Volejbollisti shqiptaro-amerikan, Donald Suxho, po kalon çaste të mira në Serinë A1 të Italisë me skuadrën Sisli të Trevizos. Sikur javën që shkoi (si udhëtues), edhe sonte, por në vatër të vetë skuadra e njohur e volejbollit evropian para 1400 shikuesve në Spes Arena, pas 2 orë e 8 minuta lojë dramatike mundi Romën me rezultat 3:2 në sete.

Sisli provoi që t’i jepte fund ndeshjes që në setin e katërt, por rokamët nuk lëshuan pe dhe pas 37 minutash fituan (35:33) dhe barazuan rezultatin në 2:2 në sete.

Seti i pestë fillim e mbarim u kontrollua nga Sisli, gjë që tregon edhe vetë rrjedha e tij (5:4, 10:6, 12:9 dhe në fund 15:11). (Xh)

REZULTATET – XHIROJA 18

BREBANCA LANNUTTI CUNEO – LUBE BANCA MARCHE MC 3-2 (19-25, 15-25, 25-17, 25-15, 15-13)

CASA MODENA – FIDIA PADOVA 3-0 (25-21, 25-20, 25-21)

ENERGY RESOURCES PG – ITAS DIATEC TRENTINO TN 0-3 (21-25, 13-25, 17-25)

MARMI LANZA VERONA – CMC RAVENNA 3-1 (25-15, 25-22, 22-25, 25-22)

SISLEY TREVISO – M. ROMA VOLLEY 3-2 (25-21, 25-18, 33-35, 22-25, 15-11)

ANDREOLI LATINA – ACQUA PARADISO MONZA 3-2 (25-22, 23-25, 21-25, 25-21, 15-11)

TONNO CALLIPO VIBO – COPRA ELIOR PIACENZA 0-3 (20-25, 23-25, 16-25)

RENDITJA

1. ITAS TRENTO          16      2        47

2. MACERATED            14      4        39

3. WEDGE                     13      5        39

4. MODENA                            13      5        35

5. Ë. PARADISE MONZA       11      7        31

6. SISLEY TREVISO               9        9        29

7. VERONA                             8        10      25

8. M. ROME                            8        10      24

9. LATIN                        8        10      23

10. PIACENZA               7        11      23

11. VIBO VALENTIA    7        11      20

12. PADUA                    5        13      18

13. ST. JUSTIN              5        13      16

14. RAVENNA               2        16      9

Sporti shqiptar

Skuadra e shqiptaro-amerikanit, Donald Suxho, Sisli Belluno, ka shënuar një fitore të mundimshme, por të merituar si udhëtues ndaj Energy Resources San Giustino me rezultat 3:2 në sete.

Edhe një ndeshje pati rrjedhë dramatike. Andreoli Latina fitoi ndaj rivalit të dëshmuar të Serisë A1 Bre Banca Lannutti Cuneo me rezultat 3-2 në sete.

Takimet e tjera u mbyllën me rezultate të pritura.

REZULTATET, XHIROJA 17

Lube Banca Marche Macerata – Itas Diatec Trentino0-3

Energy Resources San Giustino – Sisley Belluno     2-3

Acqua Paradiso Monza Brianza – CMC Ravenna    3-0

Andreoli Latina – Bre Banca Lannutti Cuneo            3-2

M. Roma Volley – Tonno Callipo Vibo Valentia      3-0

Fidia Padova – Marmi Lanza Verona                       3-0

Copra Elior Piacenza – Casa Modena                      3:1

RENDITJA

1. ITAS TRENTO          15      2        44

2. MACERATA              14      3        38

3. CUNEO                      12      5        37

4. MODENA                   12      5        32

5. PARADISO MONZA 11      6        30

6. BELLUNO                  8        9        27

7. M. ROMA                  8        9        23

8. VERONA                   7        10      22

9. LATINA                     7        10      21

10. VIBO VALENTIA    7        10      20

11. PIACENZA               6        11      20

12. PADOVA                 5        12      18

13. SAN GIUSTINO       5        12      16

14. RAVENNA               2        15      9

Sporti shqiptar

Humbet ngushtë me rezultat 3:2, Llugano e volejbollistit shqiptar, Habil Ajeti. Madje kjo, ndodhi në cilësi të udhëtuesit, në kryendeshjen e xhiros 18 të ligës elite të Zvicrës, ndaj deri para kësaj ndeshjeje, TV Schönenwerd I, që mbante kreun e renditjes.

“Fati na e ktheu shpinën”, tha për portalin Albaspox, Habil Ajeti, njëra ndër figurat qendrore të ndeshjes. “Te rezultati 13:9, kur dukej se ndeshja do të mbylljes në të mirë të skuadrës sonë dhe na ndanin vetëm edhe dy pikë për ta fituar setin e pestë, ndodhi kthesa e papritur. Në fund fituan rivalët me rezultat 19:17”, ka thënë Ajeti.

