Në derbin e javës së kampionatit spanjoll, Atletico Madrid sërish paraqitet me dy fytyra. Deri sa para dy jave, po në teren të vetë, mposhti Barcelonën, javën e kaluar befasisht u mposht në Almeria, kurse tani mposhti me rezultat të thellë Valencian (4:1). Skuadra e Valencian e para udhëhoqi, por vendasit shpejtë barazuan, kurse mysafirët që nga minuta e 29-të (Marchena) mbetën pa një lojtarë. Kurse tek rezultati 2:1, Valencia mbeti pa dy lojtarë (Miguel 83’) dhe tani më ndeshja u kthye në një rutinë të zakonshme për Atleticon. Kjo fitore madrilenëve u jep shpresë që të provojnë ta kapin një vend që qon në Ligën e Evropës.

Në ndeshjen tjetër të rëndësishme, Sevilla dhe Bilbao ndanë pikët me rezultat të bardhë (0:0). Sevilla që nga minuta e 53-të luajti me një lojtar më pak (Romaric). Baskët kishin raste më të mira shënimi, por takimi u mbyll me një pikë për secilën.

Fitore të rëndësishme këtë javë ka arritur Mallorca në Valladolid. Me këto tre pikë, Mallorca seriozisht pretendon që të kap vendin e katërt. Kurse, me këtë humbje Valladolid kthehet një hap mbrapa në rrugë drejt Ligës së dytë.

E diel:

Atletico Madrid – Valencia 4:1 (1:1) Forlan 31’ (pen), 86’, Aguero 79’, Jurado 90+3’ – Silva 21’

Sevilla – Athletic Bilbao 0:0

Valladolid – Mallorca 1:2 (0:0) Bueno 50’ – Gonzalez Ruben 69’, Julio Alvarez 83’

Villareal – Deportivo La Coruna 1:0 (1:0) Llorente 36’

Xerez – Espanyol 1:1 (0:1) Castenado Mario Bermejo 77’– Osvaldo 18’

Sporting Gijon – Osasuna 3:2 (1:1) Miguel 18’, Barral 71’, Diego Castro 81’ (pen) – Nokounam 39’ (pen), Vadocz 49’

Racing Santander – Almeria 0:2 (0:1) Soriano 29’, Crusat 67’

E shtunë:

Getafe – Zaragoza 0:2 (0:2) Suazo 2’, 20’

Tenerife – Real Madrid 1:5 (0:2) Ayoze 46’ – Higuain 29’, 42’, Kaka 48’, Ronaldo 80’(pen), Raul 90’

Barcelona – Malaga 2:1  (0:0) Pedro 69’, Messi 84’ – Valdo 81’

A. Durmishi