Ndërsa Naim Terbunja e falënderoi ministrin për kujdesin, pritjen dhe mbështetjen për të ardhmen. “Të falënderoj që keni gjetur kohë për mua, jam shumë mirënjohës për kujdesin që po bëni për sportistët tanë edhe në Kosovë por edhe jashtë saj” theksoi Terbunja.

Në fund ministri Haziri nderoi boksierin tonë me një dhuratë simbolike, një pllakë e punuar me flamur të Kosovës ndërsa Terbunja i dhuroi një palë dorëza me mbishkrim për ministrin Haziri.

Artan Vërbica (kosovaboxing.org)

Ministri Haziri dhuratë për Terbunjen

Terbunja dhuratë per Hazirin

Para gazetarëve

Gjatë ditës së sotme, Ministri i Kulturës, Rinisë dhe sportit të Kosovës, Lutfi Haziri, ka vizituar Departamentin e  Sportit të Kosovës ku është pritur nga Ibër Alaj, drejtor si  dhe Ismail Kasumi, drejtor i Shtëpisë së sportit të Kosovës. Ai njëherësh ka vizituar edhe federatat sportive të Kosovës. Ministri Haziri, ka vizituar Federatën e Futbollit të Kosovës dhe është pritur nga Fadil Vokrri, kryetar, pastaj Federatën e Hendbollit të Kosovës,  ku është pritur nga  Izet Gjinvci, sekretar, Federatën e Basketbollit ku është takuar me Nazmi Paçaradën, komesar të garave, Federatën e Boksit ku është takuar me Latif Demolli, sekretar teknik dhe gjyqtar ndërkombëtar i boksit.

 Ai ka vizituar edhe Shoqatën e Pedagogëve sportive të Kosovës dhe është takuar me Jeton Nebihun, pastaj është takuar edhe mes sekretarin e Federatës së Volejbollit të Kosovës, Valon Nikçin, kryetarin e Federatës së Skive të Kosovës, Hajrush Demajn me bashkëpunëtorë  si dhe Federatën e Atletikës së Kosovës ku është takuar me sekretarin, Bislim Berisha.  Ministri i Kulturës, Rinisë dhe Sportit Lutfi Haziri, nga të gjitha këto takime që pati me përfaqësues të federative sportive është njohur me kushtet e punës dhe mundësitë e organizimit më të mirë të degëve sportive në Kosovës. Ai në mes të tjerash tha se këto ditë pritet që Ligji i sportit të Kosovës ti dorëzohet Kuvendit të Kosovës dhe me këtë ligj do të rregullohen shumë gjëra që kanë të bëjnë me organizimin e sportit, sponsorizimin dhe disa lehtësi që parashihen për ata që do ta ndihmojnë sportin. Sa i përket organizimiet të garave sportive dhe sigurisë në këtë drejtim është duke u punuar dhe do të mirren masa konkrete që në arenat sportive të mënjanohen dukuritë negative që e shëmtojnë sportin.

 Gani KOSUMI

Boksierët e Kosovës në momentin e pikërishën ende nuk janë në gjendje të përballen me sukses të plotë në garat evropiane. Në meçin e parë zyrtar të Euro Ligës që u zhvillua në Qendrën e Rinisë dhe të sporteve në Prishtinë, Galante nga Sllovakia mundi Përfaqësuesen e Kosovës me rezultat 8:6. Takimin e kanë përcjellur një numër shumë i vogël shikuesish, afro 100. Fitore nga boksierët e Kosovës shënuan, Burim Hasani, Alban Bermeta dhe Bujar Sejdiu, kurse boksierët e tjerë pësuan humbje. Në para meçe, Jeton Berisha në peshën +91 kilogramë shënoi fitore, kurse Gjelbrim Isufi dhe Durmi Thaçi, meçet e tyre i përfunduan baras.Qasja jo e mirë ndaj sportit në përgjithësi do të ketë passoja për një prezantim të suksessëhm në garat ndërkombëtare. Në këtë drejtim drejtuesit e sportit në Kosovë, Ministria e sportit dhe donatorë të shumtë duhet ndihmuar zhvillimin e sportit për të pritur rezultate inkurajuese në të aradhmen. Meçet i drejtuan gjyqtarët: Latif Demolli (Kosova), Tibor Gal (Boxing One), Zolyan Oseverka (Boxing One), Jozef Oros (Boxing One), Rrustem Konjuhi (Kosova), Mihal Hrabovskj (Sllovaki).

