Të enjtën, më 9 skurt 2012, në program janë duelet gjysmë finale të Kampionatit Evropian në futsall, që po mbahet në Kroaci. Në ndeshjen e parë të këtij sporti shumë atraktiv, duke filluar nga ora 18:30 nikoqiri i kësaj gare Kroacia ballafaqohet me Rusinë, derisa në orën 21 në gjysmëfinalen e dytë do të takohen  dy përfaqësueset të cilat në këtë kampionat kanë treguar performancë të shkëlqyer, Spanja dhe Italia. Kampionët evropianë në fuqi, spanjollët, në çerekfinale mundën bindshëm Rumaninë 8:3, kurse Italia mposhti Portugalinë 3:1. Finalja, do të zhvillohet të shtunën më 11 shkurt në Zagreb.

G.K

Sporti shqiptar

Fadil Vokrri është rizgjedhur kryetar i Federatës së Futbollit të Kosovës, edhe për një mandat katërvjeçar. Në Kuvendin Zgjedhor të mbajtur sot në ambientet e Restorantit Te Rrethi në Prishtinë, kreu i FFK-së i cili ishte kandidati i vetëm për kryetar, u votua unanimisht nga të gjithë delegatët e pranishëm, që mori 54 vota nga gjithsej 59 sa numëron Kuvendi i FFK-së. Në emër të Ministrisë së Sportit të Kosovës, punimet e këtij kuvendi i përshëndeti Ibër Aalj, drejtor i Departamentit të Sportit të Kosovës.

Fadil Vokrri, pas zgjedhjes si i pari i FFK-së, prezentoi në pika të shkurta programin e tij për mandatin e ri.

Pas zgjedhjes së kryetarit, nuk kishte ndryshime as nga anëtarët e Komitetit Ekzekutiv të FFK-së. Edhe për katër vjet, Komiteti Ekzekutiv i FFK-së do të jetë në përbërje prej Agim Ademit nga Rajoni i Prishtinës, Xhelal Brojës nga ai i Mitrovicës, Bakir Burri nga Peja, Agim Maloku nga Prizreni, Murat Hoxha nga Gjilani, Ilaz Mjaku nga Ferizaj, Luan Vokshi nga Gjakova dhe Vjollca Krasniqi nga futbolli i Femrave.

Kreu i FFK-së Fadil Vokrri, emëroi Bekim Haxhiun si nënkryetar të FFK-së, kurse dy të tjerët do t’i bëjë publik shumë shpejt.

Në fund, disa nga delegatët, propozuan që Kuvendi i FFK-së, në të ardhmen të ketë më shumë delegatë nga rajonet, në mënyrë që zgjedhja e kryetarit apo ndonjë çështjeje tjetër, të bëhet në mënyrë më demokratike.

G.Kosumi

Sporti shqiptar

Organizuar nga Federata Sportive e Punëtorëve të Kosovës, në Palestrën sportive Universi ne Bardhosh, janë zhvillua ndeshjet e Super Kupe se Kosoves  në futboll të vogël dhe në basketboll. Fitues i Super Kupes se Kosoves per vitin 2012 eshte shpallur Policia e Kosoves me rezultat zyrtar 3:0, pasi eikipi Doganat e Kosoves nuk eshte paraqitur ne fushe. Nderkaq në garat e basketbollit,Ipko pasi me pare kishte fituar titullin e kampionit te Kosovës, ata kane fituar edhe Super Kupen e Kosoves. Në finale kane mundur Raiffeisen Bank me rezultat  60:51.

Ndeshjet  e  SUPER  KUPËS    së  FSPK-ës, në futboll të vogël dhe basketboll –EDICIONI -2011 –

FUTBOLL:

1.POLICIA E KOSOVËS-DOGANAT E KOSOVES                     nuk u zhvillua   3:0 (rez.zyrt.)

