Dyshimet për trukime të rezultateve sa vjen dhe shtohen në futbollin shqiptar. UEFA ka dërguar ditët e fundit në Federatën Shqiptare të Futbollit një tjetër dosje me të dhëna të mbledhura nga Sistemi i Zbulimit të Mashtrimeve të Basteve, ku ka dyshime të forta se ndeshje të Kategorisë Superiore, të këtij sezoni, mund të kenë qenë të manipuluara. Të dhënat që për momentin nuk bëhen ende zyrtarisht publike nga institucioni i FSHF-së, kanë të bëjnë me një sërë anomalish, që ka pasur në shumë takime në kampionatin shqiptar. Edhe këtë herë mësohet se UEFA i ka besuar ekspertëve të saj, të cilët kanë marrë për bazë mënyrat e vënies së basteve në këto takime, më së shumti në sallat e basteve në kontinentin aziatik.

Situatë e rëndë Situata realisht është alarmante, pasi sipas raportit konfidencial të UEFA-s që ka mbërritur ditët e fundit në Federatën Shqiptare të Futbollit, ndër të tjera thuhet se janë të dyshuara të gjitha skuadrat. Nëse këto dyshime do të dilnin të vërteta, atëherë mund të thuhet se futbolli shqiptar përfundimisht është në humnerë.

Precedentët Ashtu si edhe në raportin e muajit dhjetor, UEFA ka dhënë sinjale të qarta se nuk bëhet fjalë vetëm për ndeshje të këtij sezoni, por edhe të sezonit të kaluar. FSHF nuk ka dashur të japë hollësi apo detaje rreth dosjes së fundit që ka dërguar institucioni më i lartë i futbollit evropian. Megjithatë, burime konfidenciale brenda federatës pohuan për “Panorama Sport” se çështja e dosjes së mbërritur së fundmi në federatë, është diskutuar edhe në Komitetin Ekzekutiv, por është marrë vendim që të mos bëhen publike detajet.

Hetimet Pas dosjes së parë që mbërriti në FSHF në muajin dhjetor, drejtuesit e lartë të FSHFsë deklaruan se do të ngrihej një komision hetimor, i cili do të merrej posaçërisht me këtë problem, por deri tani nuk dihen emrat e këtij komisioni, nuk dihet se si po ecin hetimet dhe nuk ka pasur ndonjë deponim apo ndonjë konsultë me Prokurorinë e shtetit shqiptar nga ana e federatës tonë. Zyrtarët e FSHF-së nën zë kanë pohuar se Prokuroria shqiptare ka marrë në shqyrtim disa nga raportet e dosjes së parë që mbërriti në dhjetor.

Dosja e parë me 13 ndeshje. Çfarë ndodhi në dhjetor?

Një muaj më parë UEFA ka dhënë alarmin për trukime të rezultateve në Superiore përmes një analize të hollësishme dhe zyrtare të çdo ndeshjeje. Sistemi i sofistikuar i UEFA-s, i quajtur Sistemi i Zbulimit të Mashtrimeve të Basteve, BFTS, është një nga sitet kryesore të të gjithë kampionateve evropiane. Ky sistem monitoron paratë e luajtura për ndeshje të caktuara dhe lëvizjet e koeficienteve, që sipas specialistëve sjell përcaktimin përfundimtar nëse një ndeshje është e fiksuar apo jo? Jo vetëm kaq, por edhe çdo lëvizje në fushë, karton i verdhë, i kuq dhe aksion, monitorohet për t’i dhënë një pasqyrë më të plotë panoramës së takimeve të trukuara. Në dhjetor u zbulua një raport konfidencial mes UEFA-s dhe FSHF-së, ku thuhej se 12 ndeshje të sezonit të shkuar dyshoheshin si të manipuluara dhe gjithashtu një ndeshje e këtij sezoni. Sipas raportit të UEFA-s, analizat tregojnë se një pjesë e tyre janë shumë të dyshimta, disa të fiksuara, ndërsa të tjera 100 për qind të fiksuara. 5 ndeshje të javës së 29-të të Kategorisë Superiore kanë rezultuar të trukuara dhe vetëm ndeshja Vllaznia-Tirana i ka shpëtuar trukimit në atë javë të Superiores. Në raportet e UEFA-s janë edhe 7 ndeshje të tjera të sezonit të kaluar: 12 mars 2011, Dinamo- Elbasani 3-1; 1 prill 2011, Laçi-Elbasani 3-1; 15 prill 2011, Dinamo-Skënderbeu 2- 3 dhe Tirana-Elbasani 6-1; 19 mars 2011, Elbasani-Bylisi 0- 2; 24 prill 2011, Shkumbini- Besa 2-2 dhe 25 prill, Kastrioti- Teuta, 3-1. Raporti i përcakton këto ndeshje të trukuara me rezultate të sakta, ndërsa për këtë sezon bëhet fjalë për Kastrioti-Vllaznia e 3 tetorit, e fituar nga krutanët. Për këtë sfidë ka një raport shumëfaqësh me detaje se çfarë ka ndodhur, ku përmenden edhe emrat e gjyqtarëve, Janku, Pregja dhe Avdo, apo emra lojtarësh të Kastriotit, si Caca, Muçollari, Grami e Turdiu. Ky i fundit në këtë takim doli me karton të kuq. Sipas raportit të UEFA-s, të dyja këto skuadra kanë një histori të dyshimtë dhe për 14 ndeshje të tjera të luajtura, 9 prej të cilave kanë dyshime të forta, madje cilësohen si të trukuara.

DYSHIMET PER TRUKIME, KOMBETARJA

Arbitri bullgar, i pezulluar për trukime, gjykoi në Shkodër
Ndoshta është krejt rastësi, por fakt është se ndeshjen e përfolur nga grekët si e trukuar Shqipëri-Mal i Zi (3-2), si për ironi të fatit e ka gjykuar një arbitër, i cili jo më larg se viti 2009- të u pezullua nga federata bullgare dhe UEFA si i dyshuar për trukim të miqësores Maqedoni- Kanada. Gjyqtari bullgar, Anton Genov, u vu nën hetim nga UEFA pasi u dyshua se ai luajti një rol protagonisti në trukimin e kësaj ndeshjeje. Gjithçka erdhi pas sinjalizimeve të kompanive të basteve për shumat e mëdha që u vunë për atë sfidë, kryesisht se do të shënoheshin më shumë se tre gola. Sakaq, ekspertët e basteve ngritën dyshime pasi Genov akordoi katër penallti, nga dy për secilën skuadër në sfidën e fituar 3-0 nga maqedonasit. 11-metërshat, si për çudi u regjistruan gjatë pjesës së dytë, teksa 45- minutëshi i parë kishte përfunduar me rrjeta të paprekura.
Hetimi - Pas 14 nëntorit 2009 (data e kësaj ndeshjeje) UEFA urdhëroi se arbitri nuk do të caktohej për të drejtuar asnjë ndeshje ndërkombëtare. Dhe, si për t’i shtuar edhe më shumë dyshimet rreth mënyrës së arbitrimit, federata bullgare e mori menjëherë vendim duke e pezulluar përkohësisht Genovin edhe nga arbitrimi në kampionatin vendës. “Bookmakers”- at kishin shfaqur dyshime për shkak të basteve të shumta të vendosura në rezultatin final me tre ose më shumë gola, por mbi të gjitha për baste të sakta në numrin e penalltive që do të akordoheshin. Stefen Hart, trajneri i kombëtares kanadeze, deklaroi se arbitrimi në atë miqësore të krijonte idenë e një ndeshjeje “mjaft të tensionuar”. “Për gjithçka që ndodhte, gjyqtari fërshëllente. Çdo kontakt ndërmjet lojtarëve ishte faull”, tha ai.
Genov - Sakaq, pas disa muajsh hetime, në fillim të 2011-ës UEFA doli me idenë se ndaj Genovit nuk kishte prova të mjaftueshme për ta ndëshkuar duke i hequr kështu pezullimin. Direkt pas këtij vendimi, takimi i parë mes dy kombëtareve për këtë arbitër ka qenë miqësorja Shqipëri-Mal i Zi. Genov ka lindur më 10 tetor 1966 dhe ka nisur karrierën si arbitër në kampionatin bullgar më 26 tetor 1996 (ndeshja e parë: Spartak Pleven-Dobrudja 2:1). Prej vitit 1999 ai është edhe arbitër i FIFA-s. Ai është i diplomuar në veterinari dhe flet rrjedhshëm anglisht dhe rusisht. Hobi i tij janë filmat dhe buling, ndërsa njihet si një koleksionist i thekur i bluzave sportive.

