Në një lojë tejet cilësore, por edhe dramatike në Pallatin e sporteve Bill Klinton në Ferizaj, është zhvillua ndeshja kthyese e përfundimtareve-play off-it në volejboll për femra ndërmjet Kastriotit dhe Universitetit të Prishtinës. Fitore ka shënuar skuadra udhëtuese, Universiteti i Prishtinës me rezultat bindës 3:0. Kupën kaptenes së Universitetit të Prishtiëns, Suzana Reçica, ia dorëzoi Gani Ibrahimi, sekretar i Federatës së Volejbollit të Kosovës. Universitet i Prishtinës i prirë nga dyshja e trajnerëve, Bahri Gjinovci dhe Valon Nikçi, por edhe lojtaret si Suzana Reçica, Shemsije e Marigona Asllanaj, Flutura Berisha, Ganimete Gërbovci, Marija Trajkoska  etj, ia dolën që të kurorëzojnë këtë edicion me kurorë të dyfishtë, Kupën e Republikës së Kosovës dhe titullin e kampionit në Super Ligën e Kosovës.

 

Kastrioti Universiteti 0:3 (23:25,22:25,18:25)

 Pallati i sporteve Bill Klinton në Ferizaj. Shikues afro 300

Gjyqtarë: Faton Mustafa, Fadil Lumi, me ndihmësit , Drilon Bytyqi dhe Arben Bytyqi

Kastrioti: Jashari, Azemi, A.Ramadani, Ivanova, E.Ramadani, Sinani, Ibrahimi, Ramani,Sadiku.Trajner:A.Ibrahimi

 Universiteti: Recica, Sh.Asllanaj, Gerbovci, F.Azemi, Hasani, M.Asllanaj, Godanci, G.Azemi, M.Trajkoska,D.Asllanaj, Tara,  Kallaba.Trajner: B.Gjinovci

Gani KOSUMI