Stafi i kombetares sone ngre shqetesimin se legjislacioni shqiptar eshte bere pengese per te ftuar ne ekipet perfaqesuese disa futbolliste te talentuar me origjine shqiptare, qe luajne per klube te njohura, ne vende te ndryshme te Evropes. Ekipet shpresa dhe ato kombetare U-17, apo U 15 nuk mund t’i ftojne keta futbolliste ne ekipet kombetare, ne rast se me pare ata nuk pajisen me pasaporte shqiptare. Ligji shqiptar nuk parashikon pajisjen me pasaporte per shtetasit qe kerkojne nenshtetesi shqiptare dhe qe jane nen moshen 18 vjec, nese ate nuk e kane fituar me pare prinderit e tyre. – “Por ligji shqiptar parashikon qe edhe prinderit e femijeve, ne rast aplikimi, nuk mund te fitojne nenshtetesi me shpejt. Duhet nje periudhe qe zgjat rreth dy deri ne tre vjet,” – thekson shefi i ekipeve kombetare ne FSHF, Besnik Cela. – “Futbollistet nen moshen 18 vjec do te pajisen me pasaporta shqiptare, dhe do t’iu hapet rruga qe te garojne me ekipet tona kombetare, pasi te jene pajisur prinderit e tyre dhe me pas ata vete, nepermjet procedurave te pershpejtuara. Por shpesh hasen pengesa me dokumentacionet, prandaj ndaj nuk mund te ftohen ne kohe shume lojtare, me origjine kryesisht nga Kosova, apo trevat e tjera, te cilet e kane nisur karrieren me klube te ndryshme evropiane.” Pergjegjesi i ekipeve kombetare ne FSHF thote se futbollistet vetem pasi mbushin moshen 18 vjec mund te aplikojne vete per nenshtetesi shqiptare dhe ne kete rast me ane te procedurave te pershpejtuara ata fitojne pasaporten shqiptare, per te luajtur me kombetaren. Por eshte e qarte se para moshes 18 vjec, talentet qe kane spikatur shpejt me klubet e tyre ku kane nisur karrieren, jane “peshkuar” nga vende te tjera, ne radhet e te cilave aktivizohen aktualisht. Zvicra mban rekord, por edhe Greqia, Maqedonia, Suedia, Gjermania, apo Finlanda i kane “rrembyer” disa talente kombetares sone, gjate viteve te fundit. Duke spikatur me talentin e tyre, keto vende kane nxituar qe t’i pajisin bashke me familjet e tyre me pasaportat perkatese. Mes lojtareve te spikatur ne vende te ndryshme evropiane ishte edhe Lorik Cana, te cilit iu ofrua pasaporta zvicerane dhe ai e pranoi, por me pas nuk preferoi qe te luaje me kombetaren e Zvicres. Kur mbushi 19 vjec, Cana zgjodhi me sugjerimin e babait, sic thote, qe te luaje per Shqiperine. Kombetarja shqiptare ishte me fat qe ne kete rast perfitoi sherbimet e nje prej lojtareve qe aktualisht rezulton te jete me i miri ne radhet e kuqezinjve. Por kombetarja ka humbur sherbimet e shume lojtareve te tjere, qe figurojne te jene pjese e rendesishme ne radhet e ekipeve te vendeve te ndryshme evropiane.

A. Muraci/kohajone

Sporti shqiptar

Shkruan: Esad EJUPI

Norvegjia, Sllovenia, Zvicrra, Shqipëria, Qipro dhe Islanda. Këto janë kombëtaret e grupit “E” që do të përballen me njëra tjetrën për të siguruar dy pozitat e para që do të qojnë pastaj në Kampionatin Botëror “Brazli 2014”.

Shqipërisë i ka ardhë koha ?

Ndoshta është heret të themi, por kombëtarja e Shqipërisë ka gjasa të mira që në kuadër të këtijë grupi të bëjë atë që pritet me vite të tëra – të siguroj kualifikimin për Botërorin 2014.

Kundërshtarët e grupit “E” me të cilët do të përballet Shqipëria asnjë nuk është aq superior siç do të ishte p.sh. po të kishte në grup ndonjë Spanjë, Holandë, Gjermani, Itali apo ndonjë tjetër. Norvegjia, Sllovenia e Zvicrra janë kombëtare të cilat mund të mposhten. Ndërsa Qipro e Islanda edhe ashtu janë të radhitura pas Shqipërisë që do të thot fitoret ndaj këtyre nënkuptohen me të mundshme dhe përballje më të lehta.