Si zgjidhet një arbitër
Si rregull, vetëm për ndeshjet miqësore arbitri zgjidhet nga federata pritëse. Ose thënë më qartë: federata shqiptare u bën një kërkesë dy-tri federatave homologe që t’u dërgojnë për ndeshjen në fjalë një treshe arbitrash, që ata e shikojnë se mund ta përballojë takimin. Në rastin konkret, FSHF-ja i kërkoi federatës bullgare një treshe arbitrash, e cila dërgoi Anton Genovin së bashku me dy ndihmësit e tij.

Maqedoni-Kanada, sfida që doli edhe në “Uikiliks”
Ndeshja midis Maqedonisë dhe Kanadasë e zhvilluar në 14 nëntor në vitin 2009 në Strumicë, si dhe gjykimi kundërshtues i bullgarit Anton Genov, u gjendën në mesin e dokumenteve sekrete të SHBA-së të shpallura në “Uikiliks”. Ambasada amerikane në Sofje ka dërguar te ministria e vet kompetente, një përshkrim të detajuar të të gjitha ngjarjeve dhe skandaleve në futbollin bullgar. Diplomatët amerikanë, duke marrë parasysh lojën e dobët të dy skuadrave në këtë ndeshje kanë hedhur poshtë hipotezat se të implikuar mund të jenë edhe lojtarët e dy skuadrave duke drejtuar gishtin vetëm nga arbitri Genov.

Duka: Përbaltje, asnjë ndeshje e kombëtares s’është trukuar
Numri një i futbollit shqiptar, Armando Duka, ka qenë prezent në hapjen e Seminarit të Arbitrave, i cili organizohet nga FSHF dhe FIFA, në bashkëpunim. Pas përshëndetjes së rastit, Duka ka falenderuar të dëerguarin e FIFA-s si trajnues, ish-arbitrin e njohur rus, Valeri Ivanov, më pas ka lauruar me stemën e re 2012 të FIFA-s tre gjyqtarët, Lorenc Jemini, Bardhyl Pashaj dhe Enea Jorgji. Stemën e FIFA-s e kanë marrë edhe asistentët, që në ndeshjet ndërkombëtare do të plotësojnë zyrtarët e ndeshjeve nga Shqipëria. Me këtë rast, ka ardhur reagimi i parë zyrtar nga goja e presidentit të FSHF-ë, Armand Duka, mbi zërat se ndeshje të kombëtares kuqezi janë trukuar nga mafiozë grekë, të cilët, nga përgjimet e dala në shtetin fqinj, rezulton se kishin komunikim edhe me ish-trajnerin e kombëtares, Josip Kuzhe. Ai ka pohuar prerë se “jap garanci të plotë se as lojratët e kombëtares, as trajneri Kuzhe, nuk janë përfshirë në veprimtari të tilla, asnjë ndeshje nuk është trukuar nga kombëtarja shqiptare e futbollit. Nuk më pëlqen nxitimi për të akuzuar dhe baltosur kombëtaren kuqezi, imazhin e saj, në bazë të thashethemeve që vijnë nga Greqia. E përsëris, jap garanci të plotë që s’ka patur kurrë trukim të ndeshjeve të kombëtares. E them këtë, sepse njoh ndjenjën dhe dashurinë që kanë lojtarët për fanellën kuqezi, për të mos e tradhëtuar kombëtaren. E cila nuk ështw e Dukës, apo e Kuzhes, por e të gjithë shqiptarëve. Ajo s’ka pse përbaltet nga thashetheme. Eshtë e pamundur që ndeshjet të jenë trukuar nga ish-trajneri i kombëtares, Josip Kuzhe pasi ai nuk luan futboll. Unë shpreh besim të plotë te skuadra kombëtare, sepse nuk kam asnjë dyshim tek lojtarët për trukime të ndeshjeve”.
Ndërkohë, presidenti Duka ka rikonfirmuar qëndrimin e FSHF-së në lidhje me ndërtimin e stadiumit të ri, pikërisht aty ku është “Qemal Stafa”, jo diku tjetër. “I qëndrojmë kësaj ideje, ndërkohë që një kompani e sugjeruar nga FIFA do të vijë dhe te bëjë studimin e fizibilitetit të projektit të stadiumit të ri. Kërkesa e FIFA-s është që stadiumi të mos jetë poshtë 20-25 mijë vendeve, ndërkohë që ne jemi të interesuar ta ndërtojmë atë në vendin ku është “Qemal Stafa”, sepse kjo është në interes të tifozëve,” – ka pohuar Duka.