KOMENT:

Ekipi DOGANAT e KOSOVËS , nuk u paraqit ne ndeshje,ekipi POLICIA E KOSOVËS është fituese e SUPER KUPËS së FSPK-ës pë Edicionin 2011 në futboll të vogel dhe u stolise me  Kupë

—————————————————————————–

BASKETBOLL:

1.    RBKO   – IPKO    51:60

Ipko-fitoi Super Kupen e Kosoves me kete perberje:

Astrit Tuhina

Driton Sallauka

Pjeten Doda

Xhenan Bacevac

Afrim Rexhepi

Sherif Ferati

Dardan Behluli

Abdylkerim Ratkoceri

Granit Sefedini

Trejner:

Bujar Elshani

Lind Islami

Ndeshjet I referuan: Mehdi Gashi dhe Daut Mehmeti

Delegat I ndeshjes: Fadil Bejtullahu

Mjeku kujdestar: Dr Agron Bujupi

KOMENT:

Ekipi IPKO , është fituese e SUPER KUPËS së FSPK-ës pë Edicionin 2011 në  Basketboll dhe u stolise me  Kupë.

—————————————————————————-

Me ndeshjet e Super Kupes  , ne futboll te vogel dhe basketboll perfundoi Edicioni 2011 i garave  të organizuara nga Federata Sportive e Punëtorëve të Kosovës.

G.Kosumi

Sporti shqiptar

Organizuar nga Federata Sportive e Punëtorëve të Kosovës, në Palestrën sportive Eurosport, janë zhvillua ndeshjet finale të punëtoreve të Kosovës në dy disiplina, në futboll të vogël dhe në basketboll. Fitues në garat e futb ollit është shpallur, Policia e Kosovës, pasi në finale ka mundur Doganat e Kosovës me rezultat të ngushtë 2:1. Ndërkaq në garat e basketbollit,Ipko është shpallur kampione e Kosovës, pasi në finale ka mundur Doganat e Kosovës 41:38. Të enjtën, më 8 dhjetor 2011, zhvillohen ndeshjet e Super Kupës së Kosovës. Në futboll, luajnë: Policia e Kosovës  -  Doganat e Kosovës/18,30/  dhe Raifeisen Bank – I P K O/19,30/. Takimet zhvillohen në Palestrën e Eurosport në Bardhosh.

Ndeshjet  Finale   ne FUTBOLL dhe BASKETBOLL të zhvilluara me

05.12.2011, ne Palestren “Eurosport” në Bardhosh.

FUTBOLL:    POLICIA e KOSOVËS   -   DOGANAT e KOSOVËS  2:1 (1:1)

Ndeshjen e referuan gjyqtarët: Bejtë Fejzullahu  dhe Ergyn Janjevaliu

Delegat i ndeshjes                  : Shpend  Maxhera

Mjeku kujdestar                     : Dr.Agron Bujupi

Ekipi POLICIA e KOSOVËS është FITUES i KUPËS së KOSOVËS për vitin 2011

——————————————————————————————————-

BASKETBOLL:  I P K O  – DOGANAT e KOSOVËS   41:38 (12:7,11:5,7:18,11:8)

Ndeshjen e referuan gjyqtaret: Mehdi Gashi  dhe Daut Mehmeti

Delegat i ndeshjes                : Shpend Maxhera

Mjeku kujdestar                   : Dr. Agron Bujupi

Ekipi i I P K O –s është FITUESE e KUPËS së KOSOVËS për vitin 2011

———————————————————————————————————

Më  08 Dhjetor  ( e enjte) zhvillohen ndeshjet e SUPER KUPËS së KOSOVËS në

Futboll  dhe Basketboll.

