» Kosovë Superliga

Prishtina fiton vetëm një pikë kundër Trepçës

admin — Sun, 22 Apr 2012 15:42:30 +0000

Prishtina sërish ka rrëshqitur në shtëpi të vet. Kësaj radhe në duel me Trepçën, ndaj të cilës bardhekaltrit nuk kanë mundur të fitojnë më shumë sesa një pikë, pasi përballja e së dielës mes tyre ka përfunduar pa gola, 0:0 – në kuadër të xhiros së njëzetepestë të Superligës së Kosovës në futboll.

Në fakt, pretendenti për titull të kampionit ka dominuar plotësisht gjatë gjithë ndeshjes, duke luajtur shumë më mirë sesa Trepça, por assesi nuk ia ka dal të shënoj gol, pavarësisht faktit se krijoi raste të shumta shënimi, madje dy herë shtylla e shpëtoi ekipin mysafir pa pësuar gol.

Në anën tjetër, ‘Xehetarët’ mbroheshin jashtëzakonisht mirë, por edhe kur gabonin në vijën e mbrojtjes, portieri Pertinac ishte ai që i evitonte në fund rreziqet. Kurse, nëpërmjet kundërsulmeve të rralla, Trepça përpiqej të shënonte, por pa sukses.

Kështu ndeshja përfundoi pa gol. Bardhekaltrit tani gjinden në kuotën e 46 pikëve, derisa Trepça me 27 pikë të tubuara konsiderohet si shumë e rrezikuar për ta humbur statusin e anëtares së Superligës.

Sporti shqiptar
Raiffeisen Superliga

Gjilanit i pezullohen tre lojtarë, trajneri dhe fusha

admin — Thu, 19 Apr 2012 09:55:46 +0000

Komisioni i Garave i Superligës në futboll, nuk i ka regjistruar ndeshjet Gjilani – Hysi (1:1) dhe Trepça – Vëllaznimi (0:0) me rezultatet e arritura në fushë, meqë materiali për to nuk është kompletuar ende. Ndërkohë, Komisioni Disiplinor (KD), po të martën, ka marrë edhe ca vendime goxha të ashpra, sidomos për incidentet e shkaktuara të dielën, në ndeshjen Gjilani – Hysi, ku, ndër të tjera, pati ndërprerje dhe sulm fizik mbi arbitrin anësor Erduan Baliqi dhe portierin e Hysit, Afrim Ademi.

KD-ja ka dënuar klubin e Gjilanit me pesë ndeshje moslojë në fushën e vet për shkak të dështimit në organizim, siç është arsyetuar. Me këtë i bie që Gjilani deri në fund të edicionit 2011/2012 nuk do të zhvillojë asnjë ndeshje në stadiumin të vet, madje edhe një ndeshje të sezonit të ri si vendas, sipas vendimit, do të duhej ta luante jashtë Gjilanit. Ndërkohë, futbollistët e Gjilanit: Vllaznim Jashari, Florim Murseli e Lirion Ferati, si dhe trajneri Sallah Sherifi, janë suspenduar deri në një vendim tjetër. Futbollistët akuzohen për rrahje të portierit Ademi të Hysit, ndërkohë që trajneri për protestim ndaj arbitrit Baliqi, që vlerësohet se ka nxitur civilët të kërcënonin më pas arbitrin.

Në të vërtetë, ndeshja Gjilani – Hysi u ndërpre në minutën e 65-të, pasi u sulmua arbitri Baliqi pas golit të avantazhit të shënuar nga Hysi. Por, sipas arbitrit të sulmuar dhe delegatit të ndeshjes, Kemajl Dumnica, ajo u desh të vazhdohej për të mos rrezikuar jetën e personave zyrtarë dhe të futbollistëve mysafirë, meqë kishte kërcënime nga tifozët gjilanas. Si për Baliqin ashtu edhe për Dumnicën, ndeshja kishte përfunduar qysh në minutën e 65-të /koha.net

Sporti shqiptar
Raiffeisen Superliga

Prishtina barazoi, Vëllaznimi mbetet lider

admin — Tue, 10 Apr 2012 12:32:37 +0000

Prishtinë, 8 prill – Prishtina i ka ndarë pikët me Drenicën në fushën e vet në kuadër të javës së 23-të të Raiffeisen Superligës së Kosovës në futboll.

Njëkohësisht, ‘plisat’ me këtë barazim 1:1 me drenicasit kanë humbur primatin e të qenit lider i ligës, pasi që dje, Vëllaznimi shënoi fitore me rezultat 2:1 kundër Lirisë.