Josip Kuzhe hedh poshtë të gjitha akuzat
Ish-trajneri i Kombëtares shqiptare, Josip Kuzhe, e mohon kategorikisht të ketë lidhje me ndonjë rrejt në Greqi, që merret me trukime ndeshjesh dhe aq më pak të ketë trukuar takime të ekipit tonë përfaqësues, në kohën kur ai ishte në krye të kësaj skuadre. Ndonëse ishte mjaft e vështirë për të kontaktuar me të (kujtojmë se tekniku tani drejton skuadrën e Tianjin Teda në Kinën e Largët, post të cilin e mori pasi u shkarkua një tjetër ish-trajner i Kombëtares shqiptare, Ari Han), “Panorama Sport” arriti të zhvillojë një intervistë me Kuzhenë, i cili i hedh poshtë të gjitha akuzat. Ai thekson se ndaj Malit të Zi skuadra kombëtare ka luajtur për të fituar dhe në gjykimin e tij është qesharake të mendohet që kjo ndeshje të jetë trukuar nga ai, përderisa është marrë maksimumi në fushën e lojës. Ishtrajneri ka sqaruar qëndrimin e tij lidhur edhe me ndeshjet e fundit të Kombëtares, duke prekur më së shumti përballjen Luksemburg- Shqipëri (2-1), por përsëri duke hedhur poshtë kategorikisht që edhe kjo sfidë të ketë pasur ndonjë anomali.
Mister Kuzhe, duket se emri i Kombëtares shqiptare po ju ndjek nga pas, edhe deri në Kinë ku ndodheni tani…
Më vjen mirë, pasi gjatë gjithë kohës në Shqipëri u mundova të jepja maksimumin që Kombëtarja të arrinte rezultate. Sigurisht që nuk mora ato që dëshiroja, por futbolli i tillë është.
Në fakt, këtë herë donim t’ju pyesnim lidhur me disa përgjime telefonike mbi trukime ndeshjes, të cilat kanë dalë nga policia greke, ku përmendet emri juaj…
Nuk e kam idenë se për çfarë po flisni, pasi kam disa javë që jam larg zhvillimeve në Evropë. Jam i impenjuar me skuadrën e re këtu në Kinë dhe nuk kam pasur kohë që të informohem.
Nga përgjimet del se të paktën dy ndeshje të Kombëtares shqiptare, Argjentinë-Shqipëri dhe Shqipëri-Mal i Zi, dyshohen si të trukuara dhe ju, sipas tyre, keni qenë në dijeni…
(Qesh). Unë paskam trukuar ndeshje të ekipit tim? Më falni për sjelljen time tani, por kjo është vërtet qesharake. E para, për ndeshjen me Argjentinën as që na shkonte ndër mend se mund të merrnim ndonjë rezultat. E dini mirë se shkuam me një skuadër totalisht të re, me lojtarë pa eksperiencë, të cilët vinin nga kampionati shqiptar. Ishte një periudhë pushimesh dhe pjesa më e madhe e lojtarëve të Kombëtares nuk ishin të pranishëm në atë takim. Në këtë kontekst nuk e di sesi unë mund të kem trukuar një ndeshje të tillë, ndaj një superfuqie në futboll sikundër është Argjentina. Nejse, gjithkush ka mendimin e vet.
Po për Malin e Zi?
Edhe kjo është qesharake, sepse ne e fituam atë ndeshje. Nëse do ta kishim humbur ose do të vërehej ndonjë anomali në lojë nga ana jonë, atëherë unë do të kisha qenë i pari që do shprehja mendimin tim. Por, siç e dini, ne luajtëm me ekipin më të mirë të mundshëm dhe sidomos për fitore. Nga ana tjetër, malazezët erdhën me disa mungesa, por ju siguroj se të paktën ne luajtëm në maksimum për të fituar. Unë doja ta përgatisja sa më mirë skuadrën për ndeshjen e radhës me Francën, ndaj të gjithë lojtarët realizuan detyrat që u pata caktuar.
Pra, në gjykimin tuaj nuk ka pasur asnjë anomali në këtë ndeshje, qoftë edhe nga kundërshtari apo arbitri?
Unë them jo, dhe jam i sigurt 100 për qind për ekipin tim. Për sa u përket malazezëve nuk di ç’të them, por nga sa pashë në fushë edhe ata donin me patjetër që të fitonin. Ndërsa për arbitrin nuk di se çfarë t’ju them. Nuk e kam njohur dhe nuk e mbaj mend as tani se cili ka qenë.
Dakord, por si është e munduar që në përgjime del emri juaj? Ju keni lidhje me Greqinë?
Nuk e di sesi ka dalë emri im aty, paçka se në të tilla raste persona ordinerë për të justifikuar punët e tyre nxjerrin emra lojtarësh, trajnerësh, ashtu sikundër ndodh edhe në politikë, por kjo nuk do të thotë se kush më përmend emrin është miku im, apo unë duhet me patjetër ta njoh dhe të kem lidhje me të.
A mos ndoshta fakti që në të shkuarën ju keni pasur probleme me bixhozin, ka bërë që emri juaj të lakohej edhe më kollaj në rrjetin e trukimeve?
Jo, jo prisni pak. Të shkuarën time e kam sqaruar me qindra herë si në Kroaci, por edhe në Shqipëri kur mora drejtimin e Kombëtares suaj. Ka qenë një periudhë e keqe e jetës sime, me të cilën jam ndarë një herë e mirë. Sa për dijeni, në 24 ndeshje që kam drejtuar ekipin shqiptar, në vetëm një takim jam ndjerë keq. Ka qenë ndaj Luksemburgut kur humbëm, por gjithsesi e mora me sportivitet dhe i thosha vetes se ish humbje e tillë mund t’i ndodhte kujtdo.
Meqë po thoni Luksemburgu, pa dashur të hedhim hije dyshime mbi këtë ndeshje, ju si trajner keni pasur ndonjë rezervë për këtë takim?
Jo, unë nuk besoj se edhe ajo ndeshje ka pasur anomali, ose siç mund të mendoni ju, është trukuar. Unë them se nuk e kapërdij dot si rezultat pasi prisja që ta fitoja atë takim, por fakti se më mungonin disa lojtarë për shkak pezullimi me kartonë; fakti që Skela nuk ishte në formën e tij më të mirë, ashtu sikundër edhe Lala, por edhe fakti se pësuam dy gola të çuditshëm dhe më pas mbetëm me 9 lojtarë, më ka bërë të ndihem keq. Gjithsesi, e them me përgjegjësi se nuk kam menduar kurrë se ai takim mund të ketë qenë i trukuar, asnjëherë dhe për asnjë ndeshje që është drejtuar nga unë. Pastaj, një humbje e tillë mund t’i kishte ndodhur gjithkujt. Mos harroni se Luksemburgu pati mundur Zvicrën në fushën e kësaj të fundit dhe i hapi mjaft telashe edhe Francës, e cila mezi fitoi ndaj tyre.
Pra, mohoni se njihni një person me nofkën “portugezi” dhe që ndonjë ndeshje e Kombëtares të ketë qenë e trukuar?
Po, dhe këtë e them me bindje. Pjesa tjetër, ato që thuhen në media, si në Greqi, Shqipëri, apo gjetkë janë thjesht abuzime. Unë personalisht jam i pastër, i kthjellët (qesh sërish) dhe të më falni, por realisht më vjen çudi sesi mund të mendohet se ato ndeshje që ju përmendët të jenë trukuar. Edhe aq më keq, që të jenë trukuar nga trajneri.
Nëse do t’ju thërrasin për të dëshmuar në polici, do të ishit i gatshëm të jepnit versionin tuaj?
Nuk besoj kurrë se do të më thërrasë kush për të dëshmuar, por edhe sikur kjo të ndodhë, nuk e kam aspak problem se s’kam asgjë për të fshehur apo treguar. Kam qenë trajneri i një skuadre, me të cilën jam mundur gjithnjë që të fitoj. Tani, nuk besoj se do më gjykojnë se përse e kam fituar (qesh). Ndaj, theksoj se akuza të tilla ndaj meje do të ishin më se qesharake.

Skandali i përgjimeve, si u implikua Kombëtarja
Dy ndeshje të Kombëtares shqiptare dyshohet se janë trukuar. Një gjë e tillë doli nga përgjimet telefonike të katër bandave kriminale në Greqi, anëtarët e të cilave janë vënë në pranga ditët e fundit në shtetin fqinj. Sipas mediave greke, 53 personat e arrestuar ishin pjesë e një rrjeti që merrej me pastrim parash, huadhënie, kërcënime, mashtrime e shantazhe. Por, burimi kryesor i të ardhurave ishte trukimi i ndeshjeve të futbollit, ku sipas asaj që del nga zyrat e hetuesisë, bëhet fjalë për ndeshjet miqësore të përfaqësueses shqiptare të vitit 2011, si dhe asaj sllovake. Kombëtarja jonë del në skenë pas një bisede të një prej personave të përfshirë në afera. “Portugezi”, nofka me të cilën ai shfaqet, i propozon kreut të njërit prej grupeve, Marko Karamberit, të vërë baste të mëdha në dy ndeshjet miqësore Shqipëri- Mali i Zi, 3-2, dhe Argjentinë-Shqipëri, 4-0. Sipas këtij përgjimi, gjithçka është e sigurt dhe mund të vihej bast për cilindo rezultat që dëshirohej, pasi “garancia” kishte ardhur nga vetë trajneri i Kombëtares, Josip Kuzhe. “Portugezi” dhe një tjetër person me nofkën “shkupjani” thonë në bisedat e përgjuara se kanë lidhje të ngushta me trajnerin kuqezi, kësisoj mund të vihej bast i sigurt për të paktën këto dy ndeshje. Gjatë rrëfimit, personi me pseudonimin “portugezi” deklaron se trajneri Kuzhe i kishte thënë se djali i tij, Markoja, do t’i “godiste” fort këto dy ndeshje në baste.

Djali i kroatit: Jam jashtë kësaj historie
Në përgjimet e dala nga policia greke përmendet edhe emri i Markos, duke iu referuar djalit të Josip Kuzhesë (Marko Kuzhe). Ky i fundit është menaxher futbolli, ndaj njihet shumë në ambientet sportive në të gjithë Ballkanin. I kontaktuar nga “Panorama Sport”, ai i ka pohuar se nuk ka asnjë lidhje me përgjimet dhe trukimet për të cilat flitet. “I kam parë në internet lajmet që kanë dalë ditën e sotme (dje), por ju them se edhe pse aty është përmendur një emër ‘Marko’, sikundër më quajnë mua, ju siguroj se nuk kam asnjë lidhje me to. Për sa i përket Kombëtares shqiptare duhet të flisni me babanë tim, nëse do mund të arrini të kontaktoni, pasi ai ndodhet në Kinë. Por, me sa kam dijeni, edhe ai nuk ka lidhje fare me ato që po thuhen”, – ka thënë në linjë telefonike nga Kroacia Marko Kuzhe.

