Klubi i mirënjohur nga Kumanova, Bashkimi, i cili në vitin 2004/05 pati bërë historinë në futbollin e Maqedonisë, duke fituar kupën, është duke i zhvilluar garat në ligën e tretë të Maqedonisë – grupi i veriut.

Kjo skuadër që drejtohet nga trajneri preshevar, Enver Sahiti e ka mbyllur sezonin vjeshtor në vendin e katër me 29 pikë, 14 pikë më pak se sa lideri aktual Maxhari nga Shkupi. Para fillimit të gjysmësezonit të dytë kemi zhvilluar një bisedë me kryetarin e KF Bashkimi, Lutfi Hyda, i cili me kënaqësi pranoi të flas për situatën e tanishme dhe planet e klubit në të ardhmen.

-         Z. Hyda ka një kohë të gjatë që i mungoni opinionit futbolldashës. Ku jeni dhe ku mund të ju gjejmë më shpesh për t’ju pyetur rreth KF Bashkimi?

-         Hyda: E keni shumë lehtë për të më gjetur, jo vetëm ju, por kush të dojë. Unë për çdo ditë jam në ambientet e klubit dhe këtu mund të më gjeni kur të dëshironi.

-         Çfarë ka të re në klub. A keni filluar me përgatitje?

-         Hyda: Jo, nuk ka diçka që mund të veçoja. Kemi nisur të stabilizohemi që është më kryesorja. Bashkimi me përgatitje do të filloj nga fundi i muajit janar. Kështu është paralajmërimi nga trajneri. Shpresoj të nisim me kohë dhe të përgatitemi sa më mirë për ediconin e pranverës.

-         Cilët janë objektivat e Bashkimit. Sipas gjendjes në tabelë dukeni pa shpresa për të rrezikuar liderin e ligës, Maxharin?

-         Është e vërtetë se jemi shumë mbrapa nga Maxhari, madje 14 pikë, por ne nuk dorëzohemi. Do të luftojmë deri në fund për të luftuar për titullin e kampionit në ligën e tretë. Derisa të luhet futboll shpresat ekzistojnë, kampionati është i gjatë. Edhe orarine kemi të volitshëm. Maxharin e presim në Kumanovë. Unë jam optimst se mund t’i arrijmë ata.

-         Sa mund të kuptoj ju planifikoni ta avanconi Bashkimin në kategori më lartë, nëse jo sivjet, atëherë sezonin tjetër?

-         Hyda: Ne dëshirojmë që sivjet të ngjitemi në një rang më të lart garash, por nëse nuk ndodh sivjet, atëherë stinorin e ardhshëm gjithsesi. Kemi një grup shumë të mirë të futbollistëve të talentuar dhe cilësorë. Lojtarët janë të rinj, sillen nga mosha 20-22 vjeç E kemi një Qenan Bislimi që disa klube e kanë kërkuar, por ne nuk kemi pranuar ta shesim, ka edhe disa të tjerë. Dua të them se Bashkimi ka një ardhmëri të madhe të lojtarëve me perspektivë. Tani po e shoh se sa ka qenë e dobishme hapja e shkollës së futbollit Bashkimi në vitin 2002. Të gjithë ata fëmijë që patën ardhur për tu regjistruar sot i takojnë ekipit të parë. Kështu që në këtë drejtim jemi shumë të fortë. Me dy-tre lojtarë me përvojë do të luajmë një rol të rëndësishëm edhe në ligën e dytë.

-         Synim i juaji është liga e dytë, apo...?

-         Hyda: Jo, unë këtu s’dua të ndalem. Unë e di ku e ka vendin Bashkimi. Këtë e di edhe grupi i tifozëve Ilirët, por edhe të gjithë të tjerët në Maqedoni. Bashkimi e ka vendin në ligën e parë. Shpresoj që me ndihmën e Zotit viti 2014 Bashkimin ta gjej në ligë të parë. Këtë po ua premtoj edhe “Ilirëve”. Dëshiroj që edhe njëher të pushtoj futbollin e Maqedonisë dhe atë europian. Për Bashkimin sërish do të shkruhet dhe do të dëgjohet.

-         Dhe, në fund me siguri jeni duke i ndjekur zhvillimet në futbollin e Maqedonisë. A do të mundej Bashkimi të garonte me sukses në kampionatin vendor?

-         Hyda: Natyrisht se jam në rrjedh të zhvillimeve të futbolit në vend. Jam në kontakte të vazhdueshme me kreun e FFM-së, me të cilët u pajtuan që ndeshja miqësore e të rinjve të Italisë dhe Maqedonisë të luhet në Kumanovë, të martën. Sa i përket pyetjes tjetër them se futbollli në vendin tonë ka stagnuar dhe Bashkimi pa kurrfarë problemi do të garonte në ligën e parë. Për nga kualiteti pak dallojmë nga skuadrat e kategorisë së parë. Ne kemi një skuadër me futbollistë që premtojnë shumë.

