Në  organizim  të Drejtorisë për Kulturë,Rini dhe Sport të Prizrenit, në ambientet e restaurantit luksoz “Alegria”,është organizuar një mbrëmje  e mrekullueshme,ku morën pjesë shumë punëtorë të kulturës,sportit e musafir tjerë,në të cilën u   bë shpallja e  laureatëve  për vitin 2011-të. Për më të merituarit e  sportit,të cilët këtë vit e prezantuan sportin prizrenas me shumë sukses,është përkujdesur komisioni i  përzgjedhur nga Drejtoria përkatëse pranë KK të Prizrenit  në përbërje:Allmir Sahiti-Drejtor i DKRS,Lulzim Ibri – Koordinator për sport pranë DKRS,Mark Palokia – gazetar i RTK-së,Durak Thaçi-zyrtarë i gjendjes civile pranë KK të Prizrenit,Bashkim   Kajdomçaj- Zëdhënës,sekretar i KF”Liria” si dhe gazetar i Radio Dukagjinit,Shkelzen Kryeziu- Gazetar bashkëpunëtor i RK-së dhe portalit sporiv “Albaspox”.

Për të ururar  dhe përshëndetur më të mirët e vitit që e kemi lënë pas, përveç  shumë sportistëve,në këtë ceremoni  mori pjesë   dhe Kryetari  KK të Prizrenit Prof.Dr.Ramadan Muja me bashkëpunëtorë,i cili në fjalën  përshëndetëse ka uruar dhe përgëzuar sporetistët për sukseset e arritura,duke ju dëshiruar që viti 2012 të jetë akoma më i suksesshëm.Laureatë  të sportit Prizrenas për këtë vit u shpallën:

Epiteti i laureatit për 2011-tën i   takoi  Sahit Berishës i cili  pas paraqitjes së  shkëlqyeshme në kampionatin e mbajtur në Tiranë fitoi titullin e nënkampionit botëror në mundje  për veteran, konkurenca 35 – 40 vjeç.

Ndërkaq që në mesin e dhjetë më të mirëve u gjendën edhe:

Gurash Hasani – tenisieri më i mirë kosovarë në vitin 2011-të

    Meldin Gorani  – çiklisti më i mire i vitit  2011-të në Kosovë.

Kreshnik Kokollari – ndër dhjetë boksierët më të mirë kosovarë në vitin që e lame pas.

Armend Xhoxhaj - juniori më i mirë ndër boksierët e rinjë në 2011-ën.

Elinda  Musliu       - basketbollistja më e mire e Bashkimi dhe ndër më të mirat e Kosovës.

Rafet  Mullallari    – futbollisti dhe kapiteni me autoritet në radhët e Lirisë.

Mentor Ajazaj   -  atlet i cili me performansat që disponon për të ardhmen premton shumë.

Kaltrina  Hasani  – hendbollistja më e mire prizrenase.

Harun  Flugaj  – bodibilderi me performansat e larta për të ardhmën.

 Klubi sportiv:

Ne vitin që e lam pas sukseset e këtij klubi janë të pa

justifikueshme prandaj me të drejtë fitoi epitetin e më të merit,bëhet  fjalë për KM”Prizreni”.

Po ashtu me mirënjohje është dekoruar edhe Klubi me aktivitet të veçantë sportive  Klubi I Basketbollit  me karroca “Marsi”.

Trajner i vitit:  Sylejman Shala gjat vitit që e lam pas, është dalluar  për sukseset e arritura me mundës në garat shtetrore,

mbarëkombëtare si  dhe në ato ndërkombëtare.

Gjyqtar më i dalluar  u shpall  gjyqtari i basketbollit – Arbnor Rifati.

Gazetari më i dalluar: Rami Berisha,gazeta “Lajm”.

Punëtori më i dalluar sportiv: Puna e palodhshme për vite me radhë e sidomos  për kontributin e dhënë gjatë këtij viti,  epiteti i punëtorit më të merituar  sportiv i takoi  Drejtorit Finansiar të KF”Liria” Mr.Arben Gashi.

Ngjarja sportive pa dyshim ishte  Auto Gara Rrethore  “ Prizreni 2011”,të cilën ngjarje e përcolli një numër i madh shikuesish.