(Ne ndeshjet e Super Kupes së Kosovës, takohen fituesit e  Kampionatit dhe fituesit e Kupes ,

në të dy   disciplinat sportive)

Futboll:Policia e Kosovës  -  Doganat e Kosovës/18,30/

Basketboll : Raifeisen Bank – I P K O/19,30/

G.Kosumi

Sporti shqiptar

 Përfaqësuesja e Kosovës në futsall ka fituar miqësoren me kombëtaren e Shqipërisë, të zhvilluar në Pallatin e Rinisë dhe të Sportit të shtunën në Prishtinë.6:1 ishte rezultati në favor të kosovarëve të cilët ishin shumë më të mirë, se kombëtarja shqiptare e cila është në vlugun e përgatitjeve për eliminatoret e Botërorit që do të mbahet në Estoni.Përzgjedhësi i Shqipërisë Alban Hasani për këtë fazë ka marrë edhe dy lojtarë nga Kosova, Valon Kasapin dhe Artidon Kelmendin, mirëpo lojtarët më të mirë ishin në anën tjetër te kosovarët. Futbolli në sallë ka zgjuar interesim të madh në vendin tonë në këto dy vitet, ndërsa të shtunën megjithëse në numër jo edhe aq të madh, adhuruesit e futsallit kanë parë një duel interesant dhe cilësor, në veçanti nga kosovarët.Për 20 minuta nuk pati gola fare. Ndërsa heshtjen e theu kapiteni i Kosovës Suad Keçi i cili shënojë në minutën 21 nga penalltia.Vetëm pak sekonda më pas Shqipëria barazoi rezultatin përmes Julian Thanasit, njëherësh goli i vetëm i shqiponjave në këtë duel.Pas dy penalltive të humbura, kosovarët rikthejnë epërsinë 2 minuta para fundit kur Alban Iballi shënoi për 2:1, ndërsa në minutën e fundit Keçi shënoi golin e tij të dytë për 3:1.Edhe pjesa e dytë ka kaluar në dominim të vendësve.Në minutat 50 dhe 51 Nexhip Selimi shënoi dy gola radhazi, ndërsa rezultatin përfundimtar e vuri Mentor Mejzini në minutën e fundit për 6:1.

Kombëtarja e Shqipërisë në kuadër të turit në Kosovë do të zhvillojë edhe një tjetër duel me Kosovën më 25 shtator në Ferizaj. Takimi zhvillohet në Pallatin e sporteve “Bill Clinton” dhe fillon në  orën 20,00.

G.K

Sporti shqiptar

Futbollisti i Edro Vlorës, Gentian Sejfullai, nuk i përgjigjet thirrjes së trajnerit Alban Hasani për këto miqësore; nuk është më në planet e teknikut

Kombëtarja e futbollit të sallës, e drejtuar nga Alban Hasani (Neziri), që është i ndihmuar nga Ramazan Konçi dhe Armir Grima, ka nisur përgatitjet për dy ndeshjet me Kosovën. Ndeshja e parë do të luhet të shtunën në mbrëmje, në ora 20:00, në Pallatin e sportit të Prishtinës, kurse ndeshja e dytë të dielën në Ferizaj. Ka rënë opsioni i ndeshjes në Gjakovë, kjo dhe të paktën sipas trajnerit Hasani, sepse është duke u rregulluar parketi i pallatit. Dhe kombëtarja kuqezi, e cila është grumbulluar dje në ora 15:00 në Hotel “Universi” në Elbasan, në mbrëmje ka kryer dhe stërvitjen e parë, e cila është bërë në Pallatin e Sportit “Tomorr Sinani”. E njëjta gjë do të jetë dhe sot, në një kohë që të shtunën në mëngjes kuqezinjtë do të udhëtojnë drejt Prishtinës. Por jo të gjithë janë paraqitur në këtë grumbullim, ndërsa lojtari i Edro Vlorës, Gentian Sejfullai, nuk i është përgjigjur thirrjes së trajnerit Hasani për këto miqësore. “Nuk është përgjigjur as në telefon dhe duke qenë se pesha e fanellës së kombëtares është shumë e rëndë, atëherë ai lojtar, që në këtë moment, nuk është në planet e mia të ardhshme për kombëtaren”, ka nënvizuar Hasani, në një kohë që në grumbullim kanë qenë edhe kosovarët Kasapi dhe Kelmendi.

