Fedeata e Boksit e Kosovës ka organizuar turneun “Pavarësia 2012”, i cili ishte planifikuar të mbahet para 2 javësh.Kushtet e vështira klimatike kishin detyruar organizatorin të shtyjë këtë garë, e që si pasojë solli zbehjen e këtij aktiviteti në krahasim me vitet e kaluara.Edicioni I katërt solli një përballje të boksierëve vendas.Boksierët nga klubet Prishtina, Gollaku, Besa, Trepca, Prizreni, Drita, Peja e Fushë Kosova sprovuan njëri tjetrin në një garë, e cila solli megjithatë disa mece interesante.Programi i garave u hap me duelin e kategorisë së kadetëve.Ylber Salihu nga klubi Gollaku në 3 raunde nga 1 minutë mposhti shokun e skuadrës Nazif Behramin, me vendim unanim të gjyqtarëve.Salihut njëherit i takoi epiteti i boksierit më perspektiv të turneut.Në duelin e 60 kilogramëve, u përballën Visar Rexhepi e Lirim Bajrami.Rexhepi I Dritës u mposht nga Bajrami I Fushë Kosovës, pas 3 raundeve interesante ku për një nuansë Bajrami ishte më I mirë.Në duelin tjetër të kategorisë 60 kg Ilir Halimi I Gollakut mposhtu shokun e skuadrës Arbër Shalën me vendim unanim të gjyqtarëve 2-0.Boks të mirë ka treguar edhe Imer Zuka i Trepcës nga Mitrovica.Në kategorinë 64 kg, Zuka mposhti para kohe Rrahim Sinanin e Prishtinës, pas dorëzimit në raundin e dytë.Me të përfunduar ky mec, ishte koha për një mirënjohje të vecantë, të cilën Federata e Boksit ia kushtoi ish-boksierit dhe ish-gjyqtarit të boksit Esat Krajkova, I cili në këtë formë I dha lamtumirën ringut.Lufta që zgjoi interesimin më të madh te publiku ishte ajo e seniorëve në 64 kg.Burim Hasani nga Fushë Kosova u përball me Gazmend Gashin e Prishtinës.Pas paraqitjes mbresëlënëse të dy boksierëve dhe një dueli të pakomprimis, fitues nuk pati. Gjyqtarët vendosën që ta shpallin të barabartë këtë sfidë. Në kategorinë 64 kg, Naser Shala I Prizrenit mposhti para kohe Suad Muciqin e Gollakut.Shala festoi pas raundit të parë, kur trajneri I skuadrës kundërshtare e dorëzoi mecin.Në dy duelet e fundit në programin e këtij turneu, nuk pati fitues. Në 81 kg, Kadri Murseli e Armend Xhoxhaj dhuruan një spektakël të boksit, duke sjellë 3 raunde mjaft emocionuese.Njëjtë ndodhi edhe në duelin e fundit, mes Gafurr Berishës nga Gollaku e Egzon Haradinajt nga Besa e Pejës.Gjyqtarët vendosën që kjo sfidë të mbyllej gjithashtu pa fitues, duke I dhënë këtij turneu 4 barazime nga gjithsej 8 mece.Në fund, boksieri më I mirë u shpall Burim Hasani, tekniku më I mirë Gazmend Gashi, cifti më luftarak Visar Rexhepi e Lirim Bajrami, kurse boksieri më perspektiv Ylber Salihu.Ky ishte edicioni I katërt I turneut “Pavarësia 2012”, I cili pasi u shty për dy javë, nuk gëzoi as beneficione nga Departamenti I Sporteve të Kosovës, e madje edhe interesimi I donatorëve nuk ishte I kënaqshëm.

Artan MUHAXHIRI

Sporti shqiptar
Raiffeisen Superliga

Federata e Boksit e Kosovës i ka bërë të gjitha përgatitjet për pritjen e këtij aktiviteti dhe do të njoftojë opinionin me kohë se kur do të mbahet turneu.

Sporti shqiptar
Raiffeisen Superliga

Tefik „Hurricane-Uragani“ Bajrami do te boksoi ne Turneun e boksit ne kategorine e rende me 13 prill ne Paris. I gjithe ky spektakel qe e organizon organizata Bigger`s Better do te transmetohet drejtperdrejte ne televizionin sportiv evropian Eurosport.

