S,do mend se gjatë kësaj perudhe kohore ky potal sportiv ka dhënë kontribut të çmueshëm për të pasqyruar vlerat e sportit të Kosovës në veçanti, por edhe të sportit në rajon në Shqipëri dhe në Maqedoni, por edhe atij ndërkombëtar

Sporti shqiptar
Raiffeisen Superliga

 Basel- Presidenti i FC Prishtina, Remzi Ejupi ka shfrytëzuar ndeshjen e së tetës së finales në Ligën e Kampionëve mes Baselit dhe Bajernit të Mynihut për t’u takuar me zyrtarë të lartë të klubit zvicran dhe mysafirë tjerë që ishin të pranishëm.Në stadiumin St. Jakobs të Baselit, Ejupi ka marrë përkrahjen edhe të Ragip Xhakës, babait të Taulant e Granit Xhakës, për të siguruar një bashkëpunim më të afërt me klubin helvetik.Edhe pse në të kaluarën disa herë trajnerët e FC Basel kanë qëndruar në Prishtinë, këtë herë Ejupi mendon se transferimi i Shaqirit në Bajern të Mynihut dhe transferimi i ardhshëm  i Granit Xhakës në një skuadër të madhe evropiane, më së shumti ndihmojnë futbollin kosovar.

“Përfaqësimi që po na bëjnë djemtë tanë, na hap dyert te skuadrat e mëdha evropiane, të cilat do të kthejjnë kokën kah futbolli kosovar, sepse në rastin e Shaqirit dhe vëllezërve Xhaka po dëshmohet se nga Kosova dalin talent të jashtëzakonshëm” – ka thënë Ejupi në transmetimin e drejtpërdrejtë nga Baseli, në intervistën dhënë RTK-së.Tashmë FC Prishtina me angazhimin e strategut gjerman Volfgang Jerat, ka bërë një tjetër hap strategjik për të shpresuar në një të ardhme më të mirë të futbollistëve dhe klubeve tona.

Artan MUHAXHIRI

Sporti shqiptar
Raiffeisen Superliga

Ministri i Kulturës, Rinisë dhe Sportit, z.Memli Krasniqi, ka pritur

sot në një takim futbollistin e talentuar kosovar, i cili është pjesë

e përfaqësueses së Zvicrës, Granit Xhaka. Futbollisti Xhaka ishte i

shoqëruar edhe nga vëllai i tij, Taulanti, që po ashtu është një

futbollist me perspektivë në Zvicër, si dhe nga familjarë të tij. Duke e përgëzuar për suksesin e arritur deri tash, ministri Krasniqi tha se paraqitjet e Granitit dhe futbollistëve tjerë kosovarë që luajnë për Zvicrën dhe klubet zvicerane, kanë bërë gjithë popullin e Kosovës të ndjehet krenarë. Ai tha se këta futbollistë kanë dëshmuar para botës dhe Zvicrës imazhin e vërtetë të popullit të Kosovës, si dhe talentin dhe cilësitë që kanë të rinjtë kosovarë në futboll. Graniti dhe futbollistët tjerë të rinj janë shumë të suksesshëm në skuadrat ndërkombëtare, tha ministri Krasniqi, duke shtuar se ata janë një inspirim për të gjithë të rinjtë tjerë në Kosovë për të punuar shumë dhe për të arritur suksese të larta. Ai kërkoi nga Graniti dhe futbollistët e tjerë që të ushtrojnë ndikimin e tyre për afirmimin e talenteve nga Kosova në futboll, por edhe në sportet tjera. Gjatë bisedës, ministri ka informuar mysafirët me disa nga të arriturat në fushën e sportit, si dhe projektet që pritet të realizohen në të ardhmen.

Nga ana e tij, Granit Xhaka, duke falënderuar ministrin për

mikpritjen, theksoi se do të angazhohet që të afirmojë talentet nga

Kosova si dhe të japë kontributin e tij në sensibilizimin e opinionit

botëror për rëndësinë dhe cilësitë që ka Kosova në sport. Granit Xhaka aktualisht luan për ekipin e Baselit, që është i pari në listë në ligën superiore të futbollit zviceran. Nga Zyra per Marredhenie me Publikun e MKRS te Kosoves.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

G.K

Sporti shqiptar
Raiffeisen Superliga

Podvorica thotë se detyra e rëndësishme nga klubi gjerman iu besua falë sjelljeve të mira dhe sukseseve që ka pasur me Potsdamin. Postin e menaxheres ajo e vlerëson si dhuratë.