Pse jo në Botërorin 2014 ?

Kombëtarja e Shqipërisë përkundër tradites 45 vjeçare të pjesëmarrjes në gara kualifikuese për Kampionate Botërore (që nga Anglia 1966) deri me tani nuk ka arritur që të siguroj asnjë herë kualifikimin në raundin final të turnet. Pse kjo mos të ndodhë pikërisht në vitin 2014 dhe pikërisht në vendin e Kampionit rekord të botës në futboll në Brazil.

Kombëtarja “kuq e zi” akoma është në garë për kualifikime në Euro 2012 por gara këtu pas rezultateve të fundit është bërë shumë e vështirë dhe me pak gjasa për kualifikim. Por, Shqipëria në grupin “D” përballë kundërshtarëve të fortë si  Franca, Bjellorusia, Bosna e Hercegovina, Rumania e Luksemburgu, po paraqet një faktor të rëndësishëm në grup. Arriti rezultate të mira deri me tani dhe akoma ka një fije shpresë për kualifikim edhe pse tashmë ai duket shumë i vështir. Por, nëse nuk sigurohet pjesëmarrja në EURO 2012 pse të mos mobilizohet, organizohet dhe të synohet kualifikimi në botërorin 2014 ?

Që të arrihet kjo, Shqipëria ose FFSH-ja  duhet të punoj edhe më shumë në disa drejtime;

E para; Federata e Futbollit të Shqipërisë (FFSH) dhe vet shteti shqiptar t’i qesin veti synim, që kombëtarja “kuq e zi” të  siguroj kualifikimin për Kampionatin Botëror 2014.

E dyta: Kombëtarja të forcoj shtabin teknik me trajner. Le të vijë (apo le të mbetet ky që është) një trajner që ka synime të qarta, që ka objektiva të qarta dhe që paraqet një projekt. Le të bëhet një analizë e futbollit shqiptar dhe e futbollistëve shqiptar, përfshirë mentalitetin e tyre dhe aftesitë profesionale të tyre dhe le të paraqitet krejt çka i duhet atijë që të realizoj ketë . Le te angazhoj edhe trajner mental, të cilët do t’i motivonin dhe do tua bënin të qartë edhe vet futbollisteve se ata munden, ata kanë aftësi, dhe ata janë të njejtë sikur të tjerët. Do të thot të tillë që do ta mundin dozen e inferioritetit të futbollistëve në suksese me kombëtaren.

E treta; Federata e Futbollit Shqiptar (FFSH) do të duhej që më në fund të mobilizohej, edhe financiarisht, edhe në aspektin organiziativ, dhe të shtyjë përpara këtë projekt dhe këtë synim.

Tani Shqipëria ka dhe do të duhej që edhe viteve në vijim të krijoj potencial të mjaftueshëm të futbollistëve të cilët me përgatitje serioze, me qasje profesionale, me dëshirë e vullnet dhe me udhëheqje profesionale me në fund të realizojnë ëndrrën e quajtur KUALIFIKIM  për botëror. Pse kjo mos të ndodhë pikërisht për botërorin 2014 ?

Tifozët “kuq e zi” meritojnë më shumë se vetëm ndeshje eliminatore. Tifozët “kuq e zi” meritojnë që tash në një kampionat evropian a botëror të anojnë për kombëtaren e tyre të zemrës. Boll ke më duke anuar e duke “u kënaqur “ për kombëtare tjera sipas simpatisë.

Ka ardhur koha për sukses kombëtar – ndërkombëtar!    

Sporti shqiptar

“Gjithçka të jetë e qartë, unë nuk jam kandidat për stolin e Dinamos së Zagrebit. Në Shqipëri ndihem shumë mirë. Me presidentin e Dinamos kam biseduar për këte punë,para se ai të nënshkruajë me trajnerin aktual. Pra nuk jam kandidat”, deklaron Kuzhe për “sport.hr”.

Sipas raportimeve të shtypit kroat, trajneri i Kombëtares, Josip Kuzhe, rikonfirmohet si një nga kandidatët kryesorë për të drejtuar Dinamon e Zagrebit.

