Ad feedback |

Sporti shqiptar

 Në  organizim  të Drejtorisë për Kulturë,Rini dhe Sport të Prizrenit, në ambientet e restaurantit luksoz “Alegria”,është organizuar një mbrëmje  e mrekullueshme,ku morën pjesë shumë punëtorë të kulturës,sportit e musafir tjerë,në të cilën u   bë shpallja e  laureatëve  për vitin 2011-të. Për më të merituarit e  sportit,të cilët këtë vit e prezantuan sportin prizrenas me shumë sukses,është përkujdesur komisioni i  përzgjedhur nga Drejtoria përkatëse pranë KK të Prizrenit  në përbërje:Allmir Sahiti-Drejtor i DKRS,Lulzim Ibri – Koordinator për sport pranë DKRS,Mark Palokia – gazetar i RTK-së,Durak Thaçi-zyrtarë i gjendjes civile pranë KK të Prizrenit,Bashkim   Kajdomçaj- Zëdhënës,sekretar i KF”Liria” si dhe gazetar i Radio Dukagjinit,Shkelzen Kryeziu- Gazetar bashkëpunëtor i RK-së dhe portalit sporiv “Albaspox”.

Për të ururar  dhe përshëndetur më të mirët e vitit që e kemi lënë pas, përveç  shumë sportistëve,në këtë ceremoni  mori pjesë   dhe Kryetari  KK të Prizrenit Prof.Dr.Ramadan Muja me bashkëpunëtorë,i cili në fjalën  përshëndetëse ka uruar dhe përgëzuar sporetistët për sukseset e arritura,duke ju dëshiruar që viti 2012 të jetë akoma më i suksesshëm.Laureatë  të sportit Prizrenas për këtë vit u shpallën:

Epiteti i laureatit për 2011-tën i   takoi  Sahit Berishës i cili  pas paraqitjes së  shkëlqyeshme në kampionatin e mbajtur në Tiranë fitoi titullin e nënkampionit botëror në mundje  për veteran, konkurenca 35 – 40 vjeç.

Ndërkaq që në mesin e dhjetë më të mirëve u gjendën edhe:

Gurash Hasani – tenisieri më i mirë kosovarë në vitin 2011-të

    Meldin Gorani  – çiklisti më i mire i vitit  2011-të në Kosovë.

Kreshnik Kokollari – ndër dhjetë boksierët më të mirë kosovarë në vitin që e lame pas.

Armend Xhoxhaj - juniori më i mirë ndër boksierët e rinjë në 2011-ën.

Elinda  Musliu       - basketbollistja më e mire e Bashkimi dhe ndër më të mirat e Kosovës.

Rafet  Mullallari    – futbollisti dhe kapiteni me autoritet në radhët e Lirisë.

Mentor Ajazaj   -  atlet i cili me performansat që disponon për të ardhmen premton shumë.

Kaltrina  Hasani  – hendbollistja më e mire prizrenase.

Harun  Flugaj  – bodibilderi me performansat e larta për të ardhmën.

 Klubi sportiv:

Ne vitin që e lam pas sukseset e këtij klubi janë të pa

justifikueshme prandaj me të drejtë fitoi epitetin e më të merit,bëhet  fjalë për KM”Prizreni”.

Po ashtu me mirënjohje është dekoruar edhe Klubi me aktivitet të veçantë sportive  Klubi I Basketbollit  me karroca “Marsi”.

Trajner i vitit:  Sylejman Shala gjat vitit që e lam pas, është dalluar  për sukseset e arritura me mundës në garat shtetrore,

mbarëkombëtare si  dhe në ato ndërkombëtare.

Gjyqtar më i dalluar  u shpall  gjyqtari i basketbollit – Arbnor Rifati.

Gazetari më i dalluar: Rami Berisha,gazeta “Lajm”.

Punëtori më i dalluar sportiv: Puna e palodhshme për vite me radhë e sidomos  për kontributin e dhënë gjatë këtij viti,  epiteti i punëtorit më të merituar  sportiv i takoi  Drejtorit Finansiar të KF”Liria” Mr.Arben Gashi.

Ngjarja sportive pa dyshim ishte  Auto Gara Rrethore  “ Prizreni 2011”,të cilën ngjarje e përcolli një numër i madh shikuesish.