Ekipi i trajnerit gjerman, Wolfgang Jerat e ka parë veten në disavantazh në minutën e 27-të, kur qendërmbrojtësi i ri i kuqezinjve, Amir Rrahmani shënoi gol me kokë pas një rivënie këndore dhe njëkohësisht me këtë rezultat përfundoi edhe pjesa e parë.

Mirëpo, në pjesën e dytë pas sulmeve të njëpasnjëshme, Prishtina arrin të barazoi rezultatin me anë të Faton Zejnullahut në minutën e 69-të.

Megjithë përpjekjet e ‘të kaltërve’ për të fituar tre pikë ndeshja përfundoi me rezultat të barabartë, 1:1. Për Prishtinën ky ishte dështimi i dytë brenda një kohe të shkurtër, e cila zbriti në pozitën e dytë në renditjen tabelore të ligës, ndërsa klubi gjakovar për herë të parë në këtë sezon kryeson Raiffeisen Superligës e Kosovës me një pikë më shumë se ‘plisat’. /koha.net

Sporti shqiptar
Raiffeisen Superliga

Turku pushon 4 ndeshje, Babaj e Skeraj nga 150 euro gjobë

admin — Wed, 21 Mar 2012 11:54:55 +0000

Pasi më parë Komisioni i Garave i Superligës së Kosovës ka iniciuar procedurën disiplinore ndaj tre futbollistëve dhe një ndihmëstrajneri për shkak të sjelljeve josportive në ndeshjet e javës së 19-të, menjëherë është mbledhur Komisioni Disiplinor, i cili ka marrë edhe vendime për dënimin e tyre.

Kështu, për shkak të kartonit të kuq dhe goditjes së futbollistit kundërshtar me kokë, në ndeshjen Trepça – Vëllaznimi, futbollisti i Trepçës, Edmond Turku do të pushojë katër ndeshje. Mefushori dhe kapiteni i Trepçës, Shpëtim Babaj dhe sulmuesi i Vëllaznimit, Agron Skeraj, që të dy për shkak të sjelljeve josportive në ndeshjen Trepça-Vëllaznimi, dënohen me nga 150 euro gjobë.

Komisioni disiplinor nuk ka marrë ende ndonjë vendim për ndihmëstrajnerin e Prishtinës, gjermanin Joachim Hopp, pasi që pritet deklarata e tij rreth sjelljes së tij në ndeshjen derbi të javës së shkuar Prishtina-Trepça ’89. Gjermani Hopp ishte përjashtuar nga gjyqtari për shkak të reagimeve të bëra ndaj vendimeve të tija.

Skuadra e Dritës së Gjilanit është qortuar për herë të fundit për shkak të lëshimeve të bëra në organizimin e ndeshjes së parë pranverore të zhvilluar në Gjilan ndërmjet Dritës e Trepçës.

B. B./Zeri.info

Sporti shqiptar
Raiffeisen Superliga

Futboll: Prishtina mposhti Trepçën’89

admin — Sat, 17 Mar 2012 18:33:17 +0000

Prishtina ka shënuar fitore në duel me Trepçën’89, me rezultat 2:1, në ndeshjen e javës së 19-të në Raiffeisen Superligë, që u zhvillua sot në kryeqytet në praninë e më shumë se 4.000 tifozëve.

Me këtë fitore Prishtina ka shtuar në 6 pikë epërsinë ndaj “minatorëve”, të cilët vlerësohen ndër kandidatët kryesorë për titullin e kampionit. Të parët në epërsi kaluan prishtinasit në minutën e 32-të, kur Besnik Krasniqi shënoi me kokë pas harkimit të Mazrekajt. Në pjesën e dytë “minatorët” u shfaqën më këmbëngulës drejt portës rivale dhe në minutën e 60-të arritën të barazojnë rezultatin në 1:1, kur Kastriot Rexha shënoi nga afërsia me kokë pas harkimit të Ilir Nallbanit. Mirëpo, gëzimi i mitrovicasve nuk zgjati shumë, ngase vetëm pesë minuta më vonë sulmuesi i sapoinkuadruar i Prishtinës, Enis Fetahu u tregua i suksesshëm brenda zonës, duke shënuar për rezultatin 2:1, që në fund doli të ishte edhe goli i fitores.