Parameçet:

Kosova-Galanta (Sllovaki)

60kg. Gjelbrim Isufi–Lukas Forro 1:1

64kg. Durim Thaqi–Orban David 1:1

91kg. Jeton Berisha–Vigash Andrej 2:0. u ndërpre III.

Kosova-Galanta       6:8

57kg. Shkëlqim Muja–Ferdinand Lubosh 0:2

60kg. Liridon Zeqiri–Vano Tomasj 0:2

64kg. Burim Hasani–Renoto Pipo 2:0

69kg. Milot Shabani–Babijak Michal 0:2 u ndërpre II

75kg. Alban Bermeta–Lakatosh Rene 2:0

81kg. Bujar Sejdiu–Ferenc Martinek 2:0

+91kg. Erdit Tafhasaj–Dirnfeld Sandro 0:2 u ndërpre I

G.K

Siç bënë të ditur shërbimi i informimit të Federatësë së Boksit të Kosovës, Përfaqësuesja e Kosovës në boks që nga dita e sotme do ti fillojë përgatitjet për meçin e rradhës të Euro ligës që mbahet në Prishtinë më 1 maj 2010. Kundërshtar është ekipi Galanta nga Sllovakia. Pas përgatitrjeve bazike 10 ditore të  zhvilluara në Brezovicë, që nga dita e sotme përgatitjet teknike të  boksierëve të Kosovës do të zhvillohen në Ferizaj.  Është ky meç i rëndësishëm për boksierët e Kosovës të cilët mëtojnë të dalin kampion në këtëo gara. Pas këtij dueli Përfaqësuesja e Kosovës  do të zhvilloj në duelet e tjera në Debrecen dhe në Budapest që mbahen nga 14-16 maji. Pos Kosovës në garat e kësaj lige janë të përfshira edhe ekipet nga Sllovakia,Hungaria,Poloniae dhe nga Çekia.Përfaqësuesja e Kosovës e drejtuar nga përzgjedhësi, Xhevdet Peci, në përgatitje ka dërguar këta boksierë:

Shkelqim Muja, në kategorinë  57kg,Liridon Zeqiri, 60kg,Burim Hasani, 64 kg, Milot Shabani , 69kg, Burhan Zeneli , 75kg,Bujar Sejdiu, 81kg dhe Kristian Dema, 91kg. Përzgjedhës është,Xhevdet Peci, kurse trajner Shefki Bogujevci. Kristian Dema që bënë gara në kategorinë deri 81 kilogramë është përforcimi I vetëm nga Shqipëria.

G.Kosumi 

Nuri Seferi i dëshpëruar nga Qato

“Tajsoni Shqiptar” është shprehur i dëshpëruar nga Kreshnik Qato, pasi ky i fundit nuk ka pranuar që Seferi të boksoj si parameç në ndeshjen kryesore të tij që zhvillohet më 2 maj në Tiranë