Skuadra e shqiptarit tjetër, Dritan Çuko, Chênois Genève, nuk pati punë të vështirë. Në vatër të vet mundi VBC Lutry-Lavaux I me rezultat të pastër 3:0 në sete. (Xh)

REZULTATET, XHIROJA 18

VBC Münchenbuchsee I – Amriswil I            0:3 (15:25, 20:25, 21:25)

Chênois Genève – VBC Lutry-Lavaux I         3:0 (25:15, 25:22, 25:19)

Volley Smash 05 – VBC Züri Unterland         1:3 (25:18, 17:25, 18:25, 16:25)

Schönenwerd – PV Lugano                           3:2 (18:25, 25:16, 25:21, 21:25, 19:17)

SEAT Volley Näfels I – Lausanne UC I         3:1 (25:15, 25:18, 26:28, 25:21)

RENDITJA

1. Chênois                      18      47:15  44

2. TV Schönenwerd I      18      49:18  44

3. Amriswil I                             18      44:22  38

4. Näfels I                       18      44:26  37

5. PV Lugano                  18      44:24  36

6. Lausanne UC I            18      39:26  34

7. VBC Lutry-Lavaux I    18      17:45  13

8. Smash 05                    18      16:46  11

9. VBC Züri Unterland     18      14:47  10

10. VBC Münchenbuchsee        18      7:52   3

Sporti shqiptar

 Në  organizim  të Drejtorisë për Kulturë,Rini dhe Sport të Prizrenit, në ambientet e restaurantit luksoz “Alegria”,është organizuar një mbrëmje  e mrekullueshme,ku morën pjesë shumë punëtorë të kulturës,sportit e musafir tjerë,në të cilën u   bë shpallja e  laureatëve  për vitin 2011-të. Për më të merituarit e  sportit,të cilët këtë vit e prezantuan sportin prizrenas me shumë sukses,është përkujdesur komisioni i  përzgjedhur nga Drejtoria përkatëse pranë KK të Prizrenit  në përbërje:Allmir Sahiti-Drejtor i DKRS,Lulzim Ibri – Koordinator për sport pranë DKRS,Mark Palokia – gazetar i RTK-së,Durak Thaçi-zyrtarë i gjendjes civile pranë KK të Prizrenit,Bashkim   Kajdomçaj- Zëdhënës,sekretar i KF”Liria” si dhe gazetar i Radio Dukagjinit,Shkelzen Kryeziu- Gazetar bashkëpunëtor i RK-së dhe portalit sporiv “Albaspox”.

Për të ururar  dhe përshëndetur më të mirët e vitit që e kemi lënë pas, përveç  shumë sportistëve,në këtë ceremoni  mori pjesë   dhe Kryetari  KK të Prizrenit Prof.Dr.Ramadan Muja me bashkëpunëtorë,i cili në fjalën  përshëndetëse ka uruar dhe përgëzuar sporetistët për sukseset e arritura,duke ju dëshiruar që viti 2012 të jetë akoma më i suksesshëm.Laureatë  të sportit Prizrenas për këtë vit u shpallën:

Epiteti i laureatit për 2011-tën i   takoi  Sahit Berishës i cili  pas paraqitjes së  shkëlqyeshme në kampionatin e mbajtur në Tiranë fitoi titullin e nënkampionit botëror në mundje  për veteran, konkurenca 35 – 40 vjeç.

Ndërkaq që në mesin e dhjetë më të mirëve u gjendën edhe:

Gurash Hasani – tenisieri më i mirë kosovarë në vitin 2011-të

    Meldin Gorani  – çiklisti më i mire i vitit  2011-të në Kosovë.

Kreshnik Kokollari – ndër dhjetë boksierët më të mirë kosovarë në vitin që e lame pas.

Armend Xhoxhaj - juniori më i mirë ndër boksierët e rinjë në 2011-ën.

Elinda  Musliu       - basketbollistja më e mire e Bashkimi dhe ndër më të mirat e Kosovës.

Rafet  Mullallari    – futbollisti dhe kapiteni me autoritet në radhët e Lirisë.

Mentor Ajazaj   -  atlet i cili me performansat që disponon për të ardhmen premton shumë.

Kaltrina  Hasani  – hendbollistja më e mire prizrenase.

Harun  Flugaj  – bodibilderi me performansat e larta për të ardhmën.

 Klubi sportiv:

Ne vitin që e lam pas sukseset e këtij klubi janë të pa

justifikueshme prandaj me të drejtë fitoi epitetin e më të merit,bëhet  fjalë për KM”Prizreni”.

Po ashtu me mirënjohje është dekoruar edhe Klubi me aktivitet të veçantë sportive  Klubi I Basketbollit  me karroca “Marsi”.

Trajner i vitit:  Sylejman Shala gjat vitit që e lam pas, është dalluar  për sukseset e arritura me mundës në garat shtetrore,

mbarëkombëtare si  dhe në ato ndërkombëtare.

Gjyqtar më i dalluar  u shpall  gjyqtari i basketbollit – Arbnor Rifati.

Gazetari më i dalluar: Rami Berisha,gazeta “Lajm”.

