FIFA zyrtarisht i jep fund idesë së bashkimit të kampionatit të Shqipërise me atë të Kosovës, apo kalimit të disa skuadrave të Superligës së Kosovës në Superligën shqiptare të futbollit.

Nëpërmjet një korrespondence mes federatës shqiptaret dhe organit botëror të futbollit, pas kërkesës së disa skuadrave nga Kosova për të marrë pjesë në kampionatin shqiptar, ka ardhur  përgjigje negative, njofton TCH.

FIFA ka rikujtuar edhe një herë pikën 79-të të statutit të saj ku saktësohet se anëtarët e FIFA-s apo anëtarët e përkohshëm të konfederatës, nuk duhet të luajnë ndeshje apo të kenë kontakte sportive me lojtarë apo klube që nuk janë anëtarë të FIFA-s apo anëtarë provizorë të konfederatës.E.E.

Sporti shqiptar

Në mbledhjen e fundit Komitetit Ekzekutiv të FIFA-së, të mbajtur në Tokio të Japonisë ku u mbajt Kupa Botërore e klubeve në futboll, ku siç dihet Barcelona e fitoi titullin e kampionit botëror është shqyertuar edhe kërkesa e Federatës së Futbollit të Kosovës që ka të bëjë për zhvillimin e ndeshjeve miqësore të Përfaqësueses së Kosovës.Në bazë të njoftimit të publikuar në faqen zyrtare të FIFA-s pas përfundimit të mbledhjes së fundit të Komitetit Ekzekutiv për vitin 2011, është bërë e ditur se është shqyrtuar kërkesa e Federatës së Futbollit të Kosovës për zhvillimin e ndeshjeve miqësore. Ky organ ka marrë qendrim që kjo çështje sërish të shqyrtohet të  nga Komiteti Ekzekutiv i UEFA-s. Mbledhja e KE të UEFA-s do të mbahet me 24 e 25 janar në Nion.

G.K

Sporti shqiptar

Kryetari i FIFA-s, Sep Bllater, i ka dërguar një letër personale kryetarit të FFK-së, Fadil Vokrri, ku thuhet se kërkesa e bërë nga FFK-ja për zhvillimin e ndeshjeve miqësore, do të diskutohet në mbledhjen e Komitetit Ekzekutiv të FIFA-s, që do të mbahet më 16-17 dhjetor në Tokio.

“Një natë para nisjes sime në Japoni, për të marrë pjesë në Kupën botërore të klubeve 2011, ju falënderoj për letrën e juaj të datës 31 tetor. Kërkesa e juaj për zhvillimin e ndeshjeve miqësore do të jetë në rend të ditës në seancën e radhës të KE të FIFA-s që do të mbahet më 16-17 dhjetor në Tokio.

Ne do të ju informojmë për epilogun e mbledhjes dhe kërkesës tuaj. Duke iu falënderuar për angazhimin tuaj në shërbim të sportit tonë, ju lutem që të besoni në ndjenjat e mia të përzemërta dhe miqësore”, thuhet në letrën e Bllaterit, dërguar Fadil Vokrrit, kryetar të Federatës së Futbollit të Kosovës.