Avdyl SALIHU/Shkup

Nuri Seferi, boksier i mirënjohur profesionist nga Korita e Gostivarit, është shprehur shumë i dëshpëruar nga kampioni i botës në versionin WBF, Kreshnik Qato, pasi ky i fundit nuk ka pranuar që Seferi të boksoj si parameç ne ndeshjen kryesore të tij që zhvillohet më 2 maj në Tiranë, ndaj argjentinasit, Esteban Waldemar Ponce. Këtë lajm “Tajsoni Shqiptar” ekskluzivisht e zbuloi për gazetën e përditshme “Koha e Re” nga Shkupi dhe uebsajtin tonë, albaspox..  “Para 3 javëve më thirri në telefon ish-presidenti i Federatës së boksit Profesionist të Shqipërisë, Hamdi Uka, dhe kërkoi nga unë që të boksoj në parameçin e Kreshnik Qatos. Mirëpo unë i thash se nuk jam në nivel të ulët që të paraqitem në një parameç të tillë, por pasi e njëjta organizohet në Shqipëri do të boksoja me gjithë dëshirë. Kështu, që u morëm vesh që ata të më gjejnë një kundërshtar kualitativ, ndërkohë që në aspektin financiar nuk kërkova asgjë”, deklaroi Seferi, i cili më pas shtoi se Uka duhej pastaj të kontaktonte promotorin e Qatos, Ylli Ndroqi, për ti kumtuar lajmin. “Pas 10 ditëve e kontaktova Hamdi Ukën dhe kërkova informacione ma të hollësishme rreth këtij meçi, mirëpo ai më befasoi, pasi më tha se pas bisedave që ka pasur me Qaton, ky i fundit nuk ka dashur që unë të jem pjesë e këtij spektakli. Kjo të them të drejtën më irritoj shumë, sepse ai është dashur të gëzohej që unë do ta nderoja një meç të tillë. Me siguri Qato ka menduar se do t”ia marr popullaritetin” tha Nuri Seferi. Nga ana tjetër, Hamdi Uka, pa asnjë arsyetim të qartë tha se Seferi nuk do të paraqitet në ringun në Tiranë. “Ballafaqimin mes Kreshnik Qatos dhe Esteban Waldemar Ponce e ka organizuar Qato së bashku me WBF. Kisha një dëshirë që edhe Nuriu Seferi të jetë në parameç, po ja që nuk u realizua”, tha Uka. Ndryshe, sipas informatave që kemi, tani si parameç në ring do të ngjitet kosovari Shpëtim Shala, i cili do të sfidohet nga kroati Josip Jalushiç.

Avdyl SALIHU/SHKUP

Reprezentacioni i Maqedonisë në boks, të martën ka udhëtuar në Ankara të Turqisë ku do të marr pjesë në turnirin prestigjioz “Ahmet Comert”. Në këtë eveniment i cili mbahet çdo vit, ngjyrat e Maqedonisë do ti mbrojnë Primislav Dimovski (+91kg) dhe Fatlum Zhuta (75kg). Ky i fundit para nisjes, ka theksuar se është shumë i përgatitur për këtë aktivitet, mirëpo potencoi se turneu në Turqi do të jetë shumë kualitativ. “Jam përgatit për këtë garë aq sa kam pasur mundësi në klubin amë. Ndjehem mirë, kështu që do të jap maksimumin në ringun në Turqi. Ky aktivitet pritet të jetë shumë i fuqishëm, pasi në të do të marrin pjesë boksierët që do shkojnë në Kampionatin evropian që zhvillohet muajin e ardhshëm në Moskë.

Pra do jetë testi i fundit për ta, ndërkohë që edhe për mua do të jetë një mundësi plus të shoh se ku kam arritur”, pohoi Zhuta. Ndryshe, ai shton se pas përfundimit të kësaj gare, do të filloj menjëherë përgatitjet intensive për Kampionatin evropian. “Shpresoj se reprezentacioni i Maqedonisë do të na mundësoj përgatitje speciale për evropianin, ndërsa besoj se unë kësaj radhe do të kam përkrahje ma të madhe nga afaristët shqiptar. Nëse arrihet kjo, rezultati mendoj se nuk do të mungoj”, deklaroi Fatlum Zhuta. Ndryshe, aktiviteti i fundit i struganit ka qenë turneu ndërkombëtar për nder të ditës së fillimit të bombardimeve në Kosovë, ku Zhuta mposhti boksierin e reprezentacionit të Bosnjës, Kenan Memedoviç. Po në të njëjtin garë ai u shpall si boksieri më luftarak.

