Pas disa ditë garash të zhvilluara në terrenet e Shollës së Tenisit Prishtina në Kodrën e Diellit, ka përfunduar Turneu i tenisit Prishtina 2010. Fitues i Trofeut të sivjetmë të tenisit Prishtina 2010 është tenisti nga Prizreni, Gurash Hasani, pasi në një finale tëjet cilësore mundi Granit Bajralin nga Prishtina 2:0 në sete/7:7 dhe 6:3/. Takimi ishte tejet dramatik sidomos seti i parë kur edhe vendosi taj breku për fituesin e këtij seti. Ndonëse ishte në një epërsi të dukshme Granit Bajraliu duke udhëhequr 3:0, nuk ia doli që të fitoi setin e parë. Gushash Hasasni tregoi lojë angazhuese dhe fillimisht barazoi rezultatin në 3:3, kurse më vonë rezultatit i setit të parë ishte 6:6. Taj breku ishte dramatik dhe nuk dihej se kush do të fitojë setin e parë. Megjithatë, në taj brek fitoi Hasani me 12:10 dhe e fitoi setin e parë 7:6. Si duket kjo ishte edhe vendimtare për epilogun e kësaj finaleje tejet të mirë. Gurash Hasani vahzhoi edhe në setin e dytë me tempin e njejtë, kurse Bajraliua nuk ia doli që të bëjë me tepër. Kështu seti i dytë u mbyll 6:3 për Hasanin dhe ky i fundit e fitoi këtë finale me 2:0 në sete/7:6 dhe 6:3/. Në të përfunduar finalja, Vlora Dumoshi, drejtoreshë e Sportit e Komunës së Prishtinës shpërndalu diplomat dhe kupat për më të dalluarit sipas kategorive si dhe kupën për fituesin kryesor të këtij turneu, Gurash Hasanin.

Në gjysmë finale: Në gjysmë finalen e parë,Granit Bajraliu dhe Jeton Hajdari 2:1.
Pas një ndeshjeje shumë interesante dhe të barabartë që treguan këta dy tenist, fitues doli Bajraliu i cili fitoi me rezultat 2:1, në sete 7:5 , 5:7 dhe 6:3.

Në gjysëmfinalen e dytë u takuan Gurash Hasani dhe Behar Kurteshi, ndërsa fitues doli Hasani i cili mposhti Kurteshin me 2:0, në sete 6:4 dhe 7:6.

Edhe ky takim ishte shumë i bukur dhe tenistët treguan lojë kualitative , kurse Hasani kaloi në finale fal disa gabimeve të Kurteshit.

T’iu kujtojmë se Gurash Hasani i cili doli kampion në vitin 2008.

Ndërkohë në gjysmë finalen janë takuar Granit Bajraliu nga Prishtina kundër Jeton Hajdarit po ashtu nga Prishtina.

Këtë vit në Turneun Prishtina 2010 që këtë vit numëron edicionin e tij të 18-të , garat janë zhvilluar në vetëm pesë kategori atë të seniorëve tek meshkujt si dhe për moshat nën 12 , 16 dhe 18 tek juniorët meshkuj dhe për grup moshat nën moshën 14 vjeçare tek femrat.

Në edicionet e kaluara ky turne numëronte gara deri në 16 kategori dhe zgjaste deri në 15-të ditë , mirëpo Arben Islami zyrtar i klubit Prishtina na bëri me dije se këtë edicion ka munguar mbështetja e sposorëve me çka garat janë zhvillua  në vetëm 5 kategori.

 G.Kosumi

Tenistët sot kanë zhvilluar 20 gema, kurse Isner, i cili i pari ka servuar, ruajti në fund përqendrimin më shumë dhe atë do ta mbajmë në mend përgjithmonë si fituesin e duelit më të gjatë në histori të tenisit në një duel që tash më nga mediumet ndërkombëtare sportive është shpallë si “duel epik”.

