FIFA zyrtarisht i jep fund idesë së bashkimit të kampionatit të Shqipërise me atë të Kosovës, apo kalimit të disa skuadrave të Superligës së Kosovës në Superligën shqiptare të futbollit.

Nëpërmjet një korrespondence mes federatës shqiptaret dhe organit botëror të futbollit, pas kërkesës së disa skuadrave nga Kosova për të marrë pjesë në kampionatin shqiptar, ka ardhur  përgjigje negative, njofton TCH.

FIFA ka rikujtuar edhe një herë pikën 79-të të statutit të saj ku saktësohet se anëtarët e FIFA-s apo anëtarët e përkohshëm të konfederatës, nuk duhet të luajnë ndeshje apo të kenë kontakte sportive me lojtarë apo klube që nuk janë anëtarë të FIFA-s apo anëtarë provizorë të konfederatës.E.E.

Sporti shqiptar

Edhe më tutje kryeson Spanja, para Holandës e Gjermanisë.

Kombëtarja e Shqipërisë në futboll ka rrëshqitur tri vende më poshtë në ranglisten e FIFA-së, të publikuar për të parën herë në vitin 2012.

Kombëtarja “kuq e zi” tash renditet në pozitën e 77 me 450 pikë, që do të thot tri vende më poshtë se sa në vlerësimin paraprak të FIFA-së.

Edhe më tutje kryeson Spanja, para Holandës e Gjermanisë. Është interesant se 11 pozitat e para nuk kanë pasur asnjë lëvizje nga vlerësimi i fundit i muajit dhjetor. Kjo për faktin se gjatë kësaj kohe nuk ka pasur ndeshje ndërkombëtare.

E.E

Sporti shqiptar

Lorik Cana me ekipin "albaspox.com"

Disa ditë nga pushimet e fundvitit, ylli shqiptar i futbollit evropian dhe kapiteni i kombëtares “kuq e zi” , Lorik Cana i kaloj edhe në Prishtinë. Gjatë atyre ditëve Cana pati takime të shumta zyrtare e miqësore.

Pushimi dimëror për Lorik Canën ka qenë shumë i shkurtë kësaj radhe. Kapiteni i kombëtares shqiptare qysh këtë fundjavë duhet të jet i gatshëm për sfidat e reja. Të shtunen mbrema me skuadrën e tij Lazio nga Roma hapin xhiron e 17 te “Serie A” në ndeshje kundër Siena-s.

Pushimi dimëror ka qenë më i shkurtë se zakonisht për kampionatin italian për shkak se atje fillimi i këtij edicioni në verë ishte shtyrë për dy javë.

Lorik Cana gjatë ditëve të pushimit ishte edhe në Prishtinë dhe pati takime të shumta me miq e tifozë të tij.

E.E.

Sporti shqiptar

E përditshmja e vetme sportive në Kosovë, gazeta ‘SPORT’ ka përgatitur befasi të shumta për lexuesit e saj, të cilat do t’ua sjell në numrin festiv të Vitit të Ri.

‘Sport’ do të dalë në shitje më 29 dhjetor (e enjte), ndërsa kjo datë do të përkojë edhe me numrin jubilar 1000 të gazetës. Në 72 faqe gazetë, janë përmbledhur gjërat më interesante që përshkruan vitin që po lëmë pas, ndërsa me intervista vijnë personalitete të shquara si zëvendëskryeministri Behxhet Pacolli, ministri i MKRS-së, Memli Krasniqi, aktorët e famshëm, Adem Mikullovci, Halil Budakova, komentatori Dritan Shakohoxha, xhudistja Majlinda Kelmendi dhe shumë të tjerë. Dhuratë për lexuesit do të sjellim kalendarin me yllin shqiptar, Lorik Cana. Më poshtë, po ju sjellim titujt e paralajmëruar të ‘Sportit’ për këtë numër festiv.

TITUJT

Intervistë me Ministrinë e Sportit, Memli Krasniqi.

Për sa do të rritet buxheti i Sportit gjatë vitit të ardhshëm dhe çfarë thotë për Olimpiadën 2012?