Ndërkohë, në sfidën tjetër që u zhvillua, në Kastriot, KEK-u dhe Liria luajtën baras 1:1. Prizrenasit kaluan të parët në epërsi me golin e Mehës, në minutën e 68-të, derisa një pikë “elektricistëve” ia siguroi Armend Thaçi, në minutën e 85-të.(FFK-Kosova.com)

Sporti shqiptar
Raiffeisen Superliga

Superliga e Kosovës: Vëmendja në kryeqytet…

admin — Fri, 16 Mar 2012 16:02:37 +0000

Vëmendja në kryeqytet. Takohen Prishtina dhe Trepça ’89. Dy skuadra që deri në fund do ta diskutojnë titullin e kampionit të Kosovës. Derisa prishtinasit nesër paraqiten pas barazimit me KEK-un (0:0), djemt e “Riza Lushtës”, vijnë me trepikëshin e fituar ndaj rivalit shumë të fortë dhe mëtues për titull, Hysit të Merdarit (1:0).

Gjermani Jerat, ka rastin të arsyetojë veten dhe epitetin që kësaj radhe po ia ofron Kosova, përkatësisht Prishtina: të jetë “reofrmatori Jup Derval”, ndërkohë që Ilir Nallbani me bashkëlojtarët e tij para mijëra shikuesve dhe kamerave televizive do të kenë rastin të arsyetojnë epitetin e skuadrës që me të drejtë kërkon titullin e kampionit…

Prishtina ka 35 pikë dhe i prinë rednitjes, ndërkohë që “xehetarët e Riza Lushës” e ndjekin në hap me 32 pikë së bashku me Dritën e Gjilanit.

A do ta rujanë hapin për titull Trepça dhe Vëllaznimi pritet të vërtetojë ndeshja në “Adem Jashari”, ndërkohë që Hysi udhëton në Kaçanik dhe do të ketë detyrë goxha të vështirë për të mbetur të pakët i pamposhtur. Por, Duke njohur cilësitë e strategut të Hysit, Afrim Tovërlani, mund të ndodhin edhe befasitë, pse jo edhe fitorja e Hysit…

Në stadiumin “Shahin Haxhiislami”, Besa prêt Dritën dhe ka shtuar oreksin për gjah të plotë. Pejanët në javën e parë pranverore në Skënderaj mundën Drenicën 2:1, ndërkohë që Drita shkon në qytetin buzë Bjeshkëve të Nemuna me humbjen mbi supe nga Trepça.

Drenica, mbase ka rast që të kompensojë humbjen e javës së shkuar në takim ndaj Gjilanit, ndërkohë që KEK-u prêt Lirinë e Prizrenit. (Xh)

SUPERLIGA, XHIROJA 19

E shtunë:

13:15 Prishtina – Trepça ‘89

14:00 KEK-u – Liria

E diel:

13:15 Trepça – Vëllaznimi

14:00 Gjilani – Drenica

14:00 Besa – Drita

14:00 Lepenci – Hysi

RENDITJA

1. Prishtina 35

2. Drita 32

3. Trepça ’89 32

4. Vëllaznimi 32

5. Hysi 27

6. Besa 25

7. Trepça 22

8. Lepenci 22

9. Liria 20

10. Drenica 19

11. KEK-u 16

12. Gjilani 16

LIGA E PARË, XHIROJA 16

E shtunë:

Istogu – Kosova

Ulpianan – Flamurtari

Hajvalia – Rahoveci

Ramiz Sadiku – 2 Korriku

E diel:

Llapi – Fushë Kosova

Ferizaj – Deçani

Vitia – Ballkani

Ferronikeli, pushon

RENDITJA

1. Ferronikeli 34

2. Hajvalia 27

3. Ferizaj 23

4. Istogu 22

5. Kosova (V) 21

6. 2 Korriku 19

7. Flamurtari 19

8. Fushë Kosova 19

9. Deçani 19

10. Ballkani 18

11. Llapi 18

12. Vitia 16

13. Ramiz Sadiku 16

14. Ulpiana 15

15. Rahoveci 7

Të gjitha ndeshjet nisin në orën 14:00.

