(E plotësuar)

Pas 4 muaj e gjysëm pauze ka filluar pjesa e dytë e garave në elitën e Kosovës në volejboll.

Kampioni në konkurencën e femrave, AAB Riinvest, në palestrën e këtij universiteti priti skuadrën që e synon kualifikimin në Play-off, Skënderajn.

Universitaret fituan ndeshjen me shifrat 3-0 në sete (25:20, 25:20, 25:16).

Dy skuadrat që u ballafaquan edhe në garat e kupës, sollën skenar ndryshe nga takimi për Kupë ku AAB mezi kishte fituar 3-2.

Në ndeshjen e parë të pranverës Skënderaj dukej skuadër më e ngarkuar me lëndime, ndërsa në anën tjetër AAB në radhët e veta pati edhe përforcimin e këtij viti bullgaren, Vanja Danailova – Vërbanova, e cila aktivizohet në rolin e pranueses, dhe liberon Albulena Behramin.

Gjithçka nisi mirë për vendaset, të cilat qysh në setin e parë krijuan shkëputje duke e fituar 25:20.

Me shifra identike përfundoi edhe seti i dytë, duke i dhënë shtabit teknik të AAB-së mundësi për të provuar edhe talentet e reja.

Në setin e tretë, edhe pse në periudha të caktuara Skënderaj avancoi, kjo nuk zgjati shumë pasi për skuadrën drenicake kjo ishte periudha më e errët në këtë takim, ku u kufizua në vetëm 16 pikë.

Në përfundim të këtij takimi, Federata e Volejbollit e Kosovës ndau rekuizita të dhuruara më herët nga sponsori LEGEA, e pasi një pjesë e tyre kishte tepruar, Bordi kishte vendosur që t’u ndahen ekipeve kampione në të dyja konkurencat.

Ndeshja tjetër e zhvilluar në Gjilan ndërmjet Dritës dhe Ksovës së Vushtrrisë, ashtu siç është pritur u mbyll me fitoren e gjilanaseve me rezultat të pastër 3:0 në sete.

Kryendeshja në superligën e meshkujve u zhvillua në Pejë. Besa mundi bindshëm Therandën, me rezultat 3:0 në sete. (A.M)

SUPERLIGA, FEMRAT – XHIROJA 11

E shtunë:

Drita – Kosova 3:0

Universiteti AABRiinvest Prishtina – Skënderaj 3:0

E diel:

16:00 Prishtina – Kastrioti

RENDITJA

1. Drita 11 10 1 32:4 31

2. Universiteti AAB Riinvest 11 7 4 23:18 21

3. Prishtina 10 7 3 22:17 18

4. Kastrioti 10 5 5 18:18 14

5. Skënderaj 11 3 8 17:26 12

6. Kosova 10 0 10 4:30 0

SUPERLIGA, MESHKUJT – XHIROJA 11

E shtunë:

Besa – Theranda 3:0

E diel:

15:00 Gjimnazisti – Drita

Prishtina – AKPA Te Luzha, u shty

RENDITJA

1. Besa 11 11 0 0 30:4 31

2. AKPA Te Luzha 9 7 2 23: 10 21

3. Theranda 11 6 5 22:15 19

4. Gjimnazisti  9 3 6 10:19 9

5. Drita 10 3 7 10:24 9

6. Prishtina 10 0 10 5:30 0

Sporti shqiptar
Raiffeisen Superliga

Në Pejë, zhvillohet kryendeshja e meshkujve. Besa, fituese e Kupës së Republikës, që fitoi titullin e vjeshtës dhe është ende pa humbje, luan ndaj kampionit të tashëm të Kosovës, Therandës. Pritet një rivalitet i theksuar, por më afër fitores janë pejanët. (Xh)

SUPERLIGA, MESHKUJT – XHIROJA 11

E shtunë:

18:00 Besa – Theranda

E diel:

15:00 Gjimnazisti – Drita

Prishtina – AKPA Te Luzha, u shty

RENDITJA

1. Besa 10 10 0 0 27:4 28

2. AKPA Te Luzha 9 7 2 23: 10 21

3. Theranda 10 6 4 22:12 19

4. Gjimnazisti  9 3 6 10:19 9

5. Drita 10 3 7 10:24 9

6. Prishtina 10 0 10 5:30 0

SUPERLIGA, FEMRAT – XHIROJA 11

E shtunë:

15:00 Drita – Kosova

16:00 Universiteti AABRiinvest Prishtina – Skënderaj

E diel:

