Ditët e Benitezit, si trajner i Liverpoolit, duket se janë të numëruara. Sipas raporteve të medieve, klubi i Premier Ligës angleze është i gatshëm që të paguaj kompensimin prej 4,4 milion euro për të shkarkuar spanjollin.

Kampioni rekordmen i Anglisë, Liverpool ka forcuar idenë për tu ndarë nga trajneri i tanishëm, Rafa Benitez. Mediet angleze kanë raportuar të enjten se klubi anglez është i gatshëm të paguaj për trajnerin spanjoll kompensimin prej 4,4 milion euro vetëm për ta shkarkuar, kur dihet se Benitez ka kontratë valide deri me 2014. Trajneri spanjoll i Liverpoolit, së fundi, ka qenë në negociata me dy skuadra italiane, Juventus dhe Inter. Trajneri 50 vjeçar ka theksuar disa herë se ai dëshiron që ta përmbushe kontratën te Liverpooli.

 E.Ejupi