Shifrat në këtë duel kanë qenë të jashtëzakonshme. 138 gema, 215 asa (që të dy kanë thyer rekordin e mëparshëm me nga 112 asa), 490 winera. Çifti ka thyer rekordin e vjetër gjashtëvjeçar të Arnaud Clemente-s dhe Fabricio Santori-t, dueli i të cilëve në Roland Garros kishte zgjatur 6 orë e 33 minuta.

“Dikush duhej të humbiste”

“Gjëja më e keqe ishte se dikush duhej të humbiste në këtë duel. Është nder i madh për mua ta ndajë këtë moment me Nicolas-in. Ndoshta në të ardhmen sërish do të luajmë njëri kundër tjetrit, por mesiguri më nuk do të jetë 70:68”, ka thënë pas meçit i dërrmuar John Isner i cili sëbashku me Mahuto-n kanë pranuar çmim të posaçëm për mundin e dhënë. Interesant është se ky çmim nga organizatori i turnirit iu është ndarë edhe gjyqtarit të takimit.

Gazetarët të shumtë kurioz, pastaj pyetën Isner-in se a do të luajnë dytë sëbashku në qifte, kurse ai me po të njëjtin ton humori u përgjigj:

“Kjo pyetje nuk bën mirë për momentin. Tani vetëm do të drejtohem në teshatore, dhe pastaj të pushoj mirë”.

“John meritoi fitoren”

Nicolas Mahut ishte i dëshpëruar, por po ashtu krenar pas luftës së jashtëzakonshme që kishte ofruar në terrenin e “All Englad club”-it.

“Jam i kënaqur, sepse më në fund përfundoi, kurse John e ka merituar fitoren. Gjatë tërë meçit ka seruar në mënyrë të përkryer dhe u tregua si fitues i vërtetë. Me të vërtetë ndjehem krenar që kam qenë pjesëmarrës i duelit historik të tenisit”, ka thënë Mahut pas humbjes.

A. Durmishi

Përballja e tenistëve, të amerikanit 25-vjeçar, John Isner i cili zë pozitën e 19 të ATP-listës dhe francezit 28-vjeçar i 148-ti në ATP-listë, Nicolas Mahut, është ndërprerë, përballje të cilën nuk ia kanë dalë ta përfundojnë edhe pas 10 orësh lojë.

Përshkak territ të dy tenistët, pas konsultimeve me gjyqtarin, kanë vendosur ta ndërprenë duelin tek rezultati i barabartë, në setin e 5-të, fundit vendimtar: 59:59!

Kurse, tifozët të cilët përcillnin duelin në terrenin e 18-të, donin akoma të shihnin duke kërkuar “We want more, we want more”!

“Dua të luaj akoma, por thjesht nuk po shoh”, ka thënë francezi Mahut para kamerave, kurse Isner ka shtuar:

“Kurrë më një gjë e tillë nuk do të përsëritet. Kurrë!”

Kurrë më parë në Wimbledone, turniri i cili për herë të parë është mbajt në vitin e largët 1877, asnjë duel – në konkurrencën e meshkujve apo të femrave, apo të çfarë do çifti – s’ka zgjatur më shumë se 112 gema, e cila kishte ndodhur në vitin 1969.

Ndërsa dueli i Isner dhe Mahut, me vetëm 5 orë lojë të zhvilluar kanë luajtur gjithsej 118 rekord gema. Përndryshe, vetëm seti i 5-të deri më tani ka zgjatur 7 orë e 6 minuta.

Edhe semafori i Wimledone-t për herë të parë nuk ka funksionuar më dhe tek rezultati 47:47 është ndal dhe nuk ka numëruar më pasi që thjesht nuk ka qenë i programuar të numëroj më shumë dhe kur kanë mbërritur shifrat në 48:48, thjesht është ndal së punuari.

Të dy tenistët sëbashku deri më tani kanë zhvilluar në duelin akoma të pambyllur 881 poenë, prej tyre 612 poenë vetëm në setin e 5-të.

