Shumë qytetarë nga Maqedonia, Presheva e Kosova kanë marrë pjesë në varrimin e Jonuz Jonuzit, njërit nga atletët më të shquar të atletikës mbarëshqiptare. Ai u varros të dielën në varrezat e qytetit me nderime të larta. Ne referatin kushtuar jetës dhe veprës u tha se Jonuz Jonuzi “ishte legjendë e atletikës mbarëshiptare i cili me rezultatet e tij la gjurmë jo vetëm në Kumanovë por edhe në arenën ndërkombëtare”. Lajmi për vdekjen e Junuz Junuzit, në një moshë të re kishte tronditur të gjithë, por fati i jetës nga një sëmundje e rëndë dhe e shkurtër e deshi kështu që të shuhet jeta e një sportist të mirëfilltë. Jonuz Jonuzi u lind më 5 qershor të vitit 1965 në Kumanovë në një familje tipike bujare shqiptare, i cili qysh në moshën 14 vjeçare filloi të merret me atletikë. Shumë shpejt u bë i njohur me rezultatet e tij edhe në arenën ndërkombëtare. Gjatë karrierës së tij shumëvjeçare si anëtar i klubit të Atletikës nga Kumanova, si junior arriti të bëhet kampion i shumëfishtë në disiplina 800, 1500, 3000, 5 000 dhe 8 000 metra.

 Jonuz Jonuzi si student në Fakultetin e Kulturës Fizike në Prishtinë dhe anëtar i klubit “Elektroekonomia” nga Obiliqi, (Kastrioti i sotëm) arriti të bëhet edhe kampion i Kosovës në të gjitha garat. Për më se tetë vite ka qenë reprezentues i ish- Jugosllavisë duke triumfuar në shumë gara dhe duke u bërë fitues i shumëfishtë i “Krosit të Bardhë”, “Krosit të Borbës”, Krosit të “Politikës” në vrapim 8 km. Gjithashtu ka qenë kampion i Jugosllavisë në disiplinën 1500 në Celje të Sllovenisë. Pas fillimit të shpërbërjes së ish Jugosllavisë, Jonuz Jonuzi, duke mos mundur t’i durojë padrejtësitë që bëheshin në sportin shqiptar, transferohet në klubin “Stade de Geneve” në Zvicër duke vazhduar me suksese dhe medalje të shumta. Vlen të përmendet edhe pjesëmarrja në kampionatin e Shqipërisë në vitin 1993 duke zënë vendin e parë dhe njëkohësisht edhe fitues i Kupës së Maratonës në Tiranë. Pas pesë vitesh Jonuz Jonuzi nga Zvicra shpërngulet në Osnabryk të Gjermanisë duke jetuar dhe vepruar deri në çastet e fundit të jetës. ”Me rezultatet, rekordet dhe tiparet e tij ka lënë gjurmë të paharrueshme dhe të papërsëritshme. Jonuz Jonuzi ka qenë dhe do të mbetet idhull për shumë sportistë të rinj. Ndarja nga Jonuzi është një dhembje e thellë dhe e madhe për të gjithë ne, por fati e deshi kështu. Megjithatë përballë dhembjes kemi krenarinë e një njeriu të madh që la gjurmë në sportin e atletikës. Kujtimi për Jonuzin nuk do të zbehet. I qoftë i lehte dheu i kësaj toke dhe qoftë i paharrueshëm kujtimi për të, u tha në referatin memorial kushtuar Jonuz Jonuzit.

 Selajdin Shabani &G.Kosumi

Organizuar nga Federata  Atletike e Kosovës dhe mbështetur nga Klubi i Atletikës Trepça, në stadiumin Olimpik “Adem Jashari” në Mitrovicë, janë mbatjur garat garat për Kupën e Republikës së Kosovës për vitin 2010. Në këtë garë kanë marrë pjesë atletët më të dalluar të Kosovës për të gjitha moshat.

Në konkurrencën e seniorëve për herë të tretë radhazi, fitues të Kupës së Republikës së Kosovës kanë dalë përfaqësuesit e Klubit të atletikës “Rogana” të cilët binmdshëm ishin fitues të këtij trpfeu të çmueshëm me 175 pikë, para Junikut dhe Rugovës që u klasifikuan në pozitat dy e tre.