         Intervistoi: Reshat IBRAHIMI

G.K

Sporti shqiptar
Raiffeisen Superliga

FC Hysi i radhitë trofetë në vitrinën e tyre.

Në Vlorë për nder të, kësaj radhë, 99 vjetorit të Pavarsisë së Shqipërisë, është mbajtur Turniri, tashmë tradicional,  në futboll, në të cilin kanë marr pjesë katër skuadra nga trojet shqiptare, FC Hysi nga Kosova, Flamurtari nga Vlora, Shkëndija e Tetovës dhe Otranti i Ulqinit.

I organizuar nga Federata Shqiptare e Futbollit (FFSH), në këtë turnir ka triumfuar kampioni aktual i Kosovës skuadra FC Hysi.

Në sistemin dy gjysëmfinale, pastaj ndeshjs finale (tri takime) të zhvilluara nga 45 minuta, në asnjëren nuk pati gola të shënuara, kështuqë fituesi u dasht të përcaktohet me ekzekutimin e penalltive.

Shkëndija mundi Otrantin 3:1 pas penalltive, ndërsa Hysi mundi Flamurtarin 4:3.

Edhe ndeshja finale në kohë “të rregulltë” përfundoi pa gola, ndërsa pas ekzekutimit të penalltive triumfoi Hysi me rezultat 3:0. Golat për Hysin nga penalltia i shënuan: B.Musolli, A.Haliti e K.Rexha.

Trim i fitorës së Hysit në finale padyshim ishte portieri Burim Sadiku i cili i priti dy gjuajtje të futbollisteve tetovarë, ndërsa penalltia e tretë u dëbua nga shtulla pingule.

Hysi është fituesi i tretë i këtijë evenimenti , pasiqë më herët “Kupën e Pavarsisë” e kishin fituar Flamurtari dhe Renova.

“Kupën e Pavarsisë” e pranoi kapiteni i Hysit,  Mentor Zhdrella, dhe klubi nga Podujeva do ta ketë deri në turneun e ardhshëm në vitrinat e tyre.

Lojtari më i mirë i turneut u zgjodh Nebih Mustafi nga Shkendija e Tetovës.

E.Ejupi

Sporti shqiptar
Raiffeisen Superliga

Finalja: E premte ora 19,00
Shkodra-Prishtina                         0:4

Volejboll/Femrat/
Për vend të tretë Tirana-Prizreni     0:2/r.z/
Finalja, e premte, ora 10,00

Elbasani-Prishtina               0:2/25:9,25:17/
Lojtare më e mirë, Viola Kakuja/Elbasani/
Trajner:Arton Dhimo

Volejboll/meshkujt/
Gjysme finalja:
Prishitna-UEJL Tetovë                2:0

Finalja , e premte, ora 11,30
Prishtina-Prizreni                          2:0/25:7,25:13/
Volejboll: Super Kupa/meshkujt/

Prishtina-Shkodra                         2:1/25:23,20:25,15,15:11/
Lojtar më i mirë, Andi Trela/Shkodra/, trajner, Artan Kalaja/Shkodra\/
Basketboll/meshkujt/
Gjysmë finalja
Elbasani-Tirana                        66:43
Finalja e premte, ora 16,00
Prishtina-Elbasani                         100:29

/29:4,28:15,21:6,22:4/
Shah:
Finalja
Armend Maxhuni/Prishtina/
Faton Spahia/Prizreni/                1:0

Ping pong/femrat/
1.Xhemile Hasani/Prishtina/
2.Nuraj Kurtesh/Prishtina/

3.Blerta Abazi/Prishtina/
3.Arieta Tërshtena/Prishtina/

Ping pong/Meshkujt/
1.Linor Çitaku/Prishtina/
2.Yll Prestreshi/Prishtina/
3.Dorjan Topia/Tirana/
3.Nazif Shala/Prizreni/
Ateltikë:
Garat zhvillohen ditлn e diel, më 2 tetor 2011 nga ora 11,00.

Atletikë-Mbizotërojnë Dijana Qehaja dhe Abdurrahman Shkodra

Në disiplinën e fundit të zhvilluar në kuadër të veprimtarive sportive të Universiadës Mbarëkombëtare Prishtina 2011, në garat e atletikës, mbizotëruan garuesit nga Prishtina. Abdurrahman Shkodra dhe Dijana Qehaja të cilët ngadhnjyen në garën e zhvilluar në 3000 metra. Sestinacioni ishte nga Hoteli Grand Prishtina-Shkolla e Mesme e Mjekësisë “Ali Sokoli” dhe anasjelltas, pra fundi i garës ishte te Hoteli grand Prishtina.