Fituesi i ndeshjes, pritet, të paktën, ndoshta të dihet sot të enjten pas vazhdimit të tij e i cili për herë të parë është ndërprerë ditën e martë, po për shkak errësirës.

Dueli i raundit të parë, Isner – Mahut, ka filluar të martën, ka vazhduar të mërkurën, por edhe pas dy ditësh luftë gladiatorësh, fituesi i këtij dueli akoma nuk dihet. Rezultati është 59:59 në setin e pestë, kurse vazhdimi i meçit është të enjten në terrenin e 18-të, jo para orës 15:30.

Ndërsa, rreth kësaj përballje historike është deklaruar edhe tenisti zviceran, Federer.

“Shpresoj se ky duel të ia dal të përfundoj”.

Dueli ka zgjuar kërshërinë edhe të tenistëve tjerë e që zakonisht në botën e tenisit nuk ndodh një gjë e tillë. Dhe kur, në “All England Club” u dëgjua zëri për meçin që “s’po gjen fund”, shumë tenistë e teniste ia mësyn terrenit 18, për ta parë për së afërti dhe për të qenë pjesëmarrës nga afër i duelit që ka thyer kaq shumë rekorde. Vetëm seti i pestë ka zgjatur 7 orë e 6 minuta. Tenistët rrallë ndjekin duelet e kolegëve të tyre, por edhe në restorantin e tenistëve, në të cilin “rregullisht” ndiqet Kampionati Botëror i futbollit, lojtarët kanë kërkuar që të “ndërrohet programi” dhe të lëshohet pamja nga terreni i 18-të.

Kurse, kampioni i gjashtëfisht dhe mbrojtësi i trofeut në Wimlbedone, zvicerani, Roger Federer ka shtuar:

“Kur kam shkuar në ndeshjen time, tek ata rezultati në setin e 5-të ka qenë 11:11, dhe kur kam përfunduar duelin tim, ata akoma luanin. Çudi, kjo është absolutisht çudi. Në një mënyrë do të doja të isha në vendin e tyre, por në një mënyrë edhe nuk do të doja. Ky është duel i veçantë tenisi. Shpresojë që Isner dhe Mahut do t’ia dalin disi ta përfundojnë duelin të enjten”, ka thënë Federer.

Që ironia të jetë e plotë, fituesi nga kjo përballjeje, e pret tenisti holandez, Thiemo De Bakker, i cili në duelin me kolumbianin Santiago Giralda, e ka filluar po ditën e martë, dhe ka vazhduar edhe të mërkurën. Por, De Bakker ia ka dalë ta përfundoj duelin e tij në “maratonë të vogël” dhe në setin e 5-të kishte mbyllur duelin me fitore pas rezultatit 16:14.

Avni Durmishi

Siç lajmërojnë mediumet serbe, Federatës së Tenisit të Kosovësiu rrefuzuar edhe një herë aplikimi për anëtarësim në Federatën e Tenisit të Evropës.

“Ju falendërojmë që keni aplikuar të jeni pjesë e FTE-së. Kemi diskuatuar për këtë dhe kemi vendosur që mos ta pranojmë këtë kërkesë dhe në bazë të kësaj juve nuk mund të ju ftojmë në Kuvendin e ardhshëm”, thuhet në letrën e kryetarit të FTE-s, Jacques Dupré që është me nacionalitet francez.

Kryetari i Federatës së Tenisit të Kosovës, Shkëlzen Domi, ka thënë, siç citojnë mediumet serbe, që ka mbetur i hutuar pas këtij vendimi të udhëheqësve të tenisit evropian, pasi që, sipas tij, me asnjë pikë të statutit nuk mund t’i ndalohet Kosovës pjesëmarrja në Kuvend si vend aplikues.

“Kërkesa është dashur të procedohet në Kuvend dhe pastaj ajo të votohet për apo kundër nga delegatët e pranishëm”, ka thënë Domi.

Domi pa ashtu ka shprehur frikën se në këtë Kuvend mund të ndërrohet statuti, me çka FTK-s do t’i vështirësohej akoma më shumë anëtarësimi në FTE.

