Albaspox sporti shqiptar

Rezultatet e ndeshjeve te para te turrit te trete kualifikues se Liges se kampioneve

Spox — Thu, 29 Jul 2010 09:37:18 +0000

Granit Xhaka, vetëm 17 vjeçar, në debutimin e tij në Ligën e kampionëve ka shënuar golin e parë në këtë garë prestigjioze me skuadrën e tij FC Basel kundër Debrecenit hungarez.

Të martën dhe mbrëmë janë zhvilluar ndeshjet e para të turit të tretë të Ligës së kampionëve, përndryshe raundi i parafundit drejt pjesëmarrjes në garën më prestigjioze evropiane. Kryesisht janë arritur rezultate të pritura, por nuk munguan as befasitë të cilat pas ndeshjeve të dyta mundë të përmbysen, por do të mund të ndodh që pas ndeshjeve kthyese të ndodh ndonjë befasi tjetër.

Befasia më e madhe mund të konsiderohet fitorja e skuadrës kazake Aktobe në fushën e saj kundër kampionit izraelit Hapoel (1:0). Por mesiguri nuk do të jetë rezultat i pa rikuperueshëm për skuadrën e “kuqe” të Izraelit e cila në radhët e veta ka lojtarë shumë më kualitativ.

Befasi tjetër mund të konsiderohet barazimi i Ajaxit në fushën e saj me nënkampionin grek, PAOK të Selanikut (1:1). Ajax me shumë emra në skuadër kundër grekëve që realisht kanë më pak kualitet por edhe që sapo e kanë zëvendësuar trajnerin i cili ishte konsideruar më i merituari për sukseset e skuadrës. Golin e vetëm për holandezët ka shënuar sulmuesi uruguaian, kapiteni i skuadrës, Suarez.

Sporting Braga e ka shkatërruar plotësisht skuadrën skoceze Celtic (3:0). “Keltët” do ta kenë jashtëzakonisht vështirë ta përmbysin këtë rezultat të thellë dhe po ashtu vazhdon agonia e kësaj skuadre të madhe skoceze e cila ka dy vite është shumë larg formës dhe famës që ka.

Dinamo Zagreb, favorit i madh në letër, përpara sfidës në Moldavi me Sheriff, pengesën më të madhe e kishte ngarkesën e madhe psikike pas aferës së dyshimit të rregullimit të ndeshjeve nga kjo skuadër. Gazetat kroate çdo ditë janë duke sjellë lajme të reja rreth të kaluarës së afërme të kësaj skuadre. Por të “kaltrit” ia dolën që të nxjerrin rezultat pozitiv (1:1) nga ndeshja e parë dhe tani gjithçka do të varet nga ndeshja kthyese që zhvillohet në “Maksimir” të Zagrebit.

Ndeshja më dramatike gjithsesi është zhvilluar në Bern. Yong Boys dhe Fenerbahçe (2:0). Turqit dy herë kanë udhëhequr, por me një lojtar më pak dhe me një penallti të akorduar për vendasit, në fund gjithçka u mbyll baras, por padyshim se skuadrës turke edhe ky rezultat i u është më se i favorshëm.

Ndërsa, tërë turrin e tretë e ka mbizotëruar lojtari shqiptar i FC Basel, Granit Xhaka. Granit Xhaka hyri në lojë në minutën e 88-të në vend të autorit të golit të parë për skuadrën zvicerane. Ndërsa në minutën e dytë shtesë nga 25 metra ka mposhtur portierin vendas hungarez dhe kështu me vetëm 17 vite në debutimin e tij, me vetëm katër minuta lojë, në Ligën e kampionëve ka shënuar gol dhe është bërë lajm i parë i ueb-faqes së UEFA-s. Pas ndeshjes trajneri i Bazelit, Thorsten Fink, ka uruar lojtarin e tij por njëkohësisht e ka mbrojtur nga gazetarët e shumtë të interesuar duke thënë se Graniti akoma është i ri dhe duhet ruajtur këtë lojtar me perspektivë të madhe. Për Bazel ka luajtur edhe Xherdan Shaqiri i cili u zëvendësua në minutën e 62-të. Ndërsa Erfan Zeneli (Helsinki) luajti vetëm deri në minutën e 27-të pastaj u zëvendësua në ndeshjen e zhvilluar në Beograd kundër Partizanit i cili me lehtësi fitoi ndeshjen (3:0).