Trukimet, Kuzheja dha garanci për Malin e Zi
Zbulimi i “skuadrës” mafioze nga Selani ku u bë me ritme të shpejta. Kristos Telidhis, një gazetar i së përditshmes “Ethnos”, e kishte bërë një parashikim të tillë. Gazeta “Ethnos” raportoi dje se kjo çështje ka kapur edhe futbollin, por jo vetëm atë grek, pasi aktiviteti kriminal ishte shtrirë edhe në vende të tjera. Në një bisedë me anëtarë të ndryshëm të grupit janë gjetur ndeshje, të cilat janë trukuar, dhe kjo është bërë me disa skuadra evropiane, por edhe kombëtare të ndryshme. Kjo është zbardhur pas regjistrimit të dialogut të Marko Karemberisit (vëllai i ish-presidentit të Arisit, Sotiris Karamberis) me persona të cilët i përkasin kësaj fushe dhe që përdornin gjithë kohës nofkën “Portugezi”, ose “Shkupjani”. Këta të fundit në bisedat e tyre të regjistruara tashmë, thonë se kanë lidhje të ngushta me trajnerin e përfaqësueses shqiptare. Skuadra kuqezi asokohe drejtohej nga kroati Josip Kuzhe. Ky i fundit nuk përmendet asnjëherë me emër, por ama, gjatë rrëfimit, personi me pseudonimin “Portugezi” deklaron se trajneri i Kombëtares shqiptare i kishte thënë se djali i tij Markoja do t’i “godiste” fort këto dy ndeshje në baste. Në fakt, djali i Kuzhesë quhet pikërisht Marko, por kjo nuk është e specifikuar, pasi personi me nofkën “Portugezi” fliste gjatë përgjimit me “kokën” e grupit, që quhej gjithashtu Marko Karamberis. Një nga pjesët më pikante të përgjimit është kur dy trafikantët komentojnë bisedën e bërë me trajnerin e Shqipërisë për dy miqësoret me Argjentinën dhe Malin e Zi.
Biseda Në dialogun e parë, që është regjistruar më 24 maj të vitit 2011, Karamberis njoftohet nga “Portugezi” për ndeshjet blof që i ka dhënë “Shkupjani” (një tjetër nofkë e përdorur nga anëtarët e grupit).
“Portugezi”: Nesër besoj bëhet diçka. Fola me “Shkupjanin” dje në darkë.
Marko Karamberis: Po, po. “Portugezi”: Nesër ka ndeshje në Ligën e Dytë dhe të Parë të Zvicrës.
Karamberis: Po, po. “Portugezi”: Do kemi informacion të mirë, besoj se edhe nesër ka një ndeshje të sigurt për Kupën e Bullgarisë. Karamberis: Aha, të kuptova.
“Portugezi”: Luan CSKAja me Slavian, kanë diferencë të madhe dhe e japin tani koeficientin 1.45.
Karamberis: Eh, duhet të fitojë CSKA-ja. ”
Portugezi”: Do fitojë, besoj se do fitojë, pasi kanë diferencë shumë të madhe. Unë i kam parë që të dyja skuadrat dhe janë të pakrahasueshme. Është njësoj si të luajë Panathinaikosi, AEK-u, PAOK-u me skuadra si Astera Tripolis e disa të tilla.
Karamberis: Të kuptova, të kuptova, kjo na intereson.
“Portugezi”: Përveç këtyre, kam nesër edhe 3-4 ndeshje të tjera të fiksuara.
Karamberis: Më merr nesër në telefon të më thuash para orës 1 ose 2. Para se të fillojnë normalisht ndeshjet.
“Portugezi”: Po normal mor mik. Ej, se harrova, po të them diçka.
Karamberis: Po, fol.
“Portugezi”: Fola me trajnerin e Kombëtares shqiptare.
Karamberis: Po.
“Portugezi”: Sigurisht, ai më mori në telefon. Në fakt, kishim shumë kohë pa folur. Më pyeti fillimisht se çfarë kisha bërë dhe disa gjëra të tjera. I thashë se e kisha kërkuar, pasi të dielën kisha një ndeshje të fiksuar. I thashë gjithashtu që nuk munda ta gjeja, për t’ia dhënë si ndeshje që ai ta godiste. Dhe ai më pyeti se si i bëhej kësaj. Unë i thashë nëse kishte ndonjë shans që të bëhej ndonjë miqësore. Dhe ai m’u përgjigj se luanin një ndeshje miqësore në muajin qershor me Argjentinën.
Karamberis: Po, shumë mirë.
“Portugezi”: Po pra, shkojnë të luajnë në Argjentinë në muajin qershor, por më tha se do të luajnë më pas me Malin e Zi. Më premtoi se me Malin e Zi mund të bëjmë çfarë të duam.
Karamberis: Shumë, shumë mirë, do bëhet kjo miku im.
“Portugezi”: Më tha se aty mund të luajë shumë fuqishëm Markua im.
Ditën tjetër “Portugezi” telefonon përsëri tek Karamberis për një informacion më të mirë.
“Portugezi”: Sllovakia, Sllovakia, Dupnica.
Karamberis: Pa shikoje si e ka?
“Portugezi”: Dubrica pra, në Sllovaki.
Karamberis: Po, është 1 (njësh). Shikoje sa e ka dhe më merr për një minutë.
Mbyllet linja dhe bëhet thirrja pas dy minutash.
Karamberis: Ok, miku im, 1.72 e ka.
“Portugezi”: 1.72, ok mirë.
Karamberis: Është Dubrica dhe luan me Banska Bistika.
“Portugezi”: Në rregull, më mori në telefon “Shkupjani” dhe më tha.
Karamberis: Po, po, do ta luajmë vetë atë.
“Portugezi”: Do të luajmë vetë dhe do ta luajmë me 500 euro në fillim.
Karemberis: Çfarë të duash më thuaj dhe unë do të ta luaj. 1.72 paguan tani, të shohim.
Në të njëjtën mbrëmje të dy personazhet bisedojnë përsëri. Tani Karamberi ka marrë informacione nga “Shkupjani”. Jo vetëm për rezultatin e kësaj ndeshjeje, por edhe për përfundimin e disa rezultateve finale. Ai i sqaron se arbitri do t’i japë karton të kuq skuadrës kundërshtare.
Karamberis: 2-0.
“Portugezi”: Kush?
Karamberis: Ehh…
“Portugezi”: Dubrica.
Karamberis: Po 2-0 dhe të tjerët me të kuqe përfunduan në minutën e 80-të.
“Portugezi”: Ai shk…, legeni, “Shkupjani” i dreqit, na thoshte që nuk luhet kjo ndeshje.
Karamberis: E di, e di. “Shkupjani” na ka çmendur.
“Portugezi”: O Marko, doja të vendosja 2 mijë euro, por lëre thashë, se topi është i rrumbullakët.
Karamberis: Jo more, jo, jo.
“Portugezi”: Merre lehtë, merre lehtë.
Karamberis: Do të të jap 350 euro, sapo të kthehem.
“Portugezi”: Merre lehtë, në rregull, a më kupton?
Karamberis: Do jemi mirë, në rregull.
“Portugezi”: Marko, ne shumë mirë jemi.
Karamberis: Mirë, biri im.

Kush janë “Portugezi” dhe Karamberis?
Markos Karamberis, i arrestuar si koka e grupit nga Selaniku, është vëllai i ish-presidentit të Arisit, Sotiris Karamberis. Ai drejtonte këtë organizatë dhe ishte pronar i disa klubeve të natës në Selanik. Para dy vitesh, ai pati kandiduar në zgjedhjet lokale për partinë ultranacionaliste LAOS. “Portugezi” është një tjetër person nga Selaniku, emri i të cilit nuk bëhet i ditur për shkak hetimi, por që njihet me këtë pseudonim. Sipas mediave greke, ai është miku i ngushtë i trajnerit të Kombëtares shqiptare. Ndërkaq, personi me pseudonimin “Shkupjani” është një person maqedonas.

Çfarë tha pas humbjes me Luksemburgun
Ish-trajneri: Faji i mbrojtjes, nuk do jap dorëheqjen
Takimi Luksemburg-Shqipëri, 2-1, mbetet pengu i vetëm i Josip Kuzhesë si trajner i Kombëtares shqiptare. Në pothuajse të gjitha intervistat që i ka bërë “Panorama Sport” ish-teknikut (edhe dje madje), këtë takim ai e ka konsideruar si pikën më të ulët në krye të kuqezinjve. Ndonëse kjo ndeshje nuk është përfolur për ndonjë anomali apo trukim të mundshëm teknik (sqarojmë se edhe ai beson se nuk është trukuar), thekson se ndoshta është e vetmja përballje që duhet analizuar më shumë. Gjithsesi, ja si është përgjigjur vetë Kuzhe direkt pas kësaj ndeshjeje në konferencën për shtyp. “Nuk kam pse të jap dorëheqjen. Unë kisha një skuadër me shumë mungesa dhe gabimet u bënë nga mbrojtësit, të cilët duhet të ishin treguar më të kujdesshëm. Hodha në fushë një skuadër, e cila do më jepte tri pikët, por pashë se disa lojtarë nuk m’u përgjigjën si duhet, ndaj edhe bëra zëvendësimet në pushim të ndeshjes. Mendoj se duhet të vazhdojmë përpara dhe të mendojmë për rinovimin e skuadrës. Në gjykimin tim pas këtij takimi disa lojtarë nuk do të thirren më në Kombëtare. Arbitri na dënoi me dy kartonë të kuq duke u bërë protagonist. Mendoj se si te Ansi Agolli dhe te Erjon Bogdani e kuqja ishte e ekzagjeruar”, ka pohuar Kuzhe, kontrata e të cilit në ato momente u vu seriozisht në dyshim dhe më pas nuk iu rinovua nga presidenti Duka