Intervistë me Zv/kryeministrinë e Kosovës, Behxhet Pacolli?

Pse e solli Franz Beckenbauerin, Pacolli në Kosovë?

A ka ndikim ai tek Blatteri e Platini?

Cilën Përfaqësuese të huaj do ta sjell në Kosovë për të zhvilluar miqësore?

A ka aksione me ndonjë evropian Behxhet Pacolli?

Kush, çka bëri, në vitin 2011?

Cili ishte mashtruesi, dështimi, rekordi e dorëheqja e vitit?

Cilat fjalë shqip i dinë ylli i Milanit, Zlatan Ibrahimoviq?

Çfarë thonë për të futbollistët shqiptarë që kanë miqësi me Ibrën?

Si u bë që një kosovar të jetë udhëheqës i një grupi të madh të tifozëve në Suedi?

‘Pa dorëza’ flet kryetari ilegal i FFK-së, Adem Mikullovci?

Cili është plani i tij për të rimëkëmbur futbollin e Kosovës?

Pse sipas tij, në portë do të duhej të ishin dy portierë?

Pse thotë se gjyqtarët duhet t’i rrahin para dhe pas ndeshjes?

Si e komenton një përballje të mundshme ndërmjet Lepencit e Barcelonës dhe çfarë thotë për Intelektualët e Dritës?

Cilët janë komshit e hasmuar, që drejtojnë futbollin kosovar?

Si u zu një zyrtar i lart i FFK-së, duke mbajtur në dorë organin gjenital?

Intervistë me “njeriun më të fortë në botë”, Halil Budakova?

Si u ndërpre në gjysmë karriera prej futbollisti e Chuck Norrisit shqiptar?

Çfarë thotë për foret ndaj tij: “Halili me një shut i jep dy gola, Halili vet kroson vet shënon”?

Cilat janë vakitë e vitit në futboll, deklaratat më interesante si dhe kuriozitetet?

Cili ish-futbollist kosovar në ditën e martesës shënoi gol?

Kush është ai dhe si tregon ashiqare për kurdisjet e ndeshjeve të futbollit?

Cilët janë këngëtarët, humoristët e facerat e klubeve të Superligës në futboll?

Cili është futbollisti gjilanas që synon ‘pushtimin’ e Amerikës?

Pse futbollistët kosovarë qajnë kur provohen në skuadra të huaja?

Çfarë thonë menaxherët për këta lojtarë, që sapo lëshojnë Kosovën përloten?

Pse ata ia shohin sherrin këngës së Smajl Purajt, “Boma hallall moj nanë”?

Cilët janë futbollistët kosovarë që kryejnë edhe punën e kamerierit?

Cili trajner i Superligës së Kosovës në futboll shet petarde?

Intervistë me komentatorin e famshëm shqiptar, Dritan Shakohoxha.

Çfarë thotë ai për batutat e shpeshta?

Cila është befasia që do të përgatit për sfidën Zvicër – Shqipëri më 11 shtator 2012?

Cili është fotoreporteri kosovar që i kërkoi shërbim presidentit të Interit, Massimo Moratti?

Si e bëri të qeshte ai Pep Guardiolën?

Çfarë i thanë atij, Ronaldo e Iker Casillas për Kosovën, gjatë shpalljes së futbollistit më të mirë nga FIFA për 2011?

Cila është nëna kosovare që ka lënë kanaxheqet e dasmat, për ta bërë djalin e saj futbollist të famshëm?

Si ndodh që në Kosovë të luajnë 13 e 14-vjeçaret futboll për seniore?

Kush është luftëtari i UÇK-së, sot futbollist i KEK-ut?

Cilët shqiptarë luajtën kundër Serbisë, e cilët i shënuan gola?

Intervista edhe me Majlinda Kelmendin, Dardan Berishën, Gazmend Husajn, Gjergj Haxhiun e Rita Zeqirin…

Cilat skuadra të basketbollit stërviten pa drita?

Ku stërviten vetëm me një top?

Skandali i vitit në basketboll, dënimi i vitit, rekordi i vitit, vakitë dhe gjërat më interesante në basketboll gjatë vitit 2011.