Të martën:

Omonia Nikozi (Qipro) – Salzburg (Austri) 1:1 (0:1) Lomana LuaLua 90+1’ – Gonzalo Zarate 8’

Litex Loveç (Bulgari) – Zhilina (Sllovaki) 1:1 (0:0) Wellington 78’ – Tomas Majtan 65’

Unirea Urziçeni (Rumani) – Zenit St. Petersburg (Rusi) 0:0

Dynamo Kiev (Ukrainë ) – Gent (Belgjikë) 3:0 (1:0) Yarmolenko 19’, Andriy Shevchenko 80’, Zozulya 90+2’

Sparta Pragë (Çeki) – Lech Poznan (Poloni) 1:0 (0:0) Brabec 75’

The New Saints (Uells) – Anderlecht Bruksel (Belgjikë) 1:3 (0:2) Jones 52’ – Kljestan 7’, Legear 18’, Matias Suarez 76’

Mbrëmë:

Ajax Amsterdam (Holandë) – PAOK Selanik(Greqi) 1:1 (0:1) Luis Suarez 13’ – Iviç 73’

Young Boys (Zvicër) – Fenerbahçe (Turqi) 2:2 (1:2) Dudar 18’, Costanzo 74’ (pen) – Emre Belozoglu 5’, Stoch 42’

Braga (Portugali) – Celtic (Skoci) 3:0 (1:0) Alan 26’ (pen), Elderson 76’, Matheus 88’

Aktobe (Kazakistan) – Hapoel Tel-Aviv (Izrael) 1:0 (0:0) Samat Smakov 76’ (pen)

Sheriff Tiraspol (Moldavi) – Dinamo Zagreb (Kroaci) 1:1 (1:1) Erokhin 35’ – Sammir 3’

Debreçeni (Hungari) – Bazel (Zvicër) 0:2 (0:1) Stocker 34’, Granit Xhaka 90+2’

AIK Stokholm (Suedi) – Rosenborg (Norvegji) 0:1 (0:1) Henriksen 33’

Partizan Beograd (Serbi) – HJK Helsinki (Finlandë) 3:0 (2:0) Iliev 8’, Iliç 42’, Cleo 90+2’

BATE Borisov (Bjellorusi) – København/Kopenhaga (Danimarkë) 0:0

Ndeshjet kthyese zhvillohen pas një jave

Avni Durmishi

Ish-trajneri i Corinthians-it, Mano Menezes perzgjedhes i ri i Brazilit

Spox — Sat, 24 Jul 2010 16:21:25 +0000

Trajneri i deritashëm i skuadrës së futbollit Corinthians nga Brazili, Mano Menezes, është përzgjedhës i ri i Kombëtares së Brazilit, ka publikuar në konferencë për shtyp vetë ai.

“E kam pranuar ofertën me shumë kënaqësi dhe me krenari. Obligimet do ti marrë menjëherë”, ka thënë para gazetarëve trajneri 48-vjeçar, i cili deri tash ka udhëhequr skuadrën ku kanë luajtur yjet si Roberto Carlos dhe Ronaldo.

Menezes do të nënshkruaj kontratën e cila e obligon për katër vitet e ardhshme, ndërsa do ta mbyllë ciklin pas përfundimit të Kampionatit Botëror që mbahet po në Brazil në vitin 2014. Në bankinën e “seleçao”-s do debutoj me 10 gusht të këtij viti, kur kampionët e pesëfishtë botëror do të ndeshen në New Jersey me SHBA-të në takim miqësor.

Suksesin më të madh në karrierën prej trajneri e ka arritur vitin e kaluar kur fitoi Kupën e Brazilit.

Menenez-it i u është ofruar oferta pasi që Muricy Ramalho, dëshira e parë e zyrtarëve të Federatës së futbollit të Brazilit, pas shkarkimit të Carlos Dunga-s, kishte refuzuar ofertën. Ramalho iu ishte nënshtruar dëshirave dhe ambicieve të njerëzve të klubit të tij, Fluminense, e cila pas dhjetë javësh në kampionatin brazilian udhëheq në tabelën e klasifikimit të Seria A, i cili para jo shumë kohësh ka vazhduar kontratën deri në vitin 2012 me këtë klub.

A. Durmishi

Edhe Dinamo Zagreb e interesuar per Fatos Beqirajn

Spox — Sat, 24 Jul 2010 12:43:15 +0000

Ka kohë që për sulmuesin pejan, anëtarin e Buduçnostit të Podgoricës dhe reprezentuesin e Malit të Zi, është spekuluar që është i interesuar Hajduku i Splitit. Në fakt, më saktë thuhet se zyrtarët e klubit të Buduçnostit tash e disa kohë ia kanë ofruar sulmuesin e tyre 22-vjeçar, skuadrës së Splitit, rivalit të përjetshëm të Dinamos së Zagrebit, Hajduk. Por, zyrtarët e Hajdukut assesi deri më tani nuk janë bindur që ta blejnë kosovarin nga Peja. Qarkullojnë dy versione për këtë arsye, ose mund të jetë shuma e lartë e caktuar për shitjen e tij nga Buduçnosti, ose zyrtarët e Hajdukut akoma nuk janë të bindur në kualitetet e reprezentuesit malazez.