Lajmi ishte përforcuar edhe një herë ditët e fundit nga gazeta e njohur kroate “Veçernji”, sipas të cilës, tashmë presidenti i ekipit më të famshëm kroat është shumë pranë vendimit për të larguar trajnerin aktual, Vahid Halilhoxhiç.

Ky i fundit ka marrë një paralajmërim dhe të enjten do të vendoset nëse do të qëndrojë apo jo në stolin e Dinamos së Zagrebit. Mes kandidatëve më të përfolur për të zënë vendin e tij në pankinë janë Zllatko Krajnçar, Çiro Blazeviç dhe trajneri i kombëtares së Shqipërisë, Kuzhe.

Kranjçar ka hedhur poshtë në mënyrë kategorike mundësinë për të marrë skuadrën e kryeqytetit kroat, pasi ai nuk dëshiron të largohet në këto momente nga Kombëtarja e Malit të Zi. “Një ditë unë mund të kthehem te Dinamo, por jo tani, unë dëshiroj të përfundoj punën e nisur te Mali i Zi”, u shpreh ai.

Edhe Çiro Blazeviç e ka përjashtuar veten nga lista e kandidatëve. Emri i vetëm që mbetet, sipas gazetës në fjalë, “është ai i Josip Kuzhesë! Ky i fundit për momentin drejton kombëtaren e Shqipërisë, me të cilën ka marrë rezultate shumë të mira, por do të jetë e vështirë që kjo skuadër të kualifikohet për në Euro 2011”.

“Kështu që nuk është çudi që Kuzhe të pranojë ofertën e presidentit Mamiç”, përfundonte gazeta në fjalë.

Më parë vetë Kuzhe ka lënë të kuptohet se mund të transferohet te Dinamo, por vetëm nëse merr një ofertë të mirë. Natën e festimit të 100-vjetorit të Dinamos së Zagrebit Kuzhe iu shmang gazetarëve mes turmës, duke hedhur sërish mjegull mbi çështjen.

Sporti shqiptar

Tashmë është zyrtare se Federata e Futbollit të Shqipërisë (FFSH) i ka bërë një kërkesë F.C.Prishtina  nga prijësit e së cilët është kërkuar që të japin informacione të sakta për gjendjen e stadiumit të futbollit në Prishtinë. Kjo për faktin se stadiumi i futbollit “Qemajl Stafa” në Tiranë do t’i nënshtrohet “operacioneve të renovimit” dhe dy ndeshjet kualifikuese të radhës për EURO 2012, si vendas,  Shqipëria duhet t’i zhvilloj diku tjetër.

Kryesia e klubit Prishtina është deklaruar e gatshme që t’i shërbej kombëtares “kuq e zi” , por a ka gjasa dhe mundësi që F.C.Prishtina, pos vullnetit të mirë, të arrijë që t’i përmbushë edhe kriteret që kërkohen nga FIFA dhe UEFA ?

Presidenti i klubit të futbollit Prishtina, Remzi Ejupi ka deklaruar para medieve se 45 ditë do të ishin të mjaftueshme që klubi t’i bëjë renovimet e kërkuara por natyrisht me ndihmen dhe mbështetjen edhe te të tjerëve, për të qenë në gjendje që të plotësoj kriteret për zhvillimin e ndeshjeve ndërkombëtare.

Cilat janë këto kritere ?

Qe stadiumi i Prishtinës të pranohet ndërkombëtarisht sipas standarteve të FIFA-së dhe UEFA-së duhet të plotësohen disa kushte.

• Ndrrimi komplet i barit në fushë
• Përmirsimi i ndriqimi në stadium
• Vendosja e semaforit (matësi i kohës dhe rezultatit)  në stadium
• Krijimi i sektorit V.I.P. në tribuna
• Krijimi i sektorit për medie me qasje në internet dhe telefon etj,
• Krijimi i vendeve për komentuesit televiziv
• Krijimi i sallës së Konferencave për shtyp
• Renovimi i zhveshtoreve për futbollistë
• Dhoma e ndihmës së parë në stadium
• Dhoma për doping kontrollë
• Tualitet për shikues
• Hapësira për shikues me nevoja të veçanta

Janë këto kritere që duhet patjetër të plotësohen për organizimin e ndeshjeve të nivelit ndërkombëtar.