Uragani i cili njihet edhe si tajbokser i suksesshem (kampion i botes ne amaterizem 2004) dhe po ashtu kampion i zvicres ne boksin amator, prej tetor 2010 ka kalue me shume suksese ne boksin profesioniste, ku prej 4 ndeshjeve te zhvilluara, ika te gjitha fitore, dhe 3 me nokaut.

Perndryshe Tefik Bajrami do te bokson me daten 14 korrik ne Podujeve para vendasve te vet dhe para popullit kosovar.

Tefik Bajrami eshte vellau i kampionit aktual te botes ne Kikboks Xhavit Bajrami i cili parashihet qe ne pranvere ta mbron titullin ne Zvicer dhe kryesorja do ta mbron titullin e botes per here te pare ne Shqiperi, perkatesishte me daten 28 nentor, diten e 100 vjetorit te Pavaresise se Shqiperise.

Klubi i sporteve luftarake

Thai Kick-Box Team Bajrami

Luzern- Zvicer

www.bajrami.ch

G.K

Sporti shqiptar
Raiffeisen Superliga

Federata e Boksit e Kosovës, është e ftuar që të merr pjesë në shumë turne ndërkombëtare. Fillimisht më 5 shkurt 2012 në Herceg-Novi të Malit të Zi “Mimoza Kup”, pastaj në Sofje të Bullgarisë në turneun e 49-të, me radhë të AIBA-s “Stranxhat” nga data 21-26 shkurt, në Zagreb në turneun e AIBA-se “Zllatko Hërbiq” etj.

Ekipi i Përfaqësueses së Kosovës në përgatitje

1. Burim Hasani

2. Liridon Zeqiri

3. Armend Xhoxhaj

4. Krijon Shehu

5. Kadri Murseli

6. Albulena Gubetini

7. Fatlume Ahmeti

8. Lirim Bajrami

9. Fisnik Muharremi

10. Arber Elezaj

11. Arton Ibrahimi

12. Gazmend Gashi

13. Pirro Quni

14. Xhevdet Peci – selektor

15. Shefki Bogujevci – trajner

16. Pergjegjësi i ekipit

Sporti shqiptar
Raiffeisen Superliga

 Në  organizim  të Drejtorisë për Kulturë,Rini dhe Sport të Prizrenit, në ambientet e restaurantit luksoz “Alegria”,është organizuar një mbrëmje  e mrekullueshme,ku morën pjesë shumë punëtorë të kulturës,sportit e musafir tjerë,në të cilën u   bë shpallja e  laureatëve  për vitin 2011-të. Për më të merituarit e  sportit,të cilët këtë vit e prezantuan sportin prizrenas me shumë sukses,është përkujdesur komisioni i  përzgjedhur nga Drejtoria përkatëse pranë KK të Prizrenit  në përbërje:Allmir Sahiti-Drejtor i DKRS,Lulzim Ibri – Koordinator për sport pranë DKRS,Mark Palokia – gazetar i RTK-së,Durak Thaçi-zyrtarë i gjendjes civile pranë KK të Prizrenit,Bashkim   Kajdomçaj- Zëdhënës,sekretar i KF”Liria” si dhe gazetar i Radio Dukagjinit,Shkelzen Kryeziu- Gazetar bashkëpunëtor i RK-së dhe portalit sporiv “Albaspox”.

Për të ururar  dhe përshëndetur më të mirët e vitit që e kemi lënë pas, përveç  shumë sportistëve,në këtë ceremoni  mori pjesë   dhe Kryetari  KK të Prizrenit Prof.Dr.Ramadan Muja me bashkëpunëtorë,i cili në fjalën  përshëndetëse ka uruar dhe përgëzuar sporetistët për sukseset e arritura,duke ju dëshiruar që viti 2012 të jetë akoma më i suksesshëm.Laureatë  të sportit Prizrenas për këtë vit u shpallën:

Epiteti i laureatit për 2011-tën i   takoi  Sahit Berishës i cili  pas paraqitjes së  shkëlqyeshme në kampionatin e mbajtur në Tiranë fitoi titullin e nënkampionit botëror në mundje  për veteran, konkurenca 35 – 40 vjeç.