Gjithsesi, lajmi më i ri tani është se për Beqirajn është e interesuar edhe Dinamo Zagreb. Sipas portalit kroat “index.hr”, pas shitjes së sulmuesit kryesor të skuadrës së “kaltër” nga Zagrebi, Mario Manxhukiç tek skuadra e gjermane Wolfsburg, dhe pas humbjes katastrofale të Dinamos në ndeshjen kthyese të fazës së dytë eliminatore të Ligës së kampionëve, kundër Koper-it në Slloveni (3:0), menaxheri dhe njeri kryesor i Dinamos, njeriu kontrovers, Zdravko Mamiç ka udhëtuar drejt Podgoricës që nga afër ta shihte ndeshjen e kualifikuese të Ligës së Evropës ndërmjet Buduçnostit dhe Baki të Azerbajxhanit.

Emri i parë që ishte përfolur me këtë rast ka qenë i sulmuesit, Fatos Beqiraj. Mamiç kishte parë ndeshjen nga afër kurse kishte marrë edhe referencë nga seleksionuesi kroat i reprezentacionit të Malit të Zi, Zlatko Kranjçar. Për kualitet e Beqirat, Kranjçar i ka thënë Mamiçit se: “Absolutisht Fatosi do të zinte vend tek përbërja e Dinamos. Ai është sulmues i ri me kualitete të sulmuesve evropian”.

Beqiraj para se të luaj për Buduçnostin ka luajtur për ish-skuadrën pejane që tani nuk ekziston më, Shqiponja dhe pastaj shumë shkurt për Besën e Pejës. Në Buduçnost luan që nga viti 2007. Gjithsejtë për Buduçnostin ka luajtur në 87 ndeshje në kampionatin malazez dhe ka shënuar plot 45 gola. Për shfaqjet e tij të mira është shpërblyer edhe me ftesën të luaj për shtetin e Malit të Zi. Megjithatë, si duket as këto shifra dhe statistika nuk i bindin as zyrtarët e Hajdukut e as të Dinamos që ta angazhojnë shqiptarin nga Kosova me pasaportë malazeze. Gjithsesi dyshimet më të mëdha te tyre janë se kampionati malazez është më se inferior. Gjithsesi, Zdavko Mamiç është shprehur se skuadrës së tij i duhet një sulmues më me eksperiencë.

Avni Durmishi

Raul pershendetet me Real Madridin, prane kalimit ne Schalke

Spox — Sat, 24 Jul 2010 12:18:40 +0000

Siç shkruan gazeta spanjolle “Marca” e cila sot ka sjellë informacionin, për ikjen përfundimtare të legjendës së Realit, 33-vjeçarit Raul, nga klubi “mbretëror” i cili ka kaluar plot 16 stinorë me skuadrën e tij që është menduar të jetë e përjetshme. Në këtë periudhë duke luajtur për Realin ka shënuar plot 323 gola në kuadër të 741 ndeshjeve të zhvilluara sa ka veshur fanellën e klubit të vetëm të tij gjatë karrierës.

Por, edicionin e fundit Raul më shumë ka qëndruar në bankinë se sa që ka luajtur dhe e kishte pasur të qartë që më nuk llogaritët në të në 11-in startues, sidomos pas përforcimeve të mëdha që kishte bërë skuadra.

Kështu Raul pas përfundimit të sezonit të fundit shumë e më shpesh kishte deklaruar se do të ikte nga klubi i cili si profesionist kishte debutuar në vitin e largët më 1994. Schalke ’04 dhe Tottenham ishin dy skuadrat më konkrete gjatë bisedave për ta angazhuar, kurse “Marca” bënë të ditur që më nuk ka dilema rreth përcaktimit se në cilin klub do ta vazhdoj karrierën. Ai si duket ka vendosur të kaloj tek skuadra nën-kampione e Gjermanisë, Schalke ’04.

“Nëse do ta sillnim Raulin do të arrinim punë të jashtëzakonshme”, ka thënë para disa ditës trajneri i Schalke-s, Felix Magath, ndërsa këto fjalë do të duhej të bëheshin realitet gjatë javës së ardhshme.

Raul kështu ikën nga Real Madrid ku ka të fituara gjashtë tituj kampioni të Primera Division, tre tituj të Ligës së kampionëve dhe dy tituj të Kupës interkontinentale.

A.D.

Pas Henry-t edhe Rafael Marquez ne New York Red Bulls

Spox — Sat, 24 Jul 2010 09:22:26 +0000

Pasi që Thierry Henry tani më vetëm ka luajtur një ndeshje miqësore me klubin e tij të ri, New York Red Bulls, kjo skuadër është përforcuar edhe me një emër të madh, po ashtu nga Barcelona.

Pas shërbimeve të francezit 32-vjeçar, gjithçka është afër realizimit të kalimit edhe të mbrojtësit një vit më i ri, Rafael Marquez-it në skuadrën amerikane.

Edhe pse kishte kontratë valide të majme edhe për dy vitet e ardhshme, meksikani dhe skuadra kampione e Spanjës si duket kanë arritur marrëveshjen që ta shkëpusin kontratën, kurse për një stinor të luajtur, Marquez në Ligën amerikane të MLS-s do të përfitonte nga dy milion funta angleze.