Sporti shqiptar
Raiffeisen Superliga

Kumtesë e KF Besa: Serbia pengon shkuarjen e futbollistëve pejanë në Itali

admin — Wed, 14 Mar 2012 12:04:19 +0000

Klubi i futbollit Besa, përmes një kumtese njofton të gjitha mediet dhe opinionin sportdashës mbi një embargo ose geto të radhës që i ndodhi klubit pejan, por edhe sportit kosovar në përgjithësi. Arsye për këtë, thuhet në fillim të kumtesës, ishte lobi i fuqishëm serb; nacionalizmi i skajshëm i tyre vazhdon të shfaqet me të gjitha format e mundshme, duke mos kursyer mjete e qëllime, dhe duke u viktimizuar në këtë rast edhe fëmijët e moshës 16 vjeçe, si pasojë e politikës, e cila po vazhdon të na izolojë çdo ditë e më shumë. Fjala është për një turne shumë prestigjioz, i cili organizohet nën patronatin e Juventusit, për nder të ish – futbollistit të mirënjohur Gaetano Shiera. Në këte turne i cili organizohet për kategorinë U-16, vazhdimisht marrin pjesë skuadrat më të forta të Italisë, siç janë Interi, Roma, Lacio, Milan, etj. Madje, në këtë turne, në vitin 2008 ka marrë pjesë edhe [ërfaqësuesjaj e Kosovës U-16. Besa U-16, kishte fatin që kësaj radhe të ftohet në këtë turne i cili organizohet nën patronatin e Juventusit, i mbeshtetur nga FIFA dhe UEFA, si dhe Federata italiane e futbollit. Ftesa, sipas zyrtarëve të Besës, pati arritur në tetorin e vitti 2011. Kryesia, pasi ka shqyrtuar këtë kërkesë, me kënaqësi i janë përgjgijur, duke e vlerësuar këtë si një prvilegj. Si finalizim i kontakteve të vazhdueshme me njërin nga zyrtarët kryesorë të turneut, Massimo Finizio, ishte ardhja e tij në Pejë nga Italia, për të biseduar për detajet dhe procedurat e tjera teknike. Si rrjedhojë e gjithë u u arrit marrëveshja që të dorëzohet emërorja e lojtareve deri më 20 mars të këtij viti, për të rregulluar vizat. Mirëpo, për at të keq, gjërat pësuan rrjedhë të çudtishme. Derisa zyrtarët e Besës ishin në përgatitje të emëroes përfundimtare të lojtarëve, sot nëpermjet gazetës prestigjioze italiane “La Repubblica”, kuptuan se u është bllokuar shkuarja dhe njëkohësisht janë mënjanuar nga emërorja e skuadrave pjesëmarrëse të turneut, si pasojë e reagimeve dhe presioneve të Partizanit të Beogradit, përkatësisht nga presionet dhe reagimet e fuqishme të nacionalistit të skajshëm serb, menaxherit të Partizanit Vlado Borozan, në drejtim të udhëheqjes së turneut. Andaj, Kryesia e Besës, shpreh indinjatë të thellë lidhur me geton e radhes e cila iu vu për të satën herë sportit të Kosovës, duke mos i kursyer as femijët e moshës 16 vjeçe, të cilët janë përgatitur për rreth tre muaj me entuziazëm të paparë. “Kjo gjendje është jashtëzakonisht brengosëse. Që nga shpallja e pavarësisë së Kosovës, sporti ka mbetur në pikën zero. E gjithë kjo si pasojë e neglizhencës së legjislativit dhe ekzekutivit të vendit tonë, për t’i çuar proceset para, për arsye se asnjëherë deri më tani as që është debatuar në Parlametin e Kosovës për telashet nëpër të cilat po kalojnë sportistët tanë. Këtë e dëshmon edhe shuarja e rreth 100 skuadrave viteve të fundit”, thueth në kumtesën e Besës së Pejës, që iu bashkangjit edhe shkrimi i botuar në gazeten “La Repubblica”, lidhur me nacionalizmin e shfaqur nga zyrtarët e Partizanit. (Xh)

Sporti shqiptar
Raiffeisen Superliga

Futboll: Shorti i 1/8 së Kupës së Kosovës

admin — Tue, 13 Mar 2012 10:52:07 +0000

Është tërhequr shorti gjysmë i dirigjuar për 1/8 e Kupës së Republikës së Kosovës në futboll. Megjithë këtë përparësi të skuadrave të elitës së futbollit, nuk do ta kenë lehtë Liria dhe KEK-u, pasi Ferronikeli dhe Hajvalia, që kryesojnë renditjen e Ligës së parë mund të befasojnë.

Ndeshjet zhvillohen më 21 mars, në orën 14:00.