Sporti shqiptar

Në kuadër të bashkëpunimit të Federatës Shqiptare të Futbollit dhe Federatës së Futbollit të Kosovës, në stadiumin “Qemal Stafa” në Tiranë, u zhvillua ndeshja miqësore U-17 ndërmjet Përfaqësueses së Shqipërisë dhe Përfaqëueses së Kosovës. Para fillimit të ndeshjes u bë intonimi I hymnit kobmëtar, pastaj filloi loja.Takimi ka përfunduar në barazim 1-1, kurse të pranishëm ishin zyrtarë të Federatës Shqiptare të Futbollit dhe anëtar të Komitetit Ekzekutiv si dhe trajnerë të grup moshave nga Shqipëria, por edhe nga Kosova.Përzgjedhësit, Xhemal Mustedanagiq dhe Besnik Kollari në këtë takim aktivizuan të gjithë futbollistët që i kishin në dispozicion për këtë ndeshje miqësore dhe vëllazërore. Futbollistët e Kosovës pothuaj gjatë tërë takimit mbizotëruan në fushë dhe ishin pranë fitores. Ata të parët erdhën në epërsi. Luhej Minuta e 38-të e takimin pas një aksioni pë ndërtuar mirë, lojtari i Kombëtares Shqiptare, Amri Jonuzi luajti me dorë brenda zonës së rrezikshme dhe gjyqtari kryesor i këtij takimi, Migen Masha nga Tirana me të drejtë akordoi penallti për Kosëovën. I pa gabueshëm nga pika e bardhë ishte kapiteni Berat Ahmeti dhe 1-1. Dy kombëtaret patën edhe raste të tjera shënimi. Rastin më të mirë që Shqipëria të barazoi rezultatin e pati në minutën e 40-të. Tomë Syku dërgoi një goditje të fortë nga krahu i djathë në drejtim të portierit Bledar Hajdini, por topi shkoi pran pingules së djathtë. Futbollistët e Përfaqësueses së Kosovës patën edhe dy raste të mira për të shtuar epërsinë, por Gentrit Humolli në minutën e 70 dhe Labinot Shabani, në atë të 75 nuk i konkretizuan. Pas kalimit të kohës së rregullt, gjyqtari jep shenjë për 5 minuta lojë shtesë dhe pikërisht në këto moment Shqipëria barazon rezultatin në 1:1. Shënues ishte Klaudio Çema. Pas një harkimi nga e majta, më së larti shkëputet Çema dhe barazoi rezultatin. Dy trajnerët  aktivizuan të gjithë futbollistët për të parë vlerat e tyre. Në radhët e Pëqrfaqësueses së Shqipërisë në përbërjen e parë u paraqitën dy futbollistët e Prishtinës, Lorik Aliu dhe Fatlum Ramadani, por në pjesën e dytë luajtën edhe dy të tjerë Astrit Bunjaku dhe Florent Bojaj.

Përfaqësuesja e Shqipërisë U-17 ka shënuar rezultate të mira në garat evropiane dhe në maj të vitit 2012 do të merrë pjesë në Kampionatin evropian që mbahen në Slloveni. Në radhët e Ekipit Kombëtar Shqiptar pati pesë gjashtë mungesa, por trajneri Xhemal Mustedanagiç ka mbetur i pakënaqur nga nga shumica e lojtarëve që janë angazhuar në këtë takim dhe sipas tij kjo është njëra nga ndeshjet më të dobëta që ka bërë  Shqipëria U-17 që nga momenti që ai ka marrë drejtimin e skuadrës.

Ndërkaq ,Besnik Kollari, përzgjedhës i Kosovës U-17, tha: -Jam i kënaqur me lojën e demontruar.Loja në përgjithësi ishte e një niveli të kënaqshëm. Në pjesën e dytë të takimit kemi angazhuar  angazhuar të gjithë lojtarët për të parë vlerat e tyre. Ishim në prag të fitores, por në përgjithësi rezultati ishte real.Ne do të vazhdojmë që për të ardhmen të angazhojmë edhe talentët të tjerë dhe dyert e Përfaqësueses së Kosovës janë të hapura për të gjithë, ka përfunduar Besnik Kollari.

Stadiumi “Qemal Stafa” në Tiranë

Shukues afro 200

Shënues: Berat Ahmeti 0:1/38/Penalltia/ dhe Klaudio Çema/80 +/

Takimi është zhvillua 2 x 40 minuta

Gjyqtarë: Migen Masha/kryesor/, Mertil Bregasi dhe Dojando Miftari, gjyqtar i katërt Olsi Sokoli.