Bushati: Trukimet? Kuzhenë e emëroi Duka në Kombëtare
Ai ka qenë dhe mbe tet një zë serioz në futbollin dhe sportin shqiptar në përgjithësi. E ka drejtuar me vite këtë sferë të jetës së vendit dhe ka qenë edhe anëtar i Komitetit Ekzekutiv në Federatën Shqiptare të Futbollit gjatë mandatit të dytë të z.Duka. I njohur si një nga kritikët më realë të kreut aktual të FSHF-së, z.Mehdi Bushati flet pa dorashka dhe me kompetencë edhe për trukimet e mundshme dhe përgjimet që kanë dalë në mediat greke, në të cilat përmendet emri i Josip Kuzhesë. Sipas Bushatit, edhe nëse një gjë e tillë është e vërtetë, shqiptarët nuk duhet të merren me ishtrajnerin kroat, por me ata që drejtojnë prej vitesh Federatën Shqiptare të Futbollit. I pyetur nga “Panorama Sport”, Bushati ka dhënë versionin e tij lidhur me këto përgjime.
Deklarata - “Shikoni, mua më pëlqen të flas më shumë për problematikën e futbollit shqiptar në përgjithësi, duke u marrë me embrionin. Megjithatë, edhe nëse kjo që ka dalë së fundmi në mediat greke është e vërtetë, unë them se ne më së shumti duhet të merremi dhe t’i gjejmë përgjegjësitë te vetja jonë. Unë mbaj mend se kam qenë një nga kundërshtarët e emërimit të Josip Kuzhesë në krye të ekipit përfaqësues, dhe nuk u nisa nga emri dhe mënyra e trajnimit, por nga e shkuara e tij. Mirëpo z.Duka, i cili kishte të drejtën ekskluzive, as që pyeti fare, ndaj tani ai duhet të mbajë përgjegjësi për gjithçka ndodh dhe përflitet. Gjithsesi, unë rrekem që të mos e ekzagjeroj rastin në fjalë, duke ia lënë në dorë Prokurorisë dhe atyre që merren me hetimet për të dhënë konkluzionet, paçka se jam gjithnjë i mendimit se problemet nuk na i sjellin të tjerët, por i prodhojmë vetë. Pra, jemi vetë ne problemi”, – ka theksuar Bushati.
Problematika - Më tej, ishanëtari i Komitetit Ekzekutiv është ndalur te problemet e mëdha që ka prodhuar sporti shqiptar në përgjithësi këto vitet e fundit, të cilat më shumë vijnë nga mungesa e një vizioni dhe projektet serioze të FSHF-së. “Nëse kemi dhunë në futboll, nëse klubet kanë një mijë e një probleme me financimet dhe fushat, nëse skuadrat tona përfliten gjithnjë për afera të ndryshme kur luajnë në Kupat e Evropës dhe nëse lojtarët tanë nuk arrijnë të prodhojnë aq sa duhet, të gjitha këto duhen kërkuar tek ata që e drejtojnë futbollin. Federata i ka të gjitha mundësitë që në fillim të kampionatit të vendosë rregulla strikte për të gjitha klubet, si nga ana financiare, por edhe për sa i përket sjelljes në fushën e lojës dhe të mos bëjë më pas asnjë lëshim gjatë sezonit. Dyshoj se një gjë e tillë është bërë me seriozitet e rigorozitet, pasi në të kundërt nuk do kishim kaq shumë probleme”, – ka pohuar Bushati.

FSHF “vë duart para”, por deri tani asnjë hetim
I menjëhershëm ishte reagimi i Federatës Shqiptare të Futbollit pas publikimit të tabulateve telefonike në mediat greke. FSHF-ja kërkoi që të mos hidhej baltë mbi përfaqësuesen kuqezi, për aq kohë sa nuk ka asnjë provë të fortë për të vërtetuar implikimin në të tilla afera. “Ky lajm nuk ka asnjë bazë për të akuzuar ekipin kombëtar të Shqipërisë se ka trukuar ndeshje. Biseda e dikujt me një të tretë, se i ka thënë trajneri i Shqipërisë, nuk është aspak argument për të hedhur mjegull e hije dyshimi. Një retorikë të tillë mund ta përdorë çdo njeri, por e pavërtetuar kjo nuk mund të përbëjë akuzë. Federata Shqiptare e Futbollit ka besim të plotë tek ekipi kombëtar”, – thuhej në deklaratë, por ama s’duhet harruar që, edhe pse në futbollin shqiptar është folur shumë, shumë gjatë për trukimet, deri tani asnjëherë federata nuk ka ndërmarrë ndonjë hetim serioz.
 panorama-sport.com, LEONARD KARAJ

Sporti shqiptar

Faza e parë konsiderohet pothuajse e mbyllur, thuhet pothuajse, pasi takimi mes Skënderbeut dhe Pogradecit i planifikuar për sot do të luhet me 8 shkurt 2012, sepse stadiumi i Korçës ishte i mbuluar nga bora. Në këtë fund bien në sy barazimet dhe dalja nga “frigoriferi” e Dinamos.Kamza dhe Tirana janë mjaftuar me një barazim 0-0, pikë e cila padyshim vlen për kamzalinjtë, pasi bardheblutë me këtë rezultat i shtojnë pikëpyetje objektivave të tyre. U tha se ky është derbi i tanishëm i kryeqytetit, por ajo që u pa në fushë nuk kishte asgjë të përbashkët me emocionet që të japin derbet e vërteta.Dinamo në minutën shtesë të takimit me Bylisin arrin të shënojë me anë të portierit Osmani, gol i cili idha dinamovitëve një pikë. Takimi Dinamo-Bylis u mbyll në barazim 1-1, ku në minutën e 36-të për ballshiotët shënoi kapiteni Dimo. Por në aksionin e fundit portierit Alferd Osmani barazon nga pika e bardhë. Me këtë pikë dinamovitët dalin nga “frigoriferi” dhe e mbylli fazën e parë me një pikë.Laçi dhe Flamurtari e kanë mbyllur me rrjeta të paprekuara përballjen e sotme. Takimi u zhvillua në Shkodër, pa praninë e tifozëve, pasi dihet se fusha e Laçit është e dënuar nga Komisioni i Disiplinës. U mendua se me ardhjen e Shkëlqim Muçës në krye të Flamurtaruit, kuqezinjtë e gjetën ritmin, pas fitores 5-0 me peqinasit. Por dje u vërtetua se e keqja e vlonjatëve nuk ka qenë tek stoli.Shkumbini ka përbytur Vllazninë e trajnerit Rudi Vata, pasi kanë qenë peqinasit ata që kanë fitur 2-1 ndaj shkodranëve. Me këtë rezultat tregohet qartë se Vllaznia mbetet një ekip i pastabilizuar, që nuk mund të bëjë dot dy fitore radhazi. Për peqinasit inspiruesi i kësaj fitorje ka qenë kapiteni Roland Dervishi, ai që shëoi dy golat për Shkumbinin, pikërisht në minutën e 18-të me 11-metërsh dhe dhe në minutën e 80-të. Golin e vetëm për Vllazninë e shënoi i riu Hasani.Tomori ka fituar 2-0 ndaj Apolonisë dhe me këtë tripikësh të marrë në fushën e Kuçovës, beratasit kanë lenë vendit e parafunditm ndërsa fierakët tashmë rrezikojnë shumë. Golin e parë për Tomorin e shënoi Bakiu në minutën e 42-të dhe gjithçka e mbyll me sukses Shameti në minutën e 84-te. Teuta ndonëse e dinte se rivali më i afërt, Tirana, kishte barazuar, durrsakët shkojnë të njëjtën korsi me baradheblutë, pasi barazojnë 1-1 në “Niko Dovana” me Kastriotin. Teuta e nisi mbarë takimin, pasi e gjen golin që në minutën e dhjetë me Pepën. Por në pjesën e dytë janë krutanët ata që marrin komandën dhe në minuatën e 67-të barazojnë rezultatin me gol të Turdiut. Padyshim kjo javë shkon në favor të Skënderbeut, i cili në rast se me 8 shkurt do të fitojë ndaj pogradecarëve e shkurton distancën me kreun.