16:00 Prishtina – Kastrioti

RENDITJA

1. Drita 10 9 1 29:4 28

2. Prishtina 10 7 3 22:17 18

3. Universiteti AAB Riinvest 10 6 4 20:18 18

4. Kastrioti 10 5 5 18:18 14

5. Skënderaj 10 3 7 17:23 12

6. Kosova 10 0 10 4:30 0

Sporti shqiptar
Raiffeisen Superliga

Universiteti AAB Riinvest Prishtina në gjysmëfinale të Kupës së Republikës së Kosovës do të takohet me Kastriotin e Ferizajt.  “Vizën” e mori pas fitores së mbrëmshme ndaj Skënderajt me rezultat 3:2 nën sete (20:25, 25:23, 22:25, 25:10, 15:10).

Prishtinaset bënë një lojë me shumë gabime, dhe në saje të tyre, por edhe të lojës së mirë në mbrojtje, madje edhe në sulm të drenicaseve, përpak sa nuk u kushtoi me hubmje. Mirëpo, pas epërsisë së Skënderajt 2:1 në sete, vashat e kryeqytetit u mobiliziuan dhe me një paraqitje shumë të mirë në setin e katërt (e fituan bindshëm 25:10) dhe të pestë e mbyllën dramën në pesë akte me fitore të merituar 3:2 në sete.

Ishte kjo ndeshja e fundit e rrethit të parë çerekfinal të Kupës së Republikës me të cilën u kompletua rrethi i parë i garës më masive të shtetit, që njëherësh dha  skuadrën e katërt pjesëmarrëse të gjysmëfinales.

MESHKUJT, GRUPI A

Drita – Theranda 0:3

Besa kualifikohet në gjysmëfinale.

Në gjysmëfinale: Besa – Theranada

GRUPI B

APKA Te Luzha – Drenica 3:0

Gjimnazisti – Prishtina 3:1

Në gjysmëfinale: AKPA Te Luzha – Gjimnazisti

FEMRAT, GRUPI A

Universiteti AAB Riinvest Prishtina – Skënderaj 3:2

Prishtina (Liga e parë) – Kastrioti 0:3

Në gjysmëfinale: Universiteti AABb Riinvest Prishtina – Kastrioti

GRUPI B

Drita – Prishtina (superliga) 1:3

Prishtina junior – Kosova 0:3

Në gjysmëfinale: Prishtina (superliga) – Kosova

Sporti shqiptar
Raiffeisen Superliga

Janë zhvilluar gjashtë ndeshje të vlefshme për Kupën e Republikës së Kosovës në volejboll për meshkuj dhe femra, ndërkohë që tashmë dihen shtatë skuadra që do të vazhdojnë garat e mëtejme.

Në konkurrencën e meshkujve, kampioni i Kosovës, Theranda, mundi Dritën 3:0, Gjimnazisti ishte më i mirë se Prishtina (3:1), ndërsa AKPA Te Luzha, fituese e Kupës së Repubikës, nuk pati punë të vështirë, pasi mundi Drenicën 3:0.

Në konkurrencën e femrave, ndërkaq, vëmendja ishte përqendruar na Gjilan, ku Prishtina mundi Dritën e favorizuar me rezultat 3:1. Kastrioti fitoi ndaj Prishtinës (Liga e parë) 3:0, sikur edhe Kosova ndaj Prishtinës Junior (3:0).

Ka mbetur të zhvillohet edhe takimi i fundit i xhiros së parë ndërmjet Universitetit AAB Riinvest Prishtina dhe Skënderajt (gjatë mesajavës), për t’u kompletuar skuadrat e gjysmëfinaleve në të dy konkurencat.

Në gjysmëfinale janë kualifikuar: Besa (drejpërdrejt), Theranda, Gjimnazisti dhe AKPA Te Luzha (meshkujt), si dhe Kastritoi, Prishtina, Kosova (femrat). Gjymëfinalisti i katërt, pritet të mësohet pas ndeshjes Universiteti AAB Riinvest Prishtina – Skënderaj. (Xh)

Sporti shqiptar
Raiffeisen Superliga

Më 5 dhe 6 mars, në Skënderaj mbahet turneu tradicional në volejboll për meshkuj Kupa “Adem Jashari”, në kuadër të Javës kulturore – sportive “Jetojmë me lavdinë tuaj”, kushtuar Epopesë së lavdishme të Ushtrisë Çlirimtare të Kosovës dhe komandantit legjendar Adem Jashari.

Pos organizatorit të kësaj shfaqjeje, Drenicës së Skënderajt, pritet të marrin pjesë Teuta e Durrësit, Liria e Zherovjanit të Tetovës dhe Theranda, kampione e tashme e Kosovës.

