Fadil Vokrri është rizgjedhur kryetar i Federatës së Futbollit të Kosovës, edhe për një mandat katërvjeçar. Në Kuvendin Zgjedhor të mbajtur sot në ambientet e Restorantit Te Rrethi në Prishtinë, kreu i FFK-së i cili ishte kandidati i vetëm për kryetar, u votua unanimisht nga të gjithë delegatët e pranishëm, që mori 54 vota nga gjithsej 59 sa numëron Kuvendi i FFK-së. Në emër të Ministrisë së Sportit të Kosovës, punimet e këtij kuvendi i përshëndeti Ibër Aalj, drejtor i Departamentit të Sportit të Kosovës.

Fadil Vokrri, pas zgjedhjes si i pari i FFK-së, prezentoi në pika të shkurta programin e tij për mandatin e ri.

Pas zgjedhjes së kryetarit, nuk kishte ndryshime as nga anëtarët e Komitetit Ekzekutiv të FFK-së. Edhe për katër vjet, Komiteti Ekzekutiv i FFK-së do të jetë në përbërje prej Agim Ademit nga Rajoni i Prishtinës, Xhelal Brojës nga ai i Mitrovicës, Bakir Burri nga Peja, Agim Maloku nga Prizreni, Murat Hoxha nga Gjilani, Ilaz Mjaku nga Ferizaj, Luan Vokshi nga Gjakova dhe Vjollca Krasniqi nga futbolli i Femrave.

Kreu i FFK-së Fadil Vokrri, emëroi Bekim Haxhiun si nënkryetar të FFK-së, kurse dy të tjerët do t’i bëjë publik shumë shpejt.

Në fund, disa nga delegatët, propozuan që Kuvendi i FFK-së, në të ardhmen të ketë më shumë delegatë nga rajonet, në mënyrë që zgjedhja e kryetarit apo ndonjë çështjeje tjetër, të bëhet në mënyrë më demokratike.

G.Kosumi

Sporti shqiptar

Organizuar nga Federata Sportive e Punëtorëve të Kosovës, në Palestrën sportive Eurosport, janë zhvillua ndeshjet finale të punëtoreve të Kosovës në dy disiplina, në futboll të vogël dhe në basketboll. Fitues në garat e futb ollit është shpallur, Policia e Kosovës, pasi në finale ka mundur Doganat e Kosovës me rezultat të ngushtë 2:1. Ndërkaq në garat e basketbollit,Ipko është shpallur kampione e Kosovës, pasi në finale ka mundur Doganat e Kosovës 41:38. Të enjtën, më 8 dhjetor 2011, zhvillohen ndeshjet e Super Kupës së Kosovës. Në futboll, luajnë: Policia e Kosovës  -  Doganat e Kosovës/18,30/  dhe Raifeisen Bank – I P K O/19,30/. Takimet zhvillohen në Palestrën e Eurosport në Bardhosh.

Ndeshjet  Finale   ne FUTBOLL dhe BASKETBOLL të zhvilluara me

05.12.2011, ne Palestren “Eurosport” në Bardhosh.

FUTBOLL:    POLICIA e KOSOVËS   -   DOGANAT e KOSOVËS  2:1 (1:1)

Ndeshjen e referuan gjyqtarët: Bejtë Fejzullahu  dhe Ergyn Janjevaliu

Delegat i ndeshjes                  : Shpend  Maxhera

Mjeku kujdestar                     : Dr.Agron Bujupi

Ekipi POLICIA e KOSOVËS është FITUES i KUPËS së KOSOVËS për vitin 2011

——————————————————————————————————-

BASKETBOLL:  I P K O  – DOGANAT e KOSOVËS   41:38 (12:7,11:5,7:18,11:8)

Ndeshjen e referuan gjyqtaret: Mehdi Gashi  dhe Daut Mehmeti

Delegat i ndeshjes                : Shpend Maxhera

Mjeku kujdestar                   : Dr. Agron Bujupi

Ekipi i I P K O –s është FITUESE e KUPËS së KOSOVËS për vitin 2011

———————————————————————————————————

Më  08 Dhjetor  ( e enjte) zhvillohen ndeshjet e SUPER KUPËS së KOSOVËS në

Futboll  dhe Basketboll.