Podvorica për Potsdamin ka luajtur nga viti 1995 deri në vitin 2000 dhe nga viti 2006 deri në vitin 2009. Karrierë ka bërë edhe te Wolfsburgu. Ajo ka fituar tri kupa të Gjermanisë, dy tituj të këtij vendi dhe një Kupë të UEFA-s për futbolliste.

“Në Gjermani jam e huaj. Puna e drejtë dhe e mirë si në futboll ashtu edhe jashtë tij është vërejtur nga drejtuesit e Potsdamit. Duhet të ketë besim të madh për të marrë një post të tillë. Ka edhe lojtare të tjera që kanë pasur karrierë të suksesshme, por nuk u është ofruar ndonjë post menaxhues”, ka shtuar Podvorica, që ka lindur në Podujevë.

Afërdita Podvorica është futbollistja e parë kosovare që ka bërë emër në futbollin evropian. Potsdami vlerësohet ndër ekipet më të suksesshme në Gjermani. Vetë Podvorica, ligën e Gjermanisë për futbolliste e vlerëson më të fortën në botë. Marre nga koha.net

G.K

Sporti shqiptar
Raiffeisen Superliga

Sot në Shtëpinë e Sportit në Prishtinë, u mbajt konferenca për media në prag të ndeshjes ndërmjet skuadrës fituese të Kupës së Kosovës, Besës së Pejës dhe skuadrës fituese të Kupës së Gjermanisë për klubet shqiptare, FC Kosova nga Munihu. Të pranishëm në këtë konferencë ishin Fadil Vokrri, kryetar i FFK-së, Eroll Salihu, sekretar i përgjithshëm i FFK-së, Miftar Dragidella, menaxher i FSHFGJ-së, Mroz Gegaj, kryetar i klubit FC Kosova Munih, Naim Sahiti përfaqësues i Besës, Muhamet Vokrri, trajner i FC Kosova dhe Besnik Gashi, kapiten i FC Kosova.  Kryetari i FFK-së, Fadi Vokrri, fillimisht përshëndeti ekspeditën nga Munihu dhe iu dëshirojë mirëseardhje në vendlindje. “Ne ka kohë që e kemi një marrëveshje për zhvillimin e ndeshjeve ndërmjet fituesit të Kupës së Kosovës dhe fituesit të Kupës së Gjermanisë për klubet shqiptare. Kjo tashmë është bërë traditë, për hir të bashkëpunimit dhe qërimitit të klubeve kosovare me ato që veprojnë në Diasporë. Deri më tash bashkëpunimi ynë ka qenë në nivel shumë të mirë dhe besojmë se do të vazhdojë kështu edhe në të ardhmen”, ka deklaruar Vokrri. Ndërkaq, Miftar Dragidella, në emër të Federatës Shqiptare të Futbollit në Gjermani, ka falënderuar FFK-në për vazhdimin e traditës për zhvillimin e ndeshjeve ndërmjet fituesve të kupave në Kosovë dhe Gjermani, derisa Vokrrin e ka quajtur si emrin më të madh të futbollit shqiptar në Kosovë. “FC Kosova nga Munihu është klubi më i organizuar shqiptar në Gjermani dhe sivjet me meritë e ka fituar kupën që organizohet nga FSHFGj-ja. Prandaj, për dallim nga skuadrat e tjera, sivjet Besa e Pejës duhet të shtrëngohet goxha fort, nëse dëshiron të shënojë fitore, edhe pse në ndeshje të këtilla rezultati është në plan të dytë. Me rëndësi është që po vazhdon kjo traditë dhe po thellohen miqësitë ndërmjet klubeve në Kosovë dhe atyre shqiptare që veprojnë në Gjermani”, ka thënë Miftari. Mroz Gegaj, kryetar i FC “Kosova” është shprehur i lumtur që klubi i tij ndodhet në Kosovë dhe ka falënderuar drejtuesit e FFK-së për mikpritje. “FSHFGJ-ja na ka ngrit në nivelin e organizimit dhe na ka udhëzuar si t’i grumbullojmë këta të rinj në Diasporë për të zhvilluar aktivitetin e tyre, sepse dihet se kur je larg vendit tënd është e vështirë të bësh një aktivitet sportiv. Falë këtij organizimi të mirë ndër vite, sivjet e kemi festuar 20 vjetorin e krijimit. I jemi mirënjohës FFK-së për mikpritjen e ngrohtë që na ka bërë, sepse ne që jemi në Diasporë kemi menduar se kemi mbetur pak anash, por mikpritja që na është bërë që nga arritja në aeroportin e Prishtinës ka qenë e mrekullueshme”, është shprehur Gegaj.  