» Artet Merciale

DEMONSTRIM I ARTEVE MARCIALE- KOSOVA 2010

admin — Wed, 24 Nov 2010 13:29:55 +0000

Organizuar nga Klubi “Ninxha” Prishtinë, në fillim të muajit dhjetor 2011 në Prishtinë, në sallën e kuqe, pritet të organizohet në spektakël sportiv ku aftësitë e tyre pritet ti demonstrojnë në sportet luftarake : Tae Kwon Do , Hapkido , Aikido , Xhudo XHUI XHICU KARATE dhe Kick Box.

Vendi : Salla e Kuqe Pallati i Rinise dhe Sporteve

Organizator : Klubi – Ninxha- Prishtinë

Ora : 16 : 30

Data : 05.12.2010

Per Here te pare ne Kosovë organizohet evendti sportiv, Prezantimi i Arteve Luftarake si : Tae Kwon Do , Hapkido , Aikido , Xhudo XHUI XHICU KARATE dhe Kick Box .

- Ejani ti Shihni Mjeshtrit e vertete te Artit Luftarak

Sponsorë :Vitaminka – Kosovë

Art STUDIO – Prishtinë

Studio Venera 2000-Prishtinë

Sponzore Medial : RTK

G.Kosumi

Sporti shqiptar
Raiffeisen Superliga

Tekwandoo: Federata e Tekuandos e Kosovës, merr licencën nga MKRS-së

Spox — Thu, 14 Oct 2010 16:45:35 +0000

Federata e Tekuandos e Kosovës, ditë më parë është licencuar në Ministrinë e Kulturës, Rinisë dhe Sporteve. Kjo federatë, e cila është e re në vendin tonë, ka shpalosur para mediave programin e saj në të ardhmen, lidhur me aktivitetet e saja. Kryetari i Federatës së Tekuandos së Kosovës Nuhi Gashi, tregon vështirësitë që kishte dhe ka kjo federatë.

Federata e Tekuandos e Kosovës, është e ftuar të merr pjesë në turneun ndërkombëtar të Tekuandos “Bulgaria Open”, klasa A, që do të mbahet më 23 dhe 24 tetor në Sofje të Bullgarisë. Në këtë turne që mbahet për herë të parë i këtij lloji në Bullgari, pritet të marrin pjesë 14 sportistë kosovarë. Sekretari i Federatës së Tekuandos së Kosovës Durim Berisha, tha se përkundër garimit, në Bullgari do të lobohet edhe për pranim në Federatën Ndërkombëtare të Tekuandos, (ETU). Ai poashtu u bëri thirrje klubeve në Kosovë që të aplikojnë në Federatë.

Federata e Tekuandos e Kosovës, e cila është themeluar në vitin 2009, momentalisht numëron vetëm 9 klube.

E.TH.