(Ne ndeshjet e Super Kupes së Kosovës, takohen fituesit e  Kampionatit dhe fituesit e Kupes ,

në të dy   disciplinat sportive)

Futboll:Policia e Kosovës  -  Doganat e Kosovës/18,30/

Basketboll : Raifeisen Bank – I P K O/19,30/

G.Kosumi

Sporti shqiptar

HIB-Petroll fitues i turneut tradicional në futboll të vogël “Dëshmorët e Kombit” i organizuar në Ferizaj për nder të 28 shtatorit Ditës së Dëshmorëve të UÇK-së në Ferizaj. Në turneu e sivjetmë i cili ishte edhe jubilar i dhjeti me radhë morën pjesë 64 ekipe. Në takimin final u takuan ekipi “HIB-Petroll” dhe ekipi “Qielli” ku pas një loje të mirëfitore shënoi ekipi “HIB-Petroll” me rezultat 8:3. Para takimit final u zhvillua edhe një ndeshje revyale ndërmjet ish futbollistëve, delegateve të Kuvendit të Kosovës, veteranëve të luftës dhe medieve. Ky takim përfundoi me rezultat të barabartë 2 me 2.

Për suksese e arritura gjatë 9 turneve të kaluar me kup u nderua ekipi i cili për 4 herë doli fitimtar i këtij turneu ekipi “Roni”

Ekipi më Fer Play ishte “StarGraf”

Golashënuesi më i mirë: Narcis Tërshana

Portieri më i mirë: Besart Ismajli

Lojtari më i mirë ishte: Shkumbin Bajraktari

Vendi i parë: Hib Petroll

Vendi i dytë: Qielli

Vendi i tretë: Swis Tim

Të gjitha mjetet e grumbulluara nga ky turne i janë dedikuar degës së Shoqatës së Familjeve të Dëshmorëve dega në Ferizaj
D.Ramadani

Sporti shqiptar

Pas dy ditë garish të zhvilluara në Qendrën e Rinisë dhe të sportit në Prishtinë, ka përfundua Turneu ndërkombëtar përkujtimor “Adem Jashari 2011” në futsall. Në këtë turne morën pjesë pëerfaqësuesja e Shqipërisë,Universiteti I Evropës Juglindore të Tetovës, Benago nga praga e Çekisë dhe mikpritësi, Përfaqësuesja e Kosovës. Fitues i Trofeut të sivjetmë Adem Jashari 2011 është Benago nga Çekia e cila në finale pas një loje të shëklqyer ka mposhtur përfaqësuesen e Kosovës me rezultat 6:4. Në ndeshje për vend të tretë UEJL i Tetovës mundi Përfaqësuesen e Shqipërisë 5:1. Kupën kapitenit të Bengaos,
Ago Simitçiu në emër të familjes Jashari ia dorëzoi Bekim Jashari.

Juria për lojtar më të mirë shpalli Angellot Garces/Benago/,
shënues më i mirë ishte Ramadan Alaj/Kosovë/ me 98 gola, portier më i dalluar Lum Dumoshi/Kosovë/, kurse lojtar më i ri i turnout: Tomash Drahovsky/Benago/.

Pallati i Rinisë dhe Sporteve. Shikues: 400. Gjyqtarë:
Përparim Hasani dhe Hajriz Hajdari/Kosovë/.

Benago-Kosova 6:4

Shënues:Allegot Garces 6,9 dhe 38, David Filinger 15 dhe
27 dhe Marcel Rodek 39 për benagon, kurse Për kosovën shënuan: Ramadan Alaj 1 dhe 40, Suad Keçi 22 dhe Mentor Mejzini 31.