Prezantimi zyrtar i Rafael Marquezit tek skuadra e re pritet të bëhet javën e ardhshme, kanë shpjeguar në njoftimin e tyre zyrtar, klubi amerikan, New York Red Bulls.

Marquez që nga viti 2003 pak a shumë ka qenë lojtar standard i përbërjes së Barcelonës.

A.D.

Fusha e pare e golfit ne Prishtine

Spox — Fri, 23 Jul 2010 14:10:56 +0000

Të enjten, në afërsi të Prishtinës, në fshatin Llapnasellë, është inauguruar qendra e golfit “Golf Prishtina”. Kjo qendër ka dy fusha: një të mini-profi golfit që përbëhet nga 18 gropa dhe një të golfit profi “driving range” që është e gjatë plot 250 metra.

Fusha e mini-profi golfit është e njëjtë me atë të golfit profesionist, por me diametër 10 herë më të vogël. Fusha e mini-golfit ka 18 gropa dhe pista e secilës gropë është e ndryshme dhe secila është “kopjuar” nga ndonjë klub i minigolfit nëpër botë.

Kjo qendër sipas pronarëve të saj është e para në Kosovë dhe në rajon.

“Fusha të kualitetet të tillë nuk ka në rajon, ka fusha të mini-profi golfit, por janë me beton apo me tepison. Kjo është fushë moderne dhe është investuar shumë në të”, ka thënë bashkëpronari i kësaj qendre, Ahmet Kurtolli.

E gjithë kjo është ndërtuar nga mjeshtrit suedezë, ndërsa bari është nga Anglia.

Skaj shtigjeve të mini-profi golfit është ngritur edhe shtegu i gjatë 250 metra.

“Po ashtu është edhe fusha e golfit profi, ‘driving range’ që është e gjatë 250 metra. Fushë me gjatësi të tillë është e rrallë”, ka shtuar Kurtolli.

Kjo qendër, që ka kushtuar mbi gjysmë milioni euro, përmban dhe një restorant dhe shumë bukuri të tjera skaj shtigjeve.

Marrë nga: Koha.net

Pas problemeve financiare, UEFA përjashton Mallorca-n nga Liga e Evropes!

Spox — Fri, 23 Jul 2010 13:46:19 +0000

Edicionin e kaluar futbollistët e Mallorca-s patë kampionat të shkëlqyer në Primera dhe deri në fund të kampionatit luftuan për vendin e katërt që do t’i dërgonte në kualifikimet për Ligën e Kampionëve.

Në fund Sevilla zuri vendin e katërt, kurse Mallorca u deshtë të kënaqet me vendin e pestë, e cila ia mundësoi plasmanin në Ligën e Evropës. Por, informatat të cilat erdhën të enjten nga selia e UEFA-s, as në Ligën e Evropës nuk do të marrë pjesë.

Arsyeja është kolapsi financiar në të cilën gjendet kjo skuadër spanjolle dhe organet përgjegjëse të UEFA-s, të enjten është mbledhur në Nyon të Zvicrës dhe ka vendosur që ta përjashtoj Mallorca-n nga Liga e Evropës.

“Pas shqyrtimit të gjendjes në klubin e Mallorca-s është evidencuar se nuk i plotëson kriteret që duhet t’i plotësoj një skuadër pjesëmarrëse në kupat evropiane. Ky klub nuk i ka plotësuar kushtet për marrjen e licencës dhe për shkak krizës financiare nuk mund t’ia ja japin dritën e gjelbër për të luajtur në Evropë”, thuhet në deklaratë.

Mallorca me siguri do të ankohet në këtë vendim, dhe nëse ankesa refuzohet (po thuajse sigurt), do të thoshte se Villareal do ta zinte vendin e Mallorca-s në Ligën e Evropës.

Siç shkruajnë mediumet spanjolle, borxhi i Mallorca-s është mbi 80 milion euro.

A. D.

Liga e Evropes: Dihen çiftet e raundit te trete, Cana me Galatasarayn ne Beograd me OFK-n

Spox — Fri, 23 Jul 2010 12:33:45 +0000

Ka mbetur edhe një ndeshje të mbyllet dhe të dihen të gjitha ndeshjet e rrethit të dytë të Ligës së Evropës. Siç dihet tani më, dy skuadrat shqiptare, Tirana dhe Besa janë eliminuar. Kurse nuk mbeti edhe pa befasi ky raund ku duhet theksuar eliminimin e Staebekut norvegjez kundër Dneprit moldavez i cili më parë eliminoi edhe Laçin shqiptar. Pastaj, befasi bëri edhe skuadra irlandeze Shamrock e cila megjithatë është ekip më inferior se sa skuadra izraelite, Bnei Yehuda. Izraelitët viteve të fundit shkojnë mjaftë lartë në garat evropiane. Edhe skuadra uellsiane, po aq inferiore, Bangor City ka befasuar skuadrën finlandeze Honka. Po ashtu keq u befasua edhe skuadra kroate Cibalia u eliminua nga amatorët e Irlandës së Veriut, Cliftonville. Ndërsa Buduçnosti i Podgoricës ku luan edhe shqiptari nga Peja, Fatos Beqiraj, me gjithë humbjen kundër Bakit të Azerbajxhanit në ndeshjen e parë, rezultati u regjistrua 3:0 për malazezët dhe në ndeshjen e dytë u mjaftoi humbja e “sërishme” prej 1:2 që ta siguronin vizën për tutje.