Cili sportist ka më shumë se dhjetë profesione?

Me cilin sport e filloi e me cilin përfundoi?

Kush është kampioni i peshave të rënda që ngrit edhe veturat në lëvizje?

Kush janë dhjetë bukuroshet e sportit të Kosovës?

Si hendbollistet e Prishtinës shpëtuan nga rrëzimi i aeroplanit dhe si filluan të luten për jetën e tyre?

Pse Policia e Italisë kishte kërkuar nga hendbollistët e Prishtinës t’i shfrynë topat?

Si u vodhën volejbollistet e Prishtinës në Gjilan?

Cilat hendbolliste kanë nga dy profesione?

Cila sportiste fitoi medalje në Serbi?

Kush është kosovari që ka mahnitur arabët?

Pse ai refuzoi Katarin për Kosovën?

Kush është sportisti që për dhjetë vite nuk ka pësuar asnjë humbje?

Cili është çelësi i suksesit?

Kush është shqiptari që shumë shpejt do të hyjë në Formula 1?

10 deklaratat më bombastike kundër Jose Mourinhos?

Huqjet e vitit në futboll.

Skandalet e vitit në futbollin evropian.

Ngjarjet e vitit në futboll.

‘El Clasicot’ e vitit 2011.

Cilët janë futbollistët më të suksesshëm që luajnë me këmbë të majtë?

10 femrat më të bukura të sportistëve evropianë?

Çfarë skandale bëri Mario Balotelli gjatë vitit 2011?

Ngjarjet gjatë vitit 2011 në basketboll, Formula 1, tenis e shumë ngarje të tjera nga sporte të ndryshme…

+ 3 faqe me fotot më interesante nga sporti kosovar

+ kalendari me yllin e futbollit shqiptar, Lorik Cana

72 faqe ‘Sport’………çmimi 1 euro

Ec e mos e blej tani….

Sporti shqiptar

Trofeun e artë ia dorëzoi fituesit, Presidenti i Federatës Shqiptare të Futbollit, Armand Duka. Vajushi konsiderohet si e ardhmja e futbollit shkodran dhe atij Kombëtar.Sulmuesi i ri i talentuar i Vllaznisë, Armando Vajushi, fitoi çmimin më të lartë individual që jepet në Shqipëri, “Lojtari i vitit” (2011), një trofe për të cilin votojnë trajnerët dhe kapitenët e 14 skuadrave të Kategorisë Superiore. Sulmuesi 20-vjeçar i Kombëtares U-21 fitoi garën e ngushtë me portierin e Skënderbeut, Orges Shehi.

Trofeun e artë ia dorëzoi fituesit, Presidenti i Federatës Shqiptare të Futbollit, Armand Duka. Vajushi, i cili konsiderohet si e ardhmja e futbollit shkodran dhe atij Kombëtar, ka shënuar në këtë sezon 5 gola, duke formuar një dyshe të frikshme në vijën e parë me Xhevair Sukajn. Presidenti Duka theksoi në fjalën e tij disa nga sukseset futbollistike të vitit, përfshirë kualifikimin e Kombëtares U-17 për në turin Elite Round të Euro 2013, por bëri thirrje edhe për një bashkëpunim më të mirë midis klubeve dhe aktorëve të tjerë, për të luftuar dhunën në stadiumet tona, e sigurisht dhe urimin tradicionale “Gëzuar Vitin e Ri 2012!”.

Gjatë mbrëmjes “Gala”, të organizuar nga Federata Shqiptare e Futbollit, morën pjesë zyrtarët më të lartë të selisë së topkëmbës shqiptare, përfshirë dy zëvendëspresidentët Bujar Kasmi dhe Lutfi Nuri, sekretarin e përgjithshëm Eduard Prodani, zëvendësministri i Sporteve, Dashnor Bajaziti, drejtori i Sporteve në MTKRS, Vasil Bici, futbollistë të Kombëtares shqiptare, si Erjon Bogdani, apo ish-portieri Arjan Beqaj, presidentë klubesh, trajnerë dhe veteranë të sportit. FSHF-ja ndau disa pllakata mirënjohje dhe çmime të ndryshme të larta.