Kosova: Dumoshi, Suad Keçi, Alaj, Sunaj Keçi, Brahimi, Mejzini, Abazi, Zeka, Kasapi, Muzlija,Lama,Selimi. Trajner Ramadan Cimili, ndihmësit: Arton Hajdari dhe SkënderKapra.

Benago: Oliveira,Rick, Simitçiu, Fitzel, Filinger, Klima, Garces, Drahovsky, Rodek, Cais dhe Ali. Trajner: Arben Simitçiu.

Për vend të tretë: UEJL Tetovë-Shqipëria  5:1

Shënues: Florent Salihi dhe Samir Ramadani nga 2 gola
dhe Altin Salihi 1 giol, kurse golin e vetëm për përfaqësuesen e Shqipërisë e shënoi, Erjon Spahiu. Takimin e kanë drejtuar gjyqtarët: Artan Tahiri dhe Burim Jahëmurataj të Prishtinës.

G.Kosumi

Sporti shqiptar

Me pjesëmarrje të ekipeve nga Shqipëria, Çekia, ekpi i Universitetit të të Evropës Jug lindore-Tetovëi dhe mikpritësi Kosova, në Qendrën e Rinisë dhe të sporteve në Prishtinë, ka filluar Turneu ndërkombëtar në futsall Adem Jashari 2011. Pas defileut të ekipeve pjesëmarrëse, fillimisht u bë intonimi i hymnit kombëtar dhe atij të Kosovës.Me një minutë heshtje u nderuan anëtarët e familjes Jashari, por edhe dëshmorët e kombit. Të pranishmit i përshëndetën, Ministri i Sportit, Memli Krasniqi, nënkryetari i Federatës së Futbollit të Kosovës, Bekim Haxhiu, kurse në emër të famljes Jashari foli Bekim Jashari. Takimi i parë u zhvillua ndërmjet Përfaqësueses së Kosovës dhe Ekipit të Evropës Jug Lindore të Tetovës. Fillimin e lojës, gjegjësisht topin nga qendra e nisën Bekim Jashari dhe Memli Krasniqi. Në ndeshjen e parë, Përfaqësuesja e Kosovës shënoi fitore bindëse ndaj UEJL të Tetovës me rezultat të thellë 14:2. Kurse në ndeshjen e dytë, Ekipi nga Çekia, Benago, shënoi fitore të thellë ndaj Përfaqësueses së Shqipërisë 9:1.

Kosova – UEJL-Tetovë  14:2

Pallati i Rinisë dhe Sporteve. Shikues: 400: Gjyqtarë: Hajriz Hajdari dhe Artan Tahiri. Shënues: Mentor Mejzini (4), Ramadan Alaj (5), Synaj Keçi (3), Azem Brahimi (1) dhe Valon Kasapi (1) – Florent Salihi (2)

Kosova: Dumoshi,  Suad Keçi, Alaj, Sunaj Keçi, Brahimi, Mejzini, Abazi, Zeka, Kasapi, Muzlija, Lama,Selimi. Trajner Ramadan Cimili, ndihmësit: Arton Hajdari dhe Skënder Kapra.

UEJL-Tetovë: Abdullahi, Bilalli, Agushi, Bekim Ramadani,A. Salihi, Sylejmani, Besnik Ramadani, Alili, F.Salihi, Osmani dhe Hamiti. Trajner Afrim Jonuzi

Ndeshja e dytë: Benago/Çeki/-Shqipëria       9:1

Pallati i Rinisë dhe Sporteve. Shikues: 400. Gjyqtarë: Përparim Hasani/Kosovë/, Gjergj Bitri/Shqipëri/.

Shënues: Ago Simitçiu 2, Angellot Garces 2, David Filinger 2, Caio De Oliveira 1, Jan Klima 1 dhe Elion Spahiu/auto gol/ për Benagon, kurse të vetmin gol për Përfaqësuesen e Shqipërisë e shënoi Erjon Hoxha.