Sinqerisht shumë prej tyre nuk do të duhej ta pritnin momentin që tani të hyjnë në këtë listë të kritereve që duhet të plotesohen për 45 ditë (tualetet, semafori, zhveshtoret, dhoma e ndihmës së parë) sepse është dashtë që si stadium i kryeqytetit dhe i klubit me më renome në vendin tonë të jenë tashmë tema të kaluara, por , jemi ku jemi dhe nga ky pozicion dëshirojmë që besimin dhe nderin që na e ka ofruar Federata e futbollit Shqiptar për organizimin e mundshëm të ndeshjeve të kombëtares shqiptare në Prishtine dhe ate kundër Kampionit boteror e evropian Francës dhe pastaj kundër Rumanisë, ta shfrytëzojmë duke shfrytëzuar të gjitha kapacitetet organiziative dhe burimet e nevojshme financiare në mënyrë që me një organizim të tillë të dëshmojmë para botës (FIFA dhe UEFA) se jo vetëm që mund të organizojmë ndeshje të nivelit ndërkombëtar për Shqipërinë, por jemi të denjë që në këtë nivel të organizojme edhe ndeshjet të shumta për Kosovën dhe skuadrat e saja.

“Një herë vjen vera kah dera”

Do të dëshironim që kjo mundësi të shfrytëzohej dhe realizohej me sukses sepse kështu do t’i bënim vetes (Kosovës) një referencë shumë të mirë në FIFA dhe UEFA që të përshpejtohej procesi i ndërkombëtarizimit të futbollit kosovar.

Një fjalë e urtë popullore  thotë: :” Një herë të vjen vera kah dera” .  Të shfrytëzojmë këtë rast të tegohemi se përveç dëshirës , kemi edhe potencial edhe kuadro edhe vullnet për të organizuar ndeshje të nivelit ndërkombëtar, në të kundërten do të jemi ata që vet do të shtyjmë ndërkombëtarizimin e futbollit kosovar.

Fundja investimet në stadiumet e Kosovës, deshti apo nuk deshti dikush, duhet të ndodhin, dhe, ta kemi të qartë kjo duhet të ndodhë para se të pranohemi në UEFA e FIFA,(sepse eshte kriter) jo  te mendojë dikush që do të pranohemi e pastaj i nreqim stadionet. 

 E.Ejupi

Sporti shqiptar

Stadiumi i ri në Tiranë do të ketë kapacitet prej 30.000 ulëseve, 525 V.I.P. vende, dy salla të konferencave, 330 vende parkimi dhe shumë bukuri tjera vizuele. Përurimi i tij premtohet se do të bëhet, pikërisht, në 100 vjetorin e Pavarësisë së Shqipërisë (2012).

Është prezantuar projekti i Stadiumit të ri në Tiranë, që do të ndërtohet nga kompania spanjolle “RFA”. Pas shumë analizave që ka bërë kjo kompani në stadiumin aktual “Qemal Stafa” ajo, tashmë, ka përgatitur dhe ofruar projektin e vet për stadiumin e ri. Ai do të ketë 30.000 ulëse për shikues, për dallim nga aktuali që i kishte vetëm 19.000.Po ashtu do të ketë vend të zgjeruar për tribunën VIP e cila do të ketë 525 vende. Nuk do të jetë i rrethuar, sikur tani, me shtigjet e atletikës, për faktin se largësia e publikut e humbë atmosferën e mirë që krijohet. Stadiumi do të jetë i ndarë në dy kate. Pjesa ose kati i parë do të ketë vend për 17 mijë shikues ndërsa pjesa e epërme (kati i dytë) do të ketë 16.000 vende. Afër stadiumit parashihen gjithashtu të ndërtohen edhe 330 vendëparkime për automjet. Stadiumi i ri do të jetë projekt që bënë pjesë në standartin elit të UEFA-së.

Kompania arkitekturore spanjolle “RFA” ka referenca të mira për ndërtimin e stadiumeve të bukura si psh ai i Valencias, i Espanjollit, i Athletico Madridi etj.

Kryeministri i shtetit shqiptar z.Sali Berisha kishte deklaruar gjatë vizitës së Platinit(UEFA) në Tiranë se : “Stadiumi i ri në Tiranë nuk do të jetë më i madhi, por do të jetë më i bukuri në rajon”.

