Home » Europa League, Futboll int., Lajm i fundit » Liga e Evropës: Josh takimi Shalke 04 – Atletik Bilbao

Liga e Evropës: Josh takimi Shalke 04 – Atletik Bilbao

liga e evropes shorti 300x168 Liga e Evropës: Josh takimi Shalke 04 – Atletik BilbaoDy përballje interesante gjermano-spanjolle do të shihen në rrethin çerekfinal të Ligës së Evropës, vendosi shorti i mbajtur ditën e premte, me një orë dallim nga ai i Ligës së kampionëve.

Rruga drejt finales që do të zhvillohet në stadiumin kombëtar të Bukureshtit, në Rumani, paraqitet e vështirë për gjermanët e Shalkes 04, që do të rivalizojnë Bilbaon e entuziasmuar nga kualifikimi me Mançester Junaitidin.

Sfida e dytë midis përfaqësuesve të Ligës spanjolle dhe asaj gjermane është ajo midis Hanoverit dhe Atletikos së Madridit. Ekipi i tretë spanjoll, Valencia, pasi mënjanoi holandezët e PSV –së, përballet me një tjetër ekip nga vendet e ulta, AZ Alkmarin.

Çerekfinalja e katërt është ajo midis Sportingut të Lisbonës dhe ekipit surprizë të tetëshes së të mbeturve në garë, Metalistit ukrainas.

Gjithashtu u përcaktua shorti i gysmëfinaleve, me fituesit e Atletiko-Hanover, që do luajnë me fituesen e Valencia-AZ dhe gjysmëfinalen e dytë që do të përcaktohet nga fituese e dy çifteve të tjera.

ÇEREKFINALJA

1. AZ Alkmar – Valencia

2. Shalke 04 – Atletik Bilbao

3. Sporting – Metalist Kharkiv

4. Atletiko – Hanover

GJYSMËFINALJA

Atletiko – Hanover/AZ Alkmar – Valencia

Shalke 04 – Atletik Bilbao/ Sporting – Metalist Kharkiv

FINALJA

Atletiko – Hanover/AZ Alkmar – Valencia/ Shalke 04 – Athletik Bilbao/ Sporting – Metalist Kharkiv