Shqipëria U-17: Aldo Teqja, Amri Jonuzi, Tomë Syku, Kristi Marku/cap/, Lorik Aliu, Erjon Hoxhallari, Endri Çekiqi, Arlind Kalaja,Fatlum Ramadani, Almendin Murati dhe Miklanxhelo Bardhi. Luajtën edhe Fabio Gjonikaj, Dorian, Hakrama, Klaudio Çema, Serxho Mukja, Jurgen Vatnikaj, Enes Hoxha, Eralb Sinani, Adriano Dodaj, Florent Bojaj, Rixhi Elezaj, Arion Horanlli. Përzgjedhës: Xhemal Mustedanagiq, trajner: Ilir Biturku dhe Vlladimir Stefa, kurse mjek i  ekipit Perli Rusi.

Kosova U-17: Bledar Hajdini,Flamur Curri, Guri Murti, Arbër Pirra, Andi Pllana, Berat Ahmeti/cap/, Enis Gavazaj, Argjend Bardhi, Dior Zabërgja,Labinot Shabani, Taulant Rusinovci.

Luajtën edhe:Alban Muçiqi, Flamur Dulahi,Gentrit Humolli,Arian Osmani,Adrian Feka , Fidan Sejdiu, Fidan Muja, Albion Gashi. Përzgjedhës: Besnik Kollari, trajnerë: Ahmet Beselica dhe Fadil Berisha, mjek i  ekipit Isuf Maraj.

Gani KOSUMI

Sporti shqiptar

Sot, më 16 nëntor, Përfaqësuesja e Kosovës e grup moshës U-17, në stadiumin “Agron Rama” në Kastriot do të ketë grumbullimin e saj ku do të ketë edhe një seancë stërvitore nga ora 11.00.Pas kësaj seance, në orën 14.00, ekspedita e përfaqësueses U-17 do të niset për në Shqipëri, ku më 17 nëntor në orën 14.00 do të zhvillojë një ndeshje miqësore me Përfaqësuesen e Shqipërisë U-17.Takimi zhvillohet në stadiumin “Selman Stërmasi” në Tiranë.

Përzgjedhësi i Përfaqësueses së Kosovës U-17, Besnik Kollari, për këtë takim ka ftuar këta futbollistë: Bledar Hajdini/Hysi/Alban Muçiqi/Prishtina/, Flamur Dulahi, Arbër Pirra, Berat Ahmeti, Gentrit Humolli, Labinot Shabani, Arian Osmani dhe Flamur Curri  të gjithë të Prishtinës, Adrian Feka dhe Argjend Bardhi të ekipit Kurda, Guri Murti dhe Suad Sahiti të Ramiz Sadikut, Dior Zabërgja/Kosova e Vushtrrisë/, Enis Gavazaj/Liria/, Albion Gashi/Flamurtari/, Andi Pllana dhe Fidan Sejdiu të Trepçës 89.

Pos përzgjedhësit Besnik Kollar me këtë ekspeditë të futbollistëve pritet të udhëtojë edhe Eroll Salihu, sekretar i Përgjitshëm i Federatës së Futbollit të Kosovës.

G.KOSUMI

Sporti shqiptar

Një përgjigje e hidhur ka ardhur nga selia e Federatës botërore të futbollit, FIFA e cila ka konfirmuar vendimin e saj të mëhershëm dhe sidomos të mbështetur nga UEFA që Kosovës të mos i lejohet zhvillimi i ndeshjeve ndërkombëtare.Ky është vendimi i dalur nga Komitetit ekzekutiv i FIFA-së nga mbledhja e mbajtur të premten në Zurich. “Pas deklarimit të UEFA-së, komiteti ekzekutiv i FIFA-së konfirmon se kërkesa e Federatës së futbollit të Kosovës që të zhvillojë ndeshje miqësore ndëkombëtare nuk mund të aprovohet”, thuhet në vendimin e FIFA-së.Dy ditë më parë, komiteti i Federatave, anëtar i së cilës është edhe presidenti i Federatës shqiptare të futbollit, Armand Duka, kishte diskutuar në lidhje më kërkesën e FFK-së dhe ia kishte përcjellur Komitetit të Konfederatave që të aprovojë këtë kërkesë për t’u shqyrtuar edhe nga vet komiteti ekzekutiv i FIFA-së.Pasi që kishte kaluar nga Komiteti i konfederatave, kërkesa e Kosovës ka hyrë në agjendën e komitetit ekzekutiv, i cili vetëm sa ka konfirmuar qëndrimin e mëhershëm të Federatës evropiane të futbollit, UEFA.Ka qenë UEFA, si Federatë kontinentale të cilës duhet t’i takojë Kosova, ajo që kishte refuzuar një kërkesë të tillë edhe tri vite më parë. Qysh atëherë komiteti ekzekutiv i FIFA-së kishte konfirmuar qëndrimin e UFEA-së, gjë të cilën e ka bërë edhe të premtën në Zurich. Përfaqësuesja e Kosovës ka tentuar të zhvillojë disa ndeshje miqësore në vitet e fundit, por ia ka dalur të realizojë vetëm pak prej tyre dhe kryesisht në bazë të vullnetit të mirë të ekipeve suedeze dhe të ekipit zviceran, Neuchatel Xamax. Këtë vit ka dështuar miqësorja me Bursasporin, kurse më herët edhe më Dinamo Zagrebin.Selektori Albert Bunjaku.Marre nga zeri.info