Përurimi i tij, premtohet se, do të bëhet pikërisht në 100 vjetorin e Pavarësisë së Shqipërisë – 2012.

E.Ejupi  

Sporti shqiptar

Dy lojtaret e talentuar shqiptar, Leutrim Osaj dhe Fatmir Ferati kane debutuar me kombetaren

fatmir Ferati

U-21 te Shqiperise. Osaj luajti ne ndeshjen miqesore kunder Elbasanit dhe beri nje paraqitje te shkelqyer, ndersa Ferati u aktivizua pjesen e dyte ne sfiden kunder bashkemoshatareve te Maqedonise.

18 vjecari Leutrim Osaj, i cili luan ne futbollin slloven me ekipin e Mariborit U-19. ka lindur ne Slloveni ndersa prinderit e tij jane me prejardhje nga Kosova. Pas perfundimit te ndeshjes, mesfushori tha: “Une jam shume i gezuar qe jam bere pjese e kombetares kuq e zi, prandaj kam refuzuar disa here ftesen qe me ardhur nga perfaqesuesa U-19 e Sllovenise. Dua te falenderoj trajnerin dhe futbolistet te cilet me kane pritur shume mire”.

Ndersa, 19 vjecari Fatmir Ferati, qe shpejti pritet te debutoj me ekipin e pare te Hanoverit ne eliten e futbollit gjerman u shpreh i lumtur qe eshte bere pjese e perfaqesueses kuq e zi. ”Eshte nder per mua te jem pjese e Kombetares U-21 te Shqiperise. Une do te jap maksimumin nga vetja ime dhe shpresoj qe nje dite te debutoj edhe me Kombetaren e madhe”, pohoi ish-lojtari i Shalke U-19.

Liridon Cecja

Sporti shqiptar

Në Shtëpinë e Sporteve në Prishtinë, kryetari i FFK-së z. Fadil Vokrri, bashkë me bashkëpunëtorë e ku ishte i pranishëm edhe përfaqësuesi i Raiffeisen Bank z. Asdren Rrahmani ka mbajtur një takim me përfaqësuesit te mediave. Kryetari i FFK-së, Fadil Vokrri foli  për të arriturat gjatë vitit 2009 dhe sipas tij garat e sivjetme kishin  një rrjedhë normale dh një gjë të tillë e kanë vlerësuar, mediat dhe opinioni gjerë.  por kjo nuk do të thotë që jemi të vetëkënaqur përkundrazi ne bashkërisht do të vazhdojmë të punojmë edhe më shumë sepse gjithmonë ka vend për përmirësime. Ndërkaq, në rrafshin ndërkombëtar kryetari Fadil Vokrri ka vënë në spikamë takimet në selinë e FIFA-s e veçmas ka folur në dritën  e shkresë së fundit që FIFA i ka dërguar FFK-së, se për futbollin e Kosovës është biseduar në mbledhjen e KE të FIFA në Kejptaun e në të cilën askush nuk ka shfaqur rezerva dhe pengesa ndaj shqyrtimit të kërkesave të FFK-së dhe një vendim i drejtë do të merret në një të ardhme të afërt. Po ashtu në këtë konferencë shtypi, z. Vokrri ka falënderuar mediat për një bashkëpunim jashtëzakonisht të mirë duke besuar dhe shpresuar se edhe në vitin që vjen do të ketë një bashkëpunim gjithnjë e më të mirë në kuadër të zhvillimit dhe të përparimit të futbollit të Kosovës. Kryetari Vokrri, ka falënderuar edhe sponsorin “Raifeissen Bank” për përkrahje dhe mbështetje të vazhdueshme. Në këtë drejtim përfaqësuesi i “Raiffeisen Bank” z. Asdren Rrahmani, ka konfirmuar  se kjo Bankë tashmë ka arritur një bashkëpunim jashtëzakonisht të mirë dyvjeçar dhe kjo do të vazhdojë edhe me tutje, sepse, sipas tij, me punën e vet FFK ka treguar një partneritet shumë të mirë, u tha ndër të tjera në këtë konferencë shtypi.

Fotografitë/ Gani Kosumi

Fotografitë/ Gani Kosumi

Sporti shqiptar