Benago: Oliveira, Rick, Simitçiu, Fitzel, Filinger, Klima, Garces, Drahovsky, Radek, Cais dhe Ali. Trajner: Arben Simitçiu.

Shqipëria: Beqiri, Bllumbi, Manastitrliu, Hoxjha, Sima, Rrapi, Çela, Byluku, Spahiu, A.Qopeku, Sejfullai, Keta, Hoxha dhe S.Qopeku. Trajner: Armand Dama, ndihmës trajner: Ramazan Konçi.

Të shtunën, më 5  mars 2011, në orën 15,30, zhvillohet ndeshja për vend të tretë ndërmjet Universitetit të Evropës Jug Lindore të Tetovës dhe Përfaqësëueses së Shqipërisë. Finalja e Turneut Adem Jashari 2011 në futsall, zhvillohet, po ashtu të shtunën, më 5 mars duke filluar në orën 17,30. Në finale luajnë Përfaqësuesja e Kosovës dhe Benango/Çeki/.

G.Kosumi

Sporti shqiptar

Të prirë nga kapiteni  skuadrës Ahmet Ajdini, por edhe nga Mentor Mejzini, padyshim njëri ndër lojtarët më cilësorë të futsallit në Kosovë, Feniksi i Prizrenit është shpallur fitues i Kupës së Republikës së Kosovës për vitin 20011. Në ndeshjen finale të zhvilluar në Qendrën e Rinisë dhe sporteve në Prishtinë, Feniksi në finale ka mposhtur me plotë meritë Lubrnin nga Gjakova me rezultat 7:4. Pjesa e parë e takimit ishte e barabartë si në lojë ashtu edhe në rezultat. Pas 20 minutash lojë rezultati ishte i barabartë 2:2. Edhe në pjesën e dytë Feniksi tregoi tempin e lojës dhe kishte epërsi të dukshme gjë që i solli edhe rezultatin. Individi më i dalluar në këtë takimi ishte Mentor Mejzini me 3 gola të shënuar dhe ishte enigmë e pazgjidhur per ekipin rival Liburnin nga Gjakova. Kështu takimi u mbyll me fitoren e Feniksit me rezultat 7:4.  Në fund u ndan edhe medaljet për gjyqtarët Përparim Hasani dhe Hajriz Hajdari si dhe për lojtarët e dy ekipeve finalist të cilat i ndan: Besim Hasani, kryetari i Komitetit Olipik të Kosovës, Vjollcë Krasniqi, anëtare e bordit të fusallit, Agim Ademi, nënkryetar i Federatës së Futbollit të Kosovës. Në fund këta së bashku ia dorëzuan edhe Trofeun,kapitenit të Feniksit, Ahmet Ajdini.

Feniksi-Liburin  7:4/2:2/

Prishtinë. Qendra e Rinisë dhe Sporteve. Shikues: 600. Gjyqtarë: Përparim Hasani dhe Hajriz Hajdari.

Shënues: Mentor Mejzini 3, Alban Iballi 2, Shëlqim Sadiku e Ahmet Ajdini nga 1 gol për Feniksit, kurse për Liburinin , Valon Kasapi 2 dhe Arben Fazlija 1 gol.

Feniksi: Rexhepi, Ajdini, Mejzini, Kazazi, Iballi, Alibegu, Rexha, Sadiku, Vezaj, Fazliu dhe Pllava. Kryetrajner, Skënder Kapra.

Liburni:Rezniqi, lama, Kasapi, Selimi, Fazlia, Brovina, Gashi, Qela, Gërçina, Këpuska dhe Muhaxhiri. Kryetrajner Luan Kozniku.

