superliga

E gjelberta është ngjyrë e shpreses. E gjelberta është ngjyra e suksesit ! Dhe, në vitin 2012 Gjermania do të bartë sërish fanelat ngjyrë të gjelbërtë.

Ka qenë viti i largët 1954 kur reprezentacioni kombëtar i Gjermanisë është paraqitur me fanela ngjyrë të gjelbertë. Ngjyra e gjelbertë simbolizon Federaten e futbollit gjerman (DFB).

Tradicionalisht kur luan reprezentacioni i Gjermanisë si vendas luan me fanela të bardha dhe brekë të zeza, ndërsa në ndeshjet si mysafir Gjermania është paraqitur në fanela ngjyra të ndryshme. Herë në të gjelbërta, herë në të kuqe, e herë në të zeza.

Për vitin 2012 Gjermania në ndeshjet si mysafir rikthen sërish fanelat me ngjyrë të gjelbertë.

Marrë nga www.kosovain.eu

Sporti shqiptar
Raiffeisen Superliga

Marrveshja për transferimin e talentit të madh shqiptar me shtetësi zvicerane, Xherdan Shaqiri te skuadra më e trofeshme gjermane Bayern Munich tashmë është punë e kryer. Futbollisti 20 vjeçar ka nënshkruar kontratë katërvjeçare me Bayernin , d.m.th. deri në vitin 2016.Këte e ka konfirmuar klubi gjerman.

Kontrata e re e lidh Xherdan Shaqirin me Bayernin në periudhen prej 1 korriku 2012 deri me 30 qershor 2016. Këtë e ka konfirmuar FC Bayerni ditën e enjte. Për shumen e transferit të dy klubet janë pajtuar të heshtin, por merret vesh se ajo sillet afër 12 milion euro. Kontrata e Shaqirit te Bazeli ka qenë valide deri me 2014.

“Jemi shumë të lumtur që kemi arritur marrveshje ta transferojmë talentin më të madh të futbollit në Evropë – Xherdan Shaqirin” ka thënë Drejtori sportiv i Bayernit – Christian Nerlinger.

“Xherdani me intelegjencen e tij në loje dhe me driblingjet e tija do ta përforcoj ekipin tonë. Unë e kam përcjellë ate qe një kohë të gjatë dhe jam i bindur se ai për FC Bayernin do të bëhet një futbollist i rëndësishëm” ka deklaruar trajneri i Bayernit,  Jupp Heynckes.

Shaqiri ditën e martë ka apsolvuar kontrollen mjeksore te Bayerni dhe në vazhdim kishte zhvilluar negociatat dhe kishte arritur marrveshjen me Drejtoin sportive, Nerlinger.

Për transferimin e Shaqirit nga Bazeli te kampioni rekord i Gjermanisë, Bayerni është deklaruar edhe Selektori i Zvicrës, Otmar Hitzfeld i cili i njeh shumë mire cilësitë e  futbollistit shqiptar e po ashtu e njeh mirë edhe klubin e Bayernit të cilin e kishte drejtur disa vite me radhë: ” Jam i bindur se Xherdan Shaqiri do të jetë lojtar standart i Bayernit. Ai ka cilësi, është leht i adaptushëm dhe është lojtar me intelegjencë”.

Shaqiri do të vazhdoi edhe këtë gjysëmsezon te Bazeli. Për koincidencë pikërisht këto dy skuadra Bazeli e Bayerni takohen në çerekfinalen e Ligës së Kampionëve, me 22 shkurt në Bazel dhe në ndeshjen e kthimit me 13 mars në “Alianc Arena “ të Munichut.

Marrë nga  Xherdan Shaqiri ka deklaruar me heret se 50% e tij lidhet me Kosovën

Sporti shqiptar
Raiffeisen Superliga