Lista e futbollistëve për miqësoren me Kosovën

Bujar Celufaj, Klodian Rrapi, Arjan Bllumbi, Alis Paçrami, Florion Manastirliu, Indrin Llagami, Laurent Surjoti, Valon Kasapi, Artidon Kelmendi, Julind Thanasi, Armand Çela, Arjan Nikolli, Dorian Dajko, Elvin Hoxha

Gj.Vyshka

Sporti shqiptar

HIB-Petroll fitues i turneut tradicional në futboll të vogël “Dëshmorët e Kombit” i organizuar në Ferizaj për nder të 28 shtatorit Ditës së Dëshmorëve të UÇK-së në Ferizaj. Në turneu e sivjetmë i cili ishte edhe jubilar i dhjeti me radhë morën pjesë 64 ekipe. Në takimin final u takuan ekipi “HIB-Petroll” dhe ekipi “Qielli” ku pas një loje të mirëfitore shënoi ekipi “HIB-Petroll” me rezultat 8:3. Para takimit final u zhvillua edhe një ndeshje revyale ndërmjet ish futbollistëve, delegateve të Kuvendit të Kosovës, veteranëve të luftës dhe medieve. Ky takim përfundoi me rezultat të barabartë 2 me 2.

Për suksese e arritura gjatë 9 turneve të kaluar me kup u nderua ekipi i cili për 4 herë doli fitimtar i këtij turneu ekipi “Roni”

Ekipi më Fer Play ishte “StarGraf”

Golashënuesi më i mirë: Narcis Tërshana

Portieri më i mirë: Besart Ismajli

Lojtari më i mirë ishte: Shkumbin Bajraktari

Vendi i parë: Hib Petroll

Vendi i dytë: Qielli

Vendi i tretë: Swis Tim

Të gjitha mjetet e grumbulluara nga ky turne i janë dedikuar degës së Shoqatës së Familjeve të Dëshmorëve dega në Ferizaj
D.Ramadani

Sporti shqiptar

Mesfushori Behar Maliqi ka tërhequr kërkesën për shkëputje të kontratës me Prishtinën, të cilën para dy javësh e kishte paraqitur në Federatën e Futbollit të Kosovës. Hap mbrapa ka bërë edhe klubi Prishtina që ka hequr dorë nga suspendimi i njërit prej futbollistëve kryesorë të skuadrës bardhekaltër.

Maliqi dhe drejtuesit e Prishtinës kanë arritur marrëveshje të martën, ditën kur futbollisti edhe tërhoqi kërkesën e paraqitur në FFK. Ai stërvitjet me Prishtinën i ka nisur që të martën.

“Kam biseduar me kryetarin e klubit, Remzi Ejupi, i cili më ka bërë të ditur se të gjitha obligimet ndaj meje janë kryer. Prishtina më ka pasur borxh tri paga. Për këtë arsye unë edhe kisha paraqitur kërkesën për shkëputje të kontratës në FFK. Ne u morëm vesh dhe të martën unë e tërhoqa kërkesën nga FFK-ja”, ka thënë Behar Maliqi. Sipas tij edhe tifozët e Prishtinës, “Plisat” i kanë kërkuar që të mbetet në skuadër.

Maliqi deri më tani për të ruajtur formën ka ushtruar me Fushë-Kosovën. Ai ishte paraqitur vetëm në grumbullimin e parë të Prishtinës, ndërsa nuk kishte zhvilluar asnjë stërvitje me ekipin bardhekaltër. Për shkak të bojkotimit të fazës përgatitore edhe ishte suspenduar nga Prishtina për gjashtë muaj.