1. 1.    Abdurrahman Shkodra                  8.25 sek.
2. 2.    Luan Sejdiaj                                      9.12
3. 3.    Imer Tahiri                                       11.00
4. 4.    Taulant Dupa                                   11.02

==================================

1. Ardit Tafilaj                                     11.28
2. Migjen Sala                                     11.41
3. Valon Saliukaj                                11.52
4. Berat Babaj                                    11.59
5. Kushtrim Hetemi                          12.26
6. Petrit Ramaj                                  12.39
7. Gëzim Hyseni                       12.48
8. Fitim Haliti                                     13.00
9. Valon Bajraktari                            13.13
10. Labinot Zaneli                                13.34
11. Labinot Ramadani                         13.51
12. Korab Metaj                                    14.09
13. Valon Surtolli                                  14.43
14. Shpëtim Gërvalla                           14.49
15. Shpend Zuka                                   16.35
16. Ridvan Emini                                   16.43
17. Agron Breznica                               16.47
18. Lorik Syla                                         17.01
    1. Arian Metaj                                     17.45

ATLETIKË, VRAPIMI NË 3000 m. (femrat)

1. Diana Qehaja             13.46 sek.

2.Albulena Haliti           14.50

3. Burrneta Rama          15.1

4.Griselda Krymi          15.30

=======================================       

5.Blerin Sadiki                      16.55

6.Fitore Govori                     17.00

7. Lavdije Idrizi                     17.45

7.Flaka Kallaba                     18.00

8.Ilirjana Zuka                      18.15

9.Arta Sylejmani                 18.20

10.Florinda Elshani            18.29

11. Afërdita Krasniqi          18.39

12.Vlora Murati                   18.55

13.Bulbuqe Bajraliu            19.00

14.Suzana Suka                   19.11

15.Amina Latifi                    19.30

16.Shqiponja Vogliqi          19.39

17.Shukrane Hasani            19.41

18.Arta Osmani                    19.55

Gjithsej garues që kanë marrë pjesë në vrapimin 3000 metra ishin110, prej tyre, 86 mashkuj dhe 24 femra.

Trajner më i mirë  i Universiades në atletikë u shpall

Dr.Naser Rashiti i cili u nderua me një kupë.

G.K

Gani KOSUMI

Sporti shqiptar
Raiffeisen Superliga

Organizuar nga Universiteti i Prishtinës së bashku me Parlamentin Studentor dhe mbështetur nga Fakulteti i Shkencave sportve, tash dy ditë në Qendrën e Rinisë dhe të sportit në Prishtinë janë duke u zhvilluar garat e Universiadës Mbarëkombëtare “PRISHTINA 2011”. Në këtë kativitete sportive po marrin pjesë studentët nga universitetet e hapësirave mbarëkombëtare të cilët do  t’i dëshmojnë shkathtësitë e tyre sportive në Futboll, Volejboll, Basketboll, Atletikë, Shah, Ping-pong etj.. Në këtë aktivitet janë përfshirë 450 garues, Në Universiadën Prishtina 2011, po marrin pjesë: Universiteti Politeknik i Tiranës, Universiteti Shtetëror i Tetovës, Universiteti i Prizrenit, Universiteti “Aleksandër Xhuvani”-Elbasan, Universiteti “Luigj Gurakuqi”-Shkodër, Universiteti i Evropës Juglindore të Tetovësë, Universiteti “Eqrem Çabej” të Gjirokastrës, Universiteti i Tiranës dhe mikpritësi Universiteti i Prishtinës.

Pothuaj në të gjitha degët sportive janë duke mbizotëruar sportistët e Universitetit të Prishtinës të cilët janë plasuar në finale në të gjitha degët sportive. Të premten, më 30 shtator 2011, do të zhvillohet të gjitha finalet e sporteve medorë, kurse disiplina e fundit ajo në atletikë do të zhvillohet të dielën, më 2 tetor nga ora 11,00. Me përfundimin e kësaj discipline të të dihet edhe plasmani përfundimtar i sportistëve më të dalluar në Universiadën Mbarëkombëtare Prishtina 2011.