Sporti shqiptar
Raiffeisen Superliga

Themelohet Unioni Llapjan i Arteve Marciale, Samet Arifi, kryetar i parë

Spox — Wed, 11 Aug 2010 10:19:14 +0000

Klubet e karatesë, Llapi – Podujevë, Besa – Lluzhan, Fudochi – Orllan, Bardhoshi – Bardhosh dhe Klubi i Kickbox-it Kroni – Podujevë mbajtën kuvendin zgjedhor (themelues) të Unionit Llapjan të Arteve Marciale në tarracën e Caffee Bar Noli në Podujevë. Në listat e delegatëve të këtyre klubeve figuronin nga gjashtë delegatë por prezent ishin 27 të cilët zgjodhën kryetarin, sekretarin, arkëtarin dhe Bordin Drejtues të Unionit.Ideja e këtij unifikimi është e kahershme dhe kishte dalë nga Shihan Enver Cakiqi 7-DAN që jeton dhe vepron në Gjermani por që ishte përkrahur edhe nga klubet e përmendura dhe drejtuesit e tyre. Qëllimi i formimit të Unionit ka dal si pasoj e vështirësive financiare dhe prezantimit ndërkombëtar të këtyre klubeve dhe kështu me një emër të përbashkët të jetë shumë më lehtë që të përzgjidhet ekip i përbashkët cilësor, ndërsa që financimi gjithashtu të jetë më i lehtë kur bëhet fjalë vetëm për një ekip.Rezultatet e arritura vitin e kaluar në Itali dhe këtë vit në Gjermani e kanë dëshmuar idenë e unifikimit kur K.K. Llapi, K.K. Besa, K.K. Bardhoshi dhe KBox Kroni sollën një mori medaljesh dhe titujsh nga arena ndërkombëtare duke u prezantuar si një ekip.Grupi iniciues, Enver Cakiqi,, Gazmend Havolli, Isak Curri e Skender Shala pas bisedave me përfaqësuesit e të gjitha klubeve kishin caktuar datën 9 gusht për mbajtjen e Kuvendit Zgjedhor të Unionit. Kuvendi filloi punën deri në zgjedhjen e kryetarit u udhëhoq nga një grup punues: Prof. Dr. Osman Zhitia (K.K. Besa), Gazmend Havolli (K.K. Llapi) dhe Valon Halimi (K.K. Fudochi). Fillimisht u zgjodhën komisionet, verifikuese dhe votuese, u lexua dhe aprovua Statuti i Unionit e pastaj filluan zgjedhjet ku pas rezultatit të barabartë të numrit të votave për kryetar në mes të Enver Cakiqit (K.K. Llapi) dhe Samet Arifit (KBox Kroni), Enver Cakiqi heq dorë dhe i uron fitoren Samet Arifit shokut të dikurshëm të ish klubit të karatesë Kosovatransi (tani Llapi) dhe tërhiqet me sqarimin se ai kohën e shumtë e kalon në diasporë. Pastaj nënkryetar me shumicë votash u zgjodh Maliq Konushefci (K.K. Besa), Sekretar Gazmend Havolli (K.K. Llapi) dhe Arkëtarë Skender Shala (K.K. Llapi). Pastaj dolën propozimet për anëtarët tjerë të Bordit Drejtues dhe pas votimit Bordi u kompletua me këta emra: Prof. Dr. Osman Zhitia (K.K. Besa), Isak Curri (K.K. Bardhoshi), Sabri Dragusha (K.K. Bardhoshi), Viktor Hoxha (KBox Kroni), Valon Halimi (K.K. Fudochi), John Chesnut (K.K. Fudochi), Ismet Hasani (KBox Kroni), Bashkim Osmani pronar i firmës Dona, Rexhep Zhugolli pronar i firmës ACDC dhe Isak Ejupi Toger Policie. Bordi zgjodhi Enver Cakiqin Drejtor Sportiv dhe përfaqësues për diasporë dhe Shef të Instruktorëve të Unionit.Për të përshëndetur kuvendin kishin ardhur edhe Kryetari i Federatës së Kosovës, z. Nezir Rama, Selektori i Federatës së Karatesë së Kosovës, z. Zeqir Bilalli dhe Selektori i Federatës së Kickbox-it z. Lutfi Menxhiqi. Gjithashtu kishte mysafir tjerë, anëtarë ish K.K. Kosovatransi, dashamirë të sporteve luftarake, përfaqësues të medieve lokale dhe sportistë tjerë si Driton Dibrani kickboxer nga Prishtina dhe të tjerë.Fjalën përfundimtare e dha Kryetari i posazgjdhur Samet Arifi pasi falënderoi delegatët për besimin e dhënë premtoi se me ndihmën e anëtarëve tjerë t Bordit do të bëjë më të mirën e mundshme që ky Union të funksionoi suksesshëm dhe të jetë shembull i punës së sinqertë dhe shembull i sukseseve në arenën ndërkombëtare. Falenderim i veçantë iu bë trajnerit të Kickbox-it Kroni, pronar i Caffee Bar Noli, Viktor Hoxhës për mundësimin e mbajtjes së kuvendit në lokalin e tij. Kryetari në fund tha se në fillim të javës së ardhshme do të thirret mbledhja e parë e Bordit të Unionit dhe të caktohen detyrat e para dhe të fillohen përgatitjet për Kampionatin Botëror të Asociacionit Tradicional të Karatesë (WTKA) që do të mbahet në Itali në tetor të këtij viti dhe komisionet përkatëse të Unionit.

Blerim Uka & G.Kosumi

Sporti shqiptar
Raiffeisen Superliga

Federata e Tekuandosë e Kosovës shpall më të mirët e vitit 2009

Spox — Tue, 22 Dec 2009 16:45:31 +0000

Federata e Tekuandosë e Kosovës, ka bërë sot shpalljen e laureatëve për vitin 2009. Epiteti i më të mirit për këtë vit i takoi Durim Berishës, anëtar i Akademisë së Arteve Marciale të Prishtinës. Trajneri më i mirë edhe këtë vit u shpall Muhamet Safiqi nga Klubi i Tekuandos “Tigër” nga Prishtina, klubi më i suksesshëm nga Federata e Tekuandosë u shpall Klubi i Tekuandos “Prishtina”, kurse klubi më perspektiv i vitit 2009, u shpall KT “Peja”.

Për këtë vit, u shpallën edhe më të mirët në kategoritë tjera. Në konkurrencën e kadetëve u shpall Elion Bërbatovci nga klubi “Besa”, kurse në atë të femrave Delvina Durmishi nga klubi “Tigër”. Në konkurencën e juniorëve, Rilind Kuqi i klubit “Puma” u shpall më i dalluari kurse në atë të femrave Erendita Gërguri nga klubi “Akademia e Arteve Marciale – Prishtina”.

Kryetari i Federatës së Tekuandos së Kosovës Nuhi Gashi, me gjithë problemet që ka pasur kjo federatë gjatë këtij viti, thotë se prioritet i tij në vitin e ardhshëm, do të jetë masovizimi i këtij sporti.