Ndërkaq që në mesin e dhjetë më të mirëve u gjendën edhe:

Gurash Hasani – tenisieri më i mirë kosovarë në vitin 2011-të

    Meldin Gorani  – çiklisti më i mire i vitit  2011-të në Kosovë.

Kreshnik Kokollari – ndër dhjetë boksierët më të mirë kosovarë në vitin që e lame pas.

Armend Xhoxhaj - juniori më i mirë ndër boksierët e rinjë në 2011-ën.

Elinda  Musliu       - basketbollistja më e mire e Bashkimi dhe ndër më të mirat e Kosovës.

Rafet  Mullallari    – futbollisti dhe kapiteni me autoritet në radhët e Lirisë.

Mentor Ajazaj   -  atlet i cili me performansat që disponon për të ardhmen premton shumë.

Kaltrina  Hasani  – hendbollistja më e mire prizrenase.

Harun  Flugaj  – bodibilderi me performansat e larta për të ardhmën.

 Klubi sportiv:

Ne vitin që e lam pas sukseset e këtij klubi janë të pa

justifikueshme prandaj me të drejtë fitoi epitetin e më të merit,bëhet  fjalë për KM”Prizreni”.

Po ashtu me mirënjohje është dekoruar edhe Klubi me aktivitet të veçantë sportive  Klubi I Basketbollit  me karroca “Marsi”.

Trajner i vitit:  Sylejman Shala gjat vitit që e lam pas, është dalluar  për sukseset e arritura me mundës në garat shtetrore,

mbarëkombëtare si  dhe në ato ndërkombëtare.

Gjyqtar më i dalluar  u shpall  gjyqtari i basketbollit – Arbnor Rifati.

Gazetari më i dalluar: Rami Berisha,gazeta “Lajm”.

Punëtori më i dalluar sportiv: Puna e palodhshme për vite me radhë e sidomos  për kontributin e dhënë gjatë këtij viti,  epiteti i punëtorit më të merituar  sportiv i takoi  Drejtorit Finansiar të KF”Liria” Mr.Arben Gashi.

Ngjarja sportive pa dyshim ishte  Auto Gara Rrethore  “ Prizreni 2011”,të cilën ngjarje e përcolli një numër i madh shikuesish.

Shpresat e sportit Prizrenas u shpallën:

    Veli Susuri  – mundës

    Vedat Muriqi – futbollist

    Elona Kolgeci – karateiste

    Edmond  Kryeziu – basketbollist

    Dafina Gashi – hendbolliste

    Sanell Shaqiri – baketbollist

    Qëndrim Gashi  - futbollist

     Jeta Kabashi – pingpongiste

     Miralem Sadiki – pingpongist

Ubeit  Shuki     -  alpinist

  Të gjithë sportistët u shpërblyen me  emirënjohje.

  Shkelzen Kryeziu

Sporti shqiptar
Raiffeisen Superliga

Federata e Boksit e Kosovës, gjegjësisht  Shoqata e Gjyqtarëve të boksit gjatë fundjavës ka mbajtgur Seminarin për gjyqtarë, delegatë dhë mjek sportivë.Në këtë seminar ishin 19 . Nga  20 gjyqtarë të boksit, prezent ishin 16, kurse kanë munguar 4 veta.

Para fillimit të stinorit pranveror të garave në boks , Shoqata e gjyqtarëve mbajti këtë seminar që ka për qëllim  (ripertrirje te diturisëe , provime) për gjyqtarë të boksit që ata të jenë sa më të gatshëm për gjykimin e meçeve në stinorin pranveror të garave në boksin e Kosovës dhe më gjerë.

Ligjërues për gjyqtarë ishin gjyqtarët me ndërkombëtare, Latif Demolli dhe Rrustem Konjuhi. Tema kryesore të ketij seminari ishin”Ndryshimet e kategorive në boks dhe ndryshimi dhe plotësimi i disa rregullave teknike në boks”.

