Dy fitoret e fundit kanë bërë që Shqipëria tani të jetë e 71 në ranglistën e FIFA-së. Në këtë radhitje, e para është Spanja, para Holandës e Brazilit. Gjermania është e katërta.

Rezultatet e ndeshjeve të Botërorit , si dhe ndeshjeve tjera ndërkombëtare kanë bërë që disa kombëtare të ndërrojnë pozitat e tyre në ranglistën e përgjithshme të Fifa-së, të bërë në muajin korrik. Spanja ,si kampion Bote, tashmë i prinë kësaj rangliste, para nën kampionit Holandës dhe Brazilit që tash është i treti.

Forma e mirë e treguar me rezultatet e arritura kanë bërë që Gjermania tani të jetë e katërta në radhitjen e Fifa-së dhe kështu ka përmirësuar plasmanin e saj për dy pozita.

Një përparim të madh në ketë ranglistë ka bërë kombëtarja e Uruguait, që tani gjendet menjëherë pas Argjentinës, në pozitën e gjashtë. Në top dhjetëshe ka hyrë edhe Kili, si i dhjeti, që do të thotë për te, një avancim për 8 vende.

Ndërsa rënie ka pësuar Italia, që tani pozicionohet e 11 si dhe Franca e 21 –ta.

Shqipëria për tetë vende më lartë

Kombëtarja e Shqipërisë ka bërë një përparim të dukshëm, për 8 vende në radhitjen e fundit të Fifa-së. Dy fitoret e fundit , ajo kundër Malit te Zi (0:1) në Podgoricë, dhe tjetra 1:0 kundër Andorës, në Tiranë, kanë bërë që kombëtarja Shqiptare tani të ngjitet për 8 vende më lartë në tabelë. Shqipëria klasifikohet e 71 me 455 pikë.

E.E.