Turneu, që mbahet nën patronazhin e Qeverisë së Republikës së Kosovës dhe të Kuvendit Komunal të Skënderajt, gjatë dy ditëve pritet të sjell ndeshje joshëse për adhuresit e volejbollit në Skënderaj dhe më gjerë.

Më 5 mars zhvillohen ndeshjet gjysmëfinale, ndërkohë që më 6 mars është paraparë takimi për vendin e tretë (12:00), si dhe finalja e madhe (14:00).

Sporti shqiptar
Raiffeisen Superliga

“Pjesëmarrja në këtë shfaqje për skuadrën tonë është një nder i madh dhe privlilegj. 100 vjetori i Pavarësisë së Shqipërisë, padyshim se është edhe festë e Kosovës, gjë që po dëshmohet me ftesën që na është bërë nga ana e FSHV-së”, ka thënë trajneri i Universitetit AAB Riinvest Prishtina, Naser Krasniqi.

Sporti shqiptar
Raiffeisen Superliga

Është hedhur, sot, në Prishtinë, shorti i garave të Kupës së Republikës së Kosovës në volejboll për meshkuj dhe femra. Që në xhiron e parë që nis më 10 dhe 11 mars, priten ndeshje joshëse dhe të forta, sidomos në konkurrencën e femrave.

Në konkurrencën e meshkujve u paraqitën shtatë, ndërkaq në atë të fermave tetë skuadra.

Ndeshjet do të zhvillohen në dy grupe, ndërkohë që gjysmëfinalet dhe finalet pritet të luhen në një qendër.

Në konkurrencën e meshkujve sivjet konkurrojnë Besa e Pejës, Drita e Gjilanit dhe Theranda (Grupi A); AKPA Te Luzha e Ferizajt, Drenica e Skënderajt, Gjimnazisti i Vushtrrisë dhe Prishtina (Grupi B). Bartës të grupeve janë finalistët e Kupës së edicionit të shkuar, Peja dhe AKPA Te Luzha.

Në xhiron e parë, takohen: Drita – Theranda; Peja shkon drejtpërdrejtë të gjysmëfinale (Grupi A), ndërsa AKPA Te Luzha – Prishtina dhe Drenica – Gjimnazisti (Grupi B).

Në konkurrrencën e femrave, poashtu skuadrat u ndanë në dy grupe. Bartësi i Gupit A, fituesi i Kupës së Republikës dhe i titullit të kampionit, Universiteti AAB Riinvest Prishtina, në xhiron e parë pret Skënderajn (Grupi A), ndërkohë që qysh në hapin e parë në Gjilan zhvillohet një ndeshje e fortë; takohen Drita, finaliste e Kupës dhe nënkampione e Kosovës ndaj Prishtinës (Grupi B). (Xh)

MESHKUJT, GRUPI A

1. Peja

2. Drita

3. Theranda

4.

Në xhiron e parë, më 10/11 mars, takohen: Drita – Theranda. Besa kualifikohet në gjysmëfinale.

GRUPI B

5. AKPA Te Luzha

6. Gjimnazisti

7. Prishtina

8. Drenica

Në xhiron e parë, më 10/11 mars, takohen: APKA Te Luzha – Drenica dhe Gjimnazisti – Prishtina.

FEMRAT, GRUPI A

1. Universiteti AAB Riinvest Prishtina

2. Prishtina (Liga e parë)

3. Kastrioti

4. Skënderaj

Në xhiron e parë, më 10/11 mars, takohen: Universiteti AAB Riinvest Prishtina – Skënderaj dhe Prishtina (Liga e parë) – Kastrioti.

GRUPI B

5. Drita

6. Prishtina junior

7. Kosova

8. Prishtina (superliga)

Në xhiron e parë, më 10/11 mars, takohen: Drita – Prishtina (superliga) dhe Prishtina junior – Kosova.

Sporti shqiptar
Raiffeisen Superliga

“Ne ishim shumë më të mirë se rivalët tanë. Në asnjë çast nuk na u rrezikua fitorja dhe gjatë tri seteve u angazhuam aq sa u desh për të fituar”, ka thënë për portalin sportiv albaspox, Gazmend Husaj.

Sporti shqiptar
Raiffeisen Superliga

A do të shkelin për herë të parë parketin e Kosovës blazilianet? Duket se po… Se të ciles shkallë të cilësisë, së shpejti do të shihet në garat e pranverës. Dy të tilla i kishte paraqitur si përforcim Prishtina. Ato quhen: Keity Miriam Bortoletto dhe Raquell Andreolla Nunes.