Shpresat e sportit Prizrenas u shpallën:

    Veli Susuri  – mundës

    Vedat Muriqi – futbollist

    Elona Kolgeci – karateiste

    Edmond  Kryeziu – basketbollist

    Dafina Gashi – hendbolliste

    Sanell Shaqiri – baketbollist

    Qëndrim Gashi  - futbollist

     Jeta Kabashi – pingpongiste

     Miralem Sadiki – pingpongist

Ubeit  Shuki     -  alpinist

  Të gjithë sportistët u shpërblyen me  emirënjohje.

  Shkelzen Kryeziu

Sporti shqiptar
Raiffeisen Superliga

Me rastin e vdekjes së birit, vëllait dhe nipit tonë, Besim Kabashit, kampion botëror në kickbox, duam t’i falënderojmë të gjithë ata që na ndihmuan, na mbështetën dhe na nderuan me praninë e tyre në këto ditë të rënda pikëllimi e dhembjeje.Në radhë të parë duam t’i falënderojmë institucionet tona, posaqërisht Ministrinë e Kulturës, Rinisë dhe Sportit për mbështetjen dhe kujdesin e posaqëm.Falënderojmë autoritetet e Komunës së Istogut për ndihmën e çmuar në këto ditë dhembjeje e zije.Duam të falënderojmë Komitetin Olimpik të Kosovës , Federatën e Kickbox-it të Kosovës, klubet e sporteve luftarake dhe sporteve të tjera gjithandej trojeve shqiptare që na ngushëlluan dhe u përkujdesën vëllazërisht për ne.Duam të falënderojmë gjithashtu edhe mediet tona të shkruara dhe elektronike, në radhë të parë Redaksitë e sportit për hapësirën dhe rëndësinë që i dhanë vdekjes së papritur të birit dhe vëllait tonë të shtrenjtë, Besim Kabashit, duke shpërfaqur meritat e tij në këtë sport luftarak përmes të cilit nderoi mbi 30 herë Kosovën dhe krejt kombin shqiptar në ringjet evropiane e botërore të kickbox-it.Falënderojmë gjithashtu edhe subjektet politike që na mbështetën me letrat dhe telegramet e tyre.Një falenderim të posaqëm për trainerin e Besimit, Mladen Steko, i cili na mbështeti dhe na i lehtësoi dhembjet me fjalët dhe gjestet e tij solidare.Më në fund, duam t’i falënderojmë të gjithë shqiptarët, nga të katër anët e botës, ata njerëz të mirë e atdhetarë që na ngushëlluan me telegramet dhe mesazhet e ngrohta e të dëlira.Falemnderit të gjithëve.Do t’u jemi mirënjohës gjithë jetën!

Për Familjen Kabashi,Januz Latif KABASHI

G.K

Sporti shqiptar
Raiffeisen Superliga

Republika e Kosovës, qytetarët e saj, sportistët, sportdashësit, por edhe të gjithë shqiptarët anekënd botës humbën njërin nga sportistët më të spikatur që kishin. Sepse Besim Kabashi ishte vërtetë i vecantë. Kështu tha sot ndër të tjera, Ministri i Kulturës, Rinsië dhe Sportit, z.Memli Krasniqi, në mbledhjen komemorative për kampionin e botës në Kik-Boks, Besim Kabashin, i cili vdiq ditë më parë në Gjermani. Të pranishëm ishin familjarë, miq të Kabashit dhe shumë sportistë.

Ministri Krasniqi tha se vdekja e Besim Kabashit ishte një tronditje dhe humbje shumë e madhe, por, shtoi ministri, ai la emrin e tij të skalitur në arë në arenën e sportit që e përfaqësonte.  Ai theksoi po ashtu se Besimi nuk ishte thejshtë vetëm një sportist.

“Ai do të kujtohet, përvec për kontributin e tij sportiv, edhe për bashkëpunimin vllazëror që kishte me të gjithë shqiptarët duke vizituar shpesh edhe Kosovën, duke respketuar institucionet, duke ndihmuar në vazhdimësi dhe duke qenë gjithnjë përkrah Federatës së Kik Boksit të Kosovës, duke bashkëpunuar me media dhe duke qenë gjithmonë i hapur për opinionin publik dhe i gatshëm të ndihmojë në cdo drejtim”, tha ministri Krasniqi, teksa ka shtuar se Besim Kabashi do të mbetet për gjithë kohën një shembull i mirë për gjenerata të tëra sportistësh.