Shpresat e sportit Prizrenas u shpallën:

    Veli Susuri  – mundës

    Vedat Muriqi – futbollist

    Elona Kolgeci – karateiste

    Edmond  Kryeziu – basketbollist

    Dafina Gashi – hendbolliste

    Sanell Shaqiri – baketbollist

    Qëndrim Gashi  - futbollist

     Jeta Kabashi – pingpongiste

     Miralem Sadiki – pingpongist

Ubeit  Shuki     -  alpinist

  Të gjithë sportistët u shpërblyen me  emirënjohje.

  Shkelzen Kryeziu

Sporti shqiptar

Në kuadër të bashkëpunimit të ndërsjelltë të Federatës Shqiptare të Atletikës dhe Federatës Atletike të Kosovës, Përfaqësuesja e Kosovës në atletikë mori pjesë në  Kampionatin Kombëtar Dimëror që u zhvillua në Stadiumin Qemal Stafa në Tiranë.  Në këtë aktivitet morën pjesë mbi 100 atletë dhe atlete nga 9 klube të Shqipërisë: Vllaznia, Tirana, Skënderbeu, Teuta, Dinamo, Partizani, Mjeshtgria Sportive Durrës, Besëlidhja, Dinamo 2010 dhe 8 anëtarë të Përfaqësueses së Kosovës të cilët garat i zhvilluan në 18 disiplina sportive. Përfaqësuesit e Kosovës siç është pritur patën përfaqësim të denjë. Meriton Hasanaj në 3000 metra dhe Astrit Kryeziu në 1500 metra dolën të parët, kurse  Gresa Bakraçi në disiplinën 1500 metra dhe Musa Hajdari në 800 metra zunë vendet e dyta. Dy atletët e tjerë, Suad Kryeziu ishte i treti në 1500 metra, kurse Qendrim Ajazaj po ashtu ishte i treti në tre hapësh. Këtë aktivitet e përcolli edhe kryetari i Federatës së Atletikës së Kosovës, Halil Sylejmani.

Ky aktivitet ishte njëherësh edhe garë për përzgjedhjen e aatletëve më të mirë shqiptarë për Kampionatin Ballkanik të mbyllur në sallë qëmbahet në Stamboll të Turqisë më 18 shkurt 2012. Siç mesuam nga drejtuesit e Federatës Shqiptare të Atletikës, 35 veta do të marrin pjesë në këtë garë në Turqi, kuptohet me stafin drejtues, trajnerë dhe atletë. Fatkeqësisht atletët e Kosovës nuk do të jenë pjesë e këtij aktiviteti, por shpresohet se shumë shpejtë Federata Atletike Kosoves si edhe shumë federata të tjera do të pranohen në asociacionet ndërkombëtare dhe ata të bëjën garat me moshatarët e tyre.

Rezultate e atletëve të Kosovës në Tiranë:

Përzgjedhës i Përfaqësueses së Kosovës ishte Zijadin Kryeziu.

Pas garës, Zijadin Kryeziu, na tha: -Jam i kënaqur me rezultatet e shënuara. Kemi bërë përgatitje të mira në Ulqin dhe pres që forma e atletëve të Kosovës të ngritet dhe të shënojmë rezultate edhe më të mira në të ardhmen. Atletët tanë janë në një formë të diskriminuar sepse atyre nuk po u lejohet të marrin pjesë në garat zyrtare ndërkobmëtare. Kam shpresë se edhe kjo çështje sa më shpejtë të zgjidhet dhe Federata Atletike e Kosovës të pranohet në Federatën Botërore të Atletikës dhe ne të jemi pjesë e Evropës dhe botës me aktivitete sportive dhe me rezultate inkurajuese përfundoi Zijadin Kryeziu.

Në këtë garë mori pjesë edhe atleti i mirënjohur veteran i atletikës së Kosovës i cili bëri gara në 60 metra, por konkurrenca në këtë disiplinë ishte shumë e madhe dhe ai pati plasman solid.

Vlenë të përmenden katër rezultatet më të mira të kësaj gare të atletëve tanë,  gjithnjë duke u bazuar në tabelën e poentimit sipas Federatës Ndërkombëtare të Atletikës (IAAF).