Me medaljen “Nderi i futbollit shqiptar” (Pas vdekjes) u nderuan legjenda e Tiranës, Selman Stërmasi dhe ai i Partizanit, Myslim Alla. Me çmimin “Legjenda e futbollit shqiptar” u nderuan ish-sulmuesi i Tiranës, Petrit Dibra; trajneri i njohur Faruk Sejdini dhe ish-mesfushori i Vllaznisë, Ferid Ragami. Me pllakatin e “Mirënjohjes” u nderuan Shkolla e Mesme e Mjeshtërisë Sportive “Loro Boriç”, ish-sulmuesi i Teutës, Fatmir Hima, ish-sulmuesi i Partizanit, Agim Janku, si dhe ish-mbrojtësi i Butrintit, Milto Gurma. Mbrëmja gala kishte nota festive, ku nuk munguan zëri i ngrohtë i këngëtares Eranda Libohova dhe kërcimtaret joshëse. Marre nga Albania-sport.com

G.K

Sporti shqiptar

Në mbledhjen e fundit Komitetit Ekzekutiv të FIFA-së, të mbajtur në Tokio të Japonisë ku u mbajt Kupa Botërore e klubeve në futboll, ku siç dihet Barcelona e fitoi titullin e kampionit botëror është shqyertuar edhe kërkesa e Federatës së Futbollit të Kosovës që ka të bëjë për zhvillimin e ndeshjeve miqësore të Përfaqësueses së Kosovës.Në bazë të njoftimit të publikuar në faqen zyrtare të FIFA-s pas përfundimit të mbledhjes së fundit të Komitetit Ekzekutiv për vitin 2011, është bërë e ditur se është shqyrtuar kërkesa e Federatës së Futbollit të Kosovës për zhvillimin e ndeshjeve miqësore. Ky organ ka marrë qendrim që kjo çështje sërish të shqyrtohet të  nga Komiteti Ekzekutiv i UEFA-s. Mbledhja e KE të UEFA-s do të mbahet me 24 e 25 janar në Nion.

G.K

Sporti shqiptar

“Ky djalosh do të arrijë shumë. A bën ta marrim për Shqipërinë?”, kishte pyetur Xhemal Mustedanagiq.

Shumë herët babai Fitimi e kishte vërejtur talentin e djalit të tij, ndërsa vetëm pas pak ditësh Loriku i vogël, si nëntëvjeçar, do të vishte fanellën e skuadrës llapjane, Besiana. Ndonëse më i vogli ndër moshatarët e tij, Loriku u veçua me talentin e tij të madh, bëri që trajneri i tij i parë, Selatin Vokrri, të mahnitej me talentin e së ardhmes së futbollit kosovar. I etur për arritje të sukseseve edhe më të mëdha dhe për ta sfiduar veten me moshatarët e tij në një klub të madh, Loriku kishte ëndërruar që herët të vishte fanellën e klubit më ta madh të Kosovës, Prishtinës. Dhe ashtu ndodhi. Me insistimin e xhaxhait të tij, Bekimit (gazetar sportiv), Loriku që në vitin 2006, si dhjetëvjeçar u regjistrua në kliubin e tij të dashur. Tash kur Loriku i ka 15 vjet, atij i kujtohet shumë mirë dita e parë kur kishte shkelur në “tepihun” e gjelbër të stadiumit të FC Prishtina. Ndonëse trajneri i tij i parë në Prishtinë, Gazmend Haliti, kishte pasur shumë të futbollistë të rinj nën mbikëqyrje, grupit të njomakëve iu shtua edhe Lorikiu.