Të shtunën (me 3 prill), në palestrën e sportit “Bashkim Selishta” në Gjilan,  prej orës 17.00, organizohet turneu ndërkombëtar “Agim Rashiti” në boks. Turneu mbahet nën patronazhin e kryetarit të Komunës së Gjilanit, Qemajl Mustafa, në bashkëpunim me Federatën e Boksit të Kosovës dhe KBO Drita nga Gjilani. Kryetari i Këshillit Organizativ, Elhami Bajrami, tha se për këtë turne janë të ftuar tre boksierë nga Bosnja e Hercegovina, tre boksierë nga Maqedonia, tre boksierë nga Shqipëria dhe tre boksierë nga çekia. Përzgjedhësi i posa emëruar i kombëtares së Kosovës, Xhevdet Peci,  ka bërë të ditur emrat e boksierëve që do të boksojnë për kombëtaren e Kosovës, këta janë: Fatos Ferizi (54 kg), Kreshnik Kokolarri (54 kg), Liridon Zeqiri (60 kg), Burim Haani (64 kg), Milot Shabani (69 kg), Burhan Sejdiu (81 kg),   Mehmet Asllani (+ 91 kg) dhe te femrat Albulena Gubetini (60 kg) e Fatlumet Ahmeti (60 kg). N ëprogram janë gjithsej 11 meçe. Gjyqtarë kryesor është Rrustem Konjuhi, delegat Elhami Bajrami.

FEDERATA E BOKSIT E KOSOVËS 

G.K

Palestra e Rinisë dhe Sporteve, Prishtinë, Kosovë, 24 Mars 2010

Turneu ishte mjaft kualitativ ku morën pjesë, përfaqësuesja e Shqipërisë e prirë nga përzgjedhësi Zef Gjoni, i cili kishte udhëtuar me ekipin më të mirë të Shqipërisë – me boksierët si Feliks Kruja, Enea Kovaçi, Kristian Dema dhe Nelson Hysa. Ndërkohë ishte Fatlum Zhuta përfaqësuesi i Maqedonisë dhe Afet Hajredini, pastaj përfaqësues të Bosnjë e Hercegovinës – Kenan Memedoviç dhe Esin Memedova. Nga boksierët tanë ishin morën pjesë Bekim Demaku, Xhevat Krasniqi, Ismet Dobratiqi dhe Marigona Beadini. Nga Teksasi i Amerikës kishte udhëtuar enkas, boksieri Enver Halili i cili tregoi boksin më të mirë në këtë mbrëmje.

Konkurrenca e juniorëve:
64 kg – Arian Gashi (Kosovë) – Hajdin Ferati (Maqedoni) – 2:0
Arian Gashi ka treguar cilësi dhe talent të një boksieri me të ardhme të ndritshme në të ardhmen. Gashi ishte dukshëm më i mirë se boksieri nga Shkupi, Hajdin Ferati. Edhe vëllau i Arianit, Gazmendi – është një talent i jashtëzakonshëm dhe premtojnë mjaft shumë në të ardhmen. Të dy boksierët janë shpresa të boksit kosovar.

Konkurrenca e femrave:

60 kg – Marigona Beadini (Kosovë) – Esin Memedova (Bullgari) – RSCO 3
Boksierja më e mirë në Kosovë në konkurrencën femërore, Marigona Beadini edhe një herë tregoi se nuk ka kundërshtare. Ajo mposhti bullgaren, Esin Memedova me ndërprerje. Në dy raundet e para Marigona e dërmoi kundërshtaren. Në raund të tretë ajo nuk kishte më forcë dhe guxim të vazhdoj duelin. Fitore e merituar për Marigona Beadinin. Kampionati botërorë i boksit femërorë për femra është në Shtator të këtij viti dhe është mëkat për boksieren tonë nëse nuk merr pjesë. Ajo ka potencial të kthehet nga botërori me medalje.

Konkurrenca e seniorëve:
54 kg – Feliks Kruja (Shqipëri) – Josif Stoicev (Bullgari) – 2:0
Feliks Kruja pjesëmarrës i shumë evenimenteve botërore, si në kampionatin evropian për junior në Sombor (Vojvodinë) me 2007, pastaj në kampionatin botërorë në Chicago 2007, arriti të mposht bullgarin Stojçev me vendim unanim të gjyqtarëve. Kruja është njëri ndër boksierët më të mirë shqiptar dhe aktualisht kampion i Shqipërisë. Ai premton mjaft në të ardhmen. Fitorja e tij ndaj bullgarit në asnjë moment nuk u vë në dyshim.