1. 1.    Musa Hajdari  913 pikë
2. 2.    Astrit Kryeziu  856 pikë
3. 3.    Gresa Bakraqi  826 pikë
4. 4.    Meriton Hasanaj  822 pikë

Gani KOSUMI

Sporti shqiptar

Organizuar nga Komuna e Ulqinit dhe strukturat udhëheqëse të sportit në këtë komnë është mbajtur Vrapimi  tradicional  kushtuar Ditës së ULQINIT. Në këtë garë kanë marrë pjesë përfaqësues nga  Shqipëria, Bosnja e Hercegovina, Serbia , Maqedonia,Hungaria, Kosova dhe mikpritësi Mali Zi.

Në disiplinën kryesore në 3000metra për seniorë, vendi i parë dhe medalja e artë i ka takuar përfaqësuesit nga Kosova, Meriton Hasanaj duke i lënë prapa dy atletët  nga Serbia.

Seniorë disiplina 3000m ( Meshkujt)

1.Meriton Hasanaj /Kosovë/ me kohë 8,50 minuta

2.Muamer Hasanoviq /Serbi/                   9,02

3.Jasmin Lajiç /Serbi/                                9,08

Senior disiplina 3000 m (Femrat)

1. Amela Terziq /Serbi/ me kohë              9,55 minuta

2. Teodora Simoneviç /Serbi/                   10,35

3 .Gresa Bakraçi /Kosovë/                    11,20

Në Konkurrencën e pionierëve Ron Krasniqi tregoj një paraqitje të mire në vrapimin e Ulqinit.

Pionierët 1500 metra 

1. Ron Krasniqi /Kosovë/                      4,50 minuta

Atletët tanë pasi që i kanë përfunduar përgatitjet 15 ditore në Ulqin në fund ky vrapim ka qenë edhe si test kontrollues për të vlerësuar se sa kanë përfituar atletët nga këto përgatitje dimërore .

G.K

Sporti shqiptar

Federata atletike e Kosoves është duke i kryer përgatitjet dimërore në Ulqin  me anëtarët e përfaqësueses së  Kosoves. Që nga data 25 dhjetor 2011, 12 atletë dhe 4 trajnerë të Përfaqësueses së Kosovës do të qendrojnë në Ulqin ku kushtet klimatike janë mjaft të volitshme për përgatittje për atletët tanë. Përgatitjet do të zgjasin deri më 10 janar 2012 dhe janë përkrahur financiarisht nga Ministria per Kulture Rini dhe Sport  e Kosoves.

Lista e Atleteve që janë duke u përgatit në kampin stërvitor dimërore 2011/12

Lista e trajnerëve në përgatitje dimërore 2011/12

G.Kosumi

Sporti shqiptar

Organizuar nga Federata Atletike e Kosovës, në Sallën e Kuqe të Qendrës së Rinisë dhe të Sportit në Prishtinë u bë shpallja e  laureatëve të sportit të atletikës. Atletët kosovarë gjatë këtij viti morën pjesë në shumë gara të ndryshme të atletikës të cilat u mbajtën brenda dhe jashtë vendit.Pjesëmarrja në garat ndërkombëtare dhe sukseset e treguara ishin të arriturat e mëdha gjatë këtij viti.  Risitë e vitit 2011 në rrafshin kombëtar me ndarjen e kategorive e rifreskuan zhvillimin e garave dhe shtuan numrin e garuesve pjesëmarrës në gara në krahasim me vitin e kaluar. Fillimisht mysafirët e shumtë, sportiste të dalluar, punëtorët e sportit dhe mysafirë të tjerë i përshëndeti kryetari i Federatës Atletike të Kosovës z.Halil Sylejmani. Ai në mes të tjerash tha se Komisioni për zgjedhjen e atletëve më të dalluar, i cili punoj në bazë të kritereve të Federatës Atletike të Kosovës kishte mjaft punë për të arritur deri te rezultatet përfundimtare. Në bazë të këtyre kritereve, epiteti i atletëve të vitit u takoi, Astrit Kryeziut nga Klubi Rogana dhe Gresa Bakraçi nga KlubiBesa e Pejës janë shpallur më të dalluarit për vitin 2011.Për zgjedhjen e laureatëve të vitit 2011 është kujdesur komisioni i cili bëri një punë të madhe duke renditur atletët në bazë të pikëzimit të IAAF-së dhe plasmanit të atletëve në gara.