“I kam shumë të freskëta kujtimet e mia të para nga dita e parë kur u takova me shokët e mi”, kujton Loriku, i cili me punën  e tij të pamohueshme, por edhe me ndihmën e trajnerit Haliti, arriti që thuaja se për çdo ditë të përparonte në lojën e futbollit. Më pas Loriku thekson se ka qenë i mirëpritur nga ana e shokëve të tij, me të cilët pastaj i vargoi sukseset një nga një. “U jam mirtënjohës shumë shokëve të mi, të cilët më pranuan ngrohtësisht në mesin e tyre”, kujton sot Loriku vjeshtën e vitit 2006, atëherë kur i bëri hapat e tij të parë me fanellën e skuadrës bardhë e kaltër nga Prishtina. Më pas, me ndihmën edhe të shokëve të tij, ai dita-ditës arriti suksese të dalluara, ndërsa loja e tij pëlqehej shumë edhe nga drejtuesit e klubit. Për Lorikun është një kujtim i pashlyeshëm kur në kryeqytetin e Kosovës, në viitn 2008 erdhi skuadra zvicerane. Montey, me të cilën ata e zhvilluan një ndeshje miqësore. Ndonëse Loriku ishte futbollisti më i ri në fushë, ai me dribliemt e tij ua kaloi jo vetëm moshatarëve të tij kosovarë, por edhe zviceranëve. Të gjithë të pranishmit në këtë ndeshje flitnin me admirim për lojën e bukur të mesfushorit majtak, Lorik Aliut. “Në këtë ndeshje kam pasur paraqitje të shkëlqyeshme, ndërsa unë i jepja vetes detyrë  t’ju tregoj edhe zviceranësve që edhe në Kosovë luhet futboll cilësor”, thotë më tej Loriku. Në garat e zhvilluara me konkurrencën e fatosave Loriku dhe skuadra e tij, Prishtina, arrijnë të bëhen kampionë të Kosovës, ndërsa gjithsesi hise të madhe në këtë sukses ka talenti llapjan, Lorik Aliu, loja e të cilit sa kalonte koha bëhej gjithnjë e më e dallueshme nga të tjerët. Duke e shfrytëzuar lojën fantastike të tij me këmbën e majtë e gjithsesi edhe duke i dëgjuar këshillat e nevojshme të trjanerit Haliti, Loriku dalëngadalë po shndërrohej në një mesfushor bashkëkohor. Edhe me grupmoshën e pionerëve, radhës së të cilave iu bashkua si shumë i ri Loriuku dhe bashkëlojtarët e tij u shpallën kampionë të Kosovës. Për sukseset e tij të arritura me pionerët e FC Prishtina, Kuvendi Komunal i Prishtinës dy herë e pati shpallur Lorikun si shpresën më të madhe të futbollit kryeqytetas. Në kujtesë për një kohë të gjatë Lorikut do t’i mbetet edhe ndeshja finale e Kampionatit të Kosovës, e zhvilluar në Mitrovicë kundër skuadrës simpatike, Bardhi, të drejtuar nga trajneri Bardhec Seferi. Në këtë ndeshje Loriku, jo vetëm që ishte golashënuesi i vetëm i këtij ballafaqimi, por edhe ishte edhe futbollisit më i dalluar i turneut final.

Falë lojërave të mira Loriku u bë pjesë e Përfaqësueses së Kosovës, madje edhe kapiten i saj. Në ndeshjen miqësore të zhvilluar në Kastriot verën e kakuar kundër Përfaqësueses së Shqipërisë, Loriku ishte futgura qendrore e kësaj përballjeje. Me të përfunduar të këtij ballafaqimi, përzgjedhësi i Shqipërisë, Xhemal Mustadanagiq, është shprehur. “Më pëleqeu shumë loja e futbollistëve kosovarë, ndërsa me këtë rast do ta veçoja futbollistin me numër 10 ( fjala ishte për Lorikun v.j.). Pas kësaj ndeshjeje familjarët e Lorikut, gjatë një bisede private me trajnerin Mustedanagiq, e kanë kërkuar dhe mendimin e ekspertit boshnjak luidhur me Lorikun. “Ky djalosh do të arrijë shumë. A bën ta marrim për Shqipërinë?”, kishte pyetur Mustedanagiq. Edhe në ndeshjen tjetër, po me Shqipërinë, Loriku e kishte bindur edhe një herë trajnerin Mustedanagiq për talentin e tij.