Punëtori më i dalluar sportiv: Puna e palodhshme për vite me radhë e sidomos  për kontributin e dhënë gjatë këtij viti,  epiteti i punëtorit më të merituar  sportiv i takoi  Drejtorit Finansiar të KF”Liria” Mr.Arben Gashi.

Ngjarja sportive pa dyshim ishte  Auto Gara Rrethore  “ Prizreni 2011”,të cilën ngjarje e përcolli një numër i madh shikuesish.

Shpresat e sportit Prizrenas u shpallën:

    Veli Susuri  – mundës

    Vedat Muriqi – futbollist

    Elona Kolgeci – karateiste

    Edmond  Kryeziu – basketbollist

    Dafina Gashi – hendbolliste

    Sanell Shaqiri – baketbollist

    Qëndrim Gashi  - futbollist

     Jeta Kabashi – pingpongiste

     Miralem Sadiki – pingpongist

Ubeit  Shuki     -  alpinist

  Të gjithë sportistët u shpërblyen me  emirënjohje.

  Shkelzen Kryeziu

Sporti shqiptar

Garat e Kupës nisin më 26/26 shkurt, ndërsa kampionati në të dy konkurrencat e Superligës së Kosovës, fillon më 3 dhe 4 mars 2012…

Prej 1-15 shkurt, në orën 16:00, nis dhe mbyllet afati dimëror i kalimit në volejbollin e Kosovës. Zyrtarët e Federatës këtë vendim e morën në mbështetje të Rregullorës së brendshme (neni  4.7). Kalimi vlen vetëm për ata lojtarë me pasaportë të Kosovës, që nuk janë federuar, nuk kanë marrë licencë dhe nuk janë aktivizuar në asnjë skuadër në Kosovë  dhe jashtë saj, brënda të njëjtit stinor.

Bëhet e ditur se më 26/27 shkurt nisin garat e Kupës së Republikës së Kosovës (xhiroja e parë), ndërkohë që superliga e Kosovës në të dy konkurrencat nis më 3 dhe 4 mars dhe mbyllet më 21/22 prill 2011. (Xh)

Sporti shqiptar

Habil Ajeti, tashmë është përshtatur plotësisht në skuadrën e tij të ligës elite te Zvicrës, PV Llugano. Këtë e bën bindëse edhe loja e tij e shkëlqyer nga java në javë. Duket se shpërthimin e pati mbrëmë ndaj Smash 05, kur Llugano fitoi me rezultat të pastër 3:0 (25:16, 25:15, 25:18), ndërkohë që juria e shpalli Ajetin lojtarin kryesor të ndeshjes (MVP).

Ajeti është shqiptari i dytë që bën karrierë në skuadrën italianfolëse të Zvicrës. Para tij, në edicionin 2009/2010 luajti edhe Adriatik Kajtazi.

Habil Ajeti, ka nënshkruar për skuadrën PV Llugano kontratë njëvjeçare. Karrierën e ka filluar në Shkëndijën e Tetovës, më pas luajti për Mabetexi-in e Prishtinës, Shutovën e Kërçovës, Rabotniçkin e Shkupit dhe së fundi edhe për Studentin e Tiranës.

Dritan Çuko, ndërkaq, poashtu me sukses po e drejton Chênois Genève Volleyball I  dhe njëkohësisht edhe është lojtar veprues, ku, siç dihet, luajti edhe një tjetër shqiptar në edicionin 2009/2010. Ishte bashkëlojtari i tij dhe i përfaqësueses së Shqipërisë, kosovari Gazmend Husaj. Në javën e 17-të Chênois Genève Volleyball I pësoi nga Amriswil me rezultat 3:1.

NLA, MESHKUJT, XHIROJA 17

PV Lugano – Smash 05                          3:0 (25:16, 25:15, 25:18)

VBC Lutry – TV Schönenwerd           0:3 (17:25, 18:25, 18:25)

Lausanne – VBC Münchenbuchsee  3:0 (25:16, 25:14, 25:15)

Amriswil – Chênois                                 3:1 (20:25, 25:18, 25:20, 25:21)

VBC Züri Unterland -      Näfels          0:3 (12:25, 20:25, 11:25)

RENDITJA

1. TV Schönenwerd I                      42

2. Chênois Genève Volleyball I  41

3. PV Lugano                                      35

4. Volley Amriswil I                        35

5. Lausanne UC I                              34

6. SEAT Volley Näfels I                 34

7. VBC Lutry-Lavaux I                 13

8. Volley Smash 05                        11

9. VBC Züri Unterland                  7

10. VBC Münchenbuchsee I      3

Sporti shqiptar

“Ëndrra ime është që të bëhem trajner i përfaqësueses së Shqipërisë, ku do të luanin të githë lojtarët më të mirë shqiptarë dhe të përgatitemi për dy-tri vite së bashku, e pastaj të dalim në arenën evropiane dhe botërore”, thotë trajneri Bujar Dërvishaj, që ka bërë emër në Gjermani dhe në Zvicër…