Në fund, nga Federata e Tekuandos e Kosovës, me mirënjohje u nderuan të gjitha klubet dhe sportistët që bëjnë pjesë në këtë federatë. Me mirënjohje për sukseset e arritura në garat ndërkombëtare u nderua klubi i Tekuandos “Besa” dhe klubi “Puma”. Për sukseset e arritura në aktivitetet e FTK-së, u nderuan edhe klubet “AAM Prishtina”, “Tigër” dhe “Drenica”

Emrat e Garuesve Senior(M):

-58kg Enver Gashi

-68kg Mehmet Mehmeti

-74kg Durim Berisha

-80kg Daut Dauti

+87kg Shabi Gori

Emrat e Garuesve Junior (M):

-45kg Rinor Koca

-49kg Blond Berbatovci

-53kg Elion Berbatovci

-55kg Albert Hoxhaj

-59kg Kastriot Sekiraqa

-59kg Rilind Idrizi

-63kg Rilind Kuçi

-73kg Egzon Gërguri

-78kg Burim Abdullahu

+78kg Maxhun Berisha

Emrat e Garuesve Junior (F):

-46kg Arbreshë Binaku

-49kg Albiona Binaku

-55kg Erendita Gërguri

Emrat e Sportistëve te Vitit

Sportisti i Vitit

Durim Berisha (Akademia e Arteve Marciale Prishtina)

Sportist i Vitit 2009 Junior (M)

Rilind Kuçi (Klubi I Taekwondo-se PUMA)

Sportist i Vitit 2009 Junior(F)

Erendita Gërguri (Akademia e Arteve Marciale Prishtina)

Sportist i Vitit 2009 Kadet (M)

Elion Berbatovci K.T. BESA

Sportist i Vitit 2009 Kadet (F)

Delvina Durmishi K.T. TIGËR

Trajneri i Vitit 2009 – Muhamed Saqipi

Klubi më i mirë i vitit 2009- Klubi i Taekwondo-s Prishtina

Klubi më Përspektiv 2009 – Klubi i Taekwondo-s Peja

Mirënjohje per Sukseset e arritura në Garat Ndërkombëtare (për Klubin e Taekwondo-s “BESA” dhe për “PUMA”)

Mirënjohje për Sukseset e arritura në aktivitetet e FTK-s, Klubeve “AAM PRISHTINA”, “TIGËR”, “DRENICA”.

Punëtori Sportiv për mediat Elektronike – Dren Gërguri – Kohavision

Punëtori Sportiv për mediat e Shkruara – Valdet Hasani – Gazeta Express

Gani Kosumi

Sporti shqiptar
Raiffeisen Superliga

Tone shpresëdhënese për futbollin e Kosovës

Spox — Fri, 18 Dec 2009 16:01:26 +0000

Në Shtëpinë e Sporteve në Prishtinë, kryetari i FFK-së z. Fadil Vokrri, bashkë me bashkëpunëtorë e ku ishte i pranishëm edhe përfaqësuesi i Raiffeisen Bank z. Asdren Rrahmani ka mbajtur një takim me përfaqësuesit te mediave. Kryetari i FFK-së, Fadil Vokrri foli për të arriturat gjatë vitit 2009 dhe sipas tij garat e sivjetme kishin një rrjedhë normale dh një gjë të tillë e kanë vlerësuar, mediat dhe opinioni gjerë. por kjo nuk do të thotë që jemi të vetëkënaqur përkundrazi ne bashkërisht do të vazhdojmë të punojmë edhe më shumë sepse gjithmonë ka vend për përmirësime. Ndërkaq, në rrafshin ndërkombëtar kryetari Fadil Vokrri ka vënë në spikamë takimet në selinë e FIFA-s e veçmas ka folur në dritën e shkresë së fundit që FIFA i ka dërguar FFK-së, se për futbollin e Kosovës është biseduar në mbledhjen e KE të FIFA në Kejptaun e në të cilën askush nuk ka shfaqur rezerva dhe pengesa ndaj shqyrtimit të kërkesave të FFK-së dhe një vendim i drejtë do të merret në një të ardhme të afërt. Po ashtu në këtë konferencë shtypi, z. Vokrri ka falënderuar mediat për një bashkëpunim jashtëzakonisht të mirë duke besuar dhe shpresuar se edhe në vitin që vjen do të ketë një bashkëpunim gjithnjë e më të mirë në kuadër të zhvillimit dhe të përparimit të futbollit të Kosovës. Kryetari Vokrri, ka falënderuar edhe sponsorin “Raifeissen Bank” për përkrahje dhe mbështetje të vazhdueshme. Në këtë drejtim përfaqësuesi i “Raiffeisen Bank” z. Asdren Rrahmani, ka konfirmuar se kjo Bankë tashmë ka arritur një bashkëpunim jashtëzakonisht të mirë dyvjeçar dhe kjo do të vazhdojë edhe me tutje, sepse, sipas tij, me punën e vet FFK ka treguar një partneritet shumë të mirë, u tha ndër të tjera në këtë konferencë shtypi.

Fotografitë/ Gani Kosumi

Sporti shqiptar
Raiffeisen Superliga