Komisioni ishte në këtë përbërje:

Për kontributin e dhënë me mirënjohje u nderua edhe Departamenti i Sportit. Me mirënjohje të veçantë u nderua puna 20 vjeçare e z,Halil Sylejmanit. Me mirënjophje janë nderuar edhe medliat të cilat kanë dhënë një kontribut të çmueshëm në informim të opoinionit ë gjerë.

Senioret

Seniorët

Junioret

Juniorët

Junioret e reja

Juniorët e rinjë

Pioneret

Pionierët

Pionieret e reja

Pionierët e rinj

Gjyqtari i vitit – Hysni Hoti

Punëtori Sportiv i vitit – Abdurrahman Shkodra

Trajneri i Klubit – Mustafë Rrustemi

Trajneri i vitit – Zijadin Kryeziu

Renditja e klubeve më të mira të vitit

G.K

Sporti shqiptar

Atletët e Kosovës, denjësisht janë paraqitur në garën në Vrapimin Tradicional të natës që është mbajtur në Shkup të Maqedosnë për nder të Çlirimin e Shkupit. Në një konkurrencë të fortë, dy atletët nga Peja, Gresaq Bakraçi dhe Meriton Hasanaj kanë fituar medalje të arta, kurse Ron Krasniqi për pionierë ka fituar medaljen e argjendtë

Medaljet e arta:

Seniorët:

GresaBakraçi,  në  2600 metra me kohë 8 minuta e 46 sekonda

Meriton Hasanaj, në  5200 metra me kohë 14 minuta e 52 sekonda

Pionierët:

Medalja e argjendtë: 

RonKrasniqi, në 1300 metra me kohë 3 minuta e 32 sekonda.

G.K

Sporti shqiptar

I njohur si atleti i shkolluar i viteve ’60-‘70, Kamber Ejupi (foto 1) ka qenë ndër sportistet më të suksesshëm të asaj kohe në atletikën kosovare.

Dashamirët e sportit vendor të viteve ’60 -‘70 e kanë të pa harruar emrin e atletit të suksesshëm kosovar të asaj kohe, Kamber Ejupi.

Kamber Ejupi ka qenë ndër sportistët e paktë në atë kohë në Kosovë që edhe praktikisht edhe teoretikisht ka qenë i përgatitur për profesionin e tij.

Praktikisht me fizikusin e tij që nuk gabojmë nëse e përmbledhim me fjalinë “trup atleti”,  ndërsa teoretikisht sepse Kamberi kishte mbaruar me sukses studimet në Fakultetin e Kulturës fizike të Sarajevës në vitin 1977.

 Një kohë të gjatë Kamberi ka punuar si Profesor i lëndës Edukata fizike, ndërsa aktivitetin prej sportisti të devotshëm nuk e ndali asnjëherë. Në vitin 1981 Kamber Ejupi zgjedhet Sekretar i Lidhjës Atletike të Kosovës ku punoj deri në vitin 1992 kur u largua nga masat e dhunshme të asaj kohe.

Kamber Ejupi ka qenë ndër garuesit e suksesshem të Kosovës në disiplina të ndryshme të vrapimit, por kryesisht në ato 100 metra, 200 metra, 400 metra dhe  400 metra me pengesa. Pikërisht në këto displina Kamberi ka shënuar rezultatet e veta më të mira. Në garat ndërkombëtare në vitin 1968 në Zagreb, Kamber Ejupi kishte zënë vendin e katërtë në disiplinën vrapim 400 metra me pengesa. Një vit më vonë, pra 1969, po ashtu në gara ndërkombëtare në qytetin Wolgograd të Rusisë, Kamber Ejupi zuri vendin e parë në disiplinën 200 m. me pengesa.

Në një takim rasti që patëm këto ditë me Kamberin, në shtepinë e tij në Prishtinë, ai me fotografi e fjalë evokon kujtime nga e kaluara e tij te pasur sportive. Në mesin e fotografive të shumta që tregojnë dhe portretizojnë karrieren e begatshme sportive të tij, na ra të shohim edhe një fotografi të bërë në vitin 1971 në Orllan, buzë Liqenit të Batllavës. Kamber Ejupi , atëhere në cilësinë e mësuesit të notit, (shihet në fotografinë e dytë në muri)  me një grup të rinjësh nga këto anë. Në mesin e njomakëve të moshave 9-12 vjeçare shihej edhe Komandanti legjendar i Ushtrisë Çlirimtare të Kosovës, Zahir Pajaziti.

