Kampionia shqiptare, Dinamo e Tiranës udhëton tek skuadra ruse e Sheriff Tirapol nga Moldavia, kurse skuadra shqiptare, kampione e Maqedonisë, Renova nga Xhepxhishti i Tetovës do të ndeshet me kampionen qipriote, Omonia.

Skuadra e Besës së Kavajës në kuadër të Ligës UEFA pret skuadrën e njohur greke, Olympiacos, kurse Tirana me hungarezët e ZTE dhe Laçi me bjellorusët e Dnepr.

Liga e Kampionëve

Skuadra e Dinamos nuk ishte bartëse para hedhjes së shortit dhe bënte pjesë vetëm në grupin e fundit të skuadrave para hedhjes së shortit. Ndërsa, skuadra moldave, që është skuadër ruse dhe garon me mjaftë sukses në kampionatin moldav, ndërsa vitin e kaluar ishte pjesëmarrëse e Ligës së UEFA, ishte bartëse e grupit të dytë.

Dinamovitët në ndeshjen e parë kualifikuese do ti udhëheq strategu argjentinas i cili ka disa tituj nëpër shtetet e Amerikës së Mesme (Meksikë), Luis Manues Blanco i cili do ta zëvendësoj strategun shqiptar, Shkëlqim Muça i cili me mjaftë sukses udhëhoqi skuadrën, por si duket presidenti i klubit “nëndetëse” i beson më shumë një trajneri të huaj.

Takimi i parë do të zhvillohet në Tirapul me  13 apo 14 korrik, ndërsa ndeshja e dytë një javë më vonë në stadiumin kombëtar “Qemajl Stafa” në Tiranë me 20/21 korrik

Edhe kampionia e Maqedonisë, skuadra shqiptare nga Xhepxhishti i Tetovës, Renova nuk do të ketë aspak përballje të lehtë me kampionët qipriot të Omonia-s të Nikozisë. Qipriotët do të jenë favorit absolut para takimit, ndërsa ndeshja kthyese në Tetovë do të jetë përparësi për tetovarët.

Liga UEFA – Besa Kavajë pret skuadrën e madhe greke të Olympiacos Pireu

Në kuadër të kualifikimeve të Ligës së UEFA-s, Shqipëria do të përfaqësohet me tre skuadra. Fituesen e Kupës së Shqipërisë, Besën e Kavajës e cila do të garoj nga raundi i dytë i garave, dhe nga raundi i parë Tirana dhe Laçi. Nga të tria skuadrat vetëm Tirana ishte bartëse.

Tirana do të ndeshet me skuadrën mjaftë të fort hungareze ZTE Zaelegerszegi. Ndeshja e parë do të zhvillohet në Tiranë. Kurse, skuadra e Laçit e cila për herë të parë në histori të klubit garon në Evropë, do të ketë përballje më të lehtë me skuadrën anonime të Bjellorusisë, Dnepr Mogilev. Këto dy skuadra shqiptare ndeshjet e para do ti zhvillojnë para shikuesve të vetë, ndërsa orari i zhvillimit do të jetë me 1 korrik, kurse me 8 korrik zhvillohen ndeshjet e dyta kthyese.

Skuadra më e ranguar shqiptare para hedhjes së shortit ishte fituesja e Kupës së Shqipërisë, Besa e Kavajës. Skuadra kavajase ishte e privilegjuar që të garoj nga raundi i dytë i garave, por nuk ishte skuadër bartëse dhe ishte ndër skuadrat më së pakti të ranguara.

Sidoqoftë, ishte skuadra e fundit që zgjodhi rivalin dhe atë kampionin e shumëfisht grek, Olympiacos Pieru. Ndeshjen e parë kavajasit do ta zhvillojnë para shikuesve vendas me 15 korrik, kurse një javë më vonë ndeshjen kthyese në Pire të Greqisë.

A. Durmishi