Seniorët:

1.Klubi i Atletikës “Rogana” 175 pikë

 2.Klubi i Atletikës” Juniku” 95

 3.Klubi i Atletikës “Rugova” 65

E veçanta e kësaj gare është se Klubi i atletikës “Rogana” dominoi edhe në 4 stafeta, të femrave dhe të meshkujve(4x100m dhe 4x400m). Në garat e Kupes është vështirë të arrihet ndonjë rezultat i mirë, por në saje të performances së mirë që kishin atletët e ketij klubi, Musa Hajdari,Armend Latifi,Astrit Kryeziu dhe Suad Kryeziu, arriten që ne garen përmbyllëse të Kupës së Republikës së Kosovës në disiplinën 4x400m  të dalin me rekord të ri me 3′.26″.29 minuta, më parë rekordi në këtë disiplinë ishte 3′.30″ minuta.Ky rezultat është per 2 sekonda më i mirë edhe se stafeta 4x400m e Kampionit të Shqiperisë  të arritur nga anëtarët e Klubit të Atletikës  të Vllaznisë së Shkodrës në Kampionatin Kombëtar të mbajtur ditë më parë përkatësisht më11-12 qershor 2010 në Stadiumin Qemal Stafa në Tiranë. Pos atletëve meritë për këtë suksese ka edhe trajneri i tyre Zijadin Kryeziu i cili prore nuk kursen mund dhe djersë për arritjet më të larta të këtij klubi si në garat vendore ashtu edhe në ato kombëtare dhe ndërkombëtare.

Në konkurrencën e juniorëve dhe të pionierëve, fitues i Kupës së Republikës së Kosovës kanë dalë përfaqësuesit e Llapit të cilët dale ngadalë po e kthejnë naming e atletikës që kishte ky ekip në kohërat e mëhershme.

Kupa e Kosovës për Juniorë

1.LLAPI                    163 pikë

2.TREPÇA               118

3.ENVERNELLE      83 

Kupa e Kosovës për pionierë 

1.LLAPI                    241

2.FUSHË KOSOVA106

3.ROGANA               58

Gani Kosumi

Në Kampionatin e 72-të Kombëtar të Shqipërisë që është mbajtur në stadiumin “Qemal Stafa”, pos atletëve më të mirë të Shqipërisë kanë marrë pjesë edhe atletët nga Kosova. Përfaqësuesi i klubit të atletikës “Rogana”Astrit Kryeziu, u dëshmua edhe në këtë garë duke ngadhënjye në disiplinën 800metra me kohë 1 minutë, 53 sekonda e 85 të qindtat e sekondës që njëherësh është edhe rekord i ri  i Kosovës. Ky rezultat është për 25 të qindtat e sekondës më i mirë se rezultati i arritur ditë më parë në  Rijekë të Kroacisë  me kohë 1 minutë, 54 sekonda e 10  të qindtat e sekondës.

Rezultatet e atletëve të Kosovës të arritura në këtë kampionat:

 Musa Hajdari  dic. 400m vendi i -III- me kohė 51”.42

 Dea Mustafa  dic.400m  vendi i -III- me kohė  1′.08”.09

Astrit Kryeziu dic. 800m vendi i I- rė me kohė 1′.53”.85 (rekord i Kosovės)

Nurije Shala   dic.800m  vendi i -II-tė me kohė 2′.26”.25

Gresa Bakraqi dic.1 500m vendi i -I-rė me kohė 5′.01”.96

Fjolla Mėrgata dic.1 500m vendi i -II-tė me kohė 5′.06”.82

Vedat Termkolli dic 10 000m vendi i I-rė me kohė 38′.00

Lule Veselaj dic. Gjyle vendi i -I-rė 26m. 87 cm

                         Shtizė vendi i -II-tė 9m.02 cm

G.K

Organizuar nga Shoqata e Pedagogëve të Kulturës Fizike të Kosovës dhe mbështerur nga Departamenti i Sportit ë Kosovës, Drejtorati për sport i Prishtinës dhe Federata Atletike e Kosovës, në Prishtinë, në Sheshin Nëna Terezë është mbajtur Vrapimi i filloristëve me moton ‘Të gjithë në Prishtinë 2010”.