Java e 13-të

TOMORI – APOLONIA   2-0

Shënues: Bakiu 42′ (11-m), Shameti 84′

DINAMO – BYLIS   1-1

Shënues: A.Osmani 91′ (11-m)/ Dimo 36′

SHKUMBINI – VLLAZNIA   2-1  

Shënues: R.Dervishi 18′ (11-m), 80′ / Hasani 23′

LAÇI – FLAMURTARI   0-0

KAMZA – TIRANA 0-0

TEUTA – KASTRIOTI 1-1 
Shënues: Pepa 10′/ Turdiu 67′

SKENDERBEU – POGRADECI (luhet me 8 shkurt 2012)

Sportishqiptar.com.al

G.K

Sporti shqiptar

Trofeun e artë ia dorëzoi fituesit, Presidenti i Federatës Shqiptare të Futbollit, Armand Duka. Vajushi konsiderohet si e ardhmja e futbollit shkodran dhe atij Kombëtar.Sulmuesi i ri i talentuar i Vllaznisë, Armando Vajushi, fitoi çmimin më të lartë individual që jepet në Shqipëri, “Lojtari i vitit” (2011), një trofe për të cilin votojnë trajnerët dhe kapitenët e 14 skuadrave të Kategorisë Superiore. Sulmuesi 20-vjeçar i Kombëtares U-21 fitoi garën e ngushtë me portierin e Skënderbeut, Orges Shehi.

Trofeun e artë ia dorëzoi fituesit, Presidenti i Federatës Shqiptare të Futbollit, Armand Duka. Vajushi, i cili konsiderohet si e ardhmja e futbollit shkodran dhe atij Kombëtar, ka shënuar në këtë sezon 5 gola, duke formuar një dyshe të frikshme në vijën e parë me Xhevair Sukajn. Presidenti Duka theksoi në fjalën e tij disa nga sukseset futbollistike të vitit, përfshirë kualifikimin e Kombëtares U-17 për në turin Elite Round të Euro 2013, por bëri thirrje edhe për një bashkëpunim më të mirë midis klubeve dhe aktorëve të tjerë, për të luftuar dhunën në stadiumet tona, e sigurisht dhe urimin tradicionale “Gëzuar Vitin e Ri 2012!”.

Gjatë mbrëmjes “Gala”, të organizuar nga Federata Shqiptare e Futbollit, morën pjesë zyrtarët më të lartë të selisë së topkëmbës shqiptare, përfshirë dy zëvendëspresidentët Bujar Kasmi dhe Lutfi Nuri, sekretarin e përgjithshëm Eduard Prodani, zëvendësministri i Sporteve, Dashnor Bajaziti, drejtori i Sporteve në MTKRS, Vasil Bici, futbollistë të Kombëtares shqiptare, si Erjon Bogdani, apo ish-portieri Arjan Beqaj, presidentë klubesh, trajnerë dhe veteranë të sportit. FSHF-ja ndau disa pllakata mirënjohje dhe çmime të ndryshme të larta.

Me medaljen “Nderi i futbollit shqiptar” (Pas vdekjes) u nderuan legjenda e Tiranës, Selman Stërmasi dhe ai i Partizanit, Myslim Alla. Me çmimin “Legjenda e futbollit shqiptar” u nderuan ish-sulmuesi i Tiranës, Petrit Dibra; trajneri i njohur Faruk Sejdini dhe ish-mesfushori i Vllaznisë, Ferid Ragami. Me pllakatin e “Mirënjohjes” u nderuan Shkolla e Mesme e Mjeshtërisë Sportive “Loro Boriç”, ish-sulmuesi i Teutës, Fatmir Hima, ish-sulmuesi i Partizanit, Agim Janku, si dhe ish-mbrojtësi i Butrintit, Milto Gurma. Mbrëmja gala kishte nota festive, ku nuk munguan zëri i ngrohtë i këngëtares Eranda Libohova dhe kërcimtaret joshëse. Marre nga Albania-sport.com

G.K

Sporti shqiptar

Komisioni i Disiplinës sot mes të tjerave ka shqyrtuar edhe dhunën e ushtruar në Pogradec ndaj gjyqtarit Enea Jorgji pas hubjes 1-2 me Teutën. Në dallim nga Laçi, Pogradecit i zbriten 3 pikë në renditje dhe të gjitha ndeshjete mbetura do t’i luaj në fushë asnjanëse dhe pa spektatorë. Gjithashtu është pezulluar për tetë ndeshje trajneri Ylli Çekiçi, si dhe është gjobitur me 1 milionë lekë (të vjetra). Ndëshkimit nuk i kanë shpëtuar edhe dyshja e futbollistëve, Eminhazeri – Drazhanin.Marre nga fshf.org

G.K

Sporti shqiptar

Kupa e Shqipërisë ka mbyllur fazën e parë në grupe dhe në përfundim janë përcakatuar edhe përbërjet e dy grupeve që do të vijojnë më tej në këtë veprimtari. Sot interes shfaqte vetem Grupi B, pasi në grupet e tjera ishin përcaktuar skuadrat që do të vijonin në raundin tjetër. Përsa i përket Grupit B enigma mbetetj se kush do të rënditej pas Flamurtarit të vendit të parë. Kamza ka shpartallur 6-0 Pogradecin, që kishte udhëtuar me shumë mungesa vetëm sa për të përmbushur kalendarin. Teuta ka fituar minimalisht 1-0 ndaj Flamurtarit, por durrsakët nuk ia kanë dalë, pasi goleada e kamzalinjëve ua ka zhvlerësuar fitoren. Tirana mban rekordin në këtë fazë grupesh, pasi i ka fituar të gjashtë përballjet e Grupit A. Dinamo ka fituar ndaj Elbasanit dhe kjo është fitorja e parë sezonale për dinamovitët.

Më poshtë po japin rezultatet e ndeshjeve të fundit në grupe si dhe rënditjet

Grupi A
TIRANA - LACI                            1-0
APOLONIA – SHKUMBINI      5-2

Tirana                 18 pikë

Laçi                     8 pikë

Apolonia             7 pikë

Shkumbini            1 pikë

Grupi B
TEUTA – FLAMURTARI  1-0
KAMZA – POGRADECI            6-0

Flamurtari                   10 pikë

Kamza                         9 pikë(+5)

Teuta                             9 pikë(+2)

Pogradeci                     4 pikë

Grupi C
KASTRIOTI – SKENDERBEU3-1
BESA – LUFTETARI                  2-0

Kastrioti                       13 pikë

Skënderbeu                 12 pikë

Lutëtari                          7 pikë

Besa                               3 pikë

Grupi D
BYLIS – VLLAZNIA          2-4
ELBASANI - DINAMO      0-1

 Vllaznia                       15 pikë

Bylis                              13 pikë

Dinamo                         3 pikë

Elbasani                        3 pikë

Kupa do të vijojë e ndarë në dy grupe si më poshtë:
Grupi 1
Tirana
Kamza
Kastrioti
Bylis

Grupi 2
Laçi
Flamurtari
Skenderbeu
Vllaznia

Marre nga sportishqiptar.com.al

G.K

Sporti shqiptar

Java e 12-të e kampionatit të 73-të të kampioantit kombëtar të kategorisë superiore ka nisur me takimin Kastrioti-Kamza, sfidë e cila është mbyllur me fitoren 3-2 të krutanëve. Të dy takimet vinin në këtë përballje pas ndeshjeve të Kupës, që kishin zhvilluar 48 orë më parë. Pjesa e parë ka përfunduar 1-0 për vendasit me gol të shënuar nga Brus Inkango në minutën e 24-ët. Pjesa e dytë nis sërish nën komandën e Kastriotit dhe është sërish Inkango, që shënon për krutanët në minutën e 54-të. Në minutën e 79-të Xhihani e dërgon në 3-0 rezultatin. Dukej se më këtë rezultat do të mbyllej gjithë ndeshja, por në fund janë kamzalinjtë që arrijnë të shënojë dy herë, por pa e vënë në diskutim fitoren e krutanëve.

—————————————————

Teuta me fitoren 2-1 të marrë në Pogradec shpallet kampione dimri një javë përpara përfundimit të fazës së parë. Ky sukses nuk ka qenë i lehtë për durrsakët, pasi ka ardhur në fund të takimit me anë të një 11-metërshi të shënuar nga Osmani. Pjesa e parë ka përfunduar 1-0 për pogradecarët, ndërsa në të dytën është Teuta, që përmbys gjithçka. Gjithsesi fundi ka sjellë tension, pasi ka pasur akuza nga vendasit për gjykimin, të cilin e shikojnë si përcaktuesin e fitores së Teutës. Protesta ka degjeneruar deri në atë pikë sa i janë drejtuar gjyqtarit Jorgji për ta dhunuar

Flamurtari  e ka nisur në mënyrë shembullore  epokën ”Shkëlqim Muça”. Në drejtimin e teknikut tiranas, vlonjatët kanë shkatërruar 5-0 Shkumbinin. Në drejtimin e trajnerit Lutaj Flamurtari pati shumë vështirësi në finalizimin e sulmeve, por duket se trajneri Muça ka injektuar frymë tjetër, pasi që në hapin e parë në kampionat,kuqezinjtë shënojnë pesë gola. Nga dy gola shënuan Progri me Lenën dhe në fund është i  riu Telushi që mbyll goleadën.