Bisedoi: Xhavit KAJTAZI

Do të mund të ishte një futbollist shumë i mirë. Luajti për Pionierin e Prishtinës dhe ishte shënuesi më i mirë me 20 gola. Basketbollist, poashtu… Edhe hendbollist… Edhe pse i luante me shije këto sporte që në fëmijëri, ai kishte vendosur t’u bashkohej shokëve të lagjës së tij, që kishin shfaqur dëshirë të regjistrohen në klubin e volejbollit Universiteti të Prishtinës. Këtu dhe nisi hapat e parë seriozë. Talenti, mbi të gjitha dëshira  për t’u marrë me sport bëri që Bujar Dërvishaj, të jetë pjesë e skuadrës së parë të Universitetit që në moshën 15 vjeçe. Ai po rritej edhe me shtat… Po bëhej dy metra i gjatë.. Po rritej edhe në nivelin teknik.

Karrriera e tij vazhdoi  me shumë sukses. Ishte anëtar i përfaqësueses së Kosovës në konkurrencën e juniorëve (më 1985 Kosova zuri vendin e katërt, duke lënë pas vetes Malin e Zi, Maqedoninë, Bosnjen dhe Hecegovinën, Vojvodinën), pastaj edhe i përfaqësueses së juniorëve të ish Jugosllavisë. Luajti më pas në shumë skuadra në Kosovë dhe në Vojvodinë e Greqi, për të vazduar karrierën në Gjermani, fillimisht si lojtar veprues dhe më pas edhe trajner. Këtë zeje tashmë me përkushtim po e ushtron në Zvicër…

Bujar fillimisht  gëzuar Vitin e Ri… Si kaluat për festat e fundvitit?

Pasi që fëmijtë janë rritur dhe secili festoi me shoqërinë e vet nëpër vende të ndryshme, vendosëm që unë dhe Merita, bashkëshortja ime, Vitin e Ri ta presim në një hotel buzë liqenit të Zürichit.

Keni uruar familjarët, miqt tuaj, kolegët, sportistët?

Po. Por, nëse e kam harruar ndonjërin, atëherë po e shfrytëzoj rastin ta bëjë tani.Urime dhe çdo të mirë!

Cili do të ishte, pra, urimi juaj për vitin që sapo kemi hyrë?

I uroj të gjithë shqiptarët kudo që janë, që në vitin 2012 të gjitha vizionet, planet dhe ëndrrat t’u plotësohen!

Çka u premtoni adhuruesve të volejbollit për këtë vit?

U premtoj se do te mundohem sikurse edhe deri tani që ta prezantoj Kosovën dhe popullin shqiptar sa më mirë që mundem në Evropë.

Bujar, si ndodhi që të jesh adhurues i hendbollit dhe profesionist i volejbollit?

Më fal, por unë kam qenë adhurues i futbollit (ishte edhe sporti i parë që fillova ta luaj). Skuadra  quhej Pionieri nga Prishtina. Sukseset e mia në këtë kohë ishin goxha të mëdha sepse u bëra shënuesi i vitit me 20 gola… Pastaj, besa, erdhi në radhë basketbolli dhe së fundi u ndala në volejboll. Brezi im ka qenë shumë i fortë në të githa sportet (kemi qenë të gjithanshëm), sepse asokohe nuk kishim kompjuterë, playstation, celularë etj. Ne, çdo kohë të lirë që e kishim, dilnim dhe luanim; çdo shoqëri kishte fushat e veta ku mblidheshim, si në lagjën Ulpiana dhe në Gërmi.

Adhurues i hendbollit u bëra ne Gjermani, pasi që vajza ime Flaka filloi të luante hendboll. Edhe pse ajo asokohe luante në ligën e junioreve, në palestër vinin ta shikonin më shumë se 500 shikues. Ky sport është shumë popullor në Gjermani.

Pse profesionist i volejbollit?

Kur e bën një punë me kënaqësi, atëherë edhe përfiton nga ajo. Si lojtar, poashtu edhe si trajner, e gjeta rrugën time dhe pata mundësi që HOBIN TA BËJ PROFESION. Me plot gojë mund të them: jam shumë i lumtur që e pata këtë fat.

Si ju ecin pasardhësve tuaj punët?

Deri më tani jam i kënaqur. Edhe pse shoqja dhe njëra vajzë nuk mirren me sport, ato na përkrahin në çdo kohë. Kështu, që, e tërë familja është e preokupuar me sport dhe në këtë mënyrë edhe kalojmë mjaft kohë së bashku. Bie fjala, gjatë fundjavës, temë jona është humbja ose fitorja e njerit apo tjetrit dhe diskutimet se çka duhet të ndryshohet ose te përmirësohet. Nëse nuk kam unë lojë, atëherë shkojmë me Meritën te djali ose vajza për t’i përkrahur gjatë lojës.

Vajza luan hendboll, ndërsa djali vazhdon udhën tuaj. Je i kënaqur me zgjedhjet që ata i kanë bërë?

Absolutisht. Ajo që më bën të jem edhe më i kënaqur, është se ata të dy kanë zgjedhur sportin vet, pa ndikimin ose ndërhyrjen tonë!