Ndërkaq, kryetari i Federatës së Kik-Boksit të Kosovës, z.Fatmir Makolli tha se sportistëve dhe federatës Besimi do t’iu mungojë shumë. Ai ka treguar se si shumë kik-boksierë, dhe federata në terësi, kanë pasur mbeshtetje të vazhdueshme nga Besim Kabashi.

Duke folur në emër të Komunës së Istogut, kryesuesi i Asamblesë Komunale, z.Demë Cetaj, tha se humbja e Besimit është një dhimbje për gjithë shqiptarët anekënd, e vecanërisht për qytetarët e Komunës së Istogut. Ai ka treguar për jetën si fëmijë dhe momentet e ngritjes së Besim Kabashit në karrieren si kik-boksier.

Në emër të familjes Kabashi, Januz Kabashi, vëllai i Besimit, ka falenderuar Ministrinë e Kulturës, Rinisë dhe Sportit, Komitetin Olimpik të Kosovës, gjithë sportistët dhe shqiptarët anekënd, për përkrahjen dhe ndarjen e dhimbjes gjatë këtyre ditëve. Besim Kabashi u lind me 27 Shkurt 1976 në Gurrakoc të Istogut. Deri në moshën 14 vjecare, Besim Kabashi jetoi në Kosovë. Ai iu bashkua babait të tij, i cili prej vitesh punonte në Gjermani, nga viti 1968. Besimi, si ri, 17-vjeçar, filloi të stërvisë në klubin “Klein”, fshehurazi prindërve të tij. Në vitin 1996 kalon tek klubi “Martial Arts Studio” në Augsburg, tek Davut Sidal. Ai pauzoi 5 vjet nga sporti i kik-boksit, mirëpo për asnjë moment në mendjen e tij nuk u largua ky sport i ringut.  Në vitet 2007 e 2008 u bë kampion i Evropës në verzionin WKA, mbi 95 kilogram. Pas këtij suksesi, ai i bashkohet vëllezërve Steko, duke u bërë pjesë e Steko Team, për të qenë pjesë e mbrëmjeve galla të kik-boksit, siç janë ato Steko-s Fight Night. Në vitin 2008, Kabashi mori titullin e Kampionit të botës në versionin ËKA, kategoria deri në 95 kilogram, të cilin titull e mbrojti edhe në vitin 2009. Në maj të vitit 2010, Besim Kabashi u ngrit në peshë duke kaluar në kategorinë mbi 95 kilogram,  dhe përballë Peter Vondraçek rrëmbeu brezin e kampionit të botës edhe në këtë kategori. Nga Sherbimi per Marredhenie me Publikun i MKRS te Kosoves.

G.K

Sporti shqiptar
Raiffeisen Superliga

Me organizim të Komitetit Olimpik të KOsovës dhe Ministrisë për Kulturë,
RIni e Sport, të shtunën në orën 11:00 në Sallën e Kuqe të Pallatit të Sporteve
në Prishtinë do të mbahet një mbledhje komemorative në nderim të Besim
Kabashit.

Ndërkohë, para se të vinte në Kosovë, në Baldur Strasee të Minhenit të
Gjermanisë të mërkurën nga ora 14 deri në orën 17:00 kanë bërë homazhe para
trupit të pajetë të Besim Kabashit, shumë personalitete të larta,shokë, të
afërm, adhurues të Besimit dhe bashkëatdhetarë nga diaspora.

Mes të pranishmëve ka qenë edhe konzulli I Republikës së KOsovës në
Gjermani, shumë sportistë kulmorë dhe bashkëpunëtorë të Besim Kabashit.

Rreth dy mijë persona kanë bërë homazhe për 3 orë, duke shkruar
përshtypjet e tyre në dy librat e zisë të vënë në dispozicion për vizitorët.

MLADEN STEKO – Promotor i Besim Kabashit

“Të gjithë ata që e kanë parë Besimin duke
luftuar në ring, kanë fituar përshtypjen e një luftëtari të vërtetë, të një
njeriu të fortë. Por ne që kemi patur rastin të rrimë më shumë me të, mund të
them se Besimin e kemi njohur si njeri shumë të dashur, të urtë dhe punëtor.
Humbja e tij është shumë e madhe jo vetëm për familjen, por për gjithsecilin
prej nesh dhe mbarë komunitetin e Sportit në botë, pasi ai i kishte kaluar
kufinjtë e të qenit vetëm i Kosovës”.