Sporti shqiptar

Shkruan: Esad EJUPI

FFK-ja ditën e mërkure ka hedhur shortin edhe për një Kampionat të ri të Kosovës në futboll. Ai do të filloj me 20 gusht 2011. Garat do të bëhen sikur edicionin e kaluar në tri etapa dhe do të zhvillohen 33 xhiro. Kështu ishte edhe vitin e kaluar, kështu ishte edhe disa vite më parë.

A do të kemi far risie në Kampionatin e ri të futbollit në Kosovë ? Me sa duket deri tash risi në Kampionatin e futbollit në Kosovë që fillon me 20 gusht do të jenë vetëm skuadrat Gjilani, Drita e Lepenci që janë anetare të reja të Superligës së Kosovës.

Vitet po kalojnë ndërsa në Superligen e Kosovës në futboll  nuk shihen shenja të zhvillimi dhe avansimit të saj as në aspektin prefesional e aq më pak në ate të infrastruktures sportive.

Ajo që më shtyri të shkruaj kësaj radhe është një çështje nga aspekti teknik i organizimit të garave.

Zakonisht dy javë para fillimit të Kampionatit Komisioni për pranimin e terreneve sportive që funksionon në kuadër të FFK-së i kontrollon dhe i verifikon fushat e futbollit ku do të zhvillohen ndeshjet.

Por, a do të ndryshojnë këtë vit kriteret në këtë drejtim?  Dashamirët e futbollit në Kosovë janë dëshmitar se nëpër të gjitha fushat ku zhvillohet futbolli në Kosovë kushtet janë të njejta qe disa vite. Përjashtimisht disa terrene si ai i Prishtinës, i Gjilanit, i Lepencit në Kaçanik e disa të tjera që kanë investuar diçka para këtij kampionati. Por bëhet pyejta a është kjo e mjaftueshme ?

Do të ishte mirë që Komisioni që bënë pranimin e terreneve sportive të ketë një strategji të tillë që nga viti në vit nga çdo stadium i futbollit në Kosovë ku zhvillohen garat, të parashtroj kërkesa varësisht nga niveli që ka ai stadium. Jo në atë masë sa ato kërkesa të jenë barre e rëndë për klubin sa t’i pamundësojnë pjesëmarrjen në gara, por për aq sa mundet të bëhet dhe sigurisht se në çdo stadium ka edhe shumë se çka të bëhet. Ndërsa si model të jenë kriteret e një stadium që do të ishte i pranuar ndërkombëtarisht.

Mungesa e semaforit dhe matësit publik të kohës në stadium

Ajo çka, besoj, është nevojë e menjëhershme që ta kenë si kriter Komisioni për pranimin e fushave sportive për gara, do të duhej te ishte semafori dhe matësi publik i kohës në stadiumet tona.