Kthesë të madhe në karrierën e Lorikut ka edhe kampi i Përfaqësueses së të rinjve të Shqipërisë, i mbajtur në muajin gusht në Kamëz. Falë grupit të “Tifozëve Kuq e Zi”, Loriku ishte në mesin e më se 40 pjesëmarrësve të këtij kampi. Me të përfunduar të kampit ishin vetëm Loriku dhe shoku i tij i klubit, Fatlum Ramadani, që e bindën përzgjedhësin Mustedanagiq, që të veshin fanellën kuq e zi. Në këtë drejtim një kontribut të madh që Loriku tash është pjesë e kombëtares shqiptare ka edhe përgjegjësi për grupmoshat e reja të Kombëtares, Redi Jupi. Meqenëse Shqipëria ishte pjesë e kualifikimeve të Kampionatit Evropian U-17, drejtuesit e Federatës Shqiptare të Futbollit kishin kërkuar nga Presidenti Bamir Topi të nënshkruante dekretin për pajisje me pasaportë shqiptare të Lorikut. Megjithatë, për shkak të disa problemeve të vogla Loriku nuk arriti të bëhet pjesë e kombëtares kuq e zi për turneun e mbajtur në Estoni. Por, për fat të mirë Shqipëria në këtë turne e zuri pozitën e dytë, pas Gjermanisë, për t’u bërë pjesë e grupit elit dhe për të marrë pjesë në garat shtesë për kualifikim në Kampionatin Evropian, ndërsa një miniturne do të mbahet në Holanë, ku pritet edhe pjesëmarrja e Lorikut.

Debutimin e tij me fanellën kuq e zi Loriku e ka pasur para sdisa javësh në Tiranë, kur Përfaqësuesja e Shqipërisë u takua me atë të Kosovës. Lidhur me këtë ndeshje Loriku tha: “Për mua ishte një debutim ëndrrash e madje edhe shumë i vështirë, por që nuk do ta harroj kurrë”, tha Loriku, që në këtë ndeshje e kishet bartur fanellën me numrin 5, si emnaku i tij i kombëtares së të rriturve, Lorik Cana.  ”Të debutosh me fanellën e kombëtares kuq e zi është një plotësim i një ëndrre të madhe, por kur kjo bëhet me Kosovën, atëherë gëzimi nuk ka fund”, u shpreh mesfushori-fantazist Lorik Aliu. Majtaku kujton edhe një fakt tjetër intersant, duke thënë se ishte shumë vështirë të luaje kundër shokëve të skuadrës, me të cilët deri para dy ditësh luftoje për ngjyrat e të njëjtit klub.

Në fund Loriku e përmend edhe një përvojë të tij shumë interesante dhe po aq mbreslënëse. Fjala është për kampin e organizuar nga skuadra e Milanit, pjesë e të cilit ishte edhe ai vetë. “Ndonëse ky kamp zgjati vetëm 5 dsitë unë mësova shuëm gjëra, ndërsa dua t’i falendëroj me këtë rast edhe drejtuesit e FC Prishtina, por edhe ata të Milanit që unë isha pjesë e një kampi të tillë”. Krejt në fund Loriku falënderon edhe pronarin e Fabrikës “Plastika”, Astrit Shabanin, i cili e ka mbështetur atë në udhëtimet e tij jashtë Kosovës.

Me Prishtinën në Barcelonë

Loriku e ka shumë të freskët një udhtëtim shumë interesant të bërë vitin e kaluar, kur ai me skuadrën e tij ishte pjesëmarrës i një turneu të zhvilluar në Barcelonë, ndërsa i paharrueshëm për të mbetet kujtimi nga vizita në Stadiumin “Camp Nou” të Barcelonës.

Në sytë e menaxherëve 

Ka një kohë të gjatë që Loriku është nën vëzhgimin e disa menaxherëve, ndërsa ai bashkë me babain e tij Fitimin, është duke u përgatitur për të marrë drejtimin më të duhur në karrierë.

Skuadra që Loriku e përlqen më së shumti është ajo e Barcelonës, ndërsa nga futbollistët e skuadrës katalonase ai e pëlqen mesfushorin Andres Iniesta.