Kabashi, ndërroi jetë në moshën 35 vjecare në Gjermani, në mesnatën mes
të shtunës dhe të dielës.Ai ishte në kulmin e përgatitjeve për të mbrojtur
titullin e kampionit botëror në kickboks, aktivitet që pritej të mbahej më 16
dhjetor të këtij viti.

Në karrierën e tij ka zhvilluar 36 luftëra, duke i fituar 35 prej tyre.

-

Artan MUHAXHIRI

Sporti shqiptar
Raiffeisen Superliga

Telegram ngushëllimi i Ministrit të Kulturës, Rinisë dhe Sportit të Republikës së Kosovës, z. Memli Krasniqi, për familjen Kabashi, me rastin e vdekjes së familjarit të tyre, Besim Kabashi, kampion bote në kick-boks

 “E nderuara familja Kabashi,

Lajmi për vdekjen e Besimit na ka pikëlluar të gjithëve. Pasioni dhe vullneti i tij për të qenë një sportist kulminant deri në nivelin e  kampionit botëror, duhet t’ Ju bëjë krenarë Juve por dhe të gjithë neve.Lufta e tij për të arritur sukeset më të mëdha në sportin që e deshti është një shembull shumë i mirë për të gjithë ata të rinj e të reja në cilindo sport. Me punën dhe të arriturat e tij në një moshë të re,  ai do të jetë përherë në mendjet tona. Ju lus që të pranoni ngushëllimet e mia më të sinqerta për humbjen e familjarit Tuaj, Besim Kabashit.”Memli Krasniqi, Ministër i Kulturës, Rinisë dhe Sportit

G.K

Sporti shqiptar
Raiffeisen Superliga

Tefik Uragan-Hurricane“ Bajrami do te ngjitet në Ring këtë të  shtunë, më 26 mars 2011. Ai do të zhvilloi meçin e dytë të tij në boksin profesionist. Kundërshtar i tij është serbo-hungarezi Attila Dudas nga Serbia.

Meçi do të mbahet në qytetin Elcah afër Freiburgut në Gjermani. Tefik Bajrami, meçin e parëe e pat fituar në tetor të vitit të shkuar  me nokaut në raundin e dytë. Ish kampioni i botës në tajboksin amator dhe kampioni i Zvicrës në boksin amator është  mjaft mirë i pergatitur në klubin e vëllezërve Bajrami në Zvicër ku është edhe kampioni aktual i botës në Kickbox, vëllai i tij  Xhavit Bajrami.

G.K

Sporti shqiptar
Raiffeisen Superliga

Në Schliren – Cyrich të Zvicrës, në një mbrëmje mirë të organizuara nga vëllëzërit Bajrami, u zhvillua  “K-1 Fight Night Switzerland” në të cilin , i yni,  Xhavit Bajrami fitoi meçin kundër polakut David Trullka, me K.O.në raundin e dytë.

Xhavit  Bajrami fiton me K.O. kundër polakut shumë të fortë David Trulka. Meçi ishte shumë i fortë por Xhaviti prej fillimi godet disa herë këmbën e majtë të kundërshtarit Trulka. Polaku u mundua të jap disa goditje me grushta, dhe ishte përshtypja se ai do të jetë shumë i qëndrueshëm në ring. 

Edhe në raundin  e dytë Xhaviti vazhdoi me goditje të forta dhe të njëpasnjëshme.Në anën tjetër edhe polaku u tregua i fort dhe i qëndrueshëm e herë herë mjaftë agresiv.

Përvoja dhe përgatitjet e mira që i kishte bërë Xhavit Bajrami në Holande ekskluzivisht për këtë meç, bënë që para fundit të rundit të dytë, referi ta përfundon meçin pasi që 3 herë i kishte numruar polakut në ring.

Xhavit Bajrami tash është kampion aktual i Botës në dy verzionet më të mëdha, ISKA dhe WKN.

