| Ekspedita prej 10 bjeshkatarëve dhe shumë anëtarëve tjerë të shoqërive bjeshkatare të Kosovës u pranuan nga Ministri Z. Lutfi Haziri. Ministri ua dorëzoi bjeshkatarëve flamurin e Republikës Kosovës duke iu dëshiruar sukses që pas pushtimit të suksesshëm të Mont Blanc-ut vitin e kaluar, ta pushtojnë edhe kulmin e Afrikës Kilimanxharon në lartësi 5895m në Tanzani. Ministri shprehu gatishmërinë për përkrahje të projekteve të federatës së bjeshkatarëve në të ardhmen. Kryetari i Federatës Bjeshkatare Alpiniste të Kosovës Z.Ejup Maxhera njoftoi Ministrin për përgatitjet intensive që janë bërë në prag të ekspeditës Kilimanxharo 2010. Anëtarët e ekspeditës kanë kaluar kontrollimin mjekësor, vaksinimin dhe kanë siguruar të gjitha pajisjet e nevojshme sportive për të pushtuar kulmin e bardhë të Afrikës – Kilimanxharo.Kryetari theksoi se kjo ekspeditë është e gatshme dhe do ta pushtojë këtë maje dhe do të vendos flamurin e Kosovës, flamurin Kombëtar dhe atë të FBAK-ut.Sot, para shtëpisë së sportit në Prishtinë, Ibër Alaj, drejtor i Departamentit të Sportit të Kosovës dhe Besim Hasani, kryetar i Komitetit Olimpik të Kosovës, u takuan me bjeshaktarëte kosovës, para nisjes për në Kilimanxharo, duke uruar që ta pushtopjnë këtë maje të lartë dh eta ngrejnë Flamuretin e Kosovës në këto lartësi. Ekspeditën “Kilimanxharo 2010” e përbëjnë këta bjeshkatarë: · Sadik Shporta – Udhëheqës i ekspeditës · Mustafë Bekteshi Kryetari u falënderua për mbështetjen financiare të Ministrisë dhe të donatorëve të tjerë – kompania e sigurimeve “Dukagjini”, ndërrmarja ndërtimore “Redoni” dhe Gjeneral Investgrup – Prishtinë. G.Kosumi |
Comments are closed.