Semafori elektronik ndoshta do të ishte barrë e rëndë për të gjitha klubet dhe në disa stadiume as nuk përkon me infrastrukturën aktuale që kanë disa nga to , por ky semafor apo kjo tabelë do të duhej të ishin të ndryshme, varesisht nga infrastruktura aktuale e stadiumit. P.sh. ta zëmë stadium i Prishtinës, me kapacitet të ulëseve deri afër 20.000 vende, me semafora ndriques, stadium i kryeqytetit,  etj, etj, realisht do të duhej ta ketë një semafor elektronik taman ashtu siç e kanë edhe skuadrat e mëdha të futbollit, të paktën në rajon. Po ashtu të tillë do të duhej ta ketë edhe stadiumi olimpik “Adem Jashari “ në Mitrovicë.

Ndërsa “semafor” ose tash t’i quaj “tabela”, të cilësisë ose nivelit më të ulët do të kërkoheshin për stadiumet e tjera. Çka do të thot cilësisë më të ulët. Do të thot mundet të mos jenë elektronike, të jenë nga druri, plastika apo alumini, por të ketë funksionin informativ. Mjafton që në te të tregohet rezultati i ndeshjes dhe të tregohen minutat e ndeshjes.  

Prezenca e një “semafori“ (për Prishtinë e Mitrovicë) apo “tabele” të tillë (stadiumet tjera) në stadium do të ishte në çdo kohë përgjegje për të gjithë shikuesit që pyesin “sa është rezultati” dhe “cila minutë po zhvillohet”? 

Nuk besoj se investimi për këtë do të ishte barrë e rëndë për asnjë klub të Superligës së Kosovës. Do të mjaftonte që ato tabela të shkruheshin në mënyre statike emërtimet “VENDASIT” dhe “MYSAFIRËT”  ndërsa të ndrrohej vetëm rezultati, natyrisht sipas rrjedhës së lojës. Është diçka teknike, e thjeshtë, por, është e nevojshme, është  informatë, dhe shumë e nevojshme në terrenet sportive. Kjo do të duhej të vendosej në një pjesë ku shihet nga të gjitha anët e sidomos në një pozitë ballore për shikuesit.

Semafori apo një tabelë e tillë do të ishte përgjegje për të gjithë ata shikues që shkojnë me vonesë në stadium ose do të ishte përgjegje në rastet kur shënohen disa gola e pak kush e din realisht se sa me sa është rezultati ! Jo vetem për shikuesit, por ka pas raste që edhe komentatori sportiv në radio transmetim në fund të ndeshjes e ka dhënë rezultatin e gabuar.

Prandaj Komisioni për pranimin e terreneve sportive le ta ketë këtë kriter parasysh.

Sporti shqiptar

Shkruan: Esad EJUPI

Norvegjia, Sllovenia, Zvicrra, Shqipëria, Qipro dhe Islanda. Këto janë kombëtaret e grupit “E” që do të përballen me njëra tjetrën për të siguruar dy pozitat e para që do të qojnë pastaj në Kampionatin Botëror “Brazli 2014”.

Shqipërisë i ka ardhë koha ?

Ndoshta është heret të themi, por kombëtarja e Shqipërisë ka gjasa të mira që në kuadër të këtijë grupi të bëjë atë që pritet me vite të tëra – të siguroj kualifikimin për Botërorin 2014.

Kundërshtarët e grupit “E” me të cilët do të përballet Shqipëria asnjë nuk është aq superior siç do të ishte p.sh. po të kishte në grup ndonjë Spanjë, Holandë, Gjermani, Itali apo ndonjë tjetër. Norvegjia, Sllovenia e Zvicrra janë kombëtare të cilat mund të mposhten. Ndërsa Qipro e Islanda edhe ashtu janë të radhitura pas Shqipërisë që do të thot fitoret ndaj këtyre nënkuptohen me të mundshme dhe përballje më të lehta.

Pse jo në Botërorin 2014 ?