Futboll:

Prishtina-Universiteti i Tetovës   2:0
Prizreni-Shkodra                            0:5

Gjysmë finalja:
Prishtina- UEJL Tetovë                3:0/r.z/
Shkodra-drejtpërdrejt në finale

Finalja: E premte ora 19,00

Shkodra-Prishtina

Volejboll/femrat/

Për vend të tretë Tirana-Prizreni     0:2/r.z/

Finalja, e premte, ora 10,00
Elbasani-Prishtina

Volejboll/meshkujt/

Gjysme finalja:
Prishitna-UEJL Tetovë                2:0

Finalja , e premte, ora 11,30
Prizreni-Prishtina

Basketboll/meshkujt/

Gjysmë finalja
Elbasani-Tirana                        66:43

Finalja e premte, ora 16,00
Prishtina-Elbasani

Shah:
Finalja
Armend Maxhuni/Prishtina

Fatonon Spahia/Prizreni/                1:0

Ping pong/femrat/
1.Xhemile Hasani/Prishtina/
2.Nuraj Kurtesh/Prishtina/
3.Blerta Abazi/Prishtina/
3.Arieta Tërshtena/Prishtina/

Ping pong/Meshkujt/
1.Linor Çitaku/Prishtina/
2.Yll Prestreshi/Prishtina/
3.Dorjan Topia/Tirana/
3.Nazif Shala/Prizreni/

Ateltikë:
Garat zhvillohen ditлn e diel, më 2 tetor 2011 nga ora 11,00.

Gani KOSUMI

Sporti shqiptar
Raiffeisen Superliga

Organizuar nga Universiteti i Prishtinës së bashku me Parlamentin Studentor dhe mbështetur nga Fakulteti i Shkencave sportve, për herë të parë ka filluar  Universiada Mbarëkombëtare “PRISHTINA 2011”. Në këtë kativitete sportive po marrin pjesë studentët nga universitetet e hapësirave mbarëkombëtare të cilët do  t’i dëshmojnë shkathtësitë e tyre sportive në Futboll, Volejboll, Basketboll, Atletikë, Shah, Ping-pong etj. Garat e ditë së parë kanë filluar në Qendrën e Rinisë dhe të sportit në Prishtinë. Të pranishmit i përshëndetën, Mujë Rugova, rekotor i  Universitetit të Prishtinës dhe Ajvaz Berisha, dekan i Fakultetit të Shkencave Sportive. Garat e para filluan në futboll të vogël, kurse në emër të famljes Jashari. Fazli Jashari dhe rekotori i Univeristetit ë Prishtinës, Mujë Rugova e nisën topin nga qendra, para takimit të parë, Shkodra-Tirana. Në këtë aktivitet janë përfshirë 450 garues, pprej tyre 390 meshkuj dhe 60 femra si dhe 50 anëtar të Këshillit organizues dhe komesarëtë garave. Në Universiadën Prishtina 2011, po marrin pjesë: Universiteti Polteknik i Tiranës, Universiteti Shtetëror i Tetovës, Universiteti i Prizrenit, Universiteti “Aleksandër Xhuvani”-Elbasan, Universiteti “Luigj Gurakuqi”-Shkodër, Universiteti i Evropës Juglindore të Tetovësë, Universiteti “Eqrem Çabej” të Gjirokastrës, Universiteti i Tiranës dhe mikpritësi Universiteti i Prishtinës.