60 kg – Bekim Demaku (Kosovë) – Afet Hajredini  (Maqedoni) – 1:1 (Barazim)
Lufta e boksierit nga Kosova, Bekim Demaku dhe boksierit nga Shkupi, Afet Hajredini u përcaktua me një duel të barabartë. Të dy boksierët treguan cilësi, ndërsa rezultati ishte epilog real e kësaj ndeshje.

60 kg – Xhevat Krasniqi (Kosovë) – Said Softiç (Bosnjë e Hercegovinë) – 1:1 (Barazim)
Edhe ky duel u nda me barazim. Ish-boksieri nga Peja, Xhevat Krasniqi, i cili ka kaluar në radhët e K.B. Prishtina nuk tregoi diç më shumë nga boksieri i përfaqësuese së Bosnjës e Hercegovinës. Krasniqi ishte më agresiv gjatë gjithë duelit, mirëpo boksieri Softiç dha më shumë goditje të pastra.

69 kg – Enea Kovaçi (Shqipëri) – Mirnes Xhenadiç (Bosnjë e Hercegovinë) – 2:0
Boksieri nga Tirana, Enea Kovaçi dominoi në luftën kundër boshnjakut, Xhenadiç. Gjatë gjithë kohës Kovaçi kontrolli duelin duke treguar më shumë cilësi. Kovaçi hyri në ring me shumë vrull ku me vetëbesim të plotë kërkonte ta plandoste kundërshtarin. Dueli u mbyll në favor të boksierit shqiptar. Kovaçi pjesëmarrës në kampionatin evropian për junior në Sombor me 2007, pastaj në lojërat mesdhetare vitin e kaluar në Peskara (Itali), është një boksier më një të ardhme të mirë për përfaqësuesen shqiptare.

69 kg – Enver Halili (SHBA) – Naiden Stojanov (Bullgari) – RSCO 2
Boksieri me perspektivë që jeton dhe zhvillon karrierën e boksit në Teksas të Shteteve të Bashkuara të Amerikës, Enver Halili tregoi boksin më të mirë në këtë mbrëmje. Halili i cili ka udhëtuar enkas nga SHBA-të, vetëm që ta marr pjesë në këtë turne, tregoi teknikë, forcë, goditje të pastra dhe një stil ndryshe nga boksi evropian. Edhe pse boksi amerikan në vitet e fundit nuk po jap rezultate, kjo po pëlqehet nga adhuruesit e boksit botërorë. Rasti ishte edhe mbrëmë në Prishtinë ku Halili zgjoi të gjithë publikun në këmbë duke treguar se boksit i duhet atraktiviteti. Ai mposhti bindshëm bullgarin, Stojanov ku e detyroi të dorëzohet në fund të raundit të dytë. Që nga viti 2007 kur për herë të fundit boksoi Naim Terbunja, nuk kemi pasur ndonjë boksier më cilësor. Halili la mbresa të mira për të ardhmen. Ai synon të përfshihet në përfaqësuesen Amerikane. Sipas asaj që tregoi, ai ka potencial.

75 kg – Fatlum Zhuta (Maqedoni) – Kenan Memedovië (Bosnjë e Hercegovinë) – 2:0
Fatlum Zhuta i njohur tash për publikun anembanë shqiptarë, tregoi edhe një herë se është njëri ndër boksierët më të mirë shqiptar në boksin amator. Edhe pse i lodhur nga dueli që e pat në fundjavë në Beograd në turneun “Golden Gloves”, ai tregoi mjaft pjekuri kundër boshnjakut mjaft të papërshtatshëm, Kenan Memedoviç. Zhuta dhe Memdoviç treguan boks cilësor dhe dhanë mjaft shumë goditje, mirëpo Zhuta për një nuancë ishte më i mirë ku grushtet e tij gjetën më shumë cakun. Zhuta në Beograd fitoi medaljen e bronztë duke humbur padrejtësisht nga rusi, Gamzet Gazaliev. Përndryshe Gazaliev është boksier mjaft cilësor i cila ka qenë kampion evropian për kadetë, i treti për junior në botë dhe i dyti momentalisht në kampionatin e Rusisë. Dueli Zhuta dhe Memedoviç u zgjodh dueli më luftarak i mbrëmjes.