Kjo garë është mbajtur në kuadër të 12 Qershorit -Ditës së Prishtinës. Në këtë aktivitet kanë marrë pjesë afro 400 filloristë e filloriste nga Peja, Deçani, Istigu, Skënderaj, Mitrovica, Podujeva, Kamenica, Fushë Kosova, Ferizaj dhe Prishtina. Garat janë zhvillua në katër disiplina për nxënës të klasave të VI-VII dhe të VIII dhe IX për të dy gjinitë. Sukses më të dalluar kanë arritur përfaqësuesit nga Podujeva të cilët kanë fituar 4 vende nderi, prej tyre një të artë, një të argjedntë dhe dy medalje të bronzit.

Plasmani:

Klasët e VI-VII/femrat/ 800 metra:

1.Donika Bujupi/Istog/

2.Ylberina Sadiku/Mitrovicë/

3.Rita Hajdini/Podujevë/

Klasët e VIII-IX/femrat/ 1000 metra:

1.Mirjeta Fazliu /Podujevë/

2.Shkurte Fazliu /Podujevë/

3. Edona Kryeziu /Kamëenicë/

Klasët e VI-VII/meshkujt/ 1000 metra:

1.Sokol Gërvalla /Podujevë/

2.Fidan Podrimaj /Istog/

3.Valentin Sadiku /Mitrovicë/

Klasët e VIII-IX /meshkujt/ 1500 metra:

1.Fuad Kelmendi /Pejë/

2.Vatan Shala /Deçan/

3.Shpëtim Shala /Poduejvë/

Më të dalluarit u nderuan me diploma, medalje dhe dhurata modeste. Dhuratat i ndanë, Ibër Alaj, Drejtor i Departamentit të Sportit të Kosovës, Enver Hajredini, kryetar  i Shoqatës së Pedagogëve të Kulturës Fizike të Kosovës, Fitim Arifi, meagjer i sportit në DSK, Jakup Kasapolli, veteran i sportit të Kosovës. Për organizimin e kësaj gare kontribut të veçantë kanë dhënë edhe Hamdi Halimi, Fatlum Grajçevci, Myrvete Përvetica, Abdurrahman Shkodra, Bislim Berisha, Shefqet Hasani dhe shumë profesorë të kulturës fizike të shkollave të mësimit të ulët të Kosovës.      

 Gani KOSUMI

Agim Agushi, pasi me sukses të plotë sfidoi rekordin botëror në Kullën e panaireve/Messe Turm/ të Frankfurtit duke vu rekordin botëror, goditje të topit me kokë pa ndërprerje për një orë e 37 minuta dhe duke kaluar hiq më pak se 5304 shkallë në ndërtesën 65 katëshe. Në konferencën e sotme për media ku të pranishëm pos Agim Agushit ishin edhe Ibër Alaj, drejtor i Departamentit të sportit të Kosovës dhe Gani Kosumi, redaktor I redaksisë së sportit të Radio Kosovës dhe anëtar i komisionit në këtë sukses të Agushit. –Tashti pasi përballova edhe këtë sfidë, gjithëçka varet se a do të siguroj mjete për të sfiduar edhe një rekord tjetër. Synimi im thotë Agim Agushi është edhe një rekord tjetër  në ndërtesën 120 katëshe në Malajzi. Ky synim, sipas tij, mbetet të konkretizohet brenda këtij vitit. Ai shprehet se është i gatshëm që me sukses të përballojë edhe këtë ndërtesë, porn ë këtë drejtim duhet kërkuar ndihmesë nga sponsorë të ndryshëm sepse për realizimin e këtij synimi nevojiten mjete të shumta materiale. Shpresojmë se njerëzit e vullnetit të mirë do ta mbështesin këtë sportiest i cilë është një ambasador i vërtetë i shtetit më të ri në botë, Republikës së Kosovës.