G.Kosumi

Sporti shqiptar
Raiffeisen Superliga

Saga rreth transferimit të Ferhan Hasanit në skuadrën belge FC Gent, ditëve të fundit u përcoll me komente dhe akuza të ndryshme. Pasi kohë më parë u paralajmërua se futbollisti i Shkëndijës ishte shumë pranë transferimit te skuadra belge, më vonë nga tabor i Gent-it akuzuan se Hasani në moment të fundit ka ‘ikur’ nga Belgjika, megjithse paraprakisht kishin arritur marëveshje për realizimin e transferimit. Megjithatë pas heshtjes disa ditore, më në fund reagon vetë futbollisti, i cili zbulon prapaskenat e bisedimeve me drejtuesit e Gent-it dhe ndërmjetësuesve (menaxherëve) shqiptarë. ‘T’ju them të drejtën unë duke dashur të jem korrekt deri në fund, nuk doja që përmes mediave t’i jepet shumë hapsirë gjithë asaj që ndodhi në Belgjikë. Mirëpo me që se edhe se mbajnë fjalën, edhe më akuzojnë, atëherë unë detyrohem të reagoj ndaj gjithë kësaj’, tha i indinjuar Ferhan Hasani, i cili të hënën është kthyer në Maqedoni dhe i është bashkangjitur Shkëndijës në seancat stërvitore, për të ruajtur formën para grumbullimit me Maqedoninë. ‘Pasi më deytruan, e them publikisht se unë dhe Shkëndija jemi viktimë e tentimit për manipulim dhe ne jemi pala e tradhëtuar. E vërteta qëndron kështu: Në Tetovë kishim bisedime me Qerim Likajn dhe Besim Reçin të cilët më ofruan kushte të caktuara. Ja për hir të së vërtetës po zbuloj se më ofruan 1 milion e 200 mijë euro neto për katër vite, të cilat unë parimisht i pranova. Me këtë marëveshje udhëtova për në Belgjikë, ku më priti ‘befasia’ e përgatitur. Atje doli se oferta e tyre ishte 800 mijë euro për katër vite, gjë që ishte e papranueshme, për dy arsye. E para se më ofruan shumë më pak se sa ishim marrë vesh në Maqedoni, ndërsa e dyta është se u ndjeva i ofenduar nga ndrimi i qëndrimit paraprak, në bazë të së cilës marëveshje udhëtova drejt Belgjikës’, sqaron detajet e bisedimeve Ferhan Hasani. Ai më tej shton se gjatë bisedimeve janë ndjerë keq, pasi belgët nuk kishin qasje të hapur. ‘Bisedimet i zhvillonim ndaras dhe më krijohej përshtypja sikur dikush provon të manipulohet. Menaxherët një herë biseduan me Idris Ibishin, më pas ndaras me mua, e më vonë këtë u’a ‘përcollën’ drejtuesve të Gent-it. Më vonë kishim edhe një takim të përbashkët, mirëpo unë kisha menduar se e rradhës ishte që të gjithë së bashku do të bisedonim dhe do të arrinim marrëveshjen përfundimtare. Tani kur kujtohem mirë del se ndoshta kishte tentim për të na manipuluar. Nuk dua të besoj në këtë, mirëpo me që se nuk e mbajtën fjalën dhe plus kësaj na akuzuan në media, atëherë del se ata kishin qëllime të këqija’, tha ‘Buba’ dhe shtoi. ‘Pasi vërejtëm se menxherët nuk ishin seriozë dhe ndruan marëveshjen paraprake, ne i njoftuam se do të largohemi nga Belgjika dhe se do të udhëtojmë drejt Dyseldorfit. Tani ndëgjoj se ne paskem ikur nga hoteli? Prej kujt të ikim se kuptoj? Mos vallë mungon ndoshta diçka në hotel dhe të na shpallin edhe vjedhës? Ju lutem, të jemi më serioz dhe të themi të vërtetën, pasi vendosën të dalin në media. Askush nuk fiton nga të gënjeshtrat dhe akuzat e pavërteta’, foli Hasani, duke kërkuar korektësi nga ndërmjetësuesit e bisedimeve. ‘Tani jam në Tetovë ku ushtroj me Shkëndijën, deri në grumbullimin në kombëtare. Më pas do të vendos për të ardhmen time. Falemenderoj kryesinë e klubit që më respekton maksimalisht dhe nuk hyn në bisedime me asnjë skuadër pa pëlqimin tim. Së shpejti do të ketë risi reth të ardhmes time dhe për këtë opinioni do të njoftohet në kohë’, përfundoi futbollisti më i miri në Maqedoni për sezonin e kaluar Ferhan Hasani. /tv Koha

Sporti shqiptar
Raiffeisen Superliga

‘Deri diku mund të kuptoj hidhërimin e tifozëve nga humbja në Turnovë, pasi ata janë mësuar kohëve të fundit me suksese, mirëpo gjëra të këtilla ndodhin në futboll. Futbollistët ndjejnë lodhje pas paraqitjes në Ligën e Kampionëve dhe ndeshjes në Super Kupë. Gjithashtu kemi disa ndryshime në ekip dhe kjo reflektohet në teren. Megjithatë jemi në konsolidim e sipër dhe dua t’ua bëj me dije të gjithëve se jemi duke punuar në drejtim të krijmit të një Shkëndije edhe më të fortë se vitin e kaluar. Mirëpo për këtë duhet kohë dhe nuk mund të bëjmë mrekullinë brenda natës’, shtoi Ibishi