Të gjitha rezultatet e raundit të dytë:

Mika (Armeni) – Rabotniçki Shkup (Maqedoni) 0:0 (0:1)

Teteks Tetovë (Maqedoni) – Ventspilis (Letoni) 3:1 (3:1)

Zhodino (Bjellorusi) – OFK Beograd (Serbi) 0:1 (2:3)

Dukla Banska Bystrica (Sllovaki) – Zestafoni (Gjeorgji) 1:0 (1:3)

Mogren Budvë (Mali i Zi) – Macabi Tel-Aviv (Izrael) 2:1 (2:3)

Spartak Suboticë (Serbi) – Differange (Luksemburg) 2:0 (5:3)

Qarabag (Azerbejxhan) – Portadown (Irlandë e Veriut) 1:1 (3:2)

TPS (Finlandë) – Cercle Bryzh (Belgjikë) 1:2 (2:2)

Dnepr Mogilev (Bjellorusi) – Stabaek (Norvegji) 1:1 (3:3)

Shiroki Brijeg (Bosnjë e Hercegovinë) – Austria Vjenë (Austri) 0:1 (2:3)

Jelgava (Letoni) – Molde (Norvegji) 2:1 (2:2)

Banik Ostrava (Çeki) – WIT Georgia (Gjeorgji) 0:0 (6:0)

Sillamae (Estoni) – Dinamo Minsk (Bjellorusi) 0:5 (1:10)

Karpaty Lviv (Ukrainë) – KR (Islandë) 3:2 (6:2)

Dacia (Moldavi) – Kalmar (Suedi) 0:2 (0:2)

Dinamo Tbilisi (Gjeorgji) – Gefle (Suedi) 2:1 (4:2)

Randers (Danimarkë) – Gorica (Slloveni) 1:1 (4:1)

Iskra (Moldavi) – Elfsborg (Suedi) 0:1 (1:3)

APOEL (Qipro) – Tauras (Lituani) 3:1 (6:1)

Tirana (Shqipëri) – Utrecht (Holandë) 1:1 (1:5)

Bnei Yehuda (Izrael) – Shamrock Rovers (Irlandë) 0:1 (1:2)

Dinamo Bukuresht (Rumani) – Olimpia Balti (Moldavi) 5:1 (7:1)

Shibenik (Kroaci) – Anorthosis (Qipro) 0:3 p.v.(2:3)

Wisla Krakovë (Poloni) – Shiauliai (Lituani) 5:0 (7:0)

Vaduz (Lihtenshajn) – Brondby Kopenhagë (Danimarkë) 0:0 (0:3)

Dundalk (Irlandë) – Levski Sofje (Bullgari) 0:2 (0:8)

Vingur (Ishujt Faroe) – Beshiktash Stamboll (Turqi) 0:4 (0:7)

Ruch Chorzow (Poloni) – Valletta (Maltë) 0:0 (1:1)

Rapid Vjenë (Austri) – Suduva (Lituani) 4:2 (6:2)

Maribor (Slloveni) – Videoton (Hungari) 2:0 (3:1)

Bangor City (Uells) – Honka (Finlandë) 2:1 (3:1)

Gyor (Hungari) – Atyrau (Kazakistan) 2:0 (5:0)

Tre Penne (San Marino) – Zrinjski Mostar (Bosnjë) 2:9 (3:13)

Olympiacos (Greqi) – Besa Kavajë (Shqipëri) 6:1 (11:1)

Borac Banja Llukë (Bosnjë) – Lousanne (Zvicër) 1:1 (1:2)

Sporting Fingal (Irlandë) – Maritimo (Portugali) 2:3 (4:6)

Cibalia Vinkovc (Irlandë) – Cliftonville (Irlandë e Veriut) 0:0 (0:1)

Buduçnost Podgoricë (Mal i Zi) – Baki (Azerbajxhan) 1:2 (4:2)

Breidablik (Islandë) – Motherwell (Skoci) 0:1 (0:2)

Sant Julia (Andorrë) – MYPA (Finlandë) – ndeshja është anulua, zhvillohet sot

*Në kllapa rezultati i përgjithshëm nga dy ndeshjet, me të zeza skuadra që shkon tutje

Fillojnë të mëdhenjtë, Juventus, Liverpool (në Shkup), ndërsa Cana në Beograd!