81 kg – Ismet Dobratiqi (Kosovë) – Admir Kurtiç (Bosnjë e Hercegovinë) 2:0
Ismet Dobratiqi fitoi kundër Admir Kurtiç me vendim unanim. Dobratiqi i cili më parë ka boksuar në konkurrencën deri  75 kg, ka shtuar peshë dhe është dukur më mirë në kategorinë deri  81 kg. Boksierët boshnjak në këtë turne nuk fituan asnjë medalje.

91 kg – Kristian Dema (Shqipëri) – Julian Jankov (Bullgari) 2:0
Kampioni i Shqipërisë në kategorinë deri 91 kg, Kristian Dema ka fituar duelin kundër bullgarit Julian Jankov. Ai mposhti bindshëm bullgarin duke treguar se është dukshëm më i mirë. Kjo ishte lufta e dytë e Kristian Demës në Kosovë. Ai edhe vitin e kaluar ka marr pjesë në turneun “Pavarsia 2009” duke humbur nga Nasi Hani, mirëpo qysh atëherë ka lënë mbresa të mira dhe tani është përsosur shumë dhe do ta ketë çdo kundërshtar vështirë me të.

Boksieri i kategorisë së super të rënd, Nelson Hysa nuk kishte kundërshtar. Hysa është njëri ndër boksierët më të mirë shqiptar. 25vjeçari synon medaljen në kampionatin evropian që do të mbahet në Qershor në Moskë të Rusisë.

Më të mirët e turneut

Boksieri më i mirë i turneut: Enver Halili

Qifti më luftarak: Fatlum Zhuta dhe Kenan Memedoviç

Tekniku më i mirë: Marigona Beadini

Artan Vërbica

Siç bëjnë të ditur nga shërbimi për informim i Federatës së Boksit të Kosovës sot më 23 mars 2010 në orën 16,00 është mbyllur Konkursi për përzgjedhës të Përfaqësueses së Kosovës në boks. Për këtë post janë paraqitur vetëm dy kandidatë, Xhevdet Peci ish boksier i dalluar i gjendeeratës së artë të Prishtinës dhe Musli Zymberi, aktualisht trajner i Klubit të Boksit Drita të Gjilanit.

Turneu Ndërkombëtar  Tradicional “AGIM RASHITI” Gjilan mbahet më 3 prill

Klubu I boksit ”DRITA” nga Gjilani ka berë të ditës se me 3 prill të këtij viti do të mahet Turneut tradicional Ndërkombetar “Agim Rashiti”.Ky turne organizohet nga Klubi i boksit Drita dhe mbahet nën patronazhin e  kryetarit të  Kuvendin Komunal të Gjilanit ,Qemajl Mustafa dhe ne bashkupunim me Federatënn e Boksit të Kosovës. Të ftuarmë këtë garë janë  shtetet rajonale :Bosna e Hercegovina,Mali i Zi,Maqedonia,Novi Pazari,Shqipëria, Klubi i boksit”Trnovci” dhe boksierët nga Kosova.                                           

   Regjistrohetpran Klubi multietnik i boksit “REAL ROM” nga Graçanica

Në Federatën e Boksit të Kosovës, sot zyrtarisht është regjistruar  dhe licencuar Klubi I boksit multietnik “REAL ROM” nga Graçanica.

Ky klub njëherësh  ka paraqitur dhe shkresen per mbajtjen e njëi Turneu Ndërkombetar te boksit që është paraparë të mbahet në në Graçanicë me 8 prill 2010.Në këtë turne të ftuar janë  boksierët nga  Mali i Zëi,Maqedonia,Srbia,Novi Pazari,Bosna e Hercegovina dhe Kosova..

Në këtë turne pritet të marrin pjesë për herë të parë edhe boksierët nga Serbia në një turne të këtillë të organizuar nën ombrellën e federatës së Boksit të Kosovës. 