Ditëve të fundit opinioni sportiv në Tetovë por edhe më gjërë ishte kapluar nga zëra për largimin eventual të sponsorit austriak të KF Shkëndija, ‘Messi Group’ në krye me Martin Petuchnig. Mirëpo gjithë kjo demnatohet kategorikisht nga nënkryetari i Shkëndijës, Idriz Ibishi, i cili këto zëra i vlerëson si të pavërteta dhe tentim për të sjellë destabilizim në skuadër. ‘Kategorikisht demantoj gjithë atë që është thënë në lidhje me largimin e sponsorit. Këto janë dezinformata të klasit të parë. Shkëndija nuk ka ndryshime në udhëheqësi dhe ‘Messi Group’ mbetet sponsor i skuadrës tonë’, binidi në fillim Ibishi, duke vijuar më tej. ‘Nuk e kam të qartë idenë dhe qëllimin e këtyre spekulimeve. Shkëndija la pas vitin më të suksesshëm në historinë e saj. Dy vite me rradhë ishte kampione në ligat ku garoi (2009/10 Liga e Dytë dhe 2010/11 Liga e Parë), debutoi në Europë edhe atë në Ligën e Kampionëve, ndërsa së fundi fituam edhe edicionin e parë të Super Kupës së Maqedonisë. Këto suksese në të kaluarën kanë qenë vetëm një ëndër, ndërsa tani ne këto suksese i gëzojmë si realitet. Prandaj nuk kuptoi dhe nuk mund të kuptoi zërat për largim dhe kritikat në adresë të kryesisë së klubit. Jam i vetëdishëm se s’jemi të përkryer dhe se bëjmë gabime, por njeri të përkryer nuk egziston’, tha Ibishi, duke rrikujtuar të gjithëve se në ç’gjendje e morën Shkëndijën në vitin 2008. ‘Lehtë është të kritikosh dikënd, por për këtë duhet të kesh fakte dhe argumente. Të kthejmë kohën pak pas dhe të kujtojmë se në çfarë gjendje ishte Shkëndija. Pa sponsor, pa ambicie dhe ndoshta në rrezik largimi nga Liga e Dytë. Për tre vite ne kemi garuar vetëm për vend të parë, qoftë kategoria e dytë, apo e parë. Sot jemi kampionë të Maqedonisë dhe fitues të Super Kupës. Mos ndoshta jemi fajtor për këtë ecuri të skuadrës’?, pyetet Ibishi. Njeriu i dytë i skuadrës kampione të Maqedonisë, pranon se skuadra ndjen një krizë të lehtë, mirëpo këto janë gjëra normale, posaçërisht nëse meret parasysh se Shkëndija pas vetes ka periudhë të ndeshjeve të vështira, ndërsa ka pësuar edhe ndryshime në përbërje. ‘Deri diku mund të kuptoj hidhërimin e tifozëve nga humbja në Turnovë, pasi ata janë mësuar kohëve të fundit me suksese, mirëpo gjëra të këtilla ndodhin në futboll. Futbollistët ndjejnë lodhje pas paraqitjes në Ligën e Kampionëve dhe ndeshjes në Super Kupë. Gjithashtu kemi disa ndryshime në ekip dhe kjo reflektohet në teren. Megjithatë jemi në konsolidim e sipër dhe dua t’ua bëj me dije të gjithëve se jemi duke punuar në drejtim të krijmit të një Shkëndije edhe më të fortë se vitin e kaluar. Mirëpo për këtë duhet kohë dhe nuk mund të bëjmë mrekullinë brenda natës’, shtoi Ibishi. Drejtuesit e Shkëndijës kërkojnë nga tifozët durim dhe kuptim, pasi interesi i të gjithëve është që skuadra të ketë stabilitet, para sfidave që e presin në sezonin e ri. ‘Ne jemi të vetëdijshëm për mbështetjen e vazhdueshme që tifozët tanë u’a japin futbollistëve dhe për këtë jemi shumë falemenderues. ‘Bashkimi bën fuqinë’ thotë një fjalë e urtë dhe këto komponenta vitin e kaluar neve na dhanë titullin e kampionit. Tani duhet të vazhdojmë të shikojmë drejt sukseseve të reja. Ne kemi për qëllim të krijojmë stabilitet në ekip dhe këtë deri diku e kemi dëshmuar vitet e kaluara. Nuk u ndalëm as në momentin kur dështuam të hymë në Ligën e Parë (sezoni 2008/09, humbje 3:0 nga Pelisteri në balotazh), nuk u ndalëm pas inkuadrimit në Ligën e Parë vitin e kaluar, ndërsa nuk kemi ndërmend të bëjmë një gjë të tillë as tani, kur ekipi shënoi pjesën më të lavishme të historisë së saj. Shkëndija edhe këtë vit do të jetë në luftë për titullin e kampionit dhe fitimin e Kupës së Maqedonsië dhe kjo besoj të jetë e mjaftueshme për apetitet e mbështetësve të vërtetë të Shkëndijës’, përfundoi Ibishi.