Pas përfundimit të dy raundeve të para kualifikuese të Ligës së Evropës, dihen edhe çiftet e raundit të tretë të kësaj gare evropiane. Garës tani i shtohen edhe disa skuadra të mëdha evropiane, si Liverpooli anglez dhe Juventusi italian. Liverpoolin do ta kemi shumë afër, pasi që me 29 korrik në stadiumin e qytetit në Shkup do të ndeshet me Rabotniçkin e Shkupit. Juventus do të takohet me skuadrën irlandeze Shamrock e cila ka rastin ta mbush stadiumin me shikues dhe të përfitojë nga shitja e biletave sepse të mendohet diçka më shumë do të jetë tejet iluzion i madh.

Kurse, kapitenin e përfaqësueses shqiptare, Lorik Cana do ta pret udhëtimi drejt kryeqytetit serb ku Gallatasarary i tij do të ndeshet me dikur rivalët e përbetuar të skuadrës së babait të tij Agim Canës, Prishtina, me atë të OFK Beograd. OFK Beograd hynë në mesin e skuadrës së tretë apo katërt serbe, njihet me stabilitet në skuadër e cila mbijeton nga talentet e shituara, ndërsa klubin e mbajnë figura të njohura të qytetit të Beogradit, i cili me gjithat s’ka popullaritet aq të madh sa dikur, por njihet si skuadër tipike qytetare e Beogradit. Prishtina ka një histori të tërë ndeshjes me këtë skuadër, sidomos në ish-Ligën e dytë federative të dikurshme. Kurse përballja me serb mesiguri se domosdo do ta motivoj akoma më shumë Canën i cili shquhet për ndenja patriotike.

Njëra ndër ndeshjet më problematike që pritet të zhvillohet do të jetë ajo ndërmjet ballkanasve, Dinamo Bukuresht – Hajduk Split. Të dyja skuadrat kanë tifozeri të zjarrta, dhe udhëtimi i ultrasve kroat “Torcida” drejt Bukureshtit pritet të jetë masiv dhe mesiguri nuk do të mungojnë pamjet e dhunshme rrugëve të kryeqytetit rumun.

Ndeshjet e para zhvillohen me 29 korrik, kurse ndeshjet kthyese me 5 gusht.

Në raundin e tretë takohen:

Odense (Danimarkë) – Zrinjski (Bosnjë)

Dnepr (Bjellorusi) – Banik (Çeki)

Maritimo (Portugali) – Bangor City (Uells)

Temishvar (Rumani) – MYPA (Finlandë)/Santa Julia (Andorrë)

Karpaty (Ukrainë) – Zestafoni (Gjeorgji)

Shamrock (Irlandë) – Juventus (Itali)

Elfsborg (Suedi) – Teteks (Maqedoni)

Nordsjaelland (Danimarkë) – Sporting (Portugali)

Maribor (Slloveni) – Hibernian (Skoci)

Crvena Zvezda (Serbi) – Slovan Bratislava (Sllovaki)

Inter Turku (Finlandë) – Genk (Belgjikë)

Ruch (Poloni) – Austria Vjenë (Austri)

Olympiacos (Greqi) – Macabi Tel-Aviv (Izrael)

Wisla Krakovë (Poloni) – Qarabag (Azerbajxhan)

Cercle Bryzh (Belgjikë) – Anorthosis (Qipro)

Buduçnost (Mali i Zi) – Brondby (Danimarkë)

Molde (Norvegji) – Stuttgart (Gjermani)

Macabi Haifa (Izrael) – Dinamo Minsk (Bjellorusi)

Utrecht (Holandë) – Luzern (Zvicër)

Sibir (Rusi) – Apollon (Qipro)

Randers (Danimarkë) – Lausanne (Zvicër)

Dinamo Bukuresht (Rumani) – Hajduk Split (Kroaci)

AZ Almar (Holandë) – Goteborg (Suedi)

Spartak (Serbi) – Dnipro (Ukrainë)

Gyor (Hungari) – Montpellier (Francë)

Aalesund (Norvegji) – Motherwell (Skoci)

Kalmar (Suedi) – Levski Sofje (Bullgari)

Galatasaray (Turqi) – OFK Beograd (Serbi)

Jagiellonia Bialystok (Poloni) – Aris (Greqi)

Rabotniçki (Maqedoni) – Liverpool (Angli)

APOEL (Qipro) – Jablonec (Çeki)

Beroe (Bullgari) – Rapid Vjenë (Austri)

Plzen (Çeki) – Beshiktash (Turqi)

Shturm (Austri) – Dinamo Tbilisi (Gjeorgji)

Në play-off apo në raundin e fundit këtyre skuadrave do ti bashkohen edhe skuadrat e eliminuara të raundit të fundit të Ligës së kampionëve sikurse edhe skuadrat tjera pjesëmarrëse të Ligës së Evropës si: AEK (Greqi), Aston Villa (Angli), Club Brugge (Belgjikë), CSKA (Rusi), Borussia Dortmund (Gjermani), Dundee United (Skoci), Feyenoord (Holandë), Grasshopper (Zvicër), Getafe (Spanjë), Bayer Leverkusen (Gjermani), Lille (Francë), Lokomotiv Moska (Rusi), Manchester City (Angli), Metalist (Ukrainë), Napoli (Itali), Palermo (Itali), Porto (Portugali), Paris SG (Francë), PSV (Holandë), Steaua (Rumani), Tavriya (Ukrainë), Trabzonspor (Turqi) dhe Vaslui (Rumani).