1/8 E KUPËS SË KOSOVËS

Hysi – Vitia

Vëllaznimi – Ferizaj

KEK-u – Hajvalia

Liria – Ferronikeli

Ballkani – Trepça ‘89

Ramiz Sadiku – Lepenci

Fushë Kosova – Prishtina

Istogu – Drita

FITUESIT E DERITASHËM TË KUPËS SË KOSOVËS

1991/92 Trepça

1992/93 Flamurtari

1993/94 Prishtina

1994/95 Liria

1995/96 Flamurtari

1996/97 2 Korriku

1999/2000 Gjilani

2000/01 Drita

2001/02 Besiana

2002/03 KEK-u

2003/04 Kosova

2004/05 Besa

2005/06 Prishtina

2006/07 Liria

2007/08 Vëllaznimi

2008/09 Hysi

2009/10 Liria

2010/11 Besa

2011/12 ?

Sporti shqiptar
Raiffeisen Superliga

Futboll: Stinori i ri me tri befasi

admin — Mon, 12 Mar 2012 10:46:29 +0000

Stinori pranveror i Raifaizen Superligës së Kosovës në futboll nisi me tri të papritura. Të parën e solli ndeshja Prishtina – KEK-u, e zhvilluar në kryeqytet (0:0), ndërsa të dytën e bëri Trepça në Gjilan duke fituar një trepikësh ndaj Dritës, e cila nuk dha më të mirën të paktën për sa i përket pjesës rezultative.

Befasia e tretë ndodhi në Skënderaj, ku Besa e Pejës fitoi ndaj Drenicës me rezultat 2:1.

Një tjetër ndeshje e xhiros së 18-të, zgjoi kërshërinë; ajo që u zhvillua në stadiumin “Riza Lushta”, në Mitrovicë, ku Trepça ’89 me golin e Ambes në minutën 47 vuloi fatin e këtij balllafaqimi të fortë.

Liria dhe Vëllaznimi,, bënë paraqitje të efketshme ndaj Gjilanit (4:1), përkatësisht Lepencit (3:0).

REZULTATET, XHIROJA 18

Prishtina – KEK-u 0:0

Drita – Trepça 1:2

Drenica – Besa 1:2

Liria – Gjilani 4:1

Trepça ’89 – Hysi 1:0

Vëllaznimi – Lepenci 3:0

RENDITJA

1. Prishtina 18 10 5 3 29:15 35

2. Drita 18 9 5 4 28:17 32

3. Trepça’89 18 8 8 2 25:14 32

4. Vëllaznimi 18 9 5 4 22:21 32

5. Hysi 18 8 3 7 26:20 27

6. Besa 18 7 4 7 22:24 25

7. Trepça 18 6 4 8 19:22 22

8. Lepenci 18 6 4 8 15:21 22

9. Liria 18 6 2 10 20:26 20

10. Drenica 18 5 4 9 17:22 19

11. KEK-u 18 4 4 10 16:24 16

12. Gjilani 18 4 4 10 15:28 16

Në xhiron e 19-të, më 17/18 mars, takohen: Prishtina – Trepça ’89, KEK-u – Liria, Gjilani – Drenica, Besa – Drita, Trepça – Vëllaznimi dhe Lepenci – Hysi.

Sporti shqiptar
Raiffeisen Superliga

Stinori pranveror i Raiffeisen Super Ligës së Kosovës në futboll shtyhet për 10 mars 2012

admin — Thu, 16 Feb 2012 11:38:00 +0000

Me propozimin e Komisionit të Garave të FFK-së, të udhëhequr nga Isuf Ajeti, kryetar, komisioni për çështje urgjente i FFK-së i udhëhequr nga Agim Ademi, nënkryetar, mori vendim që sezoni pranveror i Raiffeisen Superligës së Kosovës në futboll të shtyhet për një javë (10 Mars 2012), për të ju dhënë kohë klubeve të përgatisin fushat e tyre. Kjo, për arësye se shumë klube kanë kërkuar një gjë të tillë për shkak të situatës së jashtëzakonshme klimatike dhe pamundësisë që të përgatitet fusha për ndeshje për shkak të trashësisë së madhe të borës. Poashtu, Seleksionuesi i Përfaqësueses së Kosovës në futboll, Albert Bunjaku mori vendim që të shtyejë kampin e Përfaqësueses së Kosovës në futboll për shkak të situatës së krijuar klimatike. Kampi do të mbahet më vonë për çka do të njhoheni me kohë. Zëdhënësi i FFK-së, Fazli Berisha.

G.K

Sporti shqiptar
Raiffeisen Superliga