‘Ballistët’ janë zemra e Shkëndijës

Revoltë të madhe në mesin e tifozëve të Shkëndijës ka zgjaur teksti i para do ditëve në një medium maqedon, ku citohej se nga kryesia e ‘kuqezinjëve’ janë shprehur të lodhur nga ‘Ballistët’. Ibishi demanton edhe këtë dhe shton se tifozët janë pjesë shumë e rëndësishme e klubit. ‘’Ballistët’ janë zemra e Shkëndijës dhe këtë duhet ta kenë të qartë të gjithë. Futbolli luhet për tifozë dhe ne jemi krenarë që kemi publikun më në numër dhe më besnik në Maqedoni. Në asnjë moment nuk jemi distancuar nga tifozët tanë dhe çdo keqkuptim ka ardhur si pasojë e rrethanave të caktuara. Ne vlerësojmë tifozët e vërtetë të Shkëndijës, të cilët nuk kursejnë asgjë për të qenë në mbështetje të ekipit. Jemi krenar që dy vitet e fundit u dhurojmë vetëm suksese dhe shpresoj të jenë të kënaqur me këtë. Normal që nga ata kërkojmë të distancohen nga dhuna, sjelljet e pahijshme dhe skandalet e mundshme, që në të shumtën e rasteve edhe me insistim të madh montohen nga pala tjetër. Ne duam të ngrisim nivelin e klubit në suaza Europiane dhe të njëjtën gjë besoj ta bëjnë edhe tifozët tanë, pasi së bashku shpresojmë që vitet e ardhshme vazhdimisht të jemi pjesë e garave ndërkombëtare’, deklaroi Idriz Ibishi./ Tvkoha

Sporti shqiptar
Raiffeisen Superliga

Kampioni i Maqedonisë në futboll, Shkëndija nga  Tetova nuk ka arritur të bëjë befasinë. Aq më tepër, nuk ka arritur as të shënoi, të paktën, golin e nderit kundër kampionit sërb, Partizanit të Beogradit. Edhe ndeshjen e dytë, si vendas në Shkup, Shkëndija e ka humbur me rezultat 0:1.

Shkëndija e Tetovës nuk arriti të bëjë befasinë. Megjithate 4.000 shikuesit në stadiumin e qytetit në Shkup kanë merituar së paku gëzimin e një goli pas gjithë asaj atmosphere qe krijuan e sidomos edhe pas rasteve që i patën futbollistët “kuq e zi”. Kjo nuk ndodhi, ndërsa Partizani i Beogradit duke ditur se ka epërsi të madhe nga ndeshja e parë (0:4) zhvilloj një lojë aq sa për të kaluar këtë ndeshjen e dytë më shumë duke u ruajtur nga lëndimet e kartonat se sa i angazhuar të bëjë diçka më shumë. Nga një kundërsulm, ata megjithate, arritën që të shënojnë gol i cili u dha fitoren edhe në ndeshjen e dytë  0:1.

Shkëndija qysh para fillimit të këtyre dy ndeshjeve e ka ditur se ka të bëjë me një kundërshtare të forte, por te secili futbolllisti i saj është parë dëshira që të bëjnë më të mirën kundër Partizanit, por u pa qartë edhe një herë se dëshira dhe mundësitë janë dy gjëra të ndryshme.

SHKËNDIJA – PARTIZANI 0:1 (0:0)

0:1 Jovançiç (67’)

Shkëndija: Suat Zendeli, Nebi Mustafi, Mexhit Neziri, Ardian Cuculi,  Feran Hasani, Ersan Sali (Hyseni, 46′), Jasir Selmani (Taipi, 74′), Izair Emini (Bilbilovski, 85′), Vladimir Nikitović, 22 Muhamed Huseini , Sedat Berisha. 

Partizani:  Ilic, Aksentijević, Volkov, Ranković,  Ivanov, Medo , Ilić,  Tomić (Babovic, 46′),  Vukic (Ninkovic, 76’), Scepovic, Eduardo (Jovancic, 63′).

E.E.

Atmosfera që krijuan tifozët e Shkëndijës në Shkup

Sporti shqiptar
Raiffeisen Superliga

CL: Shkëndija - Partizani, 20:45 h, Shkup. Live në KLAN Kosova

Ndeshjen e parë Shkëndija e ka humbur me rezultat të thellë 0:4 në Beograd, prandaj ndeshja e kthimit do të jetë shumë e vështirë për ta përmbysur këtë disfatë. Megjithate Shkëndija lufton për fitore.

Ishte pjesa e dytë fatale për Shkëndijën në ndeshjen e parë në Beograd në kuadër të kualifikimeve për Ligën e Kampionëve. Derisa në 45 minutat e para Shkëndija u mbrojt me sukses duke përmbyllur pjesën e parë pa gola (0:0), në pjesën e dytë tetovarët pësuan 4 herë dhe kështu i zvogluan vetes gjasat për të shpresur në kualifikim. Megjithate duke ditur dëshiren e madhe dhe përkrahjen e tifozëve “ballistat” që pritet tua bëjnë në stadiumin e qytetit në Shkup, Shkëndija do të përpiqet që së paku të shënoi fitore dhe që ajo të jetë sa më bindëse, pse jo të tentojnë që të ja arrinë edhe qëllimit. Kur mundi Partizani të shënoi 4 herë vetëm në pjesën e dytë në Beograd, pse të mos shënoi edhe Shkëndija 4 here në Shkup ?