Flaka, ishte në përfaqësuesen e junioreve të Gjermanisë, bëri edhe debutimin në Bundesligën e Gjermanisë dhe pastaj erdhëm në Zvicër. Këtu u bë me skuadrën e saj  fituese e Kupës së Zvicrës për edicionin 2011 dhe dy herë nënkampione e  Zvicrës.

Te Leoni ka zgjatur pak procesi derisa e gjeti drejtimin e vet.

Pasi që u bëra trajneri udhëheqës i shkollës së talentave të këtij Kantoni dhe kryesisht mirresha me talente të rinj, më thoshte Merita: “Po ushtron talente e këtë talent që e ke në shtëpi nuk po e merr me vete”.

Por unë nuk kisha dëshirë që t’ia imponoj volejbollin, nëse ai nuk do të shfaqte gatishmërinë vetë. Leoni deri para dy vitesh mirrej me futboll dhe tenis.

Me insistimin e Meritës e mora me vete në dy, tri stërvitje vetëm për ta provuar. Dhe, Leoni ishte ai që shfaqi dëshirën të mbetet në volejboll.

Kështu që, sot, pas dy vitesh, edhe pse filloi me volejboll relativisht vonë, në krahasim me moshatarët e tij që i kam në këtë shkollë, Leoni dallohet me aftësitë e tij. Këtë nuk po e them si baba i tij, po si trajner.

Sa premtojnë Flaka dhe Leoni?

Flaka, ka potencial shumë të madh dhe ëndrra e saj është që të luaj në ligën më të fortë të hendbollit në Danimarkë, si dhe më vonë, ndoshta edhe për përfaqësuesen e Kosovës.

Leoni është momentalishte 15 vjeç dhe i gjatë 191 centimetra, luan në pozitën, ose bën shkollimin për organizator të lojës. Momentalisht gjendet në përfaqësuesen e të rinjëve të Zvicrës dhe nëse vazhdon kështu të punojë me kaq entuziazëm dhe vullnet, atëherë mendoj se premton shumë. Koha do ta bëjë të veten.

Një kohë të gjatë jetoni dhe veproni jashtë Kosovës. Si e le Kosovën dhe çka gjete në Evropë?

Po, vërtetë është kohë e gjatë. Ishte viti 1991… Gjendja politike sikur që e dimë të gjithë, në ish Jugosllavi ishte e padurueshme. Ishin masat e dhunshme, papunësi e madhe. E unë asokohe, përmes sportit tim dhe asaj çka fitoja, pasi qe isha kryefamiljar, isha në gjendje të kujdesem për familjen time. Pasi që isha shqiptari i vetëm që luante në Ligën e parë të ish-Jugosllavisë, nuk munda më ta duroja atë presion që e kisha, kështu që vendosëm me Meritën dhe Flakën e vogël ta lëshojmë vendin dhe të shkojmë në Gjermani.

Atje u futa shumë shpejtë në botën e volejbollit. Fal dëshirës sime për volejboll dhe aftësive të mia, si dhe vlerësimit korrekt të asaj çka ju ofroja gjermanëve arrita të bëj emër në Gjermani së pari si lojtar, e më vonë si trajner. Gjermanët i kam përjetuar si një popull shumë korrekt, të cilët dijnë të vlerësojnë atë që ua ofron dikush. Merita, bashkëshortja ime e hapi një byro përkthimi. Kështu që për një kohë shumë të shkurtër në Gjermani, unë dhe familja ime e gjetëm nje rehati shpirtërore e besa edhe materiale.

Dua te them që në Evropë gjeta njerëz pa komplekse. Pata fatin të punoja me njerëz që kan vizion dhe karakter të fortë. Atje për së pari herë e përjetova se çfarë respekti i bëhet dikujtë nëse është punëtor dhe ka talent. Me një fjalë, e gjeta mjedisin ku mund të punoja, të mesoja dhe të shprehja mendimim tim të lirë…

Nga kjo distancë kohore, mund të na thuani pak fjalë se si u bë që të merreni me sport, që tashmë është edhe profesioni juaj?

Po tash, pasi po me pyet po të pergjigjem. Pos asaj që gati e gjithë mëhalla jonë mirrej me volejboll, shkaku kryesore ishe ti, i dashuri Xhavit. Ti ishe ai qe me atë entuziazmin tënd të flaktë për volejbollin më binde që të vija në një stërvitje. Prej një stërvitjeje u bënë dy, tri e kështu me radhë. Me këtë dua ta shfrytëzoj rastin që të të falënderoj përzemërsisht për motivimin që ma ke bërë atëherë. Besoj, që po të mos më kishe nxitur asokohe për volejboll, unë kushedi se me cilin sport do të merresha tani.

Pra, ky falënderim nuk ka të bëj vetëm me mua, por me të gjithë ata lojtarë tjerë që i ke pasur si trajner, si dhe me volejbollin kosovar në përgjithësi.