Gani KOSUMI

Sporti shqiptar

Dëshmorët e kombit nuk harrohen dhe ata kujtohen përherë në forma të ndryshme. Ndërsa të shtunën, në fushën e futbollit të vogël afër gjimnazit “Gjergj Kastrioti-Skënderbeu” në Drenas, KF “Feronikeli” me një turne të futbollit të vogël ku morën pjesë 8 ekipe përkujtoi figurën e dëshmorit të kombit ish kapitenit të kësaj skuadre Rexhep Rexhepi. Duhet kujtuar se ish futbollisti i Feronikelit u vra nga forcat serbe më 12 shkurt të vitit 1999, ndërsa klubi vazhdimisht në këtë përvjetor organizon turne përkujtimor. Në turneun e sivjetshëm morën pjesë tetë ekipe: Fernikeli 1 dhe 2, Trasing Group nga Vasileva, Feniks nga Prizreni, Extra-net, Menari-Petrol, Policia e Kosovës(PK) Drenas dhe FKF. Në hapje ekipet pjesëmarrëse dhe të pranishmit e shumtë i përshëndeti kryetari i kF”Feronikeli” Agim Kastrati,cili theksoi s klubi me përkushtim për çdo vit nderon ish kapitenin e skuadrës Rexhep Rexhepi duke falënderuar të gjithë për kontributin e tyre. Ndërkaq në emër të familjes së Rexhep Rexhepi të pranishmit i përshëndeti dhe i falënderoi i vëllai i dëshmorit dhe drejtori i klubit Feronikeli Naser Rexhepi, i cili tha se pjesëmarrja e juaj në nderim të vëllait dëshmon se dëshmorët nuk po harrohen se vepra e tyre po nderohet, ndërsa për ne familjarët kjo zbut dhe pakëson sa do pak dhembjet. Pas ndeshjeve të zhvilluara në të cilat u tregua shumë futboll cilësorë e mbi të gjitha frymë sportive në finale u gjenden ekipi Trasing Group dhe Feronikeli I. Në një ndeshje jashtëzakonisht të fortë ekipi i Trasnig Group ngadhënjeu ndaj Feronikelit-I, pas lojës në vazhdime pasi në kohën e rregullt përfundoi me rezultat 3:3.Pas penalltive Fitore shënoi Trasing Group me rezultat 6:3. Në fund për ekipet pjesëmarrëse dhe të tjerët u ndanë mirënjohje dhe shpërblime. Lojtari më i mirë u shpall Arton Hajdari i ekipeit Trasnin Group, ndërsa portieri më i suksesshëm Nuhi Hjadari i KF”Fernikeli- I”. Me mirënjohje u nderua FFK-ja, Përzgjedhësi i Përfaqësueses se Kosovës Albert Bunjaku, FFK-ja si dhe shumë veteran dhe kontribues të klubit Feronikeli

Rezultatet

Feronikeli-I-Menari Petrol 3:1

Trasing Group-FKF 5:4

Feronikeli-II- Extra-net 0:1

PK Drenas-Feniks 0:6

Gjysmëfinalet

Feronikeli-I-Extranet 4:2

Feniks-Trasing Group 1:3

Finalja

Feronikeli-I-Trasnig Group 3:6

Legjendat:

1. Naser Rehepi i dorëzon trofeun kapiteni të ekipit fitues Latif Elshani.

2. Albert Bunajku i dorëzon mirënjohjen lojtarit të mirë Arton Hajdari.

3. Agim Kastrati i dorëzon një mirënjohje përzgjedhësit Albert Bunjaki

F.B&G.K

Sporti shqiptar

Garat e Kupës së Republikës së Kosovës në futsall tashmë kanë hyrë në fazën përfundimtare.