Latif Demolli, gjyqtari ynë i mirënjohur me thirrje ndërkobmëtare ligjeroj Per ndryshimet e kategorive që janë duke u apolikuar që nga nga muaji shtator 2011 në Kuvendin e AIBA-se  ne Almaty te Kazastanit. Kanë ndryshuar disa kategori. Nga 11 kategori të boksit amator për senior tashti  janë 10 kategori .Kategoria leter është mënjanuar, kurse kanë ndryshuar kategoria mizë e cila ka qenë 51 kg.tani, ajo është 49 kg,kategoria bantam ka qenë 54kg. tani është 52 kg dhe kategoria pendël që më parë ishte  57 kg. tani është  56 kg.

Këto ishin ndryshimet e kategorive te seniorët, ndërsa tek kadetët,pionierët dhe femrat kanë ndryshuar 5 kategori. Latif  Demolli,  ligjeroj për klasifikimin e boksiereve sipas moshave dhe disa nene të ndryshuara në rregulloren teknike të AIBA-së.

Ligjëruesi tjetër, Rrustem Konjuhi, ligjeroj për ndryshimet e rregullave teknike gjatëe mbajtjes së meçeve dhe gabimet e gjyqtarëve në listat poentuese.

Pas seminarit teorik të gjithe gjyqtarët iu nenshtruan ,provimeve në 10 pyetje nga rregullat teknike dhe mbushjen nga 3 lista poentuese, ndërsa një ditë më vonë ata iu nënshtruan provimeve praktive (meçeve ne ring).

Dhe nga 16 gjyqtarët e pranishëm , 3 prej tyre nuk kanqe treguar njohuri të mjaftueshme dhe nuk e kanë kaluar këtë test dhe ata nuk do ta ndajnë drejtësisë në stinorin pranveror të garave 2012/2013. Këta mund tu ndënshtriohen riprovimeve në shtator të këtij viti dhe nese trgojnë njohuri të duhur ata mund të ndajnë pastaj drejtësinë në garat e boksit. Gjyqtarët e tjerë, 13 13 prej tyre u  licencuan për vitin 2012 dhe do ta ndajnë drejtësinë në të gjitha garat. Në këtë seminar mori pjese edhe boksierja e bhhur Marigona Beadini e cila me sukses e ka dhënë provimin në pjesën praktike, kurse në shtator pritet ti nënshtrohet privimit në pjesën teorike dhe Shqoqata e Gjyqtarëve e Kosovës pritet që në radhet e veta ta kete edhe një gjyqtare femër.

Në këtë seminar muaren pjesë edhe delegatet  ku  informuan mbi punën e delegatit para fillimit të meçit dhe deri me perfundimin e tij dhe kompetencat që i ka delegat në një meç të boksit.

Sa i përket mjekut sportive, ka ligjëruar  Dr.Agron Kamberi, ku informoj për kontrollimet mjekësore gjatë një viti dhe kontrollimet para meçeve qëe janëe të obliguara dhe mjeku është ai që ia jep të drejtën se cili boksier është i aftë të dalë në ring.

Kym und të konsiederohet njëri ndër seminarët më të suksesshëm të mbajtura këto vitet e fundit dhe kjo do të jetë e mirëseardhur për të gjithë ata që mëtojnë që këto njohuri ti tregojnë jo vetëm në garat vendeore, por edhe në ato ndërkombëtare.

G.Kosumi

Sporti shqiptar
Raiffeisen Superliga

G.K

Sporti shqiptar
Raiffeisen Superliga

Muhamed Ali ka nis të pranoi urimet që nga e shtuna.

I njohur si boksieri më i mirë i të gjitha kohrave, Muhamed Ali – Cassius Cley, ditën e martë feston datëlindjen e tij të 70-të.

Qyteti i tij, Louisville, ka bërë përgatitjet që në mënyrë sa më dinjitoze ta festojnë datëlindjen e 70 të sportistit më të mire të të gjitha kohrave që ndryshe njihet me emrin  – më i madhi. 

Muhamed Ali tashmë është në një gjendje të rëndë shëndetësore dhe edhe vet ka deklaruar se: ”Po përgatitet për Parajsë”. Këtë i ka thënë gazetarit David Remnick i cili është autor i librit “King of the World” (Mbreti i Botës). Libër ky më i miri që shkruan për kohërat më të mira të boksit dhe për Muhamed Aliun. Histori të mëdha për një sportist të madh dhe një bokser më të mirin të të gjitha kohrave.