Po dalim pak te jeta juaj sportive. Ku nisët dhe ku jeni tashmë?

Nisa në Klubin e Volejbollit Universiteti të Prishtinës, vazhdova në Klubin e Volejbollit Elektroekonomia të Obiliqit, pastaj në KV Spartak nga Subotica, Iraklis në Selanik dhe në Gjermani nëpër disa skuadra të Bundesliges, ndërkohë që më 1998 luajta për “All Star Team”!

Në Gjermani e kreva edhe  shkollën për trajner të volejbollit, për çdo kategori…

Pas shumë viteve të kaluara në Gjermani, pranova një ofertë nga Federata e Volejbollit e Zvicrës, për të marrë përsipër një shkollë të talenteve në Kantonin Aargau. Kjo është shkolla me numrin më të madh  të fëmijëve në Zvicër. Poashtu, jam edhe në shtabin teknik të trajnerëve për të gjitha kategoritë e të rinjve të përfaqësuees së Zvicrës. Në Zvicer e kreva edhe akademinë e sportit dhe momentalishte kam titullin “Swiss Olympic Trajner”.

Jam në Shtabin teknik të trajnerëve ku po mundohemi së bashku me trajnerin e parë të Zvicrës Carl Mc Gown (tri herë kampion olimpik me përfaqësuesen e Shteteve të Bashkuara të Amerikës), të shkollojmë rininë zvicerane me metodat e shkollës amerikane të volejbollit. Një  program shumë interesant. Shpesh gjatë trajnimeve te ndryshme, mendoj se a do të vjen dita që edhe ne në Kosovë të shkollojmë rininë tonë në kësi lloj mënyre.

Çka keni përfituar nga ky sport deri më tash?

Një shoqëri, përvojë, përjetime, njohuri të cilat kurrë nuk do t’i kisha përjetuar sikur mos ta kisha zgjedhur udhën e volejbollit…

Keni ardhur shpesh në vendlindje. Me çfarë përshtypjesh ktheheshit në Gjermani, dhe tash në Zvicër?

Jam munduar sa më shpesh që të vij në vendlindje dhe të kem kontakte të rregullta me volejbollin kosovar. Mirëpo, kthehesha githmonë i dëshpëruar, sepse e shihja se koha po kalonte dhe asgjë nuk po ndryshonte. Rinia kosovare qe mirrej me volejboll e humbte kohën duke pritur për diçka, por nuk ndodhte asgjë deri sa dikush mundohej të bëhej kampion i Kosovës duke bërë “Play off”, ose duke pasur konkurrente një ose dy skuadra prej fillimit e deri në fund të kampionatit dhe duke harruar të ardhmen dhe rininë.. Gabim i cili s’paguhet me asgjë…

Mund të na jepni një vlerësim lidhur me cilësinë e volejbollit në Kosovë në raport me rajonin në të dy konkurrencat?

Me një fjalë, me rini sikur që kemi ne në Kosovë mund të arrijmë gjithçka, që të na merr lakmi e gjithë Evropa. Për fat të keq këtë rast mund ta arrijnë vetëm disa prej tyre. Shkaqet i dini ju në Kosovë më mirë se unë.. Unë nuk kam dëshirë t’i numëroj tani.

Ndërsa nuk dua dhe nuk kam dëshirë ta bëj asnjë vlerësim me Zvicrën në asnjë konkurrencë sepse jemi shumë larg shkollimit profesional të moshave të reja… Metodat dhe planet e stërvitjes duhet të bëhen për të gjitha moshat, gjë që mungon tek ne.

Çka i duhet volejbollit të Kosovës?

Po i numëroj me radhë:

- Shkollimi profesional i trajnerëve të Kosovës;

- Hapja e disa shkollave të talenteve nëpër qendrat e mëdha të Kosovës;

- Përzgjedhja profesionale e talentave, çdo vit me radhë;

- Hapja e klasave sportive nëpër gjimnaze. D.m.th., çdo Gjimnaz të ketë nga disa klasë sportive ku në çdo klasë do të ishin talentet e çdo dege të sportit, dhe ku sistemi shkollor t’ua mundësojë këtyre talenteve të jenë të liruar nga shkolla që çdo dite nga të paktën dy herë të mund të stërvisin;

- Në çdo shkollë të jenë trajnerët më të mirë të Kosovës, por edhe nga jashtë pse jo…Më besoni se pas disa viteve do te dilnim në skenën evropiane dhe do të kishim sukses të garantuar…

Ku i shihni pengesat në të cilat ka hasur volejbolli i Kosovës?

Egoizmi i semurë, xhelozia, intrigat, frika për humbjen e postit edhe pse secili prej tyre e din saktësisht se nuk është për atë post se ku gjendet… Më duket se kjo mjafton!?…

Si e shihni rrugëdaljen nga kjo krizë?

Shpresoj që të vjen dikush në krye të Federatës i cili e adhuron volejbollin me zemër dhe te punojë pa hile, pa qëllime personale, e pastaj të tjerët do t’i bashkangjiten…

Cili ka qenë, mbase edhe është bashkëpunimi juaj me Federatën e Volejbollit të Kosovës?