Në Gjakovë janë zhvillua ndeshjet gjysmë finale për këtë trofe. Kampioni aktual i Kosovës BMB Prishtina është mënjanuar nga garat e mëtejme, pasi në gjysmë finale fitues ka dalë njëri ndër ekipet më cilësore të Kosovës, Feniksi i Prizrenit. Në kohë të rregullt ndeshja ka përfunduar pa fitues 3:3, por pas penalltive, fitues ka dalë Feniksi me rezultat 11:10. Në gjysmë finalen tjetër, Liburni i Gjakovës ka shënuar fitore bindëse ndaj Arxhenses së Dragashit me rezultat 7:2.

Kështu në finale të Kupës së Repblikës së Kosovës për këtë edicion garash do të luajnë, Feniksi/Prizren/ dhe Liburni/Gjakovë/. Finalja është paraparë tëzjvillohet, më 17 shkurt 2011-Ditën e Shpalljes së Pavarësisë së Republikës së Kosovës.

G.K

Sporti shqiptar

Në Shtëpinë e Sporteve në Prishtinë, solemnisht u bë dorëzimi i diplomave me licencë “A” për 20 trajnerët e futbolli të Kosovës që kishin ndjekur shkollimin pranë FSHF-së. Në fillim të pranishmit i përshëndeti sekretari i përgjithshëm i FFK-së z. Eroll Salihu, i cili falënderoi FSHF-në për bashkëpunim në të gjitha aspektet. Ndërsa në emër të FSHF-së të pranishmit i përshëndeti z. Astrit Maçi, drejtor teknik i FSHF-së dhe instruktor i UEFA-s, i cili tha se ndjehet i kënaqur me bashkëpunimin që kanë dy federata sidomos në edukimin e trajnerëve. Për një muaj ne dhamë, por edhe morën nga njëri- tjetri në shkëmbimin e përvojave si trajnerë. Ky bashkëpunim do të vazhdojë edhe në të ardhmen në të gjitha nivelet e edukimit të trajnerëve. Nga ana e tij, Hito Hitaj. punëtor sportiv i FSHF-së, vuri në pah se tashmë dy federata janë një dhe se në çdo rrafsh do të ketë bashkëpunim të mirë.

Kryetari Shoqatës së Trajnerëve të Futbollit të Kosovës z. Ajet Shosholli ka falënderuar zyrtarët nga FSHF-ja për këtë mbështetje duke kërkuar që në të ardhmen ky bashkëpunim të rritet edhe më shumë.Zëdhënësi i FFK-së,Fazli BERISHA.

G.K

Sporti shqiptar

Këto ditë janë zhvilluar ndeshjet e 1/8 së Kupës së Republikës së Kosovës në Futsall. Në takimet e zhvilluara në Gjilan dhe në Ferizaj, kryesisht janë arritur rezultate të pritura, por ka edhe një befasi të dorës së parë. Ekipi Arxhena nga Dragashi ka mënjanuar nga garat e mëtejme, Besën e Pejës duke e mundur me rezultat 7:6.Pejanët më parë ishin edhe fitues i Kupës së Republikës së Kosovës. 

Ndeshjet e 1/8 të Kupës së Kosovës-rezultatet:

1. FC Besa -Arxhena                          5:7

2.QR At L.Mazreku  -Përlepnica         4: 3

3.Vitia    Paqja Studentore                   9:3

4.Mirosi  -Liburni                      1:1  (Penalti    4:6)            

5. Feniksi -Prishtina                            6:3

6.Graniti -Herta                                   10: 2  

7. Merkuri C – Tradita                         2:0(R.Z)

8. Bresalci    -Bmb Prishtina                3:5 

Ndeshjet  Çerek finale të Kupës së Kosovës zhvillohen më 13 janar 2011. Takimet zhvillohen në Qendrën e Rinisë dhe të sportit në Prishtinë.

Takohen:

1. ARXHENA (Dragash)-QR At L Mazreku (Pejë)
2. Vitia (Viti)-LIBURNI (Gjakovë)
3. Feniksi(Prizren)-Graniti (Prishtinë)
4. Merkuri C (Prishtinë)-Bmb Prishtina

G.KOSUMI

Sporti shqiptar