“Nuk besoj se kjo çështje do të ndikojë negativisht për të ardhmen. Unë kam kërkuar vetëm që djersa të më paguhet, asgjë më shumë”, ka shtuar Maliqi.

Behar Maliqi vlerësohet ndër mesfushorët më të mirë në vend dhe shtyllë e skuadrës së Prishtinës. Pas paraqitjes së kërkesës për shkëputje të kontratës, Maliqi u kërkua nga skuadrat kryesore të Superligës. Maliqi 24-vjeçar pjesë e Prishtinës është nga viti 2008. Më herët ka luajtur për KEK-un dhe Fushë-Kosovën.

Ndërkohë, nënkryetari i Prishtinës, Afrim Muçiqi, ka thënë se Maliqi do të përballet me sanksione, edhe pse suspendimi i është anuluar. Prishtina të hënën ka kryer obligimet financiare ndaj Maliqit, ndërsa ndaj pjesës tjetër të skuadrës këtë e kishte bërë javën e kaluar.

“Behari do të rikthehet në stërvitje. Ai do të jetë i sanksionuar, sepse nuk i është përmbajtur kontratës që ka me Prishtinën. Jo vetëm Behari, por të gjithë futbollistët që kanë kontrata me Prishtinën duhet t’i respektojnë ato. Suspendimi i është hequr, por ai do të ketë sanksione nga shtabi teknik si dhe nga Komisioni disiplinor i klubit”, ka thënë Muçiqi.

Sporti shqiptar

Futbollistët e Besës së Pejës janë kampionët e Superligës së Kosovës në futsall, pasi që ata edhe në ndeshjen e dytë finale të plej-ofit mposhtën skuadrën e Feniksit të Prizrenit me rezultat 4:3.

Pas ndeshjes së parë në Pejë, edhe në Prizren finalja u karakterizua me spektakël të futsallit, e për këtë u përkujdesën futbollistët e të dyja skuadrave, shikuesit nga të dy taborët e në veçanti “Besnikët”, të cilët gjatë gjithë lojës nuk pushuan duke i përkrahur futbollistët e tyre.

Ndeshja nisi me rivalitet të madh. Prizrenasit i hynë takimit të përqendruar maksimalisht, me qëllim që me fitore eventuale t’u revanshoheshin pejanëve dhe të zhvillonin edhe një përballje në Pejë, ku do të përcaktohej kampioni i ri. Dhe, në kontekst të kësaj,

vendasit që në minutën e tretë kaluan në epërsi përmes Mejzinit. Edhe pas këtij goli futbollistët e Feniksit patën iniciativën në parket, por nuk arritën të shtojnë epërsinë. Në anën tjetër, pejanët u riorganizuan dhe nga një kundërsulm i shpejtë me golin e Kelmendit (13’) barazuan shifrat në 1:1. Menjëherë pas këtij goli, përkatësisht në rastin e dytë Vukçeviq (14’) pas asistimit të Kelemendit e kaloi në epërsi skuadrën e Besës, 1:2. Me këtë rezultat ekipet shkuan në pushim.

Rezultati i pjesëlojës së parë detyroi skuadrën vendëse që me të gjitha forcat të sulet drejt barazimit të shifrave, ndërsa pejanët, të vetëdijshëm për këtë, u përqendruan në mbrojtje dhe me kundërsulme tentonin të shtonin epërsinë, taktikë kjo që u tregua e suksesshme. Udhëtuesit dy herë shënuan, së pari A.Rexha (24’) e më pastaj edhe Vokshi (28’) për të ngritur epërsinë në 4:1, epërsi kjo e cila u mundësoi pejanëve që të vazhdojnë shumë të qetë takimin drejt përfundimit të suksesshëm. Dhe, kur po shkonte gjithçka drejt përfundimit të takimit me këtë rezultat, futbollistët e Feniksit për dy minuta shënuan dy herë, A.Iballi (37’) dhe Alibegu (38’), duke e bërë të paqartë fituesin e kësaj mbrëmjeje. Mirëpo, edhe pse prizrenasit dhanë maksimumin drejt barazimit të rezultatit, kjo nuk ndodhi, sepse ndeshja përfundoi me rezultat 3:4, me çka Besa fitoi titullin e kampionit për edicionin e sivjetmë të garave në Superligën e Kosovës në futsall.