Unë nuk kam dhe s’kam pasur asnjë bashkëpunim të ngushtë me Federatën e Volejbollit të Kosovës.. Të kuptohemi, JO ME FAJIN TIM. Nga ana ime jam munduar disa herë gjatë këtyre viteve, me persona të ndryshëm (nuk kam dëshirë t’i emëroj), qe me disa ide të mijat t’i kontribuoj volejbollit kosovar. Për fat të keq nuk erdhi deri te bashkëpunimi reciprok. Arsyet pse nuk u realizuan këto ide unë nuk i di. E vetmja gjë që e kam bërë për Federatën e Volejbollit të Kosovës,  është mbajtja e një seminari spontan në vitin 2003.

Po kaloni një periudhë të angazhimit tuaj intensiv në punën me të rinjtë. Cilat janë përvojat tuaja të deritashme?

Gjatë punës sime si trajner, përvoja të cilën po e përjetoj tani është më e mira, sepse të rinjtë kur po i mësoj diçka janë shumë të gëzuar dhe ky gëzim i tyre që e tregojnë, po pasqyrohet edhe te unë si trajner, kështu që po ndihem shumë, shumë mirë.

Sa dhe si vlerësohet puna e trajnerëve të volejbollit në Zvicër?

Puna e trajnerëve vlerësohet shumë në Zvicër, por secili trajner e bën edhe atë që duhet bërë rregullisht. Viziton çdo vit pa munguar asnjë herë seminaret për trajnerë, jo vetëm ato që kanë të bëjnë me teknikën ose taktikën e volejbollit, por edhe seminaret për psikologji, Fitness- Kondicion etj…

Kur do të mund t’u shohim si trajner i ndonjë skuadre elite? Keni oferta?

Unë kam shumë oferta nga Liga e parë në Zvicër. Vitin që shkoi pata ofertë të bëhem zëvendëstrajner në Ligën profesionale të Polonisë… Mirëpo, parësore mbetet Shkolla e talenteve dhe përfaqësuesja e të rinjëve të Zvicrës.

Dëshira ime, ose ëndrra ime është që të bëhem trajner i përfaqësueses së Shqipërisë ku do të luanin të githë lojtarët më të mirë shqiptarë dhe të përgatitemi për dy-tri vite së bashku, e pastaj të dalim në arenën evropiane dhe botërore.

Cilat janë planet tuaja për vitin 2012?

Jam duke punuar që së shpejti në faqet e FIVB të del një shkrim për volejbollin kosovar… Do të vizitoj trajnerët dhe shkollat e volejbollit në Kosovë. Do të kandidohem për instruktor të volejbollit në FIVB, si dhe në vitin 2012 të kaloj disa ditë në Kosovë me atë që e dua më së shumti; nënën time…

Sporti shqiptar

Sherife Behrami e Skënderajt dhe Heset Arapi i AKPA Te Luzha, janë shpallur më të mirët e vititit 2011 nga Federata e Volejbollit e Kosovës, në ceremoninënë e mbajtur sot në Prishtinë.

Klubet më të suksesshme në edicionin e shkuar ishin AAB Riinvest Prishtina, në konkurrencën e femrave dhe Theranda në atë të meshkujve, ndërkohë që trajnerët e vitit u shpallën Naser Krasniqi i AAB Riinvest Prishtina, si dhe Faton Mustafa i Therandës.

Në konkurrencën e shpresave klubet më të dalluara ishin Kosova e Vushtrrisë (femrat) dhe Theranda (meshkujt).

Trajnerët e kësaj grupmoshe u shpallën Lorik Ilazi, Bahri Gjinovci dhe Olta Kalludra.

Federata shpalli më të mirët edhe në volejboll në rërë. Në konkurrencën e seniorëve u dallua çifi Adriatik Kajtazi/Gazmend Husaj, ndërsa në atë të senioreve, Vildane Jashari dhe Nazmije Ibrahimi.

Çiftet më të mira në konkurrencën e juniorëve ishin: Tarhan Gjinolli dhe Fatlum Hyseni të Dritës, si dhe Nazmije Ibrahimi dhe Drenusha Asllanaj të Kastriotit.

Gjyqtarët më të mirë të vitit 2011 u shpallën Agim Lumi dhe Armend Fazliu. (Xh)