Skënderbeu ka marrë një fitore komode në “Loni Papuçiu” duke mundur 5-1 Apoloninë. Pjesa e parë ka përfunduar 2-0 me gola të Muzakës dhe Shkëmbit nga pika e bardhë e penalltisë. Fierakët mbeten me 10 vetë në minutën e 45-të, pasi në rastin e penalltisë Mehmetaj ndëshkohet me kartonë të kuq. Në pjesën e dytë korçarët shënojnë edhe tre gola të tjerë, ku bie në sy ai i brazilianit Riberio, që ndonëse erdhi me shumë bujë, u shëndërrua në anonim në Korçë. Agastra shënoi golin e nderit për fierakët.

Tirana e trajnerit spanjol Hulian Rubio me vështirësi, por gjithsesi ka arritur të marrë tripikëshin, pasi bardheblutë fitojnë 1-0 me Laçin.  Në këtë sukses të Tiranës, padyshim ka ndikuar edhe gabimi i portierit laçjan, që i rrëshket topi nga duart dhe Morina e shtyn në rrjetë.  Tirana ka probleme të mëdha, ku për muaj me radhë futbollistët ngopen me “lugën bosh”, ndonëse bashkia ka bërë premtime të mëdha. Gjithsesi reraliteti është i tillë, pasi lojtarët kanë gati tre muaj pa u paguar.

Bylisi fiton 4-2 me Tomorin, i cili e ka të pamundur të regjistrojë dy rezultate pozitive radhazi.. Ballshiotët me këtë tripikësh shkojnë në kuotën e17 pikëve duke u rënditur në vendin e gjashtë, ndërsa beratasit mbeten sërish të parafundit me 8 pikë

Vllaznia dhe Dinamo mbyllen javen e 12-te, takim i luajtur ne “Loro Boriqi” dhe qe pwrfundoi me fitoren 2-1 te shkodraneve. Ky takim ishte pothuajse nje fotokopje e perballjes se Kupes te para dy javeve, ku pjesa e pare mbyllet ne favor te dinamoviteve, ndersa ne te dyten eshte Vllaznia qe permbys gjithqka. Pjesa e pare perfundon me rezultatin 0-1 per Dinamon me gol te Shtinit te shenuar ne minuten e 43-te. Pjesa e dyte nis vrullshem per shkodranet, qe e gjejne golin e barazimit qe ne minuten e katert me Smajlin. Ne minuten e 57-te Vajushi  shenon golin e dyte dhe te fitores per Vllaznine. Ne minuta shtese ka pasur nje perplasje fizike me Vajushut dhe Lales se Dinamos dhe gjyqtari i nxjerr me karton te kuq te dy lojtaret.

Java e 12-te:

E premte

Kastrioti-Kamza 3-2

Shënues: Inkango 24′, 54′, Xhihani 79′ / Pema 86′ (11-m) , Belçev 90′

E shtunë  (ora 13:00)

Pogradeci-Teuta 1-2

Shënues:Eminhazeri 17′ / Çota 65′, Osmani 89′

Tirana-Laçi 1-0

Shënues: Morina 78′

Bylis-Tomori 4-2

Shënues: Teqja 14′, Korreshi 16′, 45′, Shoshi 71′ / K.Arbri 13′, Bakiu 89′

Apolonia-Skënderbeu 1-5

Shënues: Agastra 70′/  Muzaka 31′, Shkembi 39′ (11-m), Tahirllari 45′, Bratiç 53′, Riberio 79′

Flamurtari-Shkumbini 5-0

Shënues:Progni 5′, 29′, Lena 43′, 45′ (11-m), Telushi 89′

Vllaznia-Dinamo 2-1

Shënues: Smajli 49′,  Vajushi 57′ / Shtini 43′

Marre nga sportishqiptar.al.com

G,Kosumi

Sporti shqiptar

Dyshimet për trukime në kampionatin shqiptar të futbollit, tanimë nuk mund të konsiderohen si të tilla.

UEFA ka dhënë alarmin për trukime të rezultateve në Superligë përmes një analize të hollësishme dhe zyrtare të cdo ndeshje.

Top Channel disponon një pjesë të raporteve konfidenciale të UEFA-s sa i përket shitjeve të ndeshjeve dhe manipulimit të rezultatit në kampionatin tonë.

Sistemi i sofistikuar i UEFA-s, i quajtur Sistemi i Zbulimit të Mashtrimeve të Basteve, BFTS, është një nga sitat kryesore të të gjithë kampionateve europiane. Ky sistem monitoron paratë e luajtura për ndeshje të caktuara dhe lëvizjet e koeficientëve, që sipas specialistëve sjell përcaktimin përfundimtar nëse një ndeshje është e fiksuar apo jo.

Jo vetëm kaq, por edhe cdo lëvizje në fushë, karton i verdhë, karton i kuq dhe aksion, monitorohet për t’i dhënë një pasqyrë më të plotë panoramës së takimeve të trukuara.

Top Channel ka mundur të sigurojë raportin e UEFA-s për 12 ndeshje të sezonit të shkuar dhe vetëm 1 të këtij sezoni. Sipas raportit të UEFA-s, analizat tregojnë se një pjesë e tyre janë shumë të dyshimta, disa të fiksuara, dhe të tjera 100 përqind të fiksuara.

5 ndeshje të javës së 29 të Superligës, kanë rezultuar të trukuara, pra ndeshjet e zhvilluara në 20 prill 2011:

1)    Skënderbeu – Laci 2-0
2)    Flamurtari –Dinamo 6-2
3)    Besa – Kastrioti 3-2
4)    Elbasani – Teuta 2-4
5)    Bylis – Shkumbini 2-0

Vetëm ndeshja Vllaznia-Tirana i ka shpëtuar trukimit në këtë javë të Superligës.

Në raportet e UEFA-s janë edhe 7 ndeshje të tjera të sezonit të kaluar, 12 mars 2011, Dinamo – Elbasani 3-1, 1 prill 2011, Laci – Elbasani 3-1, 15 prill 2011, Dinamo – Skënderbeu 2-3 dhe Tirana – Elbasani 6-1, 19 mars 2011, Elbasani – Bylis 0-2, 24 prill 2011, Shkumbini – Besa 2-2 dhe 25 prill, Kastrioti –Teuta, 3-1.

Raporti i përcakton këto ndeshje të trukuara me rezultate të sakta, ndërsa për këtë sezon bëhet fjalë për Kastrioti – Vllaznia e 3 tetorit e fituar nga krutanët. Për këtë takim ka një raport shumëfaqësh me detaje se cfarë ka ndodhur, ku përmenden edhe emrat e gjyqtarëve, Janku, Pregja dhe Avdo apo emra lojtarësh të Kastriotit si Caca, Mucollari, Grami dhe Turdiu, ky i fundit në këtë takim doli me karton të kuq.

Sipas raportit të UEFA-s, të dyja këto skuadra kanë një histori të dyshimtë dhe për 14 ndeshje të tjera të luajtura, 9 prej të cilave kanë dyshime të forta, madje cilësohen si të trukuara.

Historia e trukimit të ndeshjeve është një temë e rrahur shpesh, por gjithcka ka mbetur në disa deklarata publike në media. Gjithmonë debatet janë mbyllur me fjalinë “mungojnë provat”. E ndërsa organizmat shqiptare ka qenë UEFA që së fundmi ka sjellë jo vetëm një, por dhjetra prova, raporte dhe analiza që mbyllen me konkluzione për manipulimin dhe fiksimin e ndeshjeve të Superligës shqiptare.

Nëse dhe kjo nuk do të mjaftonte për të nisur një hetim të gjërë për “këmbët e pastra”, si mund ta quajmë ndryshe historinë e basteve dhe trukimeve në Shqipëri, atëherë nuk ka arsye të besojmë në pastërtinë e futbollit si sporti më masiv në Shqipëri. Ndoshta s’kemi nevojë për një kampionat fiktiv futbolli.