Po ashtu, Kamberi rrëfen se si në vitin e largët 1980 në Elbasan të Shqipërisë kishte përfaqesuar si kapiten, Reprezentacionin e Kosovës në garat e atletikës përballë Reprezentacionit të Shqipërisë. Këtë e dokumenton edhe me fotografi nga kjo ngjarje të cilat me krenari i ruan në korniza dhe të vendosura në muri (foto 3).

Aktualisht jeta e Kamber Ejupit është në vijën Wisbaden (Gjermani) – Prishtinë (Kosovë) .

Gjatë kësaj vere Kamberi ka qëndruar në Prishtine dhe përgjithësisht në Kosovë dhe ka pasur rast që më për së afërmi të përcjell jetën sportive këtu, për të cilen thotë:

Kamber Ejupi: “Në Kosovë degët e ndryshme sportive do të zhvilloheshin me shumë dhe do të arriheshin rezultate shumë më të mëdha sikur ato të drejtoheshin nga njerzit profesionistë të fushave. Është fatkeqësi te ne, jo vetëm në sport, por edhe në degë e veprimtari të caktuara, që ato nuk drejtohen nga njerzit që janë njohës të asaj dege apo veprimtare. Për këtë arsye mungojnë edhe rezultatet. Zhvillimi i degëve sportive në Kosovë është duke marrë shumë kohë, nuk e di a kemi kohë që të humbim kështu ? Ne edhe ashtu kemi qenë të shtypur nga ish regjimi dhe kemi zhvilluar sportin vetëm sa për të mbijetuar. Tashmë ajo kohë ka kaluar. Sporti është një nga shtyllat e shtetësisë së një vendi. Duhet shumë punë, por duhet edhe shumë më shumë profesionalizëm. Nuk mjafton vetëm entuziami dhe dëshira.

Më tutje , Kamberi vazhdoi :” Sporti është shëndet. Qysh në kohërat e lashta, egjiptiane, greke e romake, sporti bashkë me medicinën e matemetikën kanë qenë fusha me prioritet. Kështu është edhe sot në vende të zhvilluara. Kështu do të duhej të ishte çdo herë, por kjo varet nga kultura dhe udhëheqjet e shteteve. Vendi ynë ofron shumë pak hapësirë për sportistë. Mungojnë terenet sportive, palestrat, pishinat.” ka thënë Ejupi.

Ndërsa në pyetjen tonë për një krahasim të rezultateve të shënuara në degë të ndryshme të atletikës në kohën kur ai ka qenë aktiv dhe rezultateve që shënohen sot, Kamber Ejupi tha: ”Nëse bëjmë një krahasim të rezultateve të këtyre dy periudhave pikërisht këtu shohim realitetin e dhembshëm kosovar që fatkeqësisht është i tillë. Nëse i kujtojmë atletët e atyre kohrave si bie fjala Adnan Demalia, Naim Malazezi e shumë të tjerë, ata kanë shënuar rezultatet të jashtëzakonshme. Edhepse po flasim për një periudhë shumë më të hershme, e di mirë se atëherë është punuar me mjaft profesionalizëm, si në aspektin fizik ashtu edhe teknik e taktik. Unë me kënqësi do të isha në shërbim të gjithë atyre që kanë nevojë për këshillime profesionale, për trajnime të trajnerëve etj. Jo vetem atletet, por edhe trajnerët sportiv duhet që për çdo vit të freskohen me njohuri të reja , të mësojnë metodologji të reja të punës”.

Talenti për aktivitete sportive dhe puna e palodhshme janë pjesë e familjes Ejupi. Përpos Kamberit që është marr me atletikë, nga familja e tij janë edhe dy vajzat, që kanë zhvilluar me sukses të madh aktivitete në degë  të ndryshme sportive. E para, është Pranvera Ejupi që ka qenë e jashtëzakonshme në hudhjen e shtizës. Ajo për shumë vite ka qenë Kampion Kosove, si dhe kampione republikane në ish shtetin e atehershëm. Ndërsa, Shkurta Ejupi në moshën prej 14-19 vjet ka shkëlqyer në garat e tenisit. Pikërisht suksesi i madh në fushën e tenisit i ka mundësuar që të jetë fituese e bursës së plotë dhe  të fitoj të drejtën e studimit në Universitetin e Atlantës në të cilin me sukses ka mbaruar studimet e larta të menaxhmentit dhe marketingut.