VOLEJBOLLLISTET MË TË MIRA TË VITIT 2011

1. Sherife Berhami, Skënderaj

2.Vildane Jashari, Kastrioti

3. Vlora Berisha, Drita

4. Flutura Hasani, Drita

5. Egzona Geci, Skënderaj

6. Shemsije Asllanaj, Prishtina

7. Albulenan Ejupi, Universiteti AAB Riinvest Prishtina

8. Shqipe Kçiku, Universiteti AAB Riinvest Prishtina

9. Bardha Sinani, Kastrioti

10. Liridina Balaj, Kosova

VOLEJBOLLISTËT MË TË MIRË TË VITIT 2011

1. Heset Arapi, AKPA Te Luzha

2. Florim Ferizi, Drita

3. Skënder Lajçi, Besa

4. Drilon Berisha, Theranda

5. Liridon Pllana, Gjimnazisti

6. Nexhat Ibrahimi, Prishtina

7. Faton Mustafa, Theranda

8. Bardhyl Hajdaraj, Besa

9. Ilir Xhymshiti, AKPA Te Luzha

10. Zekrija Ajvazi, Gjimnazisti.

VOLEJBOLLSITET E REJA TË VITIT 2011

1. Anyla Kryeziu, Universiteti AAB Riinvest Prishtina

2. Nazmijej Ibrahimi, Kastrioti

3. Emira Lllapashtica, Drita

VOLEJBOLLISTËT E RINJ TË VITIT 2011

1.Valdrin Ismaili, Gjimnazisti

2. Berat Behrami, Drenica

3. Butrinit Bytyçi, Ferizaj.

SKUADRAT E VITIT 20001

Universiteti AAB Riinvest Prishtina (femrat)

Theranda (meshkujt)

Kosova (junioret)

Theranda (juniorët)

TRAJNERËT E VITIT 2011

Naser Krasniqi (femrat)

Faton Mustafa (meshkujt)

Olta Kalludra (junioret)

Lorik Ilazi dhe Bahri Gjinovci (juniorët)

GJYQTARËT E VITTI 2011

1. Agim Lumi

2. Armend Fazliu

MË TË MIRËT E VITTI 2011 NË VOLEJBOLL NË RËRË

Adriatik Kajtazi dhe Gazmend Husaj (meshkujt)

Vildane Jashari dhe Nazmije Ibrahimi (femrat)

Tarhan Gjinolli dhe Fatlum Hyseni (juniorët)

Nazmije Ibrahimi dhe Drenusha Asllanaj (junioret).

Sporti shqiptar

Adriatik Kajtazi në Qatar Sports Club të Dohas. Pas Gazmend Husajt, edhe kosovari i dytë i kombëtares shqiptare vazhdon aventurën ndërkombëtare në elitën e volejbollit të Qatarit. Lajmin e ka konfirmuar vetë volejbollisti kuqezi, i cili pesë muajt e ardhshëm do të jetë pjesë e skuadrës elitare të këtij shteti.

“Jam pritur shumë mirë në Doha. Kemi arritur marrëveshje që për pesë muajt e ardhshëm të jem pjesë e Qatar Sports Club, me mundësi të zgjatjes së saj”, ka thënë shkurt për gazetën “Sport”, Adriatik Kajtazi, me të arritur në kryeqytetin e Qatarit.

Kajtazi, ka bërë një karrierë të pasur kombëtare dhe ndërkombëtare. Ish- volejbollisti i skuadrave kampione, Mabetex-it, Studentit të Tiranës, Pallavollo Luganos, AKPA Te Luzha, Shkëndijës së Tetovës, i përfaqësueses së Shqipërisë, i bashkohet bashkëlojtarit të tij Gazmend Husaj, që kishte shtegtuar në Doha në nëntor të vitit të shkuar.

Sporti shqiptar

Në finalen e madhe të edicionit të 12-të, pas një loje dramatike, Shkëndija mundi Studentin e Tiranës me rezultat 3:2 në sete dhe për herë të tretë fitoi trofeun e çmueshëm…

Tetova tri herë bëhet pronare e trofeut të Superkupës mbarëkombëtare. Dy herë suksesin e solli nga Tirana, dhe një herë para adhuruesve të flaktë “Ballistët”, në palestrën e shkollës së mesme të mjekësisë, në Tetovë, që i përkrahën për ta fituar treofeun e përshkuar me lojë dramatike.

Shkëndija mundi Studentin, kësaj radhe 3:2 në sete, pas pësimit që përjetoi në Pejë në gjysmëfinalen e Kupës së Flamurit 3:1 në sete. Gëzimi ishte i papërshkrueshëm, për faktin se kjo kupë, për këtë trofe, po mbahej  dhe po fitohej në Tetovë.

Fillimisht dolën në epërsi tetovarët (25:19). Barazuan tiranasit në 1:1 (25:22). Sërish Shkëndija doli në epërsi 2:1 (25:21) në sete, por barazoi Studenti në 2:2 (27:25). Ashtu si i ka hije një finaleje të madhe të Superkupës mbarëkombëtare.

Seti i pestë, përcaktues, nisi dhe u mbyll, fillim e mbarim, në të mirë të Shkëndijës që dha shifrat 15:4, dhe rezultatin përfundimtar 3:2 në sete për kuqezinjtë e Tetovës.

Vendin e tretë e zuri Besa e Pejës e cila në ndeshjen përcaktuese për këtë pozitë mundi Lirinë e Zherovjanit me rezultat të pastër 3:0 në sete.

Tri vendet e para u nderuan me kupa, ndërkohë që lojtari më i mirë i turneut i shpall Naim Abazi i Shkëndijës së Tetovës. (Xh)

Sporti shqiptar