A. Durmishi

Liga e Evropes: Tirana me barazim eliminohet, Besa demolohet

Spox — Fri, 23 Jul 2010 10:10:20 +0000

Me dy ndeshjet e zhvilluara në kuadër të Ligës së Evropës, skuadrat shqiptare mbyllën garat që në raundin e dytë kualifikues.

Tirana edhe pse luajti baras në “Qemajl Stafa”, (1:1)u eliminua pas humbjes në ndeshjes e parë në Utreht (0:4). Kështu skuadra e Tiranës mbeti skuadra e vetme shqiptare që kaloi një raund, që shënoi dy gola dhe pësoi plot pesë gola.

Që në minutën e tretë holandezët ishin në epërsi me golin e shënuar nga Wolfswinkel. Tiranës nuk i mbeti tjetër dhe të luftoj për nderin e skuadrës dhe krejt çfarë ia dolën ishin ta barazonin rezultatin që në minutën e 11-të me autor Andi Lila i cili pas një krosimi të një topi shënoi gol me kokë. Pastaj më nuk ndryshoi gjë. Tirana me gjithë përpjekjet nuk ia doli të bëjë diçka më shumë, kurse holandezët ka komoditeti i fitores së ndeshjes së parë luanin të qetë dhe nuk e patën problem ta mbronin fitoren e lartë prej 4:0.

Liga e Evropës, raundi i dytë, ndeshja e dytë:

TIRANA – UTRECHT 1:1 (1:1) – ndeshja e parë 0:4

Rezultati i përgjithshëm 1:5

Golashënues: A. Lila 11’ – Van Wolfswinke 3’

Gjyqtarë: Radek Matejek, Wilczek, Chytil (Çeki)

Kartonë të verdhë: Karabeci

Tirana: Blendi Nallbani – Elvis Sina, Entonio Pashaj (69’ Migel Metani), Andi Lila (c), Sebino Plaku, Vilfor Hysa (63’ Enco Malindi), Erando Karabeci, Tefik Osmani, Pero Pejiç, Sabien Lilaj (Blerti Hajdari 83’), Julian Ahmataj.

Trajner: Sylejman Starova

Utrecht: Sinouh, Cornelisse, Nesu, van Wolfswinkel, Martens, Asare, Schut (c), Maguire, Lensky (79’ Nijholt), Mulenga (60’ Loval), Vostermans.

Trajner: Ton Du Chatinier

Statistikat:

Tirana – Utrecht

(2) Tentimet në portë (4)

(8) Faullet e shkaktuara (7)

(3) Kornerët (8)

Besa me një “0:0 në pjesën e parë dhe “7+” në të dytën…

Besa vazhdoi turpin e skuadrave shqiptare në kupat evropiane. Ajo me gjithë se rezistoi për 45 minutat e pjesës së parë me Olympiacosin vendas duke luajtur pa gola, në të dytën u demolua tërësisht duke u mposhtur edhe më thellë se në Tiranë duke pësuar 6:1, dhe gjithsejtë me 11:1 eliminohet nga Liga e Evropës. Është për tu çuditur se si pjesa e parë përfundon 0:0, ndërsa me fillimin e pjesës së dytë Besa pranon gol dhe s’vonon aspak dhe kavajasit barazojnë, por deri në fund pësojnë edhe pesë gola tjerë për ta përmbyllur turpin me humbje katastrofale 6:1 dhe të dyja sfidat 11:1. Kjo nuk ju ndodh as skuadrave më amatore të mikroshteteve që nuk kanë as liga të mirëfillta.

Liga e Evropës, raundi i dytë, ndeshja e dytë:

OLYMPIACOS – BESA 6:1 (0:0) – ndeshja e parë 5:0

Rezultati i përgjithshëm 11:1

Golashënues: Dudu 46’, 78’, Derbyshire 53’, Maresca 75’, 90’, Fetfatzidis 89’ – Lazarevski 48’

Gjyqtarë: Lee Probert, Child, Ledger (Angli)

Kartonët e verdhë: Osmani, Aliju, Poçi, Jakupi

Olympiacos: Pardo – Mellberg, Galitsios, Gonzales (46’ Mitroglou), Dudu (c), Diogo (46’ Derbyshire), Mirallas, Bravo, Holebas, Maresca.

Trajner: Ewald Lienen

Besa: Edvan Bakaj – Betim Aliju, Semir Haxhibulliç, Sokol Cikalleshi (85’ Bazjon Tragaj), Minas Osmani, Edin Ferizoviç, Artion Poçi (c), Marco dos Santos, Paulin Dhëmbi (72’ Ariel Shtini), Hakil Jakupi (76’ Erand Hoxha), Dimitrija Lazarevski.