Kombëtarja e Shqipërisë përkundër tradites 45 vjeçare të pjesëmarrjes në gara kualifikuese për Kampionate Botërore (që nga Anglia 1966) deri me tani nuk ka arritur që të siguroj asnjë herë kualifikimin në raundin final të turnet. Pse kjo mos të ndodhë pikërisht në vitin 2014 dhe pikërisht në vendin e Kampionit rekord të botës në futboll në Brazil.

Kombëtarja “kuq e zi” akoma është në garë për kualifikime në Euro 2012 por gara këtu pas rezultateve të fundit është bërë shumë e vështirë dhe me pak gjasa për kualifikim. Por, Shqipëria në grupin “D” përballë kundërshtarëve të fortë si  Franca, Bjellorusia, Bosna e Hercegovina, Rumania e Luksemburgu, po paraqet një faktor të rëndësishëm në grup. Arriti rezultate të mira deri me tani dhe akoma ka një fije shpresë për kualifikim edhe pse tashmë ai duket shumë i vështir. Por, nëse nuk sigurohet pjesëmarrja në EURO 2012 pse të mos mobilizohet, organizohet dhe të synohet kualifikimi në botërorin 2014 ?

Që të arrihet kjo, Shqipëria ose FFSH-ja  duhet të punoj edhe më shumë në disa drejtime;

E para; Federata e Futbollit të Shqipërisë (FFSH) dhe vet shteti shqiptar t’i qesin veti synim, që kombëtarja “kuq e zi” të  siguroj kualifikimin për Kampionatin Botëror 2014.

E dyta: Kombëtarja të forcoj shtabin teknik me trajner. Le të vijë (apo le të mbetet ky që është) një trajner që ka synime të qarta, që ka objektiva të qarta dhe që paraqet një projekt. Le të bëhet një analizë e futbollit shqiptar dhe e futbollistëve shqiptar, përfshirë mentalitetin e tyre dhe aftesitë profesionale të tyre dhe le të paraqitet krejt çka i duhet atijë që të realizoj ketë . Le te angazhoj edhe trajner mental, të cilët do t’i motivonin dhe do tua bënin të qartë edhe vet futbollisteve se ata munden, ata kanë aftësi, dhe ata janë të njejtë sikur të tjerët. Do të thot të tillë që do ta mundin dozen e inferioritetit të futbollistëve në suksese me kombëtaren.

E treta; Federata e Futbollit Shqiptar (FFSH) do të duhej që më në fund të mobilizohej, edhe financiarisht, edhe në aspektin organiziativ, dhe të shtyjë përpara këtë projekt dhe këtë synim.

Tani Shqipëria ka dhe do të duhej që edhe viteve në vijim të krijoj potencial të mjaftueshëm të futbollistëve të cilët me përgatitje serioze, me qasje profesionale, me dëshirë e vullnet dhe me udhëheqje profesionale me në fund të realizojnë ëndrrën e quajtur KUALIFIKIM  për botëror. Pse kjo mos të ndodhë pikërisht për botërorin 2014 ?

Tifozët “kuq e zi” meritojnë më shumë se vetëm ndeshje eliminatore. Tifozët “kuq e zi” meritojnë që tash në një kampionat evropian a botëror të anojnë për kombëtaren e tyre të zemrës. Boll ke më duke anuar e duke “u kënaqur “ për kombëtare tjera sipas simpatisë.

Ka ardhur koha për sukses kombëtar – ndërkombëtar!    