G.K

Siç bëjnë të ditur drejtuesit e Federatës Atletike të Kosovës, tre atletë të përfaqësueses së Kosovës do të marrin pjesë në  Mitin gun Ndërkombëtar Memorialin “Ylmaz Sazak” i cili do të mbahet të shtunën, më 29 maj 2010 në Stamboll të Turqisë.

Në këtë garë do të paraqiten atletët më të mirë të dalluar të Kosovës: Meriton Hasanaj – senior 1000 metra, Fatmir Mehmeti – senior – 300 metra dhe Gresa Bakrraqi (U-16 në 1500 metra)

Me ta do të udhëtojë edhe Afrim Belegu, trajner i përfaqësueses së Kosovës.

Po me këtë datë, më 29 maj, në Rjekë të Kroacisë mbahet Mitingu Ndërkombëtar për Juniorë. Kosovën në këtë garë do ta përfaqësojë atleti i mirënjohur,Astrit Kryeziu në përcjellje të trajnerit të tij Zijadin Kryeziu. Ky është njëri ndër mitingjet më të njohura të Evropës për juniorë. Bazuar në rezultatet e deritashme mund të pritet një përfaqësim i denjë i atleti Astrit Kryeziu në këtë veprimtari ndërkombëtare.

G.Kosumi

Disiplina 800 metra:

1.Sava Todorov /Bulgari/ 1.54.14

2.Astrit Kryeziu/Kosova/ 1.54.61
( ky është edhe rekord i Kosovës që prej mëvetsimit të sportit kosovar)

3.Pjetër Ndoj /Shqiperi/ 1.55.56

Në përgjithësi kanë dominuar atletët nga Bullgaria.

Astrit Kryeziu, më 29 maj të këtij viti ka një ftesë për në Mitingun Ndërkombëtar të Rjekës, që është njëri ndër mitingjet më të forta në Evropë për juniorë. Pjesëmarrja e tij në këtë garë ende nuk është e sigurtë, sepse sigurimi i mjeteve mtetet edhe më tutje problem parësor për atletët, gjegjësisht sportistët nga Kosova

G.Kosumi

Presidenti i Republikës së Kosovës Fatmir Sejdiu, ndau mirënjohjet dhe kupën fituese, keniasit Nikolas Muindi, i cili edhe vitin e kaluar kishte fituar në gjysmëmaratonën në Prishtinë. Ai, shënoi kohën prej 1 orë, 5 minuta e 31 sekonda, duke lënë pas atletin nga Molldavia Vitali Georgjita dhe ukrainasin Maskim Janishevskin. Rezultatin më të mirë nga atletët vendorë për meshkuj e arriti Vedat Tërmkolli, i cili zuri vendin e pestë. Ndër femra, titullin e mbrojti molldavja Svetllana Shepeleva, e cila arriti kohën më të mirë në cak, 1 orë e 21 minuta. Vendin e dytë e zuri Simona Maksim nga Rumania dhe të tretën Rumiana Panovska nga Bullgaria.

Në këtë gjysmë maratonë, morën pjesë gjithsej 373 garues, të cilët garuan edhe në disiplina tjera. Në kategorinë e veteranëve për meshkuj, vendin e parë e zuri Peter Emtekjer nga Danimarka, kurse për femra, atletja më e mirë kosovare Myrvete Përvetica arriti e para në cak. Në kategorinë e vrapimit 5 mijë metra, vendin e parë për meshkuj e zuri Suad Kryeziu, kurse për femra Gresa Bakrraqi. Edhe këtë vit, u mbajtën garat në kategorinë e personave me aftësi të kufizuara, ku tek meshkujt i pari doli Avdyl Ibishi, ndërsa te femrat Sadije Sadiku.

Gjysmë Maratona “Prishtina 2010”, u mbajt nën patronatin e presidentit të Republikës, Fatmir Sejdiu.