G.K

Sporti shqiptar

Kryetari i FIFA-s, Sep Bllater, i ka dërguar një letër personale kryetarit të FFK-së, Fadil Vokrri, ku thuhet se kërkesa e bërë nga FFK-ja për zhvillimin e ndeshjeve miqësore, do të diskutohet në mbledhjen e Komitetit Ekzekutiv të FIFA-s, që do të mbahet më 16-17 dhjetor në Tokio.

“Një natë para nisjes sime në Japoni, për të marrë pjesë në Kupën botërore të klubeve 2011, ju falënderoj për letrën e juaj të datës 31 tetor. Kërkesa e juaj për zhvillimin e ndeshjeve miqësore do të jetë në rend të ditës në seancën e radhës të KE të FIFA-s që do të mbahet më 16-17 dhjetor në Tokio.

Ne do të ju informojmë për epilogun e mbledhjes dhe kërkesës tuaj. Duke iu falënderuar për angazhimin tuaj në shërbim të sportit tonë, ju lutem që të besoni në ndjenjat e mia të përzemërta dhe miqësore”, thuhet në letrën e Bllaterit, dërguar Fadil Vokrrit, kryetar të Federatës së Futbollit të Kosovës.

Sporti shqiptar

Kupa e Shqipërisë zhvilloi të mërkurën aktin e katërt të saj në fazën e grupeve. Tirana nga grupi A, si dhe Vllaznia dhe Bylisi nga grupi D, me pikët e grumbulluara kaluan në fazën tjetër.

Grupi A
Laçi mundi Shkumbinin 3-1: Dragiçeviç 76’, 84’, Emurllai 86’ për kurbinasit dhe Ramazani 89’ (11-m) për peqinasit. Tirana fitoi sërish me Apoloninë, kësaj radhe në Fier: Ribaj 57’/ Bala 39’, G.Lika 84’.

Grupi B
Flamurtari fitoi pastër 3-0 me Pogradecin: Begaj 13’, Veliu 17’, Shehaj 39’. Vlonjatëve u duhet një barazim për të kaluar fazën e grupeve. Kamza dhe Teuta u ndanë në barazim 0-0, me durrsakët të rrezikuar.

Grupi C
Skënderbeu mori hak ndaj Luftëtarit, duke fituar 2-0 në Korçë, pas asaj humbjeje 4-1 në Gjirokastër. Për korçarët realizuan: Muzaka 20’, Xhafaj 55’. Besa humbi 3-1 me Kastriotin në Kavajë: Krasniqi 38’ shënoi golin e flamurit për kavajasit. Inganko 26’, Xhihani 79’, Turdiu 83’ u kundërpërgjigjën për krutanët.

Grupi D
Vllaznia e siguroi kualifikimin pas fitores 5-2 me Dinamon, por me blutë që shënuan të parët: Kulli 13’, Misiri 25’. “Tripllë” Vajushi (46’, 80’, 83’), të shoqëruar me Gjini dhe Erkoçeviç realizuan “manitën kuqeblu”. Bylisi fitoi në Elbasan 3-1: Dalipi 78’/ Teqja 45’, F.Xhafa 70’, Ristevski 76’.
KUPA E SHQIPËRISË

GRUPI A
Laçi, Tirana, Shkumbini, Apolonia

Shënues: Magani 15’/ Vucaj 45’

30 nëntor
Laçi-Shkumbini 3-1
Shënues: Dragiçeviç 76’, 84’, Emurllai 86’/Ramzani 89’ (11-m)
Apolonia-Tirana 1-2
Shënues: Ribaj 57’/ Bala 39’, G.Lika 84’

14 dhjetor
Shkumbini-Tirana
Laçi-Apolonia

21 dhjetor
Tirana-Laçi
Apolonia-Shkumbini

RENDITJA
1. Tirana            4     12
2. Laçi               4    7
3. Apolonia        4     3
4. Shkumbini     4    1

GRUPI B
Flamurtari, Teuta, Pogradeci, Kamza

30 nëntor
Flamurtari-Pogradeci 3-0
Shënues: Begaj 13’, Veliu 17’, Shehaj 39’
Kamza-Teuta 0-0