Përfaqësuesi i Besës së Pejës, Naim Sahiti, ka thënë se klubi i tij përkundër terminit jo aq të përshtatshëm për zhvillimin e kësaj ndeshje, e ka pasur obligim t’i përgjigjet pozitivisht kësaj ndeshje, në mënyrë që të vazhdohet tradita e krijuar. “Besa sivjet nuk e ka nisur mirë edicionin në Raiffeisen Superligë dhe ky termin i kësaj ndeshje nuk ka qenë aq i përshtatshëm, por e kemi pranuar me kënaqësi zhvillimin e kësaj sfide. Ne si klub dhe qyteti i Pejës në përgjithësi jemi organizuar që vëllezërve tanë nga Diaspora t’ia bëjmë një mikpritje sa më të mirë. Para ndeshjes ekspedita e klubit nga Munihu do të pritet nga kryetari i komunës, kurse më pas do të jetë edhe dreka e përbashkët. Ndërkaq, hyrja në stadium do të jetë falas.  Trajneri i FC Kosova, Muhamet Vokrri, ka thënë se ardhja në Kosovë për të zhvilluar këtë ndeshje ka qenë një motiv i madh për të gjithë lojtarët, derisa ka shprehur shpresën për një lojë të pëlqyeshme dhe të hapur nga të dyja palët. “Premtoj një lojë të hapur nga skuadra ime, ku s’do mend se rezultati do të jetë në plan të dytë, ashtu siç kemi bërë në vitin 2002 kundër Dritës në Gjilan. Ne si klub jemi mundu vazhdimisht ta mbajmë lart imazhin e Kosovës”, ka thënë Muhamet Vokrri. Ndërkaq, kapiteni i kësaj skuadre, Besnik Gashi, është shprehur i lumtur që ai dhe bashkëlojtarët e tij do të kenë rastin të paraqiten para tifozëve kosovarë. Madje, nuk e ka fshehur dëshirën që në këtë sfidë edhe t’i gëzohen fitores, ndonëse edhe për të e rëndësishme është krijimi i miqësive. Ndeshja ndërmjet Besës dhe Kosovës nga Munihu, do të zhvillohet të enjten në orën 15:00, në stadiumin “Shahin Haxhiislami”
në Pejë. Nga sherbimi per informim i FFK-se.

G.K

Sporti shqiptar
Raiffeisen Superliga

Ministri i Kulturës, Rinisë dhe Sportit, z. Memli Krasniqi, ka pritur sot në një takim drejtuesit e Federatës së Futbollit të Shqiptarëve në Gjermani dhe përfaqësuesit e klubit të futbollit FC Kosova – Munchen. Në një takim miqësor, ministri Krasniqi i ka përgëzuar ata për punën e madhe që kanë bërë në diasporë tash e 20 vjet të ekzistimit si federatë dhe klube. Ai ka çmuar shumë rolin e tyre edhe në mbështetjen e sportit këtu në Kosovë. Ministri theksoi se kjo federatë, dhe organizimi i garave dhe klubeve shqiptare atje në një ligë, ka ndihmuar shumë që të dalin talentë të shumtë në futboll e që në të ardhmen mund të jenë pjesë e rëndësishme e përfaqësues së Kosovës. Ministri Krasniqi iu premtoi atyre mbështetje në aktivitetet e ardhshme dhe shtoi se Qeveria e Kosovës po e dëshmon përkushtimin e saj për mbështetjen e diasporës, duke themeluar kështu edhe një ministri të veçantë për të. Drejtuesit dhe futbollistë shqiptarë në Gjermani janë njoftuar nga ministri Krasniqi edhe me të arriturat që janë shënuar këtë vit në zhvillimin e sportit, sidomos në përmirësimin e infrastrukturës në futboll.