Përfaqësuesja e Kosovës përgatitjet do ti zhvillojë në Brezovicë

Federata e Boksit e Kosovës  duke ju falenderuar  Departamentit të Sportit të Kosovës do të mbajë përgatitjet 10 ditëshe të Përfaqësueses së Kosovës  në Brezovciës të vlefshme për meçin e boksit të Ligës Evropiane ku Kosova për kundërshtar do ta ketë Klubin e boksit Galanta nga Sllovakia

Përzgjedhësi ,Mehmet Haxhani , ka bërë të ditur emrat e boksierëve të Përfaqësueses së Kosovës që do të marrin pjesë në përgatitje të përbashkëta në Brezovicë

Këta janë:Fatos Ferizi,Liridon Zeqiri,Shkelqim Muja,Burim Hasani,Milot Shabani,Bujar Sejdiu,Mehmet Asllani,Burhan Zeneli,Edi Kabashi,Nazmi Kurteshi,Kadri Murseli,Jeton Berisha,

Trajner : Mehmet Haxhani,Shefki Bogujevci,Bashkim Kabashi

Pergjegjës; Xhevdet Peci

Si perforcim për meçn kundër sllovakëve janë ftuar edhe dy boksierë nga Shqipëria,Alban Bermeta, në kategorinë 75 kilogram dhe Fatjon Sorra, në atë 91kilogram si dhe  Jeton Plakaj, që aktualisht gjendet në Gjermani do të paraqitet në kategorinë deri në 81 kilogram. Këto informacione na i konfirmoi, Latif Demolli, zëdhënës i Federatës së Boksit të Kosovës.

G.Kosumi

Pejë, 23 Mars 2010 – Jemi në prag të duelit të parë të boksit profesionist, nën organizimin e FboxProfK “Federata Profesioniste e Kosovës”. Kanë mbetur vetëmëedhe pak ditë ku do të shënohet një date historike për boksin e Kosovës. Data 28 Mars, fillon me dy duele të para profesioniste, ku do të boksojnë Shpetim Shala dhe Xhavit Visoka. Ne kaluam një ditë të bukur në qytetin e Pejës, për ta shikuar nga afër formën e boksierit pejan, Shpetim Shala. Ai tashmë është duke stërvitur me ish-boksierin e gjeneratës së artë të K.B. Prishtina, tash trajnerin, Zijadin Rama. Në një ambient të vogël sportiv të improvizuar nga trajneri Zijadin Rama, në shtëpinë e tij,  të cilën e ka sakrifikuar për mbështetje për boksierë të rinj, ndihej një frymë sportive me atmosferë rinore. Në pikëpamjen e parë e ndjeva nostalgjinë e filmave të boksit.  Klubi i përngjante një klubi të filmit “Rocky I” dhe po ashtu në një mur ishte i varur posteri i Rocky-t.

Shpetim Shala i motivuar sikur kurrë më parë, ushtronte pa ja nda duke jep gjithçka nga vetvetja për t`u përgatitur sa më mire për duelin që e pret të dielën në palestrën “Karragaçi” në Pejë. Pas 11-muajve pauze, ai do të ketë rastin të tregohet para publikut vendor se ka një të ardhme të shndritur.

Trajneri Rama, ka përzgjedhur dy boksierët e tij për sparring-partner të Shpetimit. Ata janë Egzon Muqolli dhe Granit Zaqi. Të dy këta janë talente të boksit në vështrimin e parë,  treguan se kanë potencial për të ardhmen.

“Shpetimi është në rrugë të mirë të suksesit. Kemi gjetur një bashkëpunim të ngushtë. E kam pranuar me plotë dëshirë bashkëpunimin, sepse ka zemër të boksierit, vullnet për punë dhe është i dëgjueshëm. Suksesi i tij, nuk do të mungoj” deklaroi trajneri, Zijadin Rama.

“Jam duke stërvitur mirë dhe shpresoj të paraqitem sa më mirë para publikut tim, pejan. Kjo luftë do të jetë e mirëseardhur për mua” theksoi Shpetim Shala.

“Po mundohemi të organizojmë sa më mirë këtë mbrëmje. Publikut pejan edhe atij kosovar do t`ju japim një shfaqje sa më të mirë të dielën. I ftojmë të jenë sa më shumë në palestrën Karragaçi. Dy meçe profesionale dhe gjashtë amatore, do t`a kënaqin publikun” theksoi menaxheri i Shpetimit, Nexhmedin Zeka.

Artan Vërbica