“Më së rëndi na vije që përfaqësuesit që kanë bllokuar pranimin tonë, vijnë nga vendet që kanë njohur pavarësinë e Kosovës. Unë frikësohem se tani mund ta ndërrojnë statutin, me çka anëtarësimi ynë do të jenë akoma më vështirë. Për këtë arsye ne duhet të bëjmë akoma më shumë trysni nga të gjitha anët, sepse me këtë rast shihet haptas se politika i ka futur hundët dhe është përzier në sport”, ka vlerësuar Domi.

A. Durmishi

Tenisti zviceran Roxher Federer është finalisti i dytë në turneun “Australian Open”, i cili në gjysmëfinale mundi sot francezin Xho Vilfred Tsonga 3:0 në setet 6:2, 6:3 dhe 6:2.

Zvicerani ka dominuar në tërësi në këtë meç që zgjati një orë e gjysmë. Për Federerin kjo është finalja e 22 në karierën e tij në Gren Sllem turne. Zvicerani do ta mbrojë titullin në Mellburn kundër Endi Marejt, i cili dje mposhti në gjysmëfinale kroatin Marin Çilliq.

Australian Open: Venus & Serena Uilliams, mbrojnë titullin e kampionit në çifte.

Motrat amerikane Venus dhe Serena Uilliams, kanë mbrojtur titullin e kampionit të tenisit në “Australian Open” në konkurencën e çifteve, të cilat në finale mundën Kara Bllek nga Zimbabvea dhe amerikanen Lizel Huber me 2:0, në setet 6:4 dhe 6:3.

Për motrat Uilliams, ky është titulli i katërt në çifte në Gren Sllem turneun në Mellburn, ndërsa Serena do të ketë mundësi që ta mbrojë edhe titullin në singëll, pasi në finale të shtunën do të luajë kundër belges Zhastin Henin.

G.K

Ndërsa motrat Serena dhe Venus Williams (SHBA) janë shpallur dyshja më e mirë e vitit dhe kjo ndodh për herë të parë për dyshen-motrat Williams, ndërsa Serena për herë të parë nderohet me dy çmimet prej kur herën  e fundit këtë sukses ka arritur Martina Hingis (Zvicër) në vitin 1999.

Bob dhe Mike Bryan (SHBA) janë dyshja e meshkujve të shpallur më të mirët për vitin 2009-të dhe kjo ndodh me rekord prej gjashtë herë radhas.

Kurse, dyshja (femrat) Daniel Berta (Suedi) dhe Kristina Mladenoviç (Francë) janë ITF Kampione Juniore 2009, ndërsa Shingo Kunieda (Japoni) dhe Esther Vergeer (Holandë) për konkurrencën e meshkujve në kategorinë e juniorëve.

A.D.

Kryetari i ndau Çertifikatat per trajnerët të “MINI TENISIT” për 6 kandidatët  si dhe 14 Çertifikata per trajnerë të “NIVELIT I”. Kandidatët janë vlersuar nga Kryetari i Instruktorëve të Tenisit për Evropën Juglindore nga Federata Boterore e Tenisit (ITF), Goran Shevchenko.

Tenistët e vitit 2009:

Tenisti i vitit 2009: Granit Bajraliu – K.T. Prishtina
Tenistja e vitit 2009: Jeta Haxhishabani – K.T. Sporek (Gjakovë)
Juniori i vitit 2009: Durim Morina – K.T. Wimbeldon (Prizren)
Shpresa e vitit 2009: Arbnor Kadriu – K.T. Trepça (Mitrovicë)
Klubi i vitit 2009: K.T. Wimbeldon (Prizren)
Federata e Tenisit e Kosovës ka ndarë edhe mirënjohje për të gjithë ata që në forma të ndryshme kanë ndihumuar për zhvillimin dhe përparimin e tenisit në Kosovë.

 G.K.

Fotografitë/ Gani Kosumi

Fotografitë/ Gani Kosumi