Albaspox.com

Sporti shqiptar
Raiffeisen Superliga

Në München të Gjermanisë doli në ring kampioni i botës në Taiboks Besim Kabashi për të mbrojtur titullin e tij. Lufta ka qenë dramatike dhe Kabashi ka dal si gjithnjë fitues nga Ringu. Kabashi ka deklasuar kampionin turk Mehmet Özer

Dueli u krye ne rundin e tretë pasi turkut ju numrue në të njejten rund 3 here dhe automatikisht dueli nderpritet në këso rastesh.

Kosovalbaner pas duelit zhvilloi një intervistë neper mes telefoni me Besimin dhe pyetja e vetme ishte , a mund te na e pershkruen duelin e mbrëmshem me turkun   Mehmet Özer?

Besimi:”Meqi ka qen 5 rundësh por u nderpre ne rundin e tret pershkak te nagdaunit te tret ,por ky meq ka qen një ndër më të vështirët në karierën time.Ne rundin e parë kam qenë shumë më i mirë ndersa ne rundin e dytë i kam marr disa te rame shumë të forta me kemb qka më kan sjellur shumë telashe,në rundin e dytë kam qen 2 here ne nagdaun.Kam dhan maksimumin tim dhe kam bërë qemos te mos dorzohem por te luftoj me tan forcën kjo edhe mu shperblye sepse arrita ta rikthej forcën dhe fitova me merit. I falenderoj te gjithë adhuruesit e mij qe kan qen në arenë por edhe ataqe skan mundur te vijn por me perkrahin, kam bërë qmos te mos i zhgenjej.Njeherit pershendes edhe te gjithë vizitoret e webit tuaj nje web shumë interesant për diasporen shqiptare”

Kjo ishte mbrojtja e pare e titullit WKA te botes ne kategorine super te rende mbi 95 kg dhe dueli ndoshta me i madh i viteve te fundit ne Gjermani, duke pasur ketu parasysh edhe duelin Besim Kabashi vs. Li Jixiang.

Ju qka kini qasje ne kanalin DSF kete duel mjaft interesant mund ta shihni më 09.12 nga ora 22:15ndersa te dielen e ardhshme ne emisionin sportiv ne RTK

sh.r

Marrë nga/kosovalbaner.com/

G.K

Sporti shqiptar
Raiffeisen Superliga

Organizuar nga Klubi “Ninxha” Prishtinë, në fillim të muajit dhjetor 2011 në Prishtinë, në sallën e kuqe, pritet të organizohet në spektakël sportiv ku aftësitë e tyre pritet ti demonstrojnë në sportet luftarake : Tae Kwon Do , Hapkido , Aikido , Xhudo XHUI XHICU KARATE dhe  Kick Box.

 Vendi : Salla e Kuqe Pallati i Rinise dhe Sporteve

Organizator : Klubi – Ninxha- Prishtinë

Ora : 16 : 30

Data : 05.12.2010

 Per Here te pare ne Kosovë   organizohet evendti sportiv, Prezantimi i Arteve Luftarake si : Tae Kwon Do , Hapkido , Aikido , Xhudo XHUI XHICU KARATE dhe  Kick Box .

- Ejani ti Shihni Mjeshtrit e vertete te Artit Luftarak  

Sponsorë :Vitaminka – Kosovë

                  Art STUDIO – Prishtinë

                  Studio Venera 2000-Prishtinë

                   Sponzore Medial : RTK

G.Kosumi

Sporti shqiptar
Raiffeisen Superliga

Para të pranishmëve foli edhe kryetari i Komitetit Olimpik të Kosovës, duke i përgëzuar kik-boksierët për suksesin e arritur, sikurse edhe Sali Morina, sekretar permanent në Ministrinë e Kulturës, Rinisë dhe Sporteve.

Tejet i kënaqur e njëkohësisht edhe i emocionuar ishte përzgjedhësi i Kosovës në kik-boks, Lutfi Menxhiqi. Ai tha se kik-boksierët kosovarë, e kanë përfaqësuar Kosovën, në mënyrën më të mirë të mundshme.

Kreu i Federatës së Kik-Boksit të Kosovës Fatmir Makolli, bëri të ditur se në Edinburg, ka pasur takime të shumta me krerët e federatës Botërore dhe evropiane. Ai tha se është biseduar edhe rreth asaj që, Kampionati Ballkanik të organizohet në Kosovë, vitin e ardhshëm.

E.TH.

Sporti shqiptar
Raiffeisen Superliga