Trajner: Shpëtim Duro

Statistikat:

Olympiacos – Besa

(15) Tentimet në portë (1)

(11) Faullet e shkaktuara (20)

(9) Kornerët (1)

Katër skuadra – 8 ndeshje: 7:27 gollaverazhi

Skuadrat shqiptare kanë pasur tetë ndeshje gjithsejtë në dy kupat evropiane. Prej tyre, tre skuadra kanë zhvilluar nga një raund gare me nga dy ndeshje dhe Tirana si e vetmja që kaluar një raund ka zhvilluar katër ndeshje, ndërsa llogaritë thuajse janë katastrofale. Nga tetë ndeshjet, skuadrat shqiptare kanë shënuar 2 fitore, 3 barazime dhe 5 humbje me gollaverazh trishtues prej 7:27.

Fitore të vetme kanë arritur Tirana në ndeshjen kthyese të fazës së parë në Hungari me ZTE pas lojës shtesë 0:1, dhe Dinamo në ndeshjen kthyese 1:0, por që nuk mjaftoi ta kalonte raundin.

Nga tre barazimet, Tirana ka arritur dy prej tyre, në ndeshjen e parë me ZTE 0:0 dhe tani me Utrecht po në shtëpi 1:1, kurse edhe Laçi në ndeshjen e parë kishte luajtur 1:1 edhe pse ishte afër fitores deri në minutën e tretë shtesë të takimit.

Kurse, nga 5 humbjes, secila është rekord në vete, prej asaj të Laçit me anonimusët e Dnepr Mogilev të Bjellorusisë 7:1, pastaj Besa në Pire 6:1 dhe në Tiranë 0:5 deri te humbja turpëruese e Tiranës në Holandë 4:0. E vetmja humbje e pamerituar dhe e rastësishme ishte ajo e Dinamos në Moldavi 3:1 të cilat gabime megjithatë për në gol nuk mundi të përmirësonte në Tiranë.

Të gjitha ndeshjet e skuadrave shqiptare në Evropë për vitin 2010:

“Liga e kampionëve – faza e dytë:

Sheriff Tirapol (Moldavi) – Dinamo 3:1

Dinamo – Sheriff 1:0

“Liga e Evropës”

Raundi i parë:

Laçi – Dnepr Mogilev (Bjellorusi) 1:1

Dnepr – Laçi 7:1

Raundi i dytë:

Besa – Olympiacos (Greqi) 0:5

Olympiacos – Besa 6:1

Raundi i parë:

Tirana – ZTE (Hungari) 0:0

ZTE – Tirana 0:1

Raundi i dytë:

Utrecht – Tirana 4:0

Tirana – Utrecht 1:1

A. Durmishi

KF Shkendija Tetove pret suksese ne Kampionat

Spox — Thu, 22 Jul 2010 16:49:28 +0000

“Bëhet fjalë për një grup mjaft të organizuar ku 3-4 lojtar janë më me përvojë, kurse të tjerët janë futbollist të rinj ku japin maksimumin në fushë. Kjo u dëshmua edhe në ndeshjet kontrolluese ku i zhvilluam në Austri ku shënuam 1 fitore, 2 barazime dhe vetëm 1 humbje”, pohoi Ardian Nuhiu, përforcimi i kësaj skuadre tetovar

Avdyl SALIHU/SHKUP

Ekipi i Shkëndijës pas përgatitjeve që zhvilloi në Austri, seancat stërvitore i ka vazhduar në Tetovë. Përforcimi më i ri i “kuqezinjve”, Ardian Nuhiu, u shpreh shumë i kënaqur nga loja që kanë treguar dhe organizimi që po mbizotëron në këtë klub. “Drejtuesit dhe bashkëlojtarët më kanë pritur shumë mirë në ekip. Bëhet fjalë për një grup mjaft të organizuar ku 3-4 lojtar janë më me përvojë, kurse të tjerët janë futbollist të rinj ku japin maksimumin në fushë. Kjo u dëshmua edhe në ndeshjet kontrolluese ku i zhvilluam në Austri ku shënuam 1 fitore, 2 barazime dhe vetëm 1 humbje”, pohoi mesfushori. Ai shton se sivjet ekipi i Shkëndijës synon të jetë në pjesën e lartë të tabelës. “Pas përforcimeve të bëra në afatin kalimtar dhe përgatitjeve intensive që jemi duke i zhvilluar, mendoj se ekipi ynë ka forcë që sivjet të gjendet në tre pozitat e larta në tabelë. Shpresoj se kjo do të arrihet me një lojë të organizuar dhe me luftë në teren”, tha Nuhiu. Ndryshe, Ardian Nuhiu me ekipin tetovar ka marrëveshje 1 vjeçare dhe sipas tij kjo mund të vazhdohet nëse dy palët pajtohen. “Ka gjasa të vazhdojmë nëse dy palët pajtohemi për kushtet e ofruara, por kjo varet edhe prej ofertave tjera që do të vijnë nga jashtë. Synimi im është së pari të transferohem jashtë vendit”, tha Ardian Nuhiu.