Ndeshja fillon nga ora 20:45 dhe zhvillohet në stadiumin e qytetit në Shkup. Klan Kosova ka premtuar se do ta transmetoi edhe këtë ndeshje LIVE në kanalin e vet televiziv.

E.Ejupi

Sporti shqiptar
Raiffeisen Superliga

Dy skuadrat shqiptare, Skenderbeu dhe Shkendija, Kampione të shteteve përkatëse, (Shqipërisë dhe Maqedonisë) kanë pësuar disfata në ndeshjet e para të xhiros së dytë të kualifikimeve për Ligën e Kampionëve. Shkëndija në Beograd nga Partizani 0:4 ndërsa Skenderbeu në terren të vet nga Apoel Nicosia 0:2  .

Shkëndija me dy pjesë krejtësisht të ndryshme

Ashtu siç ishte pritur Partizani që nga minuta e parë nisi me sulme dhe presion të vazhdueshëm drejt portës së Zendelit për të shënuar sa më parë gol. Por megjithate futbollistët “kuq e zi” të Kampionit të Maqedonisë nga Tetova, edhe pse të koncentruar krejtësisht në defanzivë ata erdhen te rasti i parë dhe më i mirë në ndeshje – penalltia.

“Kuq e zinjët” nuk realizojnë penalltinë …

Zhvillohej minuta e 12 e ndeshjes kur në një kundërsulm të rrallë deri atëherë te Shkëndijës, një futbollist i Partizanit luan me dorë në zonën e rrezikshme dhe referi pa u hamendur tregoi pikën e bardhë, penallti. Përgjegjësinë për ekzekutimin e kësaj goditje dënimi e morri futbollisti më i mirë në sulmin e tetovarëve, Ferhat Hasani. Por, sigurisht nga emocionet e mëdha, pastaj edhe nga përgjegjësia e madhe, dhe vet fakti se doli në një situatë kur do të shënonte një gol shumë të rëndësishëm në Beograd, që sigurisht se ndeshjes do t’i japte kahje krejtësisht tjetër, Ferhat Hasanit i mungoj koncentrimi i duhur, dhe gjuajtjen e tij të fortë portieri beogradas arriti që ta mbrojë. Shkëndija humbi rastin më të mirë në ndeshje qfarë më nuk e patën asnjëherë gjatë minutave tjerë në vazhdim.

Më pastaj Partizanit kjo sikur ua shtoj vetbesimin dhe vazhduan me sulmet e tyre drejt portës së Zendelit. Megjithatë pjesa e parë përfundoj me rezultat të barabartë 0:0.

Në pjesen e dytë nuk pati shkëndijë… !

Me të nisë pjesa e dytë Partizani pos që vazhdoi me sulme, ai nisi edhe t’i konkretizoj rastet. Filluan të shënohen golat, ndër të cilët dikur edhe një autogol nga mbrojtësi Sedat Berisha për rezultatin përfundimtar 4:0.

Në fund mund të themi lirshëm se futbollistët e Shkëndijës u angazhuan shumë, dhanë shumë nga vetja në aspektin fizik, por në momente të caktuara patën disa gabime të cilat kundërshtari i konkretizoj, gjë që bëri që në fund rezultati të jetë kaq i thellë.

Me këtë disfatë të thellë në ndeshjen e parë (4:0) Shkëndijes i mbetet shumë punë në ndeshjen e kthimit që pas 7 ditësh zhvillohet në stadiumin e qytetit në Shkup.

PARTIZANI – SHKËNDIJA 4:0 (0:0) 

1:0   Vukic (48’)

2:0   Eduardo (57’)

3:0   Scepovic (74’)

4:0   Berisha (76’/autogol)

Skenderbeu dështoj para publikut të vet

Kampioni i Shqipërisë, Skenderbeu nga Korça, ka pësuar para publikut të vet 0:2 nga Apoeli i Qipros. Për dallim nga Shkëndija që shpreson në ndeshjen e kthimit para publikut të vet, Skenderbeu do ta ketë shumë vështirë për rezultat të favorshëm pasi ndeshjen e kthimit e zhvillon si mysafir në Qipro.

 SKENDERBEU – APOEL 0:2 (0:0)

0:1   Marais (52’)

0:2   Manduca (56’)

Ndeshjet e kthimit zhvillohen me 20.07.2011.

E.Ejupi

Sporti shqiptar
Raiffeisen Superliga