Nga ana e tij, kryetari i kësaj federate z. Ruzhdi Statovci falënderoi ministrin Krasniqi për pritjen dhe mbështetjen e dhënë që prej ardhjes në detyrë. Z. Statovci ministrin për garat që zhvillojnë atje dhe për planet në të ardhmen. Ai shprehu besimin se shteti i Kosovës do të vazhdoj që për çdo vit të shtojë përkrahjen për diasporën. SHerbimi per Marredhenie me publikun pran MKRS te Kosoves.

G.K

Sporti shqiptar
Raiffeisen Superliga

Në München të Gjermanisë u mbajt gara për Kupën e Republikës së Kosovës në Gjermani, që është gara më masovike e sportit shqiptar në diasporë e të cilën e organizon Federata e Futbollit Shqiptar në Gjermani. Bashkorganizatore e garës së sivjeme ishte edhe FC Kosova München si nikoqire e kësaj gare, ku pos shumë sportistëve e aktivistëve sportivë morën pjesë edhe Ibrahim Makolli, ministër i diasporës në Qeverinë e Kosovës, Vilson Mirdita, ambasador i Republikës së Kosovës në Gjermani, Faket Kajtazi, konsull i Republikës së Kosovës në Stuttgart, Fadil Vokrri, kryetar i Federatës së Futbollit të Kosovës, Malësor Gjonbalaj, këshilltar i Memli Krasniqit, ministrit për kulturë, rini e sport në Qeverinë e Kosovës si dhe Jonuz Musliu, kryetar i komunës së Bujanocit.

Në hapjen solemne mysafirët e lartëshënuar dhe të gjithë të pranishmit i përshëndeti Myftar Dragidella, menaxher i FFSHGJ, kurse Ruzhdi Statovci, kryetar i FFSHGJ disa dhurata modeste ua ndau mysafirëve të nderuar dhe e shpalli të hapur garën.

Duke folur para ekipeve të rreshtuara dhe adhuruesve të futbollit që gjatë dy ditëve ishin tubuar në München, ambasadori Vilson Mirdita përmedi rëndësinë e sportit dhe të funksionimit të këtyre klubeve që udhëhiqen nga entuziastë të vërtetë të sportit. Ai tha se edhe përfaqësueit shtetëror të Kosovës kanë shtuar interesimin për të ndihmuar të rinjtë e shtetit të tyre, një pjesë e madhe e të cilëve jetojnë jashtë atdheut.

Në hapje solemne të cilën e bëri kryetari i FFSHGJ-së folën edhe Fadil Vokrri e Malësor Gjonbalaj.

Në ndeshjen e parë që shënonte hapjen e garës shqelmimin e parë të topit nga mesi i fushës e bëri ambasadori Vilson Mirdita.

Gjatë dy ditëve sa zgjati kjo garë, përkundër motit shumë të papërshtatshëm, me shi dhe erë të fortë, futbollistët e të gjitha klubeve pjesëmarrëse dhanë maksimumin për të treguar futboll sa më silësor dhe për të arritur sukses sa më të mirë, pasi që siç dihet skuadra fituese e Kupës në muajin tetor zhvillon ndeshje me skuadrën fituese të Kupës së Kosovs e që sivjet është Besa e Pejës.

Gjatë ditës së dytë të garës këtë manifestim nga afër e prëcollën ministri Makolli, ambasadori Mirdita, konsulli Kajtazi, kryetari i FFK Vokrri dhe këshilltari i ministrit Krasniqi, Malësor Gjonbalaj.

Ambasadori Vilson Mirdita gjatë kësaj kohe pati takime me mysafirët nga Kosova dhe me shumë aktivistë të sportit dhe të jetës së bashakatdhetarëve tanë në Gjermani.