Universiteti AAB Riinvest, ndërkaq, ka paraqitur Vania Danillovën e Bullgarisë, ndërkohë që Skënderaj përforcimet i ka kërkuar nga tregu i Shqipërisë. Më saktë drenicasit kanë paraqitur Esmeralda Tucin dhe Orgilta Seman.

Kastrioti i Ferizajt ka dy emra në këtë miniafat të kalimit. Bullgaren Maria Antova (riregjistrim) dhe maqedonen Vllasta Ruzhinovska.

Kampioni vjeshtor, Drita, duket se është mjaftuar me forcat e stinorit që e lamë pas, ndërkohë që është përqendruar të punojë me të njëjtin fond (tri përforcime nga Shqipëria).

Në konkurrencën e meshkujve janë vetëm dy skuadra që kanë paraqitur kërkesat për regjistrim të lojtarëve të rinj. AKPA Te Luzha pret ta regjistroj Armend Berishën si lojtar të lirë dhe maqedonin Hari Nakovski.

Prishtina ka dhënë dy emra, si lojtarë të lirë: Berat Husajn dhe Ismail Shabanin.

Pas aktit të paraqitjes së kërkesave, zyrtarizimi pritet të bëhet pas kompletimit të dokumentacionit të të gjitha përforcimeve të paraqitura nga ana e skuadrave në këtë afat. (Xh)

EMËRORJA E KËRKESAVE

Prishtina: Berat Husaj dhe Ismail Shabani, që të dy lojtarë të lirë.

AKPA Te Luzha: Armend Berisha, lojtar i lirë dhe Hari Nakovski (Maqedoni).

Prishtina (femrat): Keity Miriam Bortoletto dhe Raquel Andreolla Nunes, që të dyat të Brazilit.

Kastrioti: Maria Antova (Bullgari, riregjistrim) dhe Vllasta Ruzhinovska (Maqedoni).

Universiteti AAB Riinvest: Vania Danaillova (Bullgari) dhe Albulena Behrami, lojtare e lirë.

Skënderaj: Esmeralda Tuci dhe Orgilta Sema të Shqipërisë; Dorentina Istogu, lojtare e lirë.

Sporti shqiptar
Raiffeisen Superliga

Me këtë rast, bënë zyrtare ftesën e përzgjedhësit të kombëtares sonë, Ylli Tomorri, për ndeshjen ndaj përfaqësueses së Anglisë, të vlefshme për kualifikimet e Kampionatit evropian, që zhvillohet në maj të këtij viti.

“Biseduam për volejbollin dhe jetën tonë në Katar. Na vjen shumë mirë dhe jemi krenar që Shqipëria edhe në Lindjen e largët, pra këtu në Katar interesohet për ne. Delegacioni shqiptar kishte planifikuar që pos takimeve me zyrtarët e Katarit, në agjendë ta ketë edhe këtë që patëm gjatë fundjavës”, tha për portalin albaspox, Gazmend Husaj, njëra ndër shtyllat kryesore e kombëtares shqiptare.

Njazi Kosovrasti, nënkryetar i FSHV-së, pjesë e delegacionit shqiptar, Gazmend Hujsat dhe Adriatik Kajtazit, zyrtarisht ua dorëzoi ftesat për ndeshjen kualifikuese të vlefshme për Kampionatin evrpian, që zhvillohet në maj të këtij viti ndaj përfaqësueses së Anglisë, në Tiranë dhe në Londër.

“Ishte një takim shumë i këndshëmdhe shumë miqësor. Biseduam për sportin, posaçërisht për volejbollin dhe garat që e presin kombëtaren shqiptare në kualifikimet e majit, përkatësisht ballafaqimet me përfaqësuesen e Anglisë”, tha organizatori i lojës ë kombëtares shqiptare, Adriatik Kajtazi, i gëzuar që edhe zyrtarisht, së bashku me Gazmend Husajn, morën ftesën e përzgjedhësit Ylli Tomorri që të jenë pesë e përfaqësueses kuqezi.

Husaj dhe Kajtazi, që sonte kishin fituar një takim tejet të rëndësishëm ndaj Al Ahlit me rezultat të pastër 3:0 në sete (25:21, 26:24, 25:21), thanë për albaspox se Basha dhe Kosovrasti u shprehen tejet të kënaqur që Shqipëria me sukses po paraqitet jo vetëm në Evropë, por edhe në Lindjen e mesme.

Sporti shqiptar
Raiffeisen Superliga