Top Channel

Sporti shqiptar

Komisioni i Disiplinës së Federata Shqiptare Futbollit, pasi ka analizuar rrjedhën e ngjarjeve që ndodhën pas ndeshjes Laçi-Kastrioti 1-1.Pas përfundimit të këtij takimi është sulmuar fizikisht gjyqtari ndërkombëtar i FIFA-së,Lorenc Jemini. Komisioni ka marrë masë të lehtë ndëshkuese në bazë të asja që ka ndodhur në fushë. Skuadra e Laçit është ndëshkuar me – 6 pikë dhe në bazë të këtij vendimi, kurbinasit të gjitha ndeshjet e mbetura të këtij stinori duhet të zhvillojnë në fushë asnjanëse dhe pa tifozë. Me marrjen e 6 pikëve kjo skuadër nga pozita e 6-të bie në të 11-të me vetëm 10 pikë.
Gjithashtu, Komisioni i Disiplinës vendosi për ndëshkimin e presidentit Pashk Laska dhe zyrtarëve të klubit, Ardian Laska dhe Kastriot Rama, me 24 muaj pezullim nga aktivitetet futbollistike dhe 500 mijë lekë gjobë. Për të njejtën  gjë, futbollisti,Florian Laska është pezulluar me 12 muaj dhe një gjobë prej 500 mijë lekësh.

G.K

Sporti shqiptar

Me dy takimet të zhvilluara ditën e hënë, më 5 dhjetor 2011, Dinamo-Flamurtari  1:1 dhe Shkumbini-Teuta 3:2, kanë përfunduar takimet e javës së 11-të të Ligës Superiore të Shqipërisë në futboll. Tirana që mëton titullin e kampionit ka pësuar disfatë si udhëtuese në baaalfaqim me Shkumbinini. Mikpritësit kanë shënuar fitore me rezultat 3:2. Në takimin e zhvilluar në Tiranë, në stadiumin Qemal Stafa, Dinamo dhe Flamurtari i Vlorës kanë luajtur baras 1:1. Vlonjatët ishin në epërsi 1:0, por nuk qëndruan deri në fund, pasi dinamovitët barazuan rezultatin. Është një pikë shpresëdhënëse për skuadrën e Dinamos që të luftoi për mbijetesë në elitën e futb ollit shqiptar, por shikuar realisht skuadrat e tjera që luftojnë për mbetje në ligën superior janë shkëputura nga skuadra e fundit. Teuta e Durrësit, befasia më e këndshme e këtij kampionati ka shënuar fitore si udhëtuese ndaj Apollonisë së Fierit me rezultat 2:1. Durrësakët kryesojnë në renditje me 28 pikë,  më shumë se Tirana që është në pozitën e dytë me 23 pikë. Skuadra kampione, Skënderbeu ka filluar të këndellet në këtë javë ata shënuan fitore kundër Bylysit 3:2 dhe gjenden në pjesën e sipërme në pozitën e tretë me 20 pikë.

Turpi i futbollit shqiptar është shfaqur në Laç. Takimi Laçi-Kastrioti ka përefunduar baras 1:1. Me të përfunduar takimi drejtues të skuadrës së3 Laçit dhe shikuesit janë future në fushë dhe e kanë sulmuar gjytarin kryesor të këti takimi Lorenc Jemini. Ai është rrahur pa masë, por nuk është në rrezik jete. Organet e disipl;inës së FSHF-së me siguri do të marrin masa drastike ndaj shkaktarëve të incidentit dhe dhe ndaj skuasrës së Laçit, që gjërat e këtilla mos të përsëriten.

Në javën e 12-të, luajnë:

Apollonia-Skënderbeu

Flamurtari-Shkumbini

Vllaznia-Dinamo

Kastrioti-Kamza

Tirana-Laçi

Pogradeci-Teuta

Bylis-Tomori

Gani KOSUMI

Sporti shqiptar

Kupa e Shqipërisë zhvilloi të mërkurën aktin e katërt të saj në fazën e grupeve. Tirana nga grupi A, si dhe Vllaznia dhe Bylisi nga grupi D, me pikët e grumbulluara kaluan në fazën tjetër.

Grupi A
Laçi mundi Shkumbinin 3-1: Dragiçeviç 76’, 84’, Emurllai 86’ për kurbinasit dhe Ramazani 89’ (11-m) për peqinasit. Tirana fitoi sërish me Apoloninë, kësaj radhe në Fier: Ribaj 57’/ Bala 39’, G.Lika 84’.

Grupi B
Flamurtari fitoi pastër 3-0 me Pogradecin: Begaj 13’, Veliu 17’, Shehaj 39’. Vlonjatëve u duhet një barazim për të kaluar fazën e grupeve. Kamza dhe Teuta u ndanë në barazim 0-0, me durrsakët të rrezikuar.

Grupi C
Skënderbeu mori hak ndaj Luftëtarit, duke fituar 2-0 në Korçë, pas asaj humbjeje 4-1 në Gjirokastër. Për korçarët realizuan: Muzaka 20’, Xhafaj 55’. Besa humbi 3-1 me Kastriotin në Kavajë: Krasniqi 38’ shënoi golin e flamurit për kavajasit. Inganko 26’, Xhihani 79’, Turdiu 83’ u kundërpërgjigjën për krutanët.

Grupi D
Vllaznia e siguroi kualifikimin pas fitores 5-2 me Dinamon, por me blutë që shënuan të parët: Kulli 13’, Misiri 25’. “Tripllë” Vajushi (46’, 80’, 83’), të shoqëruar me Gjini dhe Erkoçeviç realizuan “manitën kuqeblu”. Bylisi fitoi në Elbasan 3-1: Dalipi 78’/ Teqja 45’, F.Xhafa 70’, Ristevski 76’.
KUPA E SHQIPËRISË

GRUPI A
Laçi, Tirana, Shkumbini, Apolonia

Shënues: Magani 15’/ Vucaj 45’

30 nëntor
Laçi-Shkumbini 3-1
Shënues: Dragiçeviç 76’, 84’, Emurllai 86’/Ramzani 89’ (11-m)
Apolonia-Tirana 1-2
Shënues: Ribaj 57’/ Bala 39’, G.Lika 84’

14 dhjetor
Shkumbini-Tirana
Laçi-Apolonia

21 dhjetor
Tirana-Laçi
Apolonia-Shkumbini

RENDITJA
1. Tirana            4     12
2. Laçi               4    7
3. Apolonia        4     3
4. Shkumbini     4    1

GRUPI B
Flamurtari, Teuta, Pogradeci, Kamza

30 nëntor
Flamurtari-Pogradeci 3-0
Shënues: Begaj 13’, Veliu 17’, Shehaj 39’
Kamza-Teuta 0-0

14 dhjetor
Pogradeci-Teuta
Kamza-Teuta

21 dhjetor
Teuta-Flamurtari
Kamza-Pogradeci

RENDITJA
1. Flamurtari     4    9
2. Kamza           4    5
3. Pogradeci      4    4
4. Teuta             4     3

GRUPI C
Skënderbeu, Kastrioti, Luftëtari, Besa

30 nëntor
Skënderbeu-Luftëtari 2-0
Shënues: Muzaka 20’, Xhafaj 55’
Besa-Kastrioti 1-3
Shënues: Krasniqi 38’/Inganko 26’, Xhihani 79’, Turdiu 83’

14 dhjetor
Luftëtari-Kastrioti
Skënderbeu-Besa

21 dhjetor
Kastrioti-Skënderbeu
Besa-Luftëtari

RENDITJA
1. Kastrioti       4    9
2. Skënderbeu 4    9
3. Luftëtari      4    6
4. Besa             4    0

GRUPI D
Vllaznia, Bylis, Dinamo, Elbasani

30 nëntor
Vllaznia-Dinamo 5-2
Shënues: Gjini 27’, Vajushi 46’, 80’, 83’, Erkoçeviç 70’/Kulli 13’, Misiri 25’
Elbasani-Bylis    1-3
Shënues: Dalipi 78’/ Teqja 45’, F.Xhafa 70’, Ristevski 76’

14 dhjetor
Dinamo-Bylis
Vllaznia-Elbasani

21 dhjetor
Bylis-Vllaznia
Elbasani-Dinamo

RENDITJA
1. Vllaznia        4    10
2. Bylis             4    10
3. Elbasani        4    3
4. Dinamo        4    0

Marrë nga albania-sport.com

Sporti shqiptar