14 dhjetor
Pogradeci-Teuta
Kamza-Teuta

21 dhjetor
Teuta-Flamurtari
Kamza-Pogradeci

RENDITJA
1. Flamurtari     4    9
2. Kamza           4    5
3. Pogradeci      4    4
4. Teuta             4     3

GRUPI C
Skënderbeu, Kastrioti, Luftëtari, Besa

30 nëntor
Skënderbeu-Luftëtari 2-0
Shënues: Muzaka 20’, Xhafaj 55’
Besa-Kastrioti 1-3
Shënues: Krasniqi 38’/Inganko 26’, Xhihani 79’, Turdiu 83’

14 dhjetor
Luftëtari-Kastrioti
Skënderbeu-Besa

21 dhjetor
Kastrioti-Skënderbeu
Besa-Luftëtari

RENDITJA
1. Kastrioti       4    9
2. Skënderbeu 4    9
3. Luftëtari      4    6
4. Besa             4    0

GRUPI D
Vllaznia, Bylis, Dinamo, Elbasani

30 nëntor
Vllaznia-Dinamo 5-2
Shënues: Gjini 27’, Vajushi 46’, 80’, 83’, Erkoçeviç 70’/Kulli 13’, Misiri 25’
Elbasani-Bylis    1-3
Shënues: Dalipi 78’/ Teqja 45’, F.Xhafa 70’, Ristevski 76’

14 dhjetor
Dinamo-Bylis
Vllaznia-Elbasani

21 dhjetor
Bylis-Vllaznia
Elbasani-Dinamo

RENDITJA
1. Vllaznia        4    10
2. Bylis             4    10
3. Elbasani        4    3
4. Dinamo        4    0

Marrë nga albania-sport.com

Sporti shqiptar

Shkruan: Esad EJUPI______________

Botërori 2014 duhet të jetë synim i Selektorit të ri të Shqipërisë. Nëse ai eventualisht “për pak” na ikë, atëherë “Euro 2016” duhet të planifikohet me Shqipërinë.

U bë mirë që dihen terminet e ndeshjeve kualifikuese për Kampionatin Botëror të futbollit “Brazili 2014” akoma pa e zgjedhur Selektorin e ri të kombëtares shqiptare. Kjo për faktin se pikërisht ky orar i ndeshjeve duhet të gjendet në tavolinën e negociatave mes FFSH-së dhe cilit do qoftë trajner me të cilin bisedohet . Të merren garancione nga ai se cilat do të jenë rezultatet që do të sjell ai me kombëtaren. Natyrisht se para se ta shoh orarin e ndeshjeve trajnerit i duhet ta njoh bërthamen e futbollistëve që ka, por, asnjëri që vjen nuk do të jetë ashtu totalisht i pa informuar për cilësitë dhe forcën e potencialin që ka kombëtarja shqiptare.

Jo vetëm nga dëshira, por edhe nga një krahasim që mund t’i bëhet me kombëtaret tjera, Shqipëria në bazë të orarit të ndeshjeve kualifikues që ka, dhe të ambicieve që do të duhej t’i ketë që në start të këtyre garave, do të duhej që vitin 2012 ta përfundoj në pozitën e parë të tabelës me 10 pikë të tubuara. Nga katër ndeshje sa ka në program në vitin 2012 (kundër Qipros, Islandës e Sllovenisë si vendas dhe kundër Zvicrës si mysafire) Shqipëria do të duhej të mbledhe 10 pikë. Te fitoj tri (3)  ndeshje (si vendas) dhe një të luaj të paktën baraz (si mysafire e Zvicrës).

Kjo nuk është “Mission IMPOSSIBLE” ! Është bile shumë e mundshme.

Është koha e fundit që krejt shteti shqiptar të mendoj më seriozisht dhe të bëjë ç’është e mundur të bëhet që kombëtarja e futbollit të shënoi rezultate pozitive që do të shkruheshin në histori. E ato do të ishin kualifikime të suksesshme që pastaj do të qonin në “Botërorin 2014” ose më së voni në “EURO 2016”.

Tifozat “kuq e zi” e dëshirojnë këtë dhe parasëgjithash e meritojnë këte !

Projketii Stadiumit të ri "Qemail Stafa"

Sporti shqiptar