Sporti shqiptar

Në Qendrën e Studenteve-drejtoria e konvikteve në Prishtinë u mbajt një konferencë me gazetarë në prag të fillimit të Kampit Edukativ Kombëtar U-15. Fillimisht të pranishmit i ka përshëndetur kryetari i FFK-së z. Fadil Vokrri, i cili ka thënë se ky është Kampi Edukativ Kombëtar i dytë me radhë i grup-moshave 15 vjeç, me qëllim të përgatitjes së një baze të fortë dhe profesionale për Përfaqësuesen U-15. Pa dyshim se ky kamp nuk do të mud të mbahej pa ndihmën e MKRS-së dhe komunës së Prishtinës. Në veçanti duhet falënderuar përzgjedhësit Albert Bunjaki dhe Afërditë Fazlija, për angazhimin dhe punën që kanë bërë për t’u mbajtur ky kamp, i cili është me një rëndësi të veçantë e shumë demensional, duke përfshirë aspektin social por edhe atë sportiv si qëllim i yni fundamental, sepse këta do të jenë një ditë shtylla e Përfaqësueses sonë si përgatitje për arenën ndërkombëtare. Në vazhdim  fjalën e ka marrë Afërditë Fazlija, duke vënë në pah rëndësinë e këtij kampi. Znj. Fazlija ka thënë se ky është kampi i dytë dhe ka një të veçantë dhe madhështi të vetin për faktin se nga ky vit janë përfshirë edhe futbollistet e reja femra, Ky është aktiviteti më i mirë i organizuar nga FFK-ja me një model jashtëzakonisht të veçantë. FFK-ja me përfshirjen e femrave në këtë kamp ka dëshmuar se i mban premtimet duke qenë si jëra prej federatave që po jep një barazi të plotë të dyja gjinive. Përzgjedhja e femrave futbolliste ka qenë i vështirë për faktin sepse është vetëm një vit që ka filluar liga e femrave, mirëpo në bashkëpunim me trajnerët e të gjitha klubeve kemi arritur që të kemi një përbërje jashtëzakonisht të mirë dhe së bashku me të gjithë do të ia arrijmë qëllimet për çka edhe po mbahet ky kamp. Ndërkaq, nga ana e tij përzgjedhësi Albert Bunjaki ka falënderuar FFK-në, MKRS dhe departamentin e sportit që kanë mundësuar mbajtjen për herë të dytë Kampit Edukativ Kombëtare U-15. Gjithmonë kampi i dytë është më i vështirë se sa ia i pare, sepse kërkon më shumë angazhim dhe energji. Vitin e kaluar kemi marrë shumë lëvdata ndaj këtë vit duhet të bëjmë më shumë për të qenë më të mirë dhe me përshtypje më te thella. Këtë vit kampi ka shumë risi, siç është përfshirja e futbollit të femrave sikur që do të kemi edhe një numër të futbollistëve të rinj nga diaspora, të cilët kanë shprehur gatishmëri të jenë pjesë e kampit duke shfrytëzuar praninë e tyre gjatë kësaj kohe ën Kosovë. Siç e dini përzgjedhja është bërë nëpër rajone dhe në kamp do të kemi ekipet nga rajonet që për dy ditë do të bëjnë gara dhe të dielën do të zhvillohen në finale. Tash e tutje përzgjedhjen do ta bëjnë trajnerët e Përfaqësueses dhe ky kamp tashmë do të jetë tradicional. Zhvillimin e kamp do ta ndihmojë edhe  Organizata për edukim sportiv (OESK), që do të merren me menaxhimin e plotë të kampit, me shitjen e biletave me çmime modeste pastaj shpërblimet e ndryshme për të krijuar një fond solid për këtë grup-moshave. Kryetari i Shoqatës së Trajnerëve dhe i Këshillit Profesional të FFK-së z. Ajet Shosholli ka theksuar nevojën e domosdoshme për organizmin e këtij kampi që vë bazën e përfaqësueses. Dhe jo vetëm që do të përfitojnë futbollistët e rinj por do të përfitojnë edhe trajnerët (16) që do të punojnë me këto grup-moshave, të cilët edhe do të bëjnë vlerësimin e futbollistëve dhe ekipeve. Kështu mbase në të ardhmen do të vazhdohet edhe më grup-moshat tjera.

Të ju kujtojmë se hapja e kampit do të bëhet nesër më 7 korrik në stadiumin “Agron Rama” në Kastriot në orën 12.00, ku do të jenë të pranishëm shumë personalitete nga jeta sportive e Kosovës si dhe ministri i MKRS-së  z. Memli Krasniqi. Pastaj ndeshjet do të fillojnë prej orës 13.00.Zëdhënësi iFFK-se,Fazli BERISHA.

G.K

Sporti shqiptar

Sporti shqiptar