Feniksi – Besa 3:4

Qendra sportive “Sezai Surroi” në Prizren. Shikues: 800. Gjyqtarë: H.Hajdari dhe A.Hoxha. KV: A.Rexha.

Shënues: M.Mejzini 3’, A.Iballi dhe N.Alibegu 38’ – A.Kelemndi 13’ V.Vukçeviq 14’, A.Rexha 24’ dhe G.Vokshi 28’.

Feniks: Mjekiqi, Mejzini, Ajdini, Iballi, Alibegu, Rexha, Vezaj, Rexhepi, Fazliu, Xhejlani, Kazazi dhe Pllava. Trajner: Skjender Kapra.

Besa: Boshkoviq, Muzlia, Rexha, Dakaj, Kelmendi, Baroviq, Vukçeviq, Vokshi dhe Krasniqi. Trajner: Adnan Hyseni.

Thanë

Skender Kapra: Ishte një ndeshje mjaft e fortë. Ne u munduam mjaft për të shënuar fitore, por patëm përballë një skuadër shumë të përgatitur. Patëm një rezultat të disfavorshëm, por në çastet e fundit të ndeshjes ngushtuam epërsinë dhe gati sa nuk barazuam, në fund Besa shënoi fitore të merituar, për çka ia uroj titullin e parë.”

Adnan Hyseni: Dua në radhë të parë të falënderoj ekipin e Feniskit për një pritje të jashtëzakonshme. Ne shënuam fitore ndaj një skuadre mjaft të fortë dhe besoj se me plot meritë u

shpallëm kampionë. Jam shumë i lumtur dhe mjaft i emocionuar, por ne do të takohemi edhe njëherë me skuadrën e Feniksit dhe nëse do të luajmë në Pejë do t’ua kthejmë prizrenasve këtë mikpritje fenomenale”.

BOX: Agim Maloku ndau medaljet dhe Kupën

Pas përfundimit të ndeshjes finalistët u nderuan me medalje, ndërsa ekipi fitues, Besa e Pejës, u nderua me Kupën e kampiones, të cilat i ndau anëtari i KE të FFK-së, Agim Maloku.

Besnikët…

Pa dyshim, meritë të madhe kanë edhe tifozët “Besnikët”, të cilët në fund hynë në parket dhe bashkë me futbollistë kremtuan titullin e kampionit.

Marrë nga Sporti/Vëllaznim Bytyçi/

G.K

Sporti shqiptar

BMB Prishtina ka shënuar fitore në ndeshjen derbi të javës së 15-të, të Superligës në futsall, kundër Besës së Pejës, me rezultat 7:4. Në një atmosferë madhështore në Pallatin e Rinisë dhe Sporteve në Prishtinë, ku ishin grumbulluar mbi 1500 shikues, kampionët aktualë ia dolën që të mposhtin konkurentin kryesor për titull, Besën e Pejës, duke shtuar epërsinë në tabelën e klasifikimit tashmë në 5 pikë.

Golat për prishtinasit i shënuan Ramadan Alaj tri here, Suad Keqi shënoi dy herë, Azem Brahimi dhe Artan Mulaku. Për Besën shënuan Rexha, Kelmendi shënoi dy gola dhe Vukqeviq.

Ndeshja u karakterizu me lojë të fortë nga të dyja ekipet, por ajo çfarë vlen të theksohet është krektësia maksimale e të dy taboreve. Me këtë fitore, BMB Prishtina ka 42 pikë, kurse Besa mbetet në vendin e dytë me pesë pikë më pak.

Sporti shqiptar