E.E.

Pamje të këtilla janë parë shpesh gjatë karrierës së Muhamed Ali-ut

Sporti shqiptar
Raiffeisen Superliga

Në ambientet e Sheshit 21, në praninë e mysafirëve të shumtë, punëtorëve sportive, drejtues të federatave, sportistëve dhe mediave të shkruara dhe elektronike, është mbajtur Manisfestimi tradicional i RTV21 “Sportisti i vitit 2011”. Majlinda Kelmendi, xhudiste e Ipponit të Pejës për herë të tretë radhazi është shpallur sportistja më e mirë në vendin tonë nga Radio Televizioni 21 në manifestimin e mbajtur të shtunën në ambientet e “Sheshit 21” në Prishtinë. Fillimisht Agim Binaku, redaktor i Redaksisë së sportit të RTV 21, foli për zhvillimet sportive gjatë këtij viti, por edhe bëri një rekapitulim të ngjarjeve sportive të zhvilluara më parë si dhe u dha një dokumentar kushtuar përvjetorit të 90 të KF Prishtina si dhe u dha një pasqyrë e arritjeve sportive në këtë vit dhe paraqitja e sukseseve për sportistët e nominuar. Juria në përbërje: Azem Brovina (veteran i gazetarise sportive), Besim Hasani (kryetar i Komitetit Olimpik të Kosovës), Agim Dushi (ish-gjyqtarë federativ i basketbollit), Malësor Gjonbalaj (ish-futbollist), Ajet Shosholli (trajner i futbollit), Xhevdet Peci (ish-boksier) dhe Elvira Dushku (ish-basketbolliste, tash trajnere dhe gazetare e sportit) dha këto vlerësime. Sportiste e vitit 2011, siç është pritur pa konkurrencë me numër maksimal pikësh është shapallur kampionja botërore, evropiane dhe ajo që e ka përmbushur normën olimpike për Londra 2012, xhudistja e Ipponit të pejës Majlinda Kelmendi me 70 pikë. Ajo aktulaisht gjendet në përgatitje në Austri dhe për te u dha një dokumentar prej 5 minutash për arritjet e saj kulmore gjatë vitit 2011.

RTV 21-Sportisti i Vitit 2011

Në fund për mysafirë u dha një koktej, kurse Pastiçeria Fellini edhe kësaj radhe kishte përgatitë një tortë për sportistë dhe mysafirë të tjerë që ishin tw ftuar nw kwtw solemnitet tashmw tradicional tw Radiotelevizionit 21.

Gani KOSUMI

Sporti shqiptar
Raiffeisen Superliga

Në vazhdën e takimeve me shumë sportistë kosovarë që kanë arritur suksese të larta në arenën ndërkombëtare, Ministri i Kulturës, Rinisë dhe Sportit, z.Memli Krasniqi, ka takuar sot boksierin amator, Naim Terbunja. Ministri Krasniqi e përgëzoi Terbunjen me sukseset e shënuara deri më tash, e me theks të veçantë për pjesëmarrjen e tij në Lojërat Olimpike 2008 në Pekin. Ai shtoi se talenti dhe vullneti i shfaqur nga sportistët kosovarë e bën gjithë popullin të ndjehet krenarë, dhe po ashtu mban shpresat se edhe sportistë të tjerë të talentuar do të kenë shumë shpejtë mundësitë e barabarta me të gjithë sportistët botërorë. Ministri vlerësoi po ashtu se boksi është një sport që Kosova shquhet për talentë dhe për suksese të mëdha, si në të kaluarën por edhe tash.

Ndërkaq, boksieri Naim Terbunja, që bën gara nën flamurin e Suedisë, e falënderoi ministrin për pritjen. Ai tregoi për sfidat që ka pasur deri tash si dhe për planet në të ardhmen, e që kryesor është bërja e garave në boksin profesionist. Nga Sherbimi per informim i MKRS te Kosoves.

G.K

Sporti shqiptar
Raiffeisen Superliga