Nga kjo del se familja e Kamber dhe Xhumnie Ejupit kanë qenë gjithmon vatër talentësh që me punë, dëshirë e përkushtim janë shëndrruar në profesionist të degëve të ndryshme sportive.

Në fund të kësaj bisede, për ekipin albaspox.com, Kamber Ejupi dhuroi një libër të tij të titulluar “Shëndeti” , në të cilen bashkëautor ka gruan e vet Xhumnie Lila – Ejupi.

Fjalia kryesore në këtë libër të autorëve Kamber Ejupi e Xhumnie Lila – Ejupi që i dedikohet shëndetit është:  “Është aq i shtrenjët sa qe nuk ka me u ble” !

albaspox.com

Sporti shqiptar

Federata Atletike e Kosovës në bashkëpunim me Drejtoratin espotitë të Komunës së Podujevës dhe KA Llapi”organizuangarën e Gjysme Maratona e Podujevës 2011

Kjo maratonë tanimë tradicionale që është edhe maratona e par në Kosovë që organizohet pas pavarësimit të sportit Kosovar.

Rezultatet sipas kategorive:

Mosha 6 – 8 vjeç

Meshkujt

1. Adnan Rama
2. Eron Azemi
3. Jon Shala

Femrat

1. Ejona Shala

Mosha 8 – 10

Meshkujt

1. Bujar Shala
2. Alban Ajazi
3. Mujë Berisha

Femrat

1. Miranda Sheholli
2. Fllanza Salihu
3. Elmedina Cakiqi

Mosha 10 – 12

Meshkujt

1. Liridon Shala
2. Alfred Surkishi
3. Meriton Hetemi

Femrat

1. Arizona Qosa
2. Doruntina Hoxha
3. Edita Hoxha

Pionier 3.000m

Meshkujt

1. Valentin Sadiku – Trepça
2. Florent Selmani – Llapi
3. Behar Bajrami – Trepça

Femrat

1. Rita Hajdini – Llapi
2. Fjolla Cakiqi – Llapi
3. Donika Bujupaj – Llapi

Juniorët 6.000m

Meshkujt

1. Ron Krasniqi – Besa
2. Florian Begaj – Malishevë
3. Arbër Selmani – Llapi

Femrat

1. Brikenda Bakrraqi – Besa
2. Arbenita Oraca – Llapi
3. Antigona Shala – Llapi

Veteran 21 km

Meshkuj

1. Zymer Alaj – Junik
2. Kemajl Biqkaj – Prishtinë
3. Ismajl Krasniqi – Prishtinë

Senior 21 km

Meshkujt

1. 1.    Meriton Hasanaj – Besa
2. Skender Selamni – Gjilan
3. Lumbardh Shala – Llapi

Femrat

1. 1.    Grasa Bakrraqi – Besa
2. Myrvete Përvetica – Prishtinë
3. Ganimete Ceroviku – Trepça G

G.K

Sporti shqiptar

Federata Atletike e Kosovës në bashkëpunim me Drejtoratin e Sportit të Komunës së Podujevës dhe KA “Llapi” organizojnë garën e Gjysme Maratona e Podujevës 2011. Për mbajtjen e kësaj Gjysme Maratone sipas organizatoreve gjithçka është gati dhe pritet një pjesëmarrje e madhe nga atletët e të gjitha klubeve të Kosovës dhe qytetar të të gjithave trevave pot në veçanti qytetarë të Podujevës.

Emri i garës:	Gjysme Maratona e Podujevës
Organizator:	Federata Atletike e Kosovës, Klubi atletik “Llapi”
Data:	02.10.2011
Ora:	10:00
Vendi:	Podujevë – Në Qendër të qytetit

Orari dhe programi i garave

Seniorët dhe veteranët Gjysme Maratonë

Juniorët -6 Km

Junioret – 6 km

   Pionierët  – 3 Km

  Pionieret- 3 Km

G.K

Sporti shqiptar