G.Kosumi

Çdo gjë është gati për Gjysmë-Maratonën jubilare, të dhjetën me radhë “Prishtina 2010”. Organizatorët, para mediave bën të ditura të rejat para fillimit të garës, që mbahet të dielen më 9 maj, në ora 10,00. Deri më tani, pjesëmarrjen e kanë konfirmuar 178 garues, mes të cilëve edhe 11 të huaj, që vijnë nga shtetet afrikane dhe nga Rusia, Molldavia e Rumania. Kryetari i Federatës Atletike të Kosovës Halil Sylejmani, Drejtori i Departamentit të Sportit Ibër Alaj dhe Flora Dumoshi, drejtoreshë e Drejtoratit për Sport në Kuvendin Komunal të Prishtinës, thane që janë bërë tashmë të gjitha përgatitjet për garën e së dieles. I pranishëm ishte edhe atleti nga Kenia, fitues i gjysmëmaratonës së vitit të kaluar Nikollas Muindi. Ai tha se është nder që përsëri vjen në Kosovë.

Këshilli organizativ parasheh edhe shpërblime më të mëdha për fituesit, posaçërisht për thyerje të rekordeve të shtigjeve, që do të aplikohet për herë të parë në këtë garë. Fitues i Gjysmë-Maratonës së kaluar tek meshkujt ishte atleti nga Kenia Nikollas Muindi, ndërkaq tek femrat molldavja Svetllana Shepeleva.

Gjysmë-Maratona “Prishtina 2010”, do të mbahet nën patronatin e presidentit të Kosovës, Fatmir Sejdiu.

E.TH.

Në shtëpinë e sportit në Prishtinë është mbajtur konferncë me gazetarë lidhur me përgatitjet që janë duke u bërë për Gjysmë Maratonën e 10-të jubilare ndërkombëtare Prishtina 2010 që do të mbahet në Prishtinë, më  9 maj dhe fillon në orën 10,00. Prezent ishtin zyrtarët e Departamentit të Sportit – (Drejtori i Departamentit të Sportit z.Ibër Alaj, anëtarja e këshillit Organizues znj. Afërdita Fazliu, Koordinatori i garës, z. Fatlum Grajçevci). Nga Federata Atletike të Kosovës – (kryetari i Federatës z.Halil Sylejmani, sekretari z.Bislim Berisha, gjyqtari kryesor z.Agim Jakupi si dhe nga Kuvendit Komunal – (drejtoresha për rini dhe sport znj. Flora Dumoshi.Këtë vit është jubileu i organizimit të kësaj Gjysmëmaratone dhe këshilli organizues i saj është duke bërë përpjekje maksimale që organizimi të bëhet si është më së miri. Pjesëmarrësit e kësaj konference thanë se janë të gatshëm që kjo gjysmë maratonë ndërkombëtare të mbahet si është më së miri. Për këtë janë të mobilizuar të gjithë.

Natyrisht edhe kësaj radhe një ndihmesë të madhe e kanë dhënë, Ministria e Kulturës, Rinisë dhe Sportit e Kosovës-DSK, Drejtorati për sport i Prishtinës, Procredit Bank etj. Gjithë ashtu u konfirmua se Gjysmë Maratona e 10-të Jubilaere Ndërkombëtare Prishtina 2010 do të mbahet nën Patronazhin e Presidentit te Republikës së Kosovës, Fatmri Sajdiut.Pjesëmarrjen në këtë garë e kanë konfirmua atletë nga Kenia, Etiopia, Moldavia, Rumania, Rusia. Ndër ta veçojmë në konkurrencën e femrave Milcah Gathoni Vanjohi me një kohë të shkëlqyeshme 1:07,00, Svetllana Shepeleve nga Moldavia etj. Në konkurrencën e meshkujve është veçojmë përfaqësuesit nga Kenia, Anthony Mukuthi Mbithi me kohë 1:02,00 dhe ai nga Etiopia, Tsegaye Negusse Weldesenbet  me kohë 1,02,00 etj. Sipas drejtuesve të kësaj gjysmë maratone ndërkombëtare, sivjet për garuesit vendor, paraqitja e fundit do të jetë deri më 8 maj 2010 në orën 20,00. Kur edhe do të mbyllet lista për garuesit vendor, kurse për ata të jashtimit do të ketë tolerancë që edhe ditën e fundit të konfirmojnë pjesëmarrjen në këtë garë.     

Fituesit sipas kategorive nga Gjysmë maratonat e organizuara gjerë më tani

Rekordet e shtegut

Gani KOSUMI