Udhëhqësia e FFFSHGJ-së, sportistët dhe të gjithë të pranishmit në këtë garë ndienin kënaqësi të madhe kur në mesin e tyre shihnin përfaqësusit e shtetit të tyre, për lirinë e të cilit dhanë shumë. Ata gjatë këtyre dy ditëve në München vërtet e ndienin aromën e Kosovës. E këtë e bënë ministri Makolli, ambasadori Mirdita, konsulli Kajtazi, Fadil Vokkri, Malësor Gjonbalaj e Jonuz Musliu.

Sikurse në çdo garë edhe në këtë për Kupën e Republikës së Kosovës në Gjermani dolën më të mirët. Vendi i parë dhe kupa e fituesit i takoi skuadrës më të mirë në këtë garë, FC Kosova München, vendin e dytë e zuri FC Kastrioti Stukenbrock, të tretin FC Kosova II München dhe të katërtin FC Kosova Frankfurt. Golashënuesi më i mirë i garës u shpall Selman Berisha (FC Kosova München), portieri më i mirë Osman Çeku (FC Kosova München), futbollisti më i mirë Avdyl Haliti (FC Kastrioti Stukenrbock), kurse ekipi më Fair-Play u shpall FC Iliria Rosenheim.

Organizatori për katër vendet e para, për ekipin më Fair-Play, individët më të mirë dhe për të gjithë ata që nderuan dhe ndihmuan këtë garë ndau kupa, medalje e mirënjohje. Ato i dorëzuan anëtarët e Kryesisë së FFSHGJ-së (Ruzhdi Statovci, Mroz Gegaj, Enver Muzliukaj, Mustafë Bellaina, Adem Makolli, Lulzim Morina e Myftar Dragidella) kurse dhuratat për mysafirët e nderuar i dorëzoi Ruzhdi Statovci, kryetar i FFSHGJ-së, ndërkaq Kupën për vendin e parë dhe Kupën kaluese ekipit fitues, FC Kosova München ia dorëzuan Fadil Vokrri e ministri Ibrahim Makolli.

Dhurata të veçanta ishin përgatitur për ministrin Makolli, ambasadorin Mirdita, legjenden e futbollit të Kosovës Fadil Vokrrin si dhe për Malëson Gjonbalajn.

Me këtë rast edhe Ambasada e Kosovës në Gjermani dhe konsullata në Stuttgart, që mbulon edhe Münchenin, vend ku u mbajt kjo garë sivjet, ndau dhurata për tri vendet e para. Këto dhurata i ndau konsulli Faket Kajtazi.

Garën e sivjeme dy ditore e përcollën dy televizionet kombëtare të Kosovës, RTK dhe TV21. Myftar Dragidella, menaxher i FFSHGJ G.K

Sporti shqiptar
Raiffeisen Superliga

Berat Sadik e Erfan Zenel festojnë golin këmbëkryq e si duke pirë çaj

Berat Sadik ka shënuar dy gola në fitoren e skuadrës së tij HJK Helsinki kundër KuPS Kuopio 4:1. Sadik dhe bashkëlojtari i tij tjetër shqiptar në ekip, Erfan Zenel kanë festuar golat në mënyrë të veçantë, duke u ulur këmbëkryq në fushë dhe duke u bërë sikur po pinin çajin tradicional.

Erfan Zeneli është futbollist 24 vjeçar i lindur në Gjakovë që luan në pozicionin e mesfushorit të skuadra finlandeze HJK Helsinki, ndërsa Berat Sadik po ashtu është 24 vjeçar i lindur në Shkup që te kjo skuadër luan në pozicionin e sulmuesit.

Përveç këtyre të dyve te skuadra e njohur finlandeze luan edhe një shqiptar. Fjala është për Kastriot Kastrati 18 vjeçar.

HJK Hesinki – KuPS Kuopio 4:1 (3:1)

1:0  S.Sorsa (10’)

2:0  B.Sadik  (15’)

3:0  B.Sadik  (37’)

3:1  R.Udah  (40’)

4:1  M.Sumusalo  (77’)

E.EJUPI

Sporti shqiptar
Raiffeisen Superliga

Klubi më i mirë për vitin 2010 në Gjermani u shpall FC Kastrioti nga Stukenbrocku, futbollisti më i mirë: Muhamet Aliaj (FC Kosova Frankfurt), trajneri më i mirë: Gëzim Smajlaj (Kosova Hamburg), punëtori më i mirë sportiv: Riza Bytyçi (Kosova Frankfurt) dhe gjyqtari më i mirë: Rexhep Potoku.

——————————————————————–

Në Frankfurt të Gjermanisë me një mbrëmje muzikoro-sportive, Federata e Futbollit Shqiptar në Gjermani shpalli sportistët më të mirë për vitit 2010.  Në këtë ngjarje mysafirë të nderit ishin: Astrit Zemaj, konsull i Republikës së Kosovës në Frankfurt, Ardian Spahiu, zëvendëskonsull në Frankfurt e Kujtim Shala, ish-futbollist i gjeneratës së artë të Kosovës. Ata përshëndetën të pranishmit, u uruan sukseset e arrituara gjatë këtij viti si dhe u dëshiruan vazhdimin e tyre në vitet e ardhshme.

Uikendi i kaluar në Frankfurt ishte një festë sportive dhe muzikore. Kryesia e Federatës së Futbollit Shqiptar në Gjermani kishte organizuar një manifestim sportivo-muzikor, ku pos klubeve anëtare të saj, kishte ftuar edhe mysafirë nga Zvicra, FC Dardania nga Bazeli, me të cilën skuadër seleksioni i FFSHGJ-së zhvilloi një ndeshje miqësore nëpër terren të mbuluar më borë. Këtë ndeshje e fitoi ekipi i FFSHGJ-së me rezultat 2:0. Golat i shënuan Valmir Muzliukaj dhe Dijamant Hoti.

Ekipet u paraqiten me këto përbërje:

FFSHGJ: Kameraj, Gela, Gashi, Derguti, Pajaziti, Kurtulani, Alihajdari, Kastrati, Aliaj,Bauta dhe Muzliukaj. Luajtën edhe Hoti, Shala, Vllahiu e Berisha.

Trajner: Adem Makolli.

FC Dardania Basel: Osmani, Mustafa, Dalipi, Ademaj, V. Salihu, E. salihu, Rexhepi, Ismajl Kastrati, Ismet Kastrati dhe Sylejamni. Luajten edhe Sadiku, Isenaj e B. Salihu.

Trajner: Enver Hajdari.

Edhepse koha ishte e ftohtë dhe terreni i mbuluar me borë, futbollistët e të dy ekipeve treguan lojë të mirë dhe ata pak shikues mbetën të kënaqur me atë çka panë në këto kushte. Vendësit u trgeuan më të shkathtë dhe me nga një gol në secilën pjesë të lojës mundësn ekipin nga Bezeli me rezultat 2:0.

Kjo ndeshje ishte e fundit për kapitenin Begator Dërguti në përbërjen e FFSHGJ-së. Ai me nderime u përshëndet nga loja aktive dhe 5 minuta para mbylljes së pjesës së parë udhëheqësit e FFSHGJ-së, Ruzhdi Statovci, Enver Muzliukaj e Myftar Dragidella i dhuruan atij lule për kontributin e madh në FFSHGJ, pasi që ai ishte lojtari që është aktivizuar në numrin më të madh të ndeshjeve në seleksionin e FFSHGJ-së.

Në mbrëmje pas darkës së përbashkët të shtruar nga Kryesia e FFSHGJ-së për të dy ekipet dhe të gjithë mysafirët u kalua në sallën mjaft të bukur për të vazhduar me ceremoninë e shpalljes së më të mirëve dhe me argëtimin me valle e muzikë.

Në fillim të pranishmit i përshëndeti Ruzhdi Statovci, kryetar i FFSHGJ-së, kurse para të pranishmëve folën edhe Astrit Zemaj, konsull i Republikës së Kosovës në Frankfurt dhe Kujtim Shala, futbollist i brezit të artë të Kosovës.

Klubi më i mirë për vitin 2010 në Gjermani u shpall FC Kastrioti nga Stukenbrocku, futbollisti më i mirë: Muhamet Aliaj (FC Kosova Frankfurt), trajneri më i mirë: Gëzim Smajlaj (Kosova Hamburg), punëtori më i mirë sportiv: Riza Bytyçi (Kosova Frankfurt) dhe gjyqtari më i mirë: Rexhep Potoku.

Ndër 10 futbollistët më të mirë u gjeten edhe: Naim Pajaziti (Kastrioti Stukenbrock), Avni Kastrati (Kosova Hamburg), Ramadan Krasniqi (Kosova München), Bajram Vllahiu (Atdheu Augsburg), Jeton Tolaj (Drita-Kosova Ludwigsburg), Qendrim Shala (Ilirida Offenbach), Kasum Arsllani (Jehona Nürnberg), Naim Gela (Kosova Frankfurt) dhe Lumni Bauta (Kosova Hamburg).

Kupat dhe mirënjohjet për më të mirët i ndanë Ruzhdi Statovci, kryetar i FFSHGJ-së, Astrit Zemaj, konsull e Ardian Spahiu, vicekonsull në Frankfurt të Gjermanisë, Kujtim Shala, futbollisti legjendar i Kosovës si dhe anëtarët e Kryesisë së FFSHGJ-së: Sadik Murseli, Enver Muzliukaj, Myftar Dragidella, Mroz Gegaj, Adem Makolli, Mustafë Bellaina, Lulzim Morina e Fadil Berisha.

Në këtë mbrëmje në një ambient të bukur, sportistët, udhëheqësit e FFSHGJ-së, ata të klubeve shqiptare në Gjermani dhe mysafirët i argëtuan këngëtarët Ibrahim Çeta e Jemin Lushaj. Kjo ngjarje do të pasqyrohet në RTK në emisionin “Zëri ynë” me autor Mon Beqirin.
Kryesia e FFSHGJ-së falënderon udhëheqësinë dhe futbollistët nga Baseli për ardhjen në Frankfurt dhe për zhvillimin e ndeshjes nëpër kohë me borë e terren të vështirë për lojë.

Me këtë rast u mbajt edhe mbledhja e Kryesisë së FFSHGJ-së nën drejtimin e Ruzhdi Statovcit, kryetar. U shqyrtua shkuarja e FC Kastrioti nga Stukenrocku nëmuajin tetornëKosovës dhe zhvillimi i ndeshjeve me KF Liria të Prizrenit dhe me KF Ferizajn, kurse vendimi më i rëndësishëm i kësaj mbledhjeje është se Kupa e Kosovës për Gjermani për vitin 2011 do të mbahet në mesin e muajit qershor në München, ku bashkorganizatore do të jetë FC Kosova München.

Myftar Dragidella

G.K

Sporti shqiptar
Raiffeisen Superliga

Në Schliren – Cyrich të Zvicrës, në një mbrëmje mirë të organizuara nga vëllëzërit Bajrami, u zhvillua  “K-1 Fight Night Switzerland” në të cilin , i yni,  Xhavit Bajrami fitoi meçin kundër polakut David Trullka, me K.O.në raundin e dytë.

Xhavit  Bajrami fiton me K.O. kundër polakut shumë të fortë David Trulka. Meçi ishte shumë i fortë por Xhaviti prej fillimi godet disa herë këmbën e majtë të kundërshtarit Trulka. Polaku u mundua të jap disa goditje me grushta, dhe ishte përshtypja se ai do të jetë shumë i qëndrueshëm në ring. 

Edhe në raundin  e dytë Xhaviti vazhdoi me goditje të forta dhe të njëpasnjëshme.Në anën tjetër edhe polaku u tregua i fort dhe i qëndrueshëm e herë herë mjaftë agresiv.

Përvoja dhe përgatitjet e mira që i kishte bërë Xhavit Bajrami në Holande ekskluzivisht për këtë meç, bënë që para fundit të rundit të dytë, referi ta përfundon meçin pasi që 3 herë i kishte numruar polakut në ring.

Xhavit Bajrami tash është kampion aktual i Botës në dy verzionet më të mëdha, ISKA dhe WKN.

Albaspox